| ᠡᠷᠲᠡᠨ ᠤ ᠦᠶᠡ ᠳᠤ ᠬᠥᠮᠥᠨ ᠲᠥᠷᠥᠯᠬᠢᠲᠡᠨ ᠴᠠᠭ ᠤᠨ ᠬᠡᠮᠵᠢᠭᠦᠷ᠂ ᠤᠷᠳᠤ ᠶᠢᠨ ᠬᠡᠮᠵᠢᠭᠦᠷ᠂ ᠶᠡᠭᠡ ᠪᠠᠭᠠ ᠶᠢᠨ ᠬᠡᠮᠨᠡᠭᠦᠷ ᠵᠡᠷᠭᠡ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠢ | ᠡᠭᠦᠳᠴᠦ ᠭᠠᠷᠭᠠᠭᠠᠳᠤᠢ ᠪᠠᠶᠢᠭᠰᠠᠨ ᠦᠶᠡ ᠳᠤ ᠤᠬᠠᠭᠠᠨᠲᠤ ᠳᠡᠭᠡᠳᠦᠰ ᠮᠢᠨᠢ ᠪᠠᠶᠢᠭᠠᠯᠢ ᠣᠷᠴᠢᠨ ᠤ ᠬᠤᠪᠢᠷᠠᠯᠲᠠ᠂ ᠠᠮᠢᠳᠡᠡ ᠵᠢᠭᠦᠷᠲᠡᠨ ᠤ ᠲᠠᠭᠤ | ᠳᠦᠷᠰᠦ᠂ ᠪᠡᠶᠡ ᠶᠢᠨ ᠡᠷᠬᠡᠲᠡᠨ ᠁ ᠵᠡᠷᠭᠡ ᠶᠢ ᠨᠠᠷᠢᠨ ᠭᠢᠷᠠᠬᠠᠶᠢᠯᠠᠵᠤ ᠠᠰᠢᠭᠯᠠᠨ ᠴᠠᠭ ᠬᠤᠭᠤᠴᠠᠭᠠ᠂ ᠤᠷᠳᠤ ᠶᠢᠨ ᠬᠡᠮᠵᠢᠶᠡ᠂ ᠶᠡᠭᠡ ᠪᠠᠭᠠ ᠶᠢᠨ | ᠬᠡᠮᠵᠢᠶᠡ ᠵᠡᠷᠭᠡ ᠶᠢ ᠬᠡᠮᠵᠢᠶᠡᠯᠡᠨ ᠲᠣᠭᠲᠠᠭᠠᠳᠠᠭ ᠵᠠᠩ ᠦᠢᠯᠡ ᠶᠢ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠬᠦ ᠵᠠᠩ ᠦᠢᠯᠡ ᠨᠢ ᠲᠤᠬᠠᠢ ᠶᠢᠨ ᠦᠶᠡ | ᠳᠤ ᠬᠥᠮᠥᠰ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠳᠤ ᠶᠡᠭᠡ ᠲᠥᠬᠦᠮ ᠦᠵᠡᠭᠦᠯᠦᠭᠰᠡᠨ ᠢᠶᠠᠷ ᠥᠯᠤ ᠪᠠᠷᠠᠮ ᠮᠣᠩᠭᠤᠯ ᠬᠡᠯᠡᠨ ᠤ ᠦᠭᠡᠰ ᠤᠨ ᠰᠠᠩ ᠢ | ᠪᠠᠶᠠᠯᠢᠭᠵᠢᠭᠤᠯᠵᠤ᠂ ᠣᠳᠣᠬᠠᠨ ᠳᠤ ᠬᠥᠷᠳᠡᠯᠠ ᠤᠯᠠᠮᠵᠢᠯᠠᠭᠳᠠᠨ ᠬᠡᠷᠡᠭᠯᠡᠭᠳᠡᠭᠰᠡᠭᠡᠷ ᠪᠠᠶᠢᠨᠠ᠃ | ᠨᠢᠭᠡ᠂ ᠪᠡᠶᠡ ᠶᠢᠨ ᠡᠷᠬᠡᠲᠡᠨ ᠢᠶᠠᠷ ᠢᠶᠠᠨ ᠬᠡᠮᠵᠢᠶᠡᠯᠡᠬᠦ ᠬᠡᠮᠨᠡᠭᠦᠷ ᠦᠭᠡᠰ᠄ 1᠂ ᠠᠯᠳᠠ᠄ ᠲᠣᠮᠣᠴᠤᠤᠯ ᠤᠨ ᠪᠠᠷᠠᠭᠤᠨ ᠭᠠᠷ ᠤᠨ ᠳᠤᠮᠳᠠ ᠬᠤᠷᠤᠭᠤᠨ ᠤ | ᠦᠵᠦᠭᠦᠷ ᠠᠴᠠ ᠵᠡᠭᠦᠨ ᠭᠠᠷ ᠤᠨ ᠳᠤᠮᠳᠠ ᠬᠤᠷᠤᠭᠤᠨ ᠤ ᠦᠵᠦᠭᠦᠷ ᠬᠥᠷᠳᠡᠯᠠ ᠳᠡᠯᠡᠭᠰᠡᠨ ᠵᠠᠢ ᠶᠢ ᠠᠯᠳᠠ ᠭᠡᠨᠡ᠃ ᠨᠢᠭᠡ ᠠᠯᠳᠠ ᠨᠢ ᠪᠠᠷᠤᠭ 5 | ᠲᠣᠬᠤᠢ ᠣᠷᠴᠢᠮ ᠪᠠᠶᠢᠳᠠᠭ᠃ 2᠂ ᠲᠠᠯᠢᠮ᠄ ᠲᠣᠮᠣᠴᠤᠤᠯ ᠤᠨ ᠪᠡᠶᠡ ᠶᠢᠨ ᠭᠤᠣᠯ ᠳᠤᠮᠳᠠ ᠠᠴᠠ ᠨᠢᠭᠡ ᠭᠠᠷ ᠤᠨ ᠳᠤᠮᠳᠠ ᠬᠤᠷᠤᠭᠤᠨ ᠤ ᠦᠵᠦᠭᠦᠷ | ᠬᠦᠷᠬᠦ ᠵᠠᠢ ᠶᠢ ᠳᠠᠯᠢᠮ ᠭᠡᠨᠡ᠃ ᠬᠠᠭᠠᠰ ᠠᠯᠳᠠ ᠲᠠᠢ ᠲᠡᠩᠴᠡᠳᠡᠭ᠃ 3᠂ ᠲᠣᠬᠤᠢ᠄ ᠲᠣᠮᠣᠴᠤᠤᠯ ᠤᠨ ᠲᠣᠬᠤᠢ ᠶᠢᠨ ᠦᠵᠦᠭᠦᠷ ᠠᠴᠠ ᠨᠢᠳᠤᠷᠭᠠᠨ ᠤ | ᠦᠵᠦᠭᠦᠷ ᠬᠦᠷᠬᠦ ᠵᠠᠢ ᠶᠢ ᠲᠣᠬᠤᠢ ᠭᠡᠨᠡ᠃ 4᠂ ᠲᠥᠭᠡ᠄ ᠭᠠᠷ ᠤᠨ ᠳᠤᠮᠳᠠ ᠬᠤᠷᠤᠭᠤ ᠪᠣᠯᠣᠨ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠳᠡᠯᠡᠭᠰᠡᠨ ᠵᠠᠢ ᠶᠢ ᠲᠥᠭᠡ ᠭᠡᠨᠡ᠃ | 5᠂ ᠰᠥᠭᠦᠮ᠄ ᠭᠠᠷ ᠤᠨ ᠬᠤᠮᠣᠬᠠᠢ ᠬᠤᠷᠤᠭᠤ ᠪᠣᠯᠣᠨ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠳᠡᠯᠡᠭᠰᠡᠨ ᠵᠠᠢ ᠶᠢ ᠰᠥᠭᠦᠮ ᠭᠡᠨᠡ᠃ 6᠂ ᠮᠤᠬᠤᠷ ᠰᠥᠭᠦᠮ᠄ ᠭᠠᠷ ᠤᠨ | ᠬᠤᠮᠣᠬᠠᠢ ᠬᠤᠷᠤᠭᠤᠨ ᠤ ᠳᠤᠮᠳᠠ ᠦᠶᠡ ᠪᠣᠯᠣᠨ ᠡᠷᠡᠬᠡᠢ ᠬᠤᠷᠤᠭᠤᠨ ᠤ ᠳᠡᠯᠡᠭᠰᠡᠨ ᠵᠠᠢ ᠶᠢ ᠮᠤᠬᠤᠷ ᠰᠥᠭᠦᠮ ᠭᠡᠨᠡ᠃ 7᠂ ᠢᠮᠠᠬᠤ᠄ ᠭᠠᠷ ᠤᠨ ᠳᠤᠮᠳᠠ | ᠬᠤᠷᠤᠭᠤᠨ ᠤ ᠳᠤᠮᠳᠠ ᠦᠶᠡ ᠶᠢᠨ ᠤᠷᠲᠤ ᠶᠢ ᠢᠮᠠᠬᠤ ᠭᠡᠨᠡ᠃ 8᠂ ᠴᠢᠮᠬᠢ᠄ ᠡᠷᠡᠬᠡᠢ ᠬᠤᠷᠤᠭᠤ ᠪᠣᠯᠣᠨ ᠬᠤᠮᠣᠬᠠᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠴᠢᠮᠬᠢᠵᠦ | ᠠᠪᠤᠭᠰᠠᠨ ᠢ ᠴᠢᠮᠬᠢ ᠭᠡᠨᠡ᠃ ᠨᠢᠭᠡ ᠴᠢᠮᠬᠢ ᠭᠤᠯᠢᠷ᠂ ᠨᠢᠭᠡ ᠴᠢᠮᠬᠢ ᠠᠮᠤ ᠭᠡᠬᠦ ᠮᠡᠲᠦ᠃ 9᠂ ᠠᠳᠬᠤ᠄ ᠨᠢᠭᠡ ᠭᠠᠷ ᠢᠶᠠᠷ ᠢᠶᠠᠨ ᠤᠳᠬᠤᠵᠤ ᠠᠪᠤᠭᠰᠠᠨ ᠢ | ᠠᠳᠬᠤ ᠭᠡᠨᠡ᠃ ᠨᠢᠭᠡ ᠠᠳᠬᠤ ᠪᠤᠳᠠᠭᠠ᠂ ᠨᠢᠭᠡ ᠠᠳᠬᠤ ᠭᠤᠯᠢᠷ ᠭᠡᠬᠦ ᠮᠡᠲᠦ᠃ 10᠂ ᠪᠢᠲᠡᠭᠦᠦ᠄ ᠬᠤᠶᠠᠷ ᠭᠠᠷ ᠢᠶᠠᠨ ᠨᠡᠶᠢᠯᠡᠭᠦᠯᠵᠦ ᠪᠠᠶᠢᠭᠠᠳ | ᠤᠳᠬᠤᠵᠤ ᠠᠪᠤᠭᠰᠠᠨ ᠢ ᠨᠢᠭᠡ ᠪᠢᠲᠡᠭᠦᠦ ᠭᠡᠨᠡ᠃ ᠨᠢᠭᠡ ᠪᠢᠲᠡᠭᠦᠦ ᠠᠮᠤ ᠭᠡᠬᠦ ᠮᠡᠲᠦ᠃ 11᠂ ᠲᠡᠪᠡᠷᠢ᠄ ᠬᠤᠶᠠᠷ ᠭᠠᠷ ᠢᠶᠠᠷ ᠢᠶᠠᠨ ᠲᠡᠪᠡᠷᠢᠵᠦ ᠠᠪᠤᠭᠰᠠᠨ ᠢ | ᠲᠡᠪᠡᠷᠢ ᠭᠡᠨᠡ᠃ ᠨᠢᠭᠡ ᠲᠡᠪᠡᠷᠢ ᠲᠦᠯᠡᠭᠡ᠂ ᠲᠡᠪᠡᠷᠢ ᠪᠦᠳᠦᠭᠦᠨ ᠮᠣᠳᠣ ᠭᠡᠬᠦ ᠮᠡᠲᠦ᠃ 12᠂ ᠨᠢᠭᠡ ᠡᠮᠬᠦ᠂ ᠨᠢᠭᠡ ᠣᠭᠤᠴᠢ᠄ ᠠᠮᠠ ᠳᠦᠭᠦᠷᠲᠡᠯᠡ ᠡᠮᠬᠦᠭᠰᠡᠨ | ᠪᠤᠶᠤ ᠣᠭᠤᠴᠢᠭᠰᠠᠨ ᠢ ᠨᠢᠭᠡ ᠡᠮᠬᠦ ᠪᠤᠶᠤ ᠨᠢᠭᠡ ᠣᠭᠤᠴᠢ ᠭᠡᠨᠡ᠃ ᠨᠢᠭᠡ ᠡᠮᠬᠦ ᠪᠤᠳᠠᠭᠠ᠂ ᠨᠢᠭᠡ ᠣᠭᠤᠴᠢ ᠤᠰᠤ ᠭᠡᠬᠦ ᠮᠡᠲᠦ᠃ 13᠂ ᠠᠯᠠᠭᠠᠨ ᠬᠢᠷᠢ᠂ | ᠨᠢᠳᠦᠨ ᠴᠢᠨᠡᠭᠡᠨ᠄ ᠲᠤᠩ ᠵᠢᠭᠠᠬᠠᠨ ᠶᠠᠭᠤᠮᠠ ᠶᠢ ᠬᠡᠯᠡᠨᠡ᠃ ᠠᠯᠠᠭᠠᠨ ᠬᠢᠷᠢ ᠭᠠᠵᠠᠷ᠂ ᠨᠢᠳᠦᠨ ᠴᠢᠨᠡᠭᠡᠨ ᠠᠶᠠᠭᠠ ᠭᠡᠬᠦ ᠮᠡᠲᠦ᠃ | ᠬᠤᠶᠠᠷ᠂ ᠪᠠᠶᠢᠭᠠᠯᠢ ᠶᠢᠨ ᠬᠤᠪᠢᠷᠠᠯᠲᠠ᠂ ᠠᠮᠢᠳᠠᠠ ᠤ ᠲᠠᠭᠤ ᠳᠦᠷᠰᠦ ᠪᠠᠷ ᠬᠡᠮᠵᠢᠶᠡᠯᠡᠭᠰᠡᠨ ᠬᠡᠮᠨᠡᠭᠦᠷ ᠦᠭᠡᠰ᠄ 1᠂ ᠴᠠᠭ ᠤᠨ ᠬᠡᠮᠨᠡᠭᠦᠷ ᠦᠭᠡ᠄ | ᠲᠠᠬᠢᠶᠠ ᠲᠥᠷᠤᠬᠦᠤ ᠳᠤᠤᠭᠠᠷᠬᠤ ᠦᠶᠡ᠂ ᠴᠣᠯᠮᠣᠨ ᠭᠠᠷᠬᠤ ᠦᠶᠡ᠂ ᠦᠦᠷ ᠤᠨ ᠭᠡᠭᠡ ᠰᠤᠪᠤᠷᠠᠬᠤ ᠦᠶᠡ᠂ ᠠᠯᠠᠭᠠᠨ ᠵᠢᠷᠤᠭᠠᠰᠤ ᠬᠠᠷᠠᠭᠳᠠᠬᠤ ᠦᠶᠡ᠂ | ᠰᠢᠷᠠ ᠪᠦᠷᠦᠢ᠂ ᠬᠠᠷᠠ ᠪᠦᠷᠦᠢ᠂ ᠦᠳᠡ ᠬᠡᠯᠪᠡᠶᠢᠬᠦ ᠦᠶᠡ᠂ ᠨᠠᠷᠠ ᠠᠯᠳᠠ ᠳᠡᠭᠡᠷᠡ ᠮᠠᠨᠳᠤᠬᠤ ᠭᠡᠬᠦ ᠮᠡᠲᠦ᠃ 2᠂ ᠴᠠᠭ ᠤᠯᠠᠷᠢᠯ ᠤᠨ ᠬᠡᠮᠨᠡᠭᠦᠷ ᠦᠭᠡ᠄ | ᠭᠠᠵᠠᠷ ᠡᠬᠢᠯᠡᠵᠦ ᠭᠡᠰᠬᠦ ᠳᠤ᠂ ᠬᠠᠭᠳᠠ ᠬᠥᠬᠡᠷᠡᠬᠦ ᠳᠤ᠂ ᠠᠬᠢ ᠨᠢᠳᠦᠯᠡᠬᠦ ᠳᠤ᠂ ᠢᠮᠠᠭᠠ ᠰᠠᠮᠨᠠᠬᠤ ᠦᠶᠡ᠂ ᠭᠠᠵᠠᠷ ᠬᠥᠯᠳᠡᠬᠦ ᠦᠶᠡ ᠭᠡᠬᠦ ᠮᠡᠲᠦ᠃ 3᠂ | ᠥᠨᠳᠥᠷ ᠪᠣᠭᠤᠨᠢ ᠭᠦᠨ ᠭᠦᠢᠬᠡᠨ ᠤ ᠬᠡᠮᠨᠡᠭᠦᠷ ᠦᠭᠡ᠄ ᠡᠪᠦᠳᠦᠭ ᠲᠤᠯᠤᠮᠠ ᠭᠦᠨ᠂ ᠲᠥᠷᠤᠭᠡ ᠰᠢᠭᠦᠷᠡᠮᠡ ᠥᠨᠳᠥᠷ᠂ ᠮᠣᠷᠢᠨ ᠨᠢᠷᠤᠭᠤ ᠳᠠᠪᠠᠮᠠ ᠥᠨᠳᠥᠷ᠂ | ᠪᠦᠰᠡᠯᠡᠭᠦᠷ ᠲᠤᠯᠤᠮᠠ ᠤᠰᠤ ᠭᠡᠬᠦ ᠮᠡᠲᠦ᠃ |