| ᠮᠤᠩᠭᠤᠯᠴᠤᠳ ᠬᠡᠭᠡᠷᠡ ᠶᠢᠨ ᠤᠷᠭᠤᠮᠠᠯ ᠵᠢᠮᠢᠰ ᠪᠤᠶᠤ ᠲᠠᠷᠢᠮᠠᠯ ᠤᠷᠭᠤᠮᠠᠯ ᠵᠢᠮᠢᠰ ᠢ ᠶᠡᠷᠤᠩᠭᠡᠶᠢᠯᠡᠨ ᠬᠦᠭᠡ ᠢᠳᠡᠭᠡᠨ ᠭᠡᠵᠤ ᠨᠡᠷᠡᠯᠡᠳᠡᠭ᠃ | 1᠂ ᠨᠤᠭᠤᠭᠠᠨ ᠤ ᠵᠦᠢᠯ | ᠮᠤᠩᠭᠤᠯᠴᠤᠳ ᠤᠨ ᠢᠳᠡᠳᠡᠭ ᠭᠡᠭᠡᠷᠡ ᠶᠢᠨ ᠨᠤᠭᠤᠭᠠ ᠶᠢᠨ ᠵᠦᠢᠯᠡᠰ ᠲᠤ ᠬᠦᠮᠡᠯᠢ᠂ ᠭᠤᠭᠤᠳ᠂ ᠮᠠᠩᠬᠢᠷ᠂ ᠲᠠᠭᠠᠨᠠ᠂ ᠬᠠᠯᠠᠭᠠᠢ᠂ ᠯᠤᠤᠯᠢ᠂ | ᠰᠢᠷᠠ ᠬᠤᠸᠠᠷ᠂ ᠴᠠᠭᠠᠨ ᠮᠦᠬᠦ᠂ ᠤᠯᠠᠭᠠᠨ ᠮᠦᠬᠦ᠂ ᠬᠠᠷᠡ ᠮᠦᠬᠦ ᠵᠡᠷᠭᠡ ᠪᠠᠶᠢᠳᠠᠭ᠃ ᠰᠡᠬᠦᠯ ᠤᠨ ᠦᠶᠡ ᠳᠤ ᠲᠠᠷᠢᠮᠠᠯ ᠨᠤᠭᠤᠭᠠ ᠶᠢ ᠬᠤᠭᠤᠯᠠ | ᠤᠮᠳᠠᠭᠠᠨ ᠤ ᠠᠰᠢᠭᠯᠠᠬᠤ ᠳᠤ ᠪᠠᠨ ᠭᠤᠤᠯᠳᠠᠭᠤ ᠴᠠᠭᠠᠨ ᠨᠤᠭᠤᠭᠠ᠂ ᠪᠦᠭᠡᠷᠡᠩᠭᠡᠢ ᠴᠠᠭᠠᠨ ᠨᠤᠭᠤᠭᠠ᠂ ᠰᠢᠷᠡ ᠯᠤᠤᠪᠠᠩ᠂ ᠴᠠᠭᠠᠨ ᠯᠤᠤᠪᠠᠩ᠂ ᠮᠠᠨᠵᠢᠨ᠂ | ᠲᠦᠮᠤᠰᠤ᠂ ᠪᠤᠷᠴᠠᠭ᠂ ᠰᠤᠩᠬᠢᠨᠠ᠂ ᠰᠠᠷᠢᠮᠰᠠᠭ᠂ ᠤᠷᠤᠰ ᠰᠤᠩᠬᠢᠨᠠ᠂ ᠰᠤᠷᠢᠰᠤ᠂ ᠭᠤᠭᠤᠳ᠂ ᠭᠤᠸᠠ᠂ ᠬᠠᠰᠢ ᠵᠡᠷᠭᠡ ᠶᠢ ᠦᠷᠭᠡᠨ ᠢᠶᠠᠷ | ᠠᠰᠢᠭᠯᠠᠬᠤ ᠪᠤᠯᠵᠠᠢ᠃ ᠭᠡᠭᠡᠷᠡ ᠶᠢᠨ ᠤᠷᠭᠤᠮᠠᠯ ᠠᠴᠠ ᠬᠦᠮᠡᠯᠢ᠂ ᠭᠤᠭᠤᠳ᠂ ᠮᠠᠩᠬᠢᠷ᠂ ᠲᠠᠭᠠᠨᠠ᠂ ᠲᠤᠭᠳᠠᠭᠤᠯ ᠵᠡᠷᠭᠡ ᠶᠢ ᠲᠡᠬᠦᠵᠤ᠂ ᠮᠢᠬᠠ ᠲᠠᠢ | ᠬᠤᠯᠢᠭᠠᠳ ᠪᠠᠩᠰᠢ᠂ ᠪᠤᠤᠰᠠ᠂ ᠬᠤᠤᠱᠤᠤᠷ ᠬᠢᠵᠤ ᠢᠳᠡᠬᠦ᠂ ᠮᠠᠯ ᠤᠨ ᠭᠡᠳᠡᠰᠤ ᠴᠢᠳᠬᠤᠬᠤ ᠪᠠ ᠬᠤᠳᠤᠭᠤᠳᠤ᠂ ᠤᠯᠤᠭᠠᠢ ᠪᠤᠷᠳᠤᠬᠤ ᠳᠤ ᠠᠮᠳᠠ | ᠤᠷᠤᠭᠤᠯᠬᠤ ᠵᠢᠴᠢ ᠵᠤᠨ᠂ ᠨᠠᠮᠤᠷ ᠲᠤ ᠪᠠᠨ ᠲᠠᠪᠤᠰᠤᠯᠠᠬᠤ ᠪᠤᠶᠤ ᠠᠶᠢᠷᠠᠭ᠂ ᠰᠢᠷᠠ ᠤᠰᠤᠨ ᠳᠤ ᠲᠠᠷᠤᠰᠢᠭᠤᠯᠤᠭᠠᠳ ᠵᠠᠭᠤᠰᠢ ᠬᠤᠯᠢᠰᠢᠨ ᠳᠤ ᠢᠳᠡᠳᠡᠭ | ᠃ ᠭᠤᠭᠤᠳ ᠤᠨ ᠴᠡᠴᠡᠭ ᠢ ᠰᠤᠷᠢᠰᠤ ᠭᠡᠵᠤ᠂ ᠲᠠᠪᠤᠰᠤ ᠲᠠᠢ ᠬᠤᠯᠢᠵᠤ ᠨᠦᠳᠤᠭᠡᠳ ᠭᠡᠳᠡᠰᠤ ᠴᠢᠳᠬᠤᠬᠤ ᠪᠠ ᠬᠤᠳᠤᠭᠤᠳᠤ᠂ ᠤᠯᠤᠭᠠᠢ ᠪᠤᠷᠳᠤᠬᠤ ᠳᠤ | ᠠᠮᠳᠠ ᠤᠷᠤᠭᠤᠯᠬᠤ᠂ ᠬᠤᠭᠤᠯᠠᠨ ᠢᠳᠡᠭᠡᠨ ᠳᠤ ᠵᠠᠭᠤᠰᠢ ᠪᠤᠯᠭᠠᠳᠠᠭ᠃ ᠬᠠᠯᠠᠭᠠᠢ᠂ ᠯᠤᠤᠯᠢ ᠶᠢ ᠲᠡᠬᠦᠵᠤ᠂ ᠪᠠᠩᠰᠢ᠂ ᠪᠤᠤᠰᠠ ᠬᠢᠬᠦ᠂ ᠭᠤᠯᠢᠷ ᠲᠠᠢ | ᠬᠤᠭᠤᠯᠠᠨ ᠳᠤ ᠵᠠᠭᠤᠰᠢ ᠪᠤᠯᠭᠠᠨ ᠢᠳᠡᠳᠡᠭ᠃ ᠬᠠᠯᠠᠭᠠᠢ᠂ ᠯᠤᠤᠯᠢ ᠤᠦᠯᠢᠶᠡᠨ ᠴᠢᠨᠠᠷ ᠲᠠᠢ᠂ ᠬᠤᠳᠤᠭᠤᠳᠤᠨ ᠤ ᠰᠢᠩᠭᠡᠭᠡᠯᠳᠡ ᠶᠢ ᠰᠠᠶᠢᠵᠢᠷᠠᠭᠤᠯᠬᠤ᠂ | ᠪᠠᠮ ᠬᠠᠪᠤᠳᠠᠷ ᠢ ᠵᠠᠰᠠᠬᠤ ᠳᠤ ᠲᠤᠰᠠ ᠲᠠᠢ ᠪᠠᠶᠢᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠲᠡᠭᠰᠢ ᠲᠤᠤᠭᠠᠷᠬᠤ ᠠᠴᠠ ᠡᠮᠦᠨᠡ ᠢᠳᠡᠪᠡᠯ ᠪᠡᠶᠡ ᠬᠠᠪᠤᠳᠤᠨᠠ ᠭᠡᠵᠤ | ᠴᠡᠭᠡᠷᠯᠡᠳᠡᠭ᠃ ᠰᠢᠷᠡ ᠬᠤᠸᠠᠷ ᠢ ᠰᠠᠶ᠋ᠢ ᠲᠡᠯᠭᠡᠷᠡᠬᠦ ᠦᠶᠡ ᠪᠠᠷ ᠲᠡᠬᠦᠵᠤ᠂ ᠱᠦᠯᠦ ᠬᠤᠭᠤᠯᠠᠨ ᠳᠤ ᠬᠢᠬᠦ ᠪᠤᠶᠤ ᠬᠠᠭᠤᠷᠴᠤ ᠢᠳᠡᠬᠦ᠂ ᠵᠢᠩᠨᠡᠵᠤ | ᠪᠤᠯᠭᠤᠭᠠᠳ ᠬᠠᠳᠠᠭᠠᠵᠤ᠂ ᠡᠪᠤᠯ᠂ ᠬᠠᠪᠤᠷ ᠲᠤ ᠪᠠᠨ ᠢᠳᠡᠳᠡᠭ᠃ ᠴᠠᠭᠠᠨ ᠮᠦᠬᠦ᠂ ᠤᠯᠠᠭᠠᠨ ᠮᠦᠬᠦ᠂ ᠮᠤᠳᠤᠨ ᠮᠦᠬᠦ ᠪᠠᠷ ᠱᠦᠯᠤ ᠭᠠᠷᠭᠠᠬᠤ᠂ | ᠬᠠᠭᠤᠷᠴᠤ ᠢᠳᠡᠬᠦ᠂ ᠳᠠᠪᠤᠰᠤᠯᠠᠵᠤ ᠢᠳᠡᠬᠦ ᠪᠠ ᠬᠠᠳᠠᠭᠠᠵᠤ ᠬᠠᠳᠠᠭᠠᠯᠠᠭᠠᠳ ᠡᠪᠤᠯ᠂ ᠬᠠᠪᠤᠷ ᠢᠳᠡᠳᠡᠭ᠃ | 2᠂ ᠵᠢᠮᠢᠰ ᠤᠨ ᠵᠦᠢᠯ | ᠮᠤᠩᠭᠤᠯᠴᠤᠳ ᠤᠨ ᠢᠳᠡᠳᠡᠭ ᠭᠡᠭᠡᠷᠡ ᠶᠢᠨ ᠵᠢᠮᠢᠰ ᠤᠨ ᠵᠦᠢᠯᠡᠰ ᠲᠤ ᠦᠷᠢᠯ᠂ ᠮᠦᠢᠯ᠂ ᠬᠦᠢᠯᠡᠰᠤ᠂ ᠲᠤᠯᠤᠨᠤ᠂ ᠤᠯᠠᠭᠠᠨᠠ᠂ ᠵᠤᠭᠠ ᠵᠡᠷᠭᠡ | ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠵᠢᠮᠢᠰ ᠢ ᠲᠡᠬᠦᠵᠤ ᠰᠢᠨᠡ ᠲᠡᠭᠡᠷᠡ ᠨᠢ ᠢᠳᠡᠬᠦ ᠠᠴᠠ ᠭᠠᠳᠠᠨᠠ᠂ ᠬᠠᠳᠠᠭᠠᠵᠤ ᠬᠠᠳᠠᠭᠠᠯᠠᠬᠤ ᠪᠠ ᠴᠢᠭᠠᠰᠢᠳᠠ ᠪᠤᠯᠪᠠᠰᠤᠷᠠᠭᠤᠯᠤᠨ | ᠢᠳᠡᠳᠡᠭ᠃ ᠨᠠᠮᠤᠷ ᠬᠦᠢᠯᠡᠰᠤ ᠪᠤᠯᠪᠠᠰᠤᠷᠠᠭᠰᠠᠨ ᠤ ᠲᠠᠷᠠᠭᠠ᠂ ᠦᠷᠡ ᠶᠢ ᠨᠢ ᠲᠡᠬᠦᠵᠤ ᠭᠡᠮᠭᠡᠴᠢᠭᠡᠳ ᠲᠤᠰᠤ ᠰᠢᠷᠭᠠᠭᠠᠵᠤ ᠠᠪᠳᠠᠭ᠃ ᠬᠠᠪᠤᠷ ᠲᠤ ᠪᠠᠨ | ᠬᠠᠶᠢᠯᠠᠰᠤᠨ ᠮᠤᠳᠤᠨ ᠤ ᠵᠤᠭᠠ ᠶᠢ ᠲᠡᠬᠦᠵᠤ ᠠᠪᠤᠭᠠᠳ᠂ ᠭᠤᠯᠢᠷ ᠲᠠᠢ ᠬᠤᠭᠤᠯᠠᠨ ᠳᠤ ᠵᠠᠭᠤᠰᠢ ᠪᠤᠯᠭᠠᠬᠤ᠂ ᠭᠤᠯᠢᠷ ᠲᠠᠢ ᠬᠤᠯᠢᠵᠤ ᠪᠤᠭᠤᠷᠰᠤᠭ | ᠬᠠᠭᠠᠷᠢᠵᠤ ᠢᠳᠡᠳᠡᠭ ᠪᠠ ᠬᠠᠳᠠᠭᠠᠵᠤ ᠲᠠᠯᠠᠭᠳᠠᠭᠠᠳ᠂ ᠰᠠᠭᠠᠭ᠂ ᠶᠤᠤᠮᠠᠢ ᠶᠢᠨ ᠭᠤᠯᠢᠷ ᠲᠠᠢ ᠬᠤᠯᠢᠵᠤ ᠢᠳᠡᠳᠡᠭ᠃ ᠰᠡᠬᠦᠯ ᠤᠨ ᠦᠶᠡ ᠳᠤ ᠲᠠᠷᠢᠮᠠᠯ | ᠵᠢᠮᠢᠰ ᠠᠴᠠ ᠲᠠᠷᠪᠤᠰ᠂ ᠠᠮᠳᠠᠳᠤ ᠭᠡᠮᠭᠡ᠂ ᠦᠷᠭᠡᠰᠤᠳᠤ ᠭᠡᠮᠭᠡ᠂ ᠳ᠋ᠦᠩᠭᠤᠸᠠ᠂ ᠯᠠᠩᠭᠤᠸᠠ᠂ ᠠᠯᠮᠤᠷᠠᠳ᠂ ᠠᠯᠢᠮᠠ ᠵᠡᠷᠭᠡ ᠶᠢ ᠲᠦᠭᠡᠮᠡᠯ ᠠᠰᠢᠭᠯᠠᠬᠤ | ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | |