| ᠴᠡᠩᠬᠡᠷ ᠴᠠᠭᠠᠨ ᠡᠭᠦᠯᠡᠨ ᠠᠴᠠ | ᠴᠢᠭᠢᠭ ᠬᠤᠷᠠ ᠤᠷᠤᠳᠠᠭ ᠶᠤᠮ ᠳ᠋ᠠ | ᠴᠢᠩᠳᠠ ᠰᠡᠳᠭᠢᠯ ᠵᠠᠩ ᠢᠶᠠᠷ ᠢᠶᠠᠨ ᠪᠠᠶᠢᠪᠠᠯ | ᠴᠢᠭᠯᠡᠭᠡᠳ ᠢᠷᠡᠳᠡᠭ ᠶᠤᠮ ᠳ᠋ᠠ | ᠪᠠᠳᠠᠷᠠᠩᠭᠤᠢ ᠡᠭᠦᠯᠡᠨ ᠠᠴᠠ | ᠪᠣᠷᠤᠭᠠᠨ ᠨᠢ ᠣᠷᠤᠳᠠᠭ ᠶᠤᠮ ᠳ᠋ᠠ | ᠪᠠᠲᠤ ᠰᠡᠳᠭᠢᠯ ᠵᠠᠩ ᠢᠶᠠᠷ ᠢᠶᠠᠨ ᠪᠠᠶᠢᠪᠠᠯ | ᠪᠤᠴᠠᠭᠠᠳ ᠢᠷᠡᠳᠡᠭ ᠶᠤᠮ ᠳ᠋ᠠ | ᠦᠨᠳᠦᠷ ᠲᠡᠭᠷᠢ ᠶᠢᠨ ᠡᠭᠦᠯᠡᠨ ᠠᠴᠠ | ᠬᠤᠷᠠ ᠨᠢ ᠣᠷᠤᠳᠠᠭ ᠶᠤᠮ ᠳ᠋ᠠ | ᠦᠨᠡᠨ ᠰᠡᠳᠭᠢᠯ ᠵᠠᠩ ᠢᠶᠠᠷ ᠢᠶᠠᠨ ᠪᠠᠶᠢᠪᠠᠯ | ᠡᠷᠭᠢᠭᠡᠳ ᠢᠷᠡᠳᠡᠭ ᠶᠤᠮ ᠳ᠋ᠠ | ᠠᠭᠠᠷ ᠭᠡᠭᠴᠢ ᠤᠭᠲᠠᠷᠭᠤᠢ ᠠᠴᠠ | ᠷᠠᠰᠢᠶᠠᠨ ᠬᠠᠶᠢᠷᠠᠯᠠᠳᠠᠭ ᠶᠤᠮ ᠳ᠋ᠠ | ᠠᠮᠠᠷᠠᠭ ᠰᠡᠳᠭᠢᠯ ᠵᠠᠩ ᠢᠶᠠᠷ ᠢᠶᠠᠨ ᠪᠠᠶᠢᠪᠠᠯ | ᠠᠬᠢᠭᠠᠳ ᠢᠷᠡᠳᠡᠭ ᠶᠤᠮ ᠳ᠋ᠠ | ᠭᠠᠩᠭᠠᠷ ᠭᠤᠩᠭᠠᠷ ᠭᠠᠯᠠᠭᠤ ᠰᠢᠪᠠᠭᠤ ᠨᠢ | ᠭᠠᠵᠠᠷ ᠲᠠᠭᠠᠨ ᠶᠠᠪᠤᠬᠤ ᠶᠤᠮ ᠪᠠᠶᠢᠨᠠ | ᠭᠠᠩᠭᠠᠩ ᠵᠠᠩ ᠲᠠᠢ ᠰᠡᠷᠡᠩᠪᠤᠤ ᠠᠵᠠᠢ | ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠶᠤᠮ ᠪᠠᠶᠢᠨᠠ | ᠰᠠᠭᠠᠯᠢ ᠪᠠᠨ ᠪᠠᠷᠢᠭᠠᠳ ᠰᠠᠷᠬᠤᠳ ᠤᠨ ᠳᠡᠭᠡᠵᠢ ᠪᠠᠷ | ᠰᠠᠭᠠᠲᠠᠭᠤᠯᠵᠤ ᠪᠠᠶᠢᠬᠤᠯᠠᠷ ᠬᠦ᠋ | ᠰᠠᠭᠠᠳ ᠨᠢ ᠣᠷᠤᠭᠰᠠᠨ ᠰᠡᠳᠡᠩ ᠦᠵᠡᠩ ᠨᠢ | ᠰᠠᠨᠳᠤᠷᠤᠭᠤᠯᠤᠭᠠᠳ ᠭᠤᠷᠢ ᠦᠭᠡᠢ ᠪᠠᠶᠢᠨᠠ | ᠠᠯᠲᠠᠨ ᠲᠣᠷᠭᠠᠨ ᠬᠠᠳᠠᠭ ᠢᠶᠠᠷ ᠨᠢ | ᠠᠮᠤᠷ ᠢ ᠨᠢ ᠠᠰᠠᠭᠤᠭᠰᠠᠨ ᠶᠤᠮ | ᠠᠮᠤᠷ ᠤᠨ ᠬᠠᠳᠠᠭ ᠤᠨ ᠬᠠᠷᠢᠭᠤ ᠳᠤᠨᠢ | ᠬᠦᠬᠦᠦᠷ ᠤᠨ ᠲᠠᠯᠢᠶᠠᠷ ᠢᠷᠡᠭᠰᠡᠨ ᠶᠤᠮ | ᠰᠠᠭᠯᠠᠭᠠᠷ ᠮᠣᠳᠤᠨ ᠤ ᠰᠡᠭᠦᠳᠡᠷ ᠳᠣᠣᠷᠠ ᠨᠢ | ᠵᠢᠭᠠᠬᠠᠨ ᠰᠠᠭᠤᠶᠠ ᠬᠦᠢ | ᠰᠠᠯᠤᠭᠠᠳ ᠶᠠᠪᠤᠬᠤ ᠬᠡᠳᠦᠨ ᠦᠭᠡ ᠪᠠᠨ | ᠬᠡᠯᠡᠯᠴᠡᠭᠡᠳ ᠮᠣᠷᠳᠠᠶᠠ ᠳ᠋ᠤᠤ | ᠬᠤᠯᠠ ᠶᠢᠨ ᠵᠠᠮ ᠳᠠᠭᠠᠨ ᠶᠠᠪᠤᠨᠠ ᠭᠡᠳ | ᠬᠤᠷᠳᠤᠨ ᠬᠦᠯᠦᠭ ᠢᠶᠠᠨ ᠤᠨᠤᠭᠰᠠᠨ ᠶᠤᠮ ᠳ᠋ᠠ | ᠬᠤᠶᠠᠷ ᠡᠳᠦᠷ ᠤᠨ ᠠᠶᠠᠨ ᠳᠠᠭᠠᠨ | ᠬᠤᠴᠤᠷᠤᠯ ᠦᠭᠡᠢ ᠬᠦᠷᠦᠭᠡᠳ ᠤᠴᠢᠭᠰᠠᠨ ᠶᠤᠮ | ᠢᠩᠭᠢᠭᠰᠡᠭᠡᠷ ᠲᠡᠭᠡᠭᠰᠡᠭᠡᠷ ᠪᠠᠶᠢᠭᠠᠳ | ᠡᠷᠭᠢᠵᠦ ᠶᠠᠪᠤᠬᠤ ᠳᠠᠭᠠᠨ ᠬᠦᠷᠦᠯᠡ ᠳ᠋ᠡ | ᠡᠯᠢᠭᠡ ᠵᠢᠷᠦᠬᠡ ᠳᠣᠲᠤᠷᠠ ᠠᠴᠠ ᠮᠢᠨᠢ | ᠰᠢᠮᠰᠢᠷᠡᠭᠡᠳ ᠪᠠᠶᠢᠬᠤ ᠶᠤᠮ | ᠦᠷᠭᠡᠨ ᠳᠡᠯᠡᠬᠡᠢ ᠳᠤ ᠦᠨᠳᠦᠷ ᠮᠤᠨᠠ | ᠦᠵᠡᠰᠭᠦᠯᠡᠩ ᠰᠠᠶᠢᠬᠠᠨ ᠳ᠋ᠠ | ᠦᠩᠰᠢᠭ ᠰᠠᠶᠢᠬᠠᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠲᠠᠢ | ᠰᠠᠭᠤᠯᠠᠯᠲᠠᠢ ᠨᠤᠲᠤᠭ ᠡ ᠬᠦ᠋ | ᠠᠭᠠᠷ ᠭᠡᠭᠴᠢ ᠣᠭᠲᠠᠷᠭᠤᠢ ᠠᠴᠠ | ᠡᠭᠦᠯᠡ ᠨᠢ ᠭᠠᠷᠳᠠᠭ ᠶᠤᠮ ᠳ᠋ᠠ | ᠠᠯᠪᠠ ᠶᠢᠨ ᠨᠦᠬᠦᠷ ᠰᠡᠷᠡᠩᠪᠤᠤ ᠠᠵᠠᠢ ᠮᠢᠨᠢ | ᠠᠮᠤᠷᠬᠠᠨ ᠰᠠᠶᠢᠬᠠᠨ ᠰᠠᠭᠠᠲᠠᠭᠠᠷᠠᠢ | ᠠᠭᠤᠯᠵᠠᠬᠤ ᠶᠢᠨ ᠪᠡᠯᠭᠡ ᠨᠢ | ᠤᠯᠠᠭᠠᠨ ᠬᠠᠪᠲᠠᠭᠠ ᠪᠠᠨ ᠤᠶᠠᠭᠠᠳ ᠦᠭᠭᠦᠭᠰᠡᠨ ᠳᠤ | ᠣᠴᠢᠭᠰᠠᠨ ᠬᠤᠶᠢᠨᠠ ᠪᠠᠨ ᠡᠷᠭᠢᠭᠡᠳ ᠢᠷᠡᠬᠦ ᠪᠠᠨ | ᠦᠪᠡᠷ ᠢᠶᠠᠨ ᠮᠡᠳᠡᠭᠡᠷᠡᠢ | ᠬᠠᠨᠢᠯᠠᠬᠤ ᠶᠢᠨ ᠪᠡᠯᠭᠡ ᠨᠢ | ᠬᠤᠸᠠᠷᠲᠠᠢ ᠬᠠᠪᠲᠠᠭᠠ ᠪᠠᠨ ᠤᠶᠠᠭᠠᠳ ᠦᠭᠭᠦᠭᠰᠡᠨ | ᠬᠠᠷᠢᠭᠰᠠᠨ ᠬᠤᠶᠢᠨᠠ ᠡᠷᠭᠢᠭᠡᠳ ᠢᠷᠡᠬᠦ ᠪᠠᠨ | ᠬᠠᠷᠢᠨ ᠦᠪᠡᠷ ᠢᠶᠠᠨ ᠮᠡᠳᠡᠭᠡᠷᠡᠢ | ᠬᠤᠷᠮᠤᠰᠳᠠ ᠲᠡᠭᠷᠢ ᠶᠢᠨ ᠡᠭᠦᠯᠡ | ᠬᠤᠷᠠ ᠪᠠᠨ ᠬᠠᠶᠢᠷᠠᠯᠠᠳᠠᠭ ᠶᠤᠮ | ᠬᠤᠩᠭᠤᠷ ᠪᠠᠭᠠ ᠬᠤᠪᠢᠯᠴᠡᠴᠡᠭ ᠲᠡᠭᠡᠨ | ᠬᠤᠷᠳᠤᠨ ᠢᠷᠡᠭᠡᠷᠡᠢ | ᠵᠢᠭᠦᠷᠲᠡᠨ ᠰᠢᠪᠠᠭᠤ ᠨᠢ ᠵᠢᠷᠭᠢᠭᠡᠳ ᠢᠷᠡᠪᠡᠯ | ᠵᠦᠯᠭᠡᠨ ᠳᠤᠮᠳᠠ ᠪᠠᠨ ᠪᠠᠶᠢᠬᠤ ᠶᠤᠮ | ᠵᠢᠷᠤᠭ ᠪᠣᠯᠤᠭᠰᠠᠨ ᠰᠡᠷᠡᠩᠪᠤᠤ ᠠᠵᠠᠢ ᠮᠢᠨᠢ | ᠵᠡᠭᠦᠳᠦᠨ ᠠᠴᠠ ᠭᠠᠷᠬᠤ ᠦᠭᠡᠢ ᠶᠤᠮ ᠡ ᠶᠤᠮ᠃ | | | | |