| ᠦᠩᠭᠡᠷᠡᠭᠰᠡᠨ ᠳᠤ ᠤᠷᠠᠳ ᠨᠤᠳᠤᠭ ᠲᠤ ᠨᠤᠳᠤᠭ ᠤᠨ ᠤᠯᠠᠮᠵᠢᠯᠠᠯᠳᠤ ᠶᠠᠰᠤ ᠪᠠᠷᠢᠭᠴᠢ ᠨᠡᠯᠢᠶᠡᠳ ᠠᠷᠪᠢᠨ ᠪᠠᠶᠢᠭᠰᠠᠨ ᠪᠦᠭᠡᠳ ᠲᠡᠲᠡ ᠶᠠᠰᠦ | ᠬᠤᠭᠤᠷᠠᠭᠰᠠᠨ ᠡᠪᠡᠳᠴᠢᠲᠡᠨ ᠢ ᠪᠠᠳᠤᠯᠠᠨ ᠲᠠᠭᠠᠭᠠᠵᠤ ᠬᠤᠭᠤᠷᠠᠭᠰᠠᠨ ᠶᠠᠰᠤ ᠶᠢ ᠪᠠᠷᠢᠨ ᠵᠠᠯᠭᠠᠵᠤ᠂ ᠡᠯᠳᠡᠪ ᠠᠳᠡᠭᠳᠡᠯ ᠠᠴᠠ ᠪᠤᠯᠵᠤ ᠶᠠᠰᠤ ᠪᠠᠨ | ᠬᠤᠭᠤᠯᠵᠤ ᠵᠡᠮᠳᠡᠭ ᠪᠤᠯᠬᠤ ᠪᠠᠶᠢᠭᠰᠠᠨ ᠪᠠ ᠴᠢᠨᠠᠭᠰᠢᠯᠠᠪᠠᠯ ᠠᠮᠢ ᠨᠠᠰᠤ ᠪᠠᠨ ᠠᠯᠳᠠᠮᠠᠷ ᠪᠠᠶᠢᠭᠰᠠᠨ ᠡᠪᠡᠳᠴᠢᠲᠡᠨ ᠢ ᠲᠤᠩ ᠤᠯᠠᠨ ᠠᠪᠤᠷᠠᠨ | ᠲᠡᠩᠬᠡᠷᠡᠬᠦᠯᠦᠭᠰᠡᠨ ᠦᠪ ᠦᠨᠡᠨ ᠬᠡᠷᠡᠭ ᠤᠴᠢᠷ ᠭᠠᠵᠠᠷ ᠪᠤᠯᠭᠠᠨ ᠳᠤ ᠤᠯᠠᠮᠵᠢᠯᠠᠭᠳᠠᠨ ᠲᠠᠭᠤᠷᠢᠰᠴᠤ ᠪᠠᠶᠢᠪᠠ᠃ | ᠤᠷᠴᠢᠨ ᠦᠶᠡ ᠶᠢᠨ ᠨᠡᠷᠡᠳᠦ ᠶᠠᠰᠤ ᠪᠠᠷᠢᠭᠴᠢ ᠲᠤᠤᠬᠠᠢ ᠭᠤᠸᠠᠢ ᠠᠴᠠ ᠲᠡᠷᠢᠬᠦᠯᠡᠨ ᠬᠡᠳᠦᠨ ᠠᠷᠪᠠᠨ ᠪᠠᠷᠢᠶᠠᠴᠢᠳ ᠠᠵᠢᠯᠯᠠᠵᠤ ᠶᠠᠪᠤᠭᠠ ᠪᠤᠢ᠃ | ᠲᠡᠲᠡ ᠴᠦᠮ ᠤᠷᠠᠳ ᠤᠨ ᠲᠡᠤᠬᠡᠳᠦ ᠶᠠᠰᠤ ᠪᠠᠷᠢᠭᠴᠢ ᠶᠢᠨ ᠲᠤᠳᠤᠷᠠᠭᠤᠯᠤᠯᠲᠠ ᠠᠷᠭᠠ ᠡᠷᠳᠡᠮ ᠢ ᠤᠯᠠᠮᠵᠢᠯᠠᠨ ᠠᠪᠴᠤ ᠲᠡᠲᠡᠨ ᠤ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠨᠢ | ᠲᠤᠩ ᠲᠦᠲᠡ ᠪᠠᠶᠢᠭᠰᠠᠨ ᠴᠦ ᠡᠪᠡᠳᠴᠢᠲᠡᠨ ᠤ ᠠᠯᠢ ᠬᠡᠰᠡᠭ ᠤᠨ ᠶᠠᠰᠤ ᠨᠢ ᠶᠠᠮᠠᠷ ᠬᠡᠮᠵᠢᠶᠡ ᠪᠠᠷ ᠶᠠᠭᠠᠬᠢᠵᠤ ᠬᠤᠭᠤᠷᠠᠭᠰᠠᠨ ᠢ X ᠲᠤᠳᠤᠷᠠᠭᠤᠯᠤᠯᠲᠠ ᠶᠢ | ᠬᠡᠷᠡᠭᠯᠡᠬᠦ ᠦᠭᠡᠢ ᠪᠠᠷ ᠵᠦᠪ ᠤᠨᠤᠪᠴᠢᠲᠠᠢ ᠰᠢᠨᠵᠢᠯᠡᠨ ᠮᠡᠳᠡᠳᠡᠭ ᠪᠦᠭᠡᠳ ᠬᠤᠭᠤᠷᠠᠭᠰᠠᠨ ᠶᠠᠰᠤ ᠶᠢ ᠨᠢᠭᠤᠴᠠ᠂ ᠤᠶᠤᠨ ᠮᠡᠷᠭᠡᠵᠢᠯ ᠪᠠ ᠤᠷᠠᠨ ᠭᠠᠷ ᠤᠨ | ᠲᠠᠮ ᠡᠷᠳᠡᠮ ᠢᠶᠠᠷ ᠢᠶᠠᠨ ᠡᠮᠴᠢᠯᠡᠨ ᠵᠠᠯᠭᠠᠵᠤ ᠪᠠᠶᠢᠭᠠ ᠨᠢ ᠡᠮᠨᠡᠯᠭᠡ ᠶᠢᠨ ᠡᠷᠳᠡᠮᠳᠡᠳ ᠤᠨ ᠪᠢᠰᠢᠷᠡᠯ ᠢ ᠤᠯᠤᠨᠠ᠃ | 1᠂ ᠤᠯᠠᠮᠵᠢᠯᠠᠯᠳᠤ ᠶᠠᠰᠤ ᠪᠠᠷᠢᠬᠤ ᠤᠨᠴᠠᠯᠢᠭ ᠵᠢᠷᠤᠮ | ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠠᠷᠢᠶᠠᠴᠢ ᠶᠢᠨ ᠡᠷᠳᠡ ᠲᠡᠭᠡᠳᠦᠰ ᠪᠣᠯ ᠪᠠᠯᠠᠷ ᠡᠷᠲᠡᠨ ᠤ ᠮᠤᠩᠭᠤᠯᠴᠤᠳ ᠤᠨ ᠱᠠᠰᠢᠨ — — ᠢᠳᠤᠭᠠᠨ᠂ | ᠪᠦᠬᠡ ᠪᠤᠯᠤᠨᠠ᠃ ᠡᠨᠡ ᠨᠢ ᠮᠥᠨ ᠴᠦ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠷᠠᠳ ᠤᠨ ᠲᠤᠮᠳᠠᠬᠢ ᠡᠮᠴᠢ ᠮᠥᠨ᠃ | ᠤᠯᠠᠮᠵᠢᠯᠠᠯᠳᠤ ᠶᠠᠰᠤ ᠵᠠᠰᠠᠯ ᠪᠣᠯ ᠨᠦᠬᠦᠴᠡᠯ ᠳᠤ ᠬᠢᠵᠠᠭᠠᠷᠯᠠᠭᠳᠠᠬᠤ ᠦᠭᠡᠢ᠂ ᠬᠤᠲᠠ ᠬᠦᠳᠡᠭᠡ᠂ ᠭᠡᠷ ᠭᠠᠳᠠᠨᠠ ᠬᠡᠵᠤ ᠢᠯᠭᠠᠯ ᠦᠭᠡᠢ ᠶᠠᠰᠤᠨ ᠤ | ᠬᠤᠭᠤᠷᠠᠯᠲᠠ ᠪᠤᠯᠭᠠᠨ ᠳᠤ ᠵᠠᠰᠠᠯ ᠬᠢᠵᠤ ᠪᠤᠯᠳᠠᠭ᠃ ᠬᠡᠷᠡᠭᠰᠡᠯ ᠨᠢ ᠲᠦᠬᠦᠮ᠂ ᠰᠦᠢᠳᠭᠡᠯ ᠮᠦᠩᠭᠦ ᠬᠡᠵᠤ ᠠᠪᠳᠠᠭ ᠦᠭᠡᠢ᠂ ᠡᠪᠡᠳᠴᠢᠲᠡᠨ ᠳᠤ | ᠵᠤᠪᠠᠭᠤᠷᠢ ᠪᠠᠭᠠ᠂ ᠲᠠᠷᠤᠭᠠᠰᠤ ᠬᠦᠩᠬᠡᠨ᠂ ᠶᠠᠰᠤᠨ ᠤ ᠡᠳᠡᠭᠡᠷᠡᠯᠲᠡ ᠨᠢ ᠬᠤᠷᠳᠤᠨ᠂ ᠪᠤᠰᠤᠳ ᠡᠪᠡᠳᠴᠢᠨ ᠲᠠᠪᠬᠤᠴᠠᠬᠤ ᠶᠢ ᠰᠡᠷᠭᠡᠶᠢᠯᠡᠵᠤ᠂ ᠬᠡᠮᠳᠦᠭᠰᠡᠨ | ᠮᠦᠴᠢ ᠶᠢᠨ ᠠᠵᠢᠯᠯᠠᠭᠠ ᠶᠢᠨ ᠰᠡᠷᠭᠦᠯᠲᠡ ᠨᠢ ᠲᠦᠷᠭᠡᠨ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ ᠪᠢᠯᠡ᠃ | ᠪᠠᠶᠢᠴᠠᠭᠠᠬᠤ ᠠᠷᠭᠠ ᠨᠢ ᠨᠢᠳᠦ ᠪᠠᠷ ᠦᠵᠡᠬᠦ ᠭᠠᠷ ᠢᠶᠠᠷ ᠲᠡᠮᠳᠡᠷᠢᠬᠦ᠂ ᠶᠠᠰᠤᠨ ᠤ ᠪᠦᠳᠦᠴᠡ ᠶᠢ ᠲᠤᠳᠤᠷᠠ ᠪᠠᠨ ᠰᠡᠳᠬᠢᠨ ᠰᠢᠨᠵᠢᠯᠡᠬᠦ ᠪᠠᠷ ᠭᠤᠤᠯ | ᠪᠤᠯᠭᠠᠨ ᠬᠡᠮᠳᠦᠭᠰᠡᠨ ᠬᠡᠰᠡᠭ᠂ ᠬᠤᠭᠤᠷᠠᠭᠰᠠᠨ ᠬᠡᠯᠪᠡᠷᠢ᠂ ᠪᠠᠶᠢᠷᠢ ᠰᠢᠯᠵᠢᠭᠰᠡᠨ ᠬᠡᠮᠵᠢᠶᠡ ᠳᠤ ᠨᠢ ᠲᠤᠬᠢᠷᠠᠭᠤᠯᠤᠨ ᠠᠮᠢᠳᠤᠯᠢᠭ ᠢᠶᠠᠷ ᠶᠠᠰᠤ ᠪᠠᠷᠢᠳᠠᠭ | ᠪᠤᠯᠬᠤᠷ ᠬᠤᠭᠤᠷᠠᠭᠰᠠᠨ ᠶᠠᠰᠤᠨ ᠤ ᠬᠤᠶᠠᠷ ᠦᠵᠦᠬᠦᠷ ᠨᠢ ᠠᠮᠠᠷᠬᠠᠨ ᠨᠡᠶᠢᠯᠡᠬᠦ ᠪᠦᠬᠡᠳ ᠲᠤᠭᠲᠠᠪᠤᠷᠢᠲᠠᠢ ᠪᠤᠯᠳᠠᠭ᠃ ᠡᠬᠦᠨ ᠳᠤ ᠬᠤᠭᠤᠷᠠᠯ ᠢ | ᠪᠠᠬᠢᠯᠡᠬᠦ ᠳᠤ ᠪᠠᠨ ᠴᠤᠬᠤᠢ ᠪᠤᠯᠤᠨ ᠬᠠᠪᠳᠠᠰᠤ ᠶᠢ ᠴᠦ ᠬᠡᠷᠡᠭᠯᠡᠳᠡᠭ ᠦᠭᠡᠢ᠂ ᠬᠠᠷᠢᠨ ᠬᠠᠷᠢᠮᠠᠬᠠᠢ ᠬᠠᠭᠤᠷᠠᠢ ᠬᠦᠩᠬᠡᠨ ᠪᠦᠭᠡᠳ ᠪᠠᠬᠢᠯᠢᠭ᠌ ᠴᠢᠨᠠᠷ ᠪᠦᠬᠦᠢ | ᠨᠠᠷᠠᠰᠤᠨ ᠮᠤᠳᠤ᠂ ᠤᠳᠠ ᠮᠤᠳᠤ᠂ ᠦᠭᠡᠷ ᠤᠨ ᠠᠷᠠᠰᠤ᠂ ᠦᠬᠡᠷ ᠤᠨ ᠪᠠ ᠲᠡᠮᠡᠭᠡᠨ ᠤ ᠶᠠᠰᠤ ᠵᠡᠷᠭᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ᠢᠶᠠᠷ ᠵᠤᠬᠢᠶᠠᠭᠰᠠᠨ ᠵᠢᠵᠢᠭ | ᠬᠠᠪᠢᠰᠤ ᠶᠢ ᠬᠡᠷᠡᠭᠯᠡᠳᠡᠭ ᠪᠤᠯᠬᠤᠷ ᠬᠡᠷᠡᠭᠰᠡᠯ ᠨᠢ ᠲᠦᠬᠦᠮ᠂ ᠰᠦᠢᠳᠭᠡᠯ ᠨᠢ ᠪᠠᠭᠠ ᠪᠠᠶᠢᠳᠠᠭ ᠪᠢᠯᠡ᠃ | ᠶᠠᠰᠤ ᠵᠠᠰᠠᠯ ᠳᠤ ᠬᠡᠷᠡᠭᠯᠡᠬᠦ ᠵᠢᠬᠢᠷᠢᠭ ᠨᠢ ᠲᠠᠤᠯᠢ ᠪᠠ ᠢᠰᠢᠭᠡ ᠶᠢᠨ ᠨᠤᠯᠤᠤᠷ᠂ ᠨᠢᠯᠬᠠ ᠠᠮᠢᠳᠠᠳ ᠤᠨ ᠵᠤᠯᠪᠤᠳᠠᠰᠤ᠂ ᠢᠯᠬᠢ᠂ ᠢᠰᠡᠭᠡᠢ᠂ | ᠪᠦᠳᠦᠬᠦᠯᠢᠭ ᠪᠦᠰ᠂ ᠤᠷᠢᠶᠠᠯᠲᠠ ᠪᠤᠯᠤᠨᠠ᠂ ᠡᠨᠡ ᠨᠢ ᠵᠦᠭᠡᠯᠡᠨ ᠮᠦᠷᠲᠡᠭᠡᠨ ᠲᠠᠷᠤᠬᠤ ᠬᠦᠴᠦᠨ ᠲᠠᠢ᠂ ᠠᠷᠠᠰᠤ ᠳᠤ ᠰᠡᠲᠡᠯᠲᠡ ᠪᠤᠯᠬᠤ ᠦᠭᠡᠢ᠂ | ᠬᠦᠯᠦᠰᠦ ᠶᠢ ᠬᠢᠯᠪᠠᠷᠬᠠᠨ ᠰᠢᠩᠭᠡᠭᠡᠨ ᠠᠪᠴᠤ᠂ ᠰᠢᠷᠠ ᠤᠰᠤᠨ ᠤ ᠨᠦᠭᠡ ᠪᠠᠷ ᠠᠷᠢᠬᠢ ᠨᠡᠪᠲᠡᠷᠡᠬᠦ ᠳᠤ ᠲᠦᠬᠦᠮ ᠪᠤᠯᠬᠤᠷ ᠬᠠᠪᠤᠳᠠᠷ ᠢ ᠲᠠᠷᠬᠠᠭᠠᠵᠤ | ᠬᠤᠭᠤᠷᠠᠭᠰᠠᠨ ᠶᠠᠰᠤᠨ ᠤ ᠡᠳᠡᠭᠡᠷᠡᠯ ᠢ ᠲᠦᠷᠭᠡᠳᠭᠡᠬᠦ ᠳᠤ ᠴᠢᠬᠤᠯᠠ ᠦᠢᠯᠡᠳᠦᠯ ᠲᠠᠢ᠃ | ᠤᠷᠢᠶᠠᠵᠤ ᠪᠤᠭᠤᠬᠤ ᠳᠤ ᠪᠠᠨ ᠭᠤᠷᠪᠠᠨ ᠴᠡᠭ ᠤᠨ ᠦᠢᠯᠡᠴᠢᠯᠡᠯ ᠤᠨ ᠬᠦᠴᠦᠨ ᠤ ᠡᠯᠧᠮᠧᠨ᠋ᠲ ᠤᠨ ᠶᠤᠰᠤ ᠶᠢ ᠦᠨᠳᠦᠰᠦᠯᠡᠯ ᠪᠤᠯᠭᠠᠵᠤ᠂ ᠲᠡᠭᠰᠢᠯᠡᠨ | ᠪᠠᠷᠢᠭᠰᠠᠨ ᠶᠠᠰᠤ ᠨᠢ ᠲᠠᠬᠢᠵᠤ ᠪᠠᠶᠢᠷᠢ ᠰᠢᠯᠵᠢᠬᠦ ᠪᠠ ᠦᠨᠴᠦᠭ ᠡᠬᠦᠰᠬᠦ᠂ ᠬᠦᠳᠦ᠋ᠢᠵᠤ ᠬᠤᠳᠦ᠋ᠢᠬᠤ ᠨᠦᠬᠦᠴᠡᠯ ᠢ ᠦᠭᠡᠢ ᠪᠤᠯᠭᠠᠬᠤ ᠶᠢᠨ ᠲᠤᠰᠠ ᠳᠤ | ᠰᠡᠯᠪᠡᠷᠡᠵᠤ ᠲᠠᠰᠤᠷᠠᠬᠤ ᠦᠭᠡᠢ ᠨᠠᠷᠢᠨ ᠪᠦᠰ ᠤᠶᠠᠭᠠᠰᠤ ᠭᠤᠷᠪᠠ ᠶᠢ ᠬᠡᠷᠡᠭᠯᠡᠳᠡᠭ᠃ ᠬᠤᠭᠤᠷᠠᠭᠰᠠᠨ ᠶᠠᠰᠤᠨ ᠤ ᠬᠤᠶᠠᠷ ᠲᠠᠯᠠ ᠪᠠᠷ ᠡᠯᠡᠰᠦᠨ | ᠤᠭᠤᠲᠠ ᠪᠠᠷ ᠬᠠᠰᠢᠵᠤ ᠰᠢᠬᠠᠬᠤ ᠨᠢ ᠴᠦ ᠤᠯᠠᠮᠵᠢᠯᠠᠯᠳᠤ ᠶᠠᠰᠤ ᠵᠠᠰᠠᠯ ᠤᠨ ᠦᠪᠡᠷᠮᠢᠴᠡ ᠤᠨᠴᠠᠯᠢᠭ ᠨᠢ ᠪᠤᠯᠳᠠᠭ᠃ ᠡᠨᠡᠬᠦ ᠬᠠᠰᠢᠯᠭᠠ ᠨᠢ ᠬᠡᠷᠡᠭᠯᠡᠬᠦ ᠳᠤ | ᠲᠤᠩ ᠠᠮᠢᠳᠤᠯᠢᠭ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠬᠡᠮᠳᠦᠭᠰᠡᠨ ᠶᠠᠰᠤᠨ ᠤ ᠴᠢᠰᠦ᠂ ᠰᠢᠷᠠ ᠶᠢᠨ ᠬᠠᠯᠠᠭᠤᠨ ᠢ ᠲᠠᠷᠠᠭᠠᠬᠤ ᠳᠤ ᠰᠠᠶᠢᠨ ᠪᠠ ᠡᠪᠡᠳᠬᠦ ᠶᠢ | ᠨᠠᠮᠵᠢᠭᠤᠯᠵᠤ᠂ ᠬᠦᠢᠳᠡᠨ ᠵᠢᠩ᠂ ᠬᠠᠯᠠᠭᠤᠨ ᠵᠢᠩ ᠤᠨ ᠦᠢᠯᠡᠳᠦᠯ ᠢ ᠪᠦᠷᠢᠨ ᠭᠠᠷᠭᠠᠵᠤ ᠴᠢᠳᠠᠬᠤ ᠤᠨᠴᠠᠯᠢᠭ ᠲᠠᠢ᠃ ᠵᠠᠰᠠᠯ ᠬᠢᠭᠰᠡᠨ ᠠᠴᠠ ᠡᠬᠢᠯᠡᠵᠤ | ᠬᠤᠭᠤᠷᠠᠭᠰᠠᠨ ᠶᠠᠰᠤᠨ ᠳᠤ ᠨᠦᠯᠦᠭᠡ ᠪᠤᠯᠬᠤ ᠦᠭᠡᠢ ᠨᠦᠬᠦᠴᠡᠯ ᠲᠤᠤᠷᠠ᠂ ᠪᠤᠰᠤᠳ ᠮᠦᠴᠢ᠂ ᠦᠶᠡ ᠭᠡᠰᠢᠬᠦᠦ ᠶᠢ ᠪᠦᠷ ᠠᠳᠠᠯᠢ ᠪᠤᠰᠤ ᠬᠡᠮᠵᠢᠶᠡ ᠪᠠᠷ | ᠭᠤᠷᠪᠠᠨ ᠠᠯᠬᠤᠮ ᠬᠤᠪᠢᠶᠠᠵᠤ ᠲᠠᠮᠢᠷ ᠤᠨ ᠪᠤᠯᠪᠠᠰᠤᠷᠠᠯᠲᠠ ᠶᠢ ᠬᠢᠯᠬᠡᠳᠡᠭ᠃ ᠢᠩᠬᠢᠪᠡᠯ ᠬᠡᠮᠳᠦᠭᠰᠡᠨ ᠶᠠᠰᠤᠨ ᠤ ᠡᠳᠡᠭᠡᠷᠡᠯᠲᠡ ᠶᠢ ᠰᠠᠶᠢᠵᠢᠷᠠᠭᠤᠯᠵᠤ᠂ | ᠪᠤᠯᠴᠢᠩ ᠮᠢᠬᠠ ᠪᠠ ᠦᠶᠡ ᠭᠡᠰᠢᠬᠦᠦ ᠬᠦᠰᠢᠵᠤ ᠬᠠᠳᠠᠭᠤᠷᠠᠬᠤ᠂ ᠨᠠᠷᠢᠰᠴᠤ ᠬᠡᠮᠳᠦᠬᠦ ᠶᠢ ᠬᠦᠢᠴᠡᠳ ᠰᠡᠷᠭᠡᠶᠢᠯᠡᠵᠤ ᠴᠢᠳᠠᠨᠠ᠃ | 2᠂ ᠶᠠᠰᠤᠨ ᠪᠠᠷᠢᠶᠠᠴᠢ ᠶᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ ᠤᠨ ᠵᠦᠢᠯ | ︵1︶ ᠲᠤᠯᠢ ︵ᠵᠡᠰ᠂ ᠬᠦᠷᠡᠯ ᠢᠶᠠᠷ ᠬᠢᠭᠰᠡᠨ ᠲᠤᠯᠢ︶ ᠪᠣᠯ ᠶᠠᠰᠤ ᠪᠠᠷᠢᠶᠠᠴᠢ ᠶᠢᠨ ᠢᠯᠢᠵᠤ ᠱᠦᠷᠬᠦᠭᠡᠬᠦ ᠡᠳ᠋ᠯᠡᠯ ᠪᠤᠯᠤᠨᠠ᠃ ᠵᠠᠰ ᠭᠠᠤᠯᠢ ᠶᠢᠨ | ᠵᠦᠢᠯ ᠨᠢ ᠴᠢᠰᠤ ᠶᠢ ᠬᠦᠶᠦᠯᠭᠡᠨ ᠬᠠᠪᠤᠳᠠᠷ ᠢ ᠲᠠᠳᠠᠳᠠᠭ ᠪᠢᠯᠡ᠃ | ︵2︶ ᠡᠷᠢᠶᠡᠨ ᠴᠢᠯᠠᠭᠤ ᠨᠢ ᠶᠠᠰᠤ ᠪᠡᠷᠳᠡᠵᠤ ᠰᠢᠷᠪᠤᠰᠦ ᠪᠤᠯᠴᠢᠩ ᠬᠡᠮᠳᠦᠭᠰᠡᠨ ᠡᠪᠡᠳᠴᠢᠲᠡᠨ ᠳᠤ ᠬᠡᠷᠡᠭᠯᠡᠳᠡᠭ ᠪᠠᠭᠠᠵᠢ ᠶᠤᠮ᠂ ᠬᠠᠯᠠᠭᠤᠨ ᠢ | ᠲᠠᠷᠤᠵᠤ ᠡᠪᠡᠳᠬᠦ ᠶᠢ ᠨᠠᠮᠵᠢᠭᠤᠯᠳᠠᠭ᠃ | ︵3︶ ᠮᠦᠩᠭᠦᠨ ᠠᠶᠠᠭᠠ᠂ ᠮᠦᠩᠭᠦᠨ ᠰᠠᠪᠬᠠ᠂ ᠮᠦᠩᠬᠦ ᠪᠣᠯ ᠬᠤᠤᠷ ᠢ ᠠᠷᠢᠯᠭᠠᠵᠤ ᠪᠠᠺᠲ᠋ᠧᠷᠢ ᠠᠯᠠᠬᠤ ᠴᠢᠳᠠᠯ ᠲᠠᠢ ᠪᠠᠶᠢᠳᠠᠭ᠃ | 3᠂ ᠶᠠᠰᠤ ᠪᠠᠷᠢᠬᠤ ᠶᠤᠰᠤ | ᠤᠷᠠᠳᠴᠤᠳ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠪᠦᠬᠦ᠋ᠢᠯᠡ ᠶᠠᠰᠤ ᠶᠢ ᠠᠷᠤᠭ ᠶᠠᠰᠤ ᠭᠡᠵᠤ ᠨᠡᠷᠡᠯᠡᠬᠦ ᠪᠦᠬᠡᠳ ᠪᠠᠰᠠ ᠶᠠᠰᠤ ᠪᠠ ᠮᠦᠭᠡᠷᠰᠤ ᠬᠡᠵᠤ ᠬᠤᠪᠢᠳᠠᠭ᠃ | ᠶᠠᠰᠤ ᠪᠠᠨ ᠪᠠᠰᠠ ᠰᠡᠶᠢᠮᠡᠭᠡᠢ ᠶᠠᠰᠤ᠂ ᠬᠠᠳᠠᠭᠤ ᠶᠠᠰᠤ ᠬᠡᠵᠤ᠂ ᠶᠠᠰᠤ ᠶᠢ ᠶᠡᠭᠡ ᠲᠦᠯᠦᠪ ᠤᠷᠳᠤ᠂ ᠪᠤᠭᠤᠨᠢ ᠬᠠᠪᠲᠠᠭᠠᠢ ᠪᠠ ᠬᠡᠯᠪᠡᠷᠢ ᠦᠭᠡᠢ ᠬᠡᠵᠤ | ᠬᠤᠪᠢᠶᠠᠵᠤ ᠪᠠᠶᠢᠳᠠᠭ᠃ | ᠪᠤᠭᠤᠨᠢ ᠶᠠᠰᠤᠨ ᠳᠤ ᠭᠠᠷ ᠤᠨ ᠠᠯᠠᠭᠠ᠂ ᠬᠤᠷᠤᠭᠤ᠂ ᠪᠠᠭᠤᠤ ᠲᠠᠪᠢᠨ ᠲᠦᠷᠪᠡ︔ ᠤᠯᠠ᠂ ᠦᠯᠮᠡᠢ᠂ ᠲᠠᠪᠢᠨ ᠬᠤᠶᠠᠷ ᠶᠠᠰᠤ ᠨᠡᠶᠢᠲᠡ 106 | ᠪᠠᠭᠠ ᠬᠡᠰᠡᠭ᠃ ᠬᠠᠪᠲᠠᠭᠠᠢ ᠶᠠᠰᠤᠨ ᠳᠤ ᠭᠠᠪᠠᠯᠠ᠂ ᠲᠠᠯᠤ᠂ ᠬᠠᠪᠢᠷᠭᠠ᠂ ᠰᠡᠬᠦᠵᠢ ᠵᠡᠷᠭᠡ 61 ᠭᠡᠰᠡᠭ᠃ | ᠶᠠᠮᠠᠷᠴᠤ ᠲᠤᠭᠲᠠᠭᠰᠠᠨ ᠬᠡᠯᠪᠡᠷᠢ ᠦᠭᠡᠢ ᠶᠠᠰᠤᠨ ᠳᠤ ᠬᠦᠵᠦᠬᠦᠦ᠂ ᠰᠡᠭᠡᠷ᠂ ᠨᠢᠷᠤᠭᠤ᠂ ᠪᠦᠰᠡᠯᠡᠭᠦᠷ᠂ ᠤᠭᠤᠴᠠ᠂ ᠤᠬᠤᠷ ᠰᠡᠬᠦᠯ᠂ ᠡᠪᠴᠢᠬᠦᠦ | ᠵᠡᠷᠭᠡ 27 ᠬᠡᠰᠡᠭ᠃ | ᠶᠠᠰᠤᠨ ᠤ ᠬᠡᠯᠬᠢᠶᠡᠰᠦ ᠶᠢᠨ ᠲᠤᠬᠠᠢ᠄ ᠬᠦᠮᠦᠨ ᠤ ᠪᠡᠶᠡ ᠶᠢᠨ ᠪᠦᠬᠦ ᠶᠠᠰᠤ ᠨᠤᠭᠤᠳ ᠬᠤᠭᠤᠷᠤᠨᠳᠤ ᠪᠠᠨ ᠲᠦᠷᠦᠯᠬᠢ ᠵᠤᠬᠢᠴᠠᠩᠭᠤᠢ ᠪᠠᠷ ᠪᠠᠳᠤ | ᠬᠤᠯᠪᠤᠯᠳᠤᠵᠤ ᠪᠤᠢ᠃ ᠡᠬᠦᠨ ᠳᠤ ᠮᠦᠷᠦ᠂ ᠲᠤᠬᠤᠢ᠂ ᠰᠡᠭᠦᠵᠢ᠂ ᠡᠪᠤᠳᠦᠭ ᠵᠡᠷᠭᠡ ᠨᠢ ᠪᠦᠷ ᠬᠤᠭᠤᠷᠤᠨᠳᠤ ᠪᠠᠨ ᠪᠤᠯᠴᠢᠩ ᠢᠶᠠᠷ ᠬᠡᠯᠬᠢᠯᠳᠤᠵᠤ ᠪᠤᠢ᠂ | ᠬᠡᠬᠦ ᠳᠤ ᠪᠠᠨ ᠤᠮᠠᠳᠠᠭ ᠤᠨ ᠠᠭᠤᠯᠵᠠᠷ ᠪᠣᠯ ᠬᠠᠷᠢᠨ ᠮᠦᠭᠡᠷᠰᠦ ᠪᠠᠷ ᠬᠤᠯᠪᠤᠯᠳᠤᠵᠤ ᠪᠤᠢ᠃ ᠭᠠᠪᠠᠯᠠ ᠶᠢᠨ ᠶᠠᠰᠤ ᠨᠢ ᠵᠠᠭᠠᠳᠠᠰᠤ ᠪᠠᠷ ᠨᠡᠶᠢᠯᠡᠵᠤ ᠪᠠᠶᠢᠳᠠᠭ | ᠂ ᠪᠤᠰᠤᠳ ᠪᠦᠰᠡᠯᠡᠬᠦᠷ᠂ ᠤᠭᠤᠴᠠ ᠵᠡᠷᠭᠡ ᠶᠠᠰᠤ ᠨᠢ ᠬᠤᠭᠤᠷᠤᠨᠳᠤ ᠪᠠᠨ ᠲᠠᠪᠠᠭ ᠢᠶᠠᠷ ᠬᠡᠯᠬᠢᠯᠳᠦᠵᠤ ᠪᠠᠶᠢᠨᠠ᠃ | 4᠂ ᠶᠠᠰᠤᠨ ᠬᠤᠭᠤᠷᠠᠯᠲᠠ ᠶᠢᠨ ᠤᠨᠤᠰᠢᠯᠭᠠ | ᠬᠤᠭᠤᠷᠠᠯᠲᠠ ᠶᠢᠨ ᠰᠢᠨᠵᠢ ᠪᠠᠶᠢᠳᠠᠯ ᠢᠶᠠᠷ ᠨᠢ ᠶᠠᠰᠤ ᠪᠢᠴᠠᠷᠠᠬᠤ᠂ ᠶᠠᠰᠤᠨ ᠤ ᠡᠭᠴᠡ ᠬᠤᠭᠤᠷᠠᠯᠳᠠ᠂ ᠵᠦᠷᠢᠬᠦᠦ ᠬᠤᠭᠤᠷᠠᠯᠲᠠ᠂ ᠠᠷᠠᠭᠠ | ᠬᠤᠭᠤᠷᠠᠯᠲᠠ᠂ ᠲᠠᠷᠤᠯᠲᠠ ᠶᠢᠨ ᠬᠤᠭᠤᠷᠠᠯᠲᠠ ᠬᠡᠬᠦ ᠤᠯᠠᠨ ᠵᠦᠢᠯ ᠢᠶᠠᠷ ᠨᠡᠷᠡᠶᠢᠳᠴᠤ ᠢᠯᠭᠠᠨ ᠲᠤᠳᠤᠷᠬᠠᠶᠢᠯᠠᠵᠤ ᠬᠡᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ | ᠶᠠᠰᠤ ᠪᠠᠷᠢᠭᠴᠢ ᠡᠪᠡᠳᠴᠢᠲᠡᠨ ᠤ ᠡᠪᠡᠳᠴᠤ ᠪᠠᠶᠢᠬᠤ ᠬᠡᠰᠡᠭ ᠢ ᠦᠵᠡᠵᠤ ᠰᠢᠨᠵᠢᠬᠦ ᠪᠠ ᠪᠡᠶᠡ ᠳᠤ ᠨᠢ ᠬᠦᠷᠦᠯᠴᠡᠬᠦ᠂ ᠪᠠᠷᠢᠵᠤ ᠲᠡᠮᠳᠡᠷᠢᠬᠦ᠂ ᠢᠯᠢᠬᠦ᠂ | ᠠᠳᠬᠤᠬᠤ ᠵᠡᠷᠭᠡ ᠠᠷᠭᠠ ᠪᠠᠷ ᠠᠯᠢ ᠬᠡᠰᠡᠭ ᠲᠤ ᠬᠡᠮᠳᠦᠯ ᠭᠠᠷᠤᠭᠰᠠᠨ ᠪᠠ ᠬᠤᠭᠤᠷᠠᠯᠲᠠ ᠶᠢᠨ ᠬᠦᠨᠳᠦ ᠬᠦᠩᠭᠡᠨ᠂ ᠬᠡᠯᠪᠡᠷᠢ ᠪᠠᠶᠢᠳᠠᠯ ᠢ ᠨᠠᠷᠢᠨ ᠰᠠᠶᠢᠬᠠᠨ | ᠲᠤᠳᠤᠯᠠᠭᠰᠠᠨ ᠤ ᠲᠠᠷᠠᠭᠠ᠂ ᠶᠠᠰᠤ ᠪᠠᠷᠢᠭᠴᠢ ᠶᠠᠮᠠᠷ ᠵᠠᠰᠠᠯ ᠬᠢᠬᠦ ᠪᠠᠨ ᠲᠤᠭᠳᠠᠭᠠᠨ ᠶᠠᠰᠤᠨ ᠤ ᠪᠠᠷᠢᠶᠠ ᠬᠢᠳᠡᠭ᠃ | 5᠂ ᠶᠠᠰᠤ ᠵᠠᠰᠠᠬᠤ ᠠᠷᠭᠠ | ᠢᠯᠢᠬᠦ — ᠬᠡᠮᠳᠦᠯ ᠤᠨ ᠭᠡᠰᠡᠭ ᠢ ᠭᠠᠷ ᠤᠨ ᠠᠯᠠᠭᠠ ᠶᠢᠨ ᠮᠡᠷᠭᠡᠵᠢᠯ ᠢᠶᠠᠷ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ᠂ ᠲᠡᠭᠡᠭᠰᠢ ᠲᠤᠷᠤᠭᠰᠢ ᠢᠯᠢᠬᠦ ᠶᠢ ᠵᠢᠭᠠᠵᠤ ᠪᠤᠢ | ᠃ | ᠰᠢᠪᠳᠤᠷᠠᠬᠤ — ᠬᠡᠮᠳᠦᠯ ᠤᠨ ᠭᠡᠰᠡᠭ ᠢ ᠠᠳᠬᠤᠵᠤ ᠠᠪᠤᠭᠠᠳ ᠲᠡᠭᠡᠭᠰᠢ ᠲᠤᠷᠤᠭᠰᠢ ᠲᠠᠳᠠᠵᠤ ᠴᠢᠩᠭᠠᠭᠠᠬᠤ ᠶᠢ ᠰᠢᠪᠳᠤᠷᠠᠬᠤ ᠭᠡᠳᠡᠭ᠃ | ᠲᠠᠳᠠᠬᠤ — ᠵᠦᠷᠢᠵᠤ ᠬᠤᠭᠤᠷᠠᠭᠰᠠᠨ ᠶᠠᠰᠤ ᠶᠢ ᠤᠷᠤᠨ ᠳᠤ ᠨᠢ ᠬᠡᠪᠰᠢᠬᠦᠯᠵᠤ ᠪᠠᠷᠢᠯᠳᠤᠭᠤᠯᠬᠤ ᠳᠤ ᠬᠤᠭᠤᠷᠠᠭᠰᠠᠨ ᠶᠠᠰᠤ ᠶᠢ ᠬᠦᠩᠭᠡᠨ ᠠᠴᠠ | ᠬᠦᠨᠳᠦ ᠤᠷᠤᠭᠤ ᠠᠯᠭᠤᠷ ᠢᠶᠠᠷ ᠭᠠᠷ ᠤᠨ ᠬᠦᠴᠦᠨ ᠲᠡᠮ ᠢᠶᠠᠷ ᠲᠠᠳᠠᠬᠤ ᠶᠢ ᠬᠡᠯᠡᠨᠡ᠃ | ᠪᠦᠮᠪᠦᠭᠡᠯᠡᠭᠦ — ᠪᠠᠴᠢᠷᠠᠭᠰᠠᠨ ᠶᠠᠰᠤ ᠶᠢ ᠬᠤᠶᠠᠷ ᠠᠯᠠᠭᠠ ᠶᠢᠨ ᠲᠤᠮᠲᠠ ᠪᠠᠨ ᠨᠠᠭᠠᠰᠢ ᠴᠠᠭᠠᠰᠢ ᠨᠢ ᠦᠩᠬᠡᠷᠡᠬᠦᠯᠦᠨ ︵ᠲᠡᠭᠡᠰᠦ ᠠᠯᠠᠭᠠᠳᠠᠬᠤ | ᠮᠡᠳᠦ︶ ᠵᠠᠰᠠᠬᠤ ᠶᠢ ᠵᠢᠭᠠᠵᠤ ᠪᠤᠢ᠃ | ᠲᠡᠪᠬᠡᠳᠡᠬᠦ — ᠡᠷᠡᠤ ᠶᠢᠨ ᠶᠠᠰᠤ ᠡᠭᠴᠡ ᠲᠤᠮᠳᠠᠭᠤᠷ ᠢᠶᠠᠨ ᠬᠤᠭᠤᠷᠠᠭᠰᠠᠨ ᠢ ᠵᠠᠰᠠᠬᠤ ᠳᠤ ᠰᠢᠳᠦ ᠪᠠᠷ ᠲᠡᠪᠭᠡᠯᠡᠵᠤ ᠪᠠᠶᠢᠭᠠᠳ ᠡᠷᠡᠤ ᠶᠢᠨ | ᠶᠠᠰᠤ ᠶᠢ ᠨᠢ ᠬᠡᠪᠰᠢᠬᠦᠯᠦᠨ ᠪᠠᠷᠢᠯᠳᠤᠭᠤᠯᠬᠤ ᠶᠢ ᠬᠡᠯᠡᠵᠤ ᠪᠤᠢ᠃ | ᠲᠠᠷᠤᠬᠤ — ᠬᠦᠮᠦᠨ ᠤ ᠶᠠᠰᠤ ᠬᠤᠭᠤᠷᠠᠵᠤ ᠬᠡᠮᠳᠦᠬᠦ ᠳᠤ ᠡᠮᠳᠡᠷᠡᠭᠰᠡᠨ ᠪᠤᠶᠤ ᠰᠠᠯᠵᠤ ᠭᠠᠷᠤᠭᠰᠠᠨ ᠶᠠᠰᠤ ᠶᠢ ᠵᠠᠰᠠᠬᠤ ᠳᠤ ᠬᠡᠷᠡᠭᠯᠡᠬᠦ ᠠᠷᠭᠠ᠃ | ᠰᠤᠷᠤᠬᠤ — ᠴᠦᠮᠦᠷᠡᠭᠰᠡᠨ ᠶᠠᠰᠤ ᠶᠢ ᠵᠠᠰᠠᠬᠤ ᠳᠤ ᠴᠦᠮᠦᠷᠡᠵᠤ ᠤᠷᠤᠭᠰᠠᠨ ᠭᠡᠰᠡᠭ ᠲᠤ ᠨᠢ ᠬᠤᠸᠠᠭᠠᠩ ᠲᠠᠯᠪᠢᠵᠤ᠂ ᠲᠤᠳᠤᠭᠰᠢ ᠴᠦᠮᠦᠷᠡᠨ | ᠤᠷᠤᠭᠰᠠᠨ ᠶᠠᠰᠤ ᠶᠢ ᠨᠢ ᠰᠤᠷᠤᠵᠤ ᠤᠭ ᠤᠨ ᠤᠷᠤᠨ ᠳᠤ ᠨᠢ ᠤᠷᠤᠭᠤᠯᠤᠨ ᠵᠠᠰᠠᠬᠤ ᠠᠷᠭᠠ᠃ | ᠲᠡᠬᠦᠵᠢᠯᠡᠬᠦ ︵ᠴᠢᠩᠭᠠᠭᠠᠬᠤ︶ — ᠭᠤᠶᠠᠨ ᠴᠢᠮᠦᠭᠡᠨ ᠤ ᠲᠤᠯᠤᠭᠠᠢ ᠬᠤᠭᠤᠷᠠᠬᠤ ᠳᠤ ᠶᠠᠰᠤ ᠬᠡᠮᠳᠦᠭᠰᠡᠳ ᠤᠨ ᠨᠢᠷᠤᠭᠤ ᠰᠡᠬᠦᠵᠢᠨ ᠤ | ᠲᠤᠤᠷᠠ ᠨᠢ ᠦᠨᠳᠦᠷ ᠶᠠᠭᠤᠮᠠ ᠲᠠᠯᠪᠢᠵᠤ ᠪᠠᠶᠢᠭᠠᠳ ᠬᠡᠮᠳᠦᠭᠰᠡᠨ ᠭᠤᠶᠠ ᠶᠢ ᠨᠢ ᠬᠦᠯ ᠠᠴᠠ ᠨᠢ ᠵᠦᠭᠡᠯᠡᠨ ᠪᠦᠰᠡ ᠪᠠᠷ ᠲᠡᠭᠡᠰᠦ ᠤᠶᠠᠵᠤ ᠭᠡᠷ ᠤᠨ | ᠬᠠᠨᠠ ᠠᠴᠠ ᠲᠠᠳᠠᠵᠤ ᠴᠢᠩᠭᠠᠭᠠᠨ ᠤᠶᠠᠬᠤ ᠵᠠᠰᠠᠯᠭᠠ᠃ | ᠬᠠᠪᠳᠠᠰᠤᠯᠠᠬᠤ — ᠬᠤᠭᠤᠷᠠᠭᠰᠠᠨ ᠶᠠᠰᠤᠨ ᠤ ᠭᠠᠳᠠᠭᠤᠷ ᠨᠢ ᠮᠤᠳᠤᠨ ᠬᠠᠪᠳᠠᠰᠤ ᠪᠤᠶᠤ ᠴᠠᠪᠠᠤ ᠲᠠᠢ ᠬᠦᠳᠦᠰᠦ ᠵᠡᠷᠭᠡ ᠪᠠᠷ ᠴᠢᠩᠭᠠ ᠬᠡᠭᠴᠢ | ᠪᠤᠭᠤᠭᠠᠳ ᠬᠡᠪᠰᠢᠬᠦᠯᠬᠦ ᠠᠷᠭᠠ᠃ | ᠪᠤᠭᠤᠵᠤ ᠡᠷᠢᠬᠦ — ᠶᠠᠰᠤᠨ ᠤ ᠵᠠᠭᠠᠳᠠᠰᠤ ᠰᠠᠯᠤᠭᠰᠠᠨ ᠢ ᠵᠠᠰᠠᠬᠤ ᠳᠤ ᠬᠤᠭᠤᠷᠠᠭᠰᠠᠨ ᠶᠠᠰᠤᠨ ᠤ ᠨᠠᠷᠢᠨ ᠵᠦᠭᠡᠯᠡᠨ ᠪᠦᠰ ᠢᠶᠠᠷ ᠴᠢᠩᠭᠠ ᠨᠢᠮᠪᠠᠢ | ᠤᠷᠢᠶᠠᠵᠤ ᠵᠠᠰᠠᠬᠤ ᠠᠷᠭᠠ᠃ | 6᠂ ᠲᠠᠷᠢᠬᠢᠨ ᠲᠤᠷᠬᠢᠯᠲᠠ ᠶᠢ ᠵᠠᠰᠠᠬᠤ ᠤᠯᠠᠮᠵᠢᠯᠠᠯᠳᠤ ᠠᠷᠭᠠ | ᠲᠠᠷᠢᠬᠢᠨ ᠲᠤᠷᠬᠢᠯᠲᠠ ᠪᠣᠯ ᠮᠤᠷᠢᠨ ᠠᠴᠠ ᠬᠠᠶᠠᠭᠳᠠᠬᠤ᠂ ᠬᠡᠷ ᠪᠠᠶᠢᠰᠢᠩ ᠤᠨ ᠤᠷᠤᠢ ᠲᠡᠭᠡᠷᠡ ᠠᠴᠠ ᠤᠨᠠᠬᠤ᠂ ᠴᠢᠯᠠᠭᠤ ᠲᠤᠭᠤᠰᠬᠠ᠂ ᠪᠢᠯᠠᠭᠤ | ᠰᠢᠳᠡᠮ ᠳᠤ ᠲᠠᠭᠠᠷᠢᠭᠳᠠᠭᠰᠠᠨ ᠠᠴᠠ ᠪᠤᠯᠵᠤ ᠲᠠᠷᠢᠬᠢᠨ ᠤ ᠮᠡᠳᠡᠷᠡᠯ ᠤᠨ ᠠᠯᠢ ᠨᠢᠭᠡ ᠬᠡᠰᠡᠭ ᠲᠤ ᠬᠡᠮᠳᠦᠯ ᠭᠠᠷᠤᠭᠰᠠᠨ ᠢ ᠵᠢᠭᠠᠵᠤ ᠪᠤᠢ᠃ | 7᠂ ᠲᠠᠷᠢᠬᠢᠨ ᠲᠤᠷᠬᠢᠯᠲᠠ ᠶᠢ ᠪᠠᠶᠢᠴᠠᠭᠠᠬᠤ ᠠᠷᠭᠠ | ᠤᠷᠠᠳᠴᠤᠳ ᠤᠳᠠᠰᠤ ᠪᠠᠷ ᠬᠦᠮᠦᠨ ᠤ ᠲᠠᠷᠢᠬᠢ ᠤᠨᠠᠭᠰᠠᠨ ᠢ ᠬᠡᠮᠵᠢᠵᠤ ᠮᠡᠳᠡᠳᠡᠭ ᠪᠢᠯᠡ᠃ ᠲᠡᠲᠡ ᠶᠠᠮᠠᠷ ᠨᠢᠭᠡᠨ ᠤᠳᠠᠰᠤ ᠪᠠᠷ ᠮᠠᠩᠨᠠᠢ ᠶᠢ ᠨᠢ | ᠤᠷᠢᠶᠠᠵᠤ ᠬᠡᠮᠵᠢᠭᠡᠳ ᠭᠠᠪᠠᠯᠠ ᠶᠢᠨ ᠲᠡᠭᠡᠷᠡ ᠬᠦᠷᠬᠦ ᠦᠶᠡ ᠳᠤ ᠤᠳᠠᠰᠤᠨ ᠤ ᠬᠤᠶᠠᠷ ᠦᠵᠦᠬᠦᠷ ᠢ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ ᠴᠢᠩᠭᠠᠯᠠᠨ ᠨᠡᠶᠢᠯᠡᠬᠦᠯᠵᠤ | ᠴᠢᠮᠬᠢᠭᠡᠳ ᠮᠠᠩᠨᠠᠢ ᠶᠢᠨ ᠭᠤᠤᠯ ᠲᠤᠮᠲᠠ ᠪᠠᠶᠢᠭᠠ ᠴᠡᠭ ᠢ ᠤᠳᠠᠰᠤᠨ ᠤ ᠲᠡᠭᠡᠷᠡ ᠪᠠᠨ ᠲᠡᠮᠳᠡᠭ ᠲᠠᠯᠪᠢᠬᠤ ᠪᠤᠶᠤ ᠵᠡᠬᠦᠨ ᠭᠠᠷ ᠤᠨ ᠬᠤᠷᠤᠭᠤ ᠪᠠᠷ ᠢᠶᠠᠨ | ᠰᠢᠯᠵᠢᠬᠦᠯᠦᠯ ᠦᠭᠡᠢ ᠴᠢᠮᠬᠢᠵᠤ ᠪᠠᠶᠢᠭᠠᠳ ᠲᠡᠭᠡᠭᠰᠢ ᠨᠢ ᠤᠳᠠᠰᠤ ᠪᠠᠨ ᠪᠢᠳᠡᠬᠦᠦ ᠪᠠᠷ ᠮᠤᠯᠳᠤᠯᠵᠤ ᠠᠪᠤᠭᠠᠳ ᠨᠤᠭᠤᠯᠵᠤ ᠲᠡᠭᠰᠢ ᠴᠢᠩᠭᠠ ᠲᠠᠳᠠᠬᠤ | ᠦᠶᠡ ᠳᠤ ᠤᠳᠠᠰᠤᠨ ᠤ ᠨᠢᠭᠡ ᠲᠠᠯᠠ ᠨᠢ ᠤᠬᠤᠷ ᠨᠦᠬᠦᠭᠡ ᠲᠠᠯᠠ ᠨᠢ ᠤᠷᠳᠤ ᠪᠠᠶᠢᠪᠠᠯ ᠪᠠᠷᠠᠭᠤᠨ ᠲᠠᠷᠢᠬᠢᠨ ᠳᠤ ᠭᠡᠮᠳᠦᠯ ᠭᠠᠷᠤᠯᠠ ᠬᠡᠵᠤ ᠦᠵᠡᠳᠡᠭ᠃ | ᠲᠠᠬᠢᠨ ᠲᠤᠯᠤᠭᠠᠢ ᠶᠢᠨ ᠠᠷᠤ ᠡᠮᠦᠨᠡ ᠲᠠᠯᠠ ᠶᠢᠨ ᠵᠠᠭᠠᠳᠠᠰᠤ ᠬᠦᠳᠡᠯᠦᠭᠰᠡᠨ ᠡᠰᠡᠬᠦ ᠶᠢ ᠲᠤᠳᠤᠯᠠᠵᠤ ᠢᠯᠭᠠᠬᠤ ᠳᠤ ᠪᠠᠨ ᠮᠥᠨ ᠴᠦ ᠬᠡᠮᠵᠢᠬᠦᠷ | ᠤᠳᠠᠰᠤᠨ ᠤ ᠲᠡᠮᠳᠡᠭ ᠲᠠᠯᠪᠢᠭᠰᠠᠨ ᠬᠡᠰᠡᠭ ᠢᠶᠠᠨ ᠨᠢᠭᠡ ᠴᠢᠬᠢᠨ ᠤ ᠲᠡᠭᠡᠷᠡ ᠲᠠᠯᠠ ᠲᠤᠯᠤᠭᠠᠢ ᠶᠢᠨ ᠭᠡᠰᠡᠭ ᠲᠤ ᠲᠠᠭᠠᠷᠠᠭᠤᠯᠤᠨ ᠮᠠᠩᠨᠠᠢ ᠪᠤᠯᠤᠨ | ᠲᠤᠬᠤ ᠶᠢᠨ ᠲᠠᠯᠠ ᠪᠠᠷ ᠲᠡᠭᠰᠢ ᠪᠦᠬᠡᠳ ᠴᠢᠩᠭᠠ ᠲᠠᠲᠠᠵᠤ ᠨᠦᠬᠦᠬᠡ ᠴᠢᠬᠢᠨ ᠤ ᠲᠡᠭᠡᠷᠡ ᠭᠡᠰᠡᠭ ᠲᠠᠯᠠ ᠶᠢᠨ ᠲᠤᠯᠤᠭᠠᠢ ᠶᠢᠨ ᠬᠡᠰᠡᠭ ᠲᠤ ᠨᠡᠶᠢᠯᠡᠭᠰᠡᠨ | ᠤᠳᠠᠰᠤ ᠪᠠᠨ ᠲᠡᠮᠳᠡᠭᠯᠡᠵᠤ ᠠᠪᠤᠭᠠᠳ ᠤᠳᠠᠰᠤ ᠪᠠᠨ ᠲᠡᠩᠴᠡᠬᠦᠯᠵᠤ ᠦᠵᠡᠬᠦ ᠳᠤ ᠠᠯᠢ ᠲᠠᠯᠠ ᠶᠢᠨ ᠤᠳᠠᠰᠤ ᠨᠢ ᠤᠷᠳᠤ ᠪᠠᠶᠢᠪᠠᠯ ᠲᠠᠷᠤᠢ ᠲᠡᠷᠡ | ᠲᠠᠯᠠ ᠶᠢᠨ ᠵᠠᠭᠠᠳᠠᠰᠤ ᠬᠦᠳᠡᠯᠦᠭᠰᠡᠨ ᠭᠡᠳᠡᠭ ᠢ ᠲᠤᠳᠤᠯᠠᠵᠤ ᠮᠡᠳᠡᠳᠡᠭ᠃ ᠪᠠᠰᠠ ᠲᠠᠷᠢᠬᠢ ᠲᠤᠷᠬᠢᠭᠰᠠᠨ ᠡᠪᠡᠳᠴᠢᠲᠡᠨ ᠤ ᠬᠤᠶᠠᠷ ᠭᠠᠷ ᠤᠨ ᠭᠤᠤᠯ | ᠬᠤᠷᠤᠭᠤ ᠶᠢ ᠬᠠᠷᠢᠯᠴᠠᠨ ᠠᠳᠠᠯᠢᠳᠬᠠᠵᠤ ᠦᠵᠡᠬᠦ ᠳᠤ ᠠᠯᠢ ᠨᠢ ᠤᠬᠤᠷ ᠪᠣᠯ ᠲᠡᠷᠡ ᠬᠤᠷᠤᠭᠤᠨ ᠤ ᠲᠠᠯᠠ ᠳᠠᠬᠢ ᠵᠠᠭᠠᠳᠠᠰᠤ ᠨᠢ ᠬᠦᠳᠡᠯᠦᠭᠰᠡᠨ ᠬᠡᠵᠤ | ᠮᠡᠳᠡᠵᠤ ᠪᠤᠯᠬᠤ ᠶᠤᠮ᠃ | 8᠂ ᠲᠠᠷᠢᠬᠢᠨ ᠲᠤᠷᠬᠢᠯᠲᠠ ᠶᠢᠨ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯᠲᠠ | ᠲᠠᠷᠢᠬᠢ ᠲᠤᠮᠨᠤᠬᠤ ᠭᠠᠷ ᠠᠪᠤᠯᠭᠠ ᠪᠣᠯ ᠲᠤᠷᠬᠢᠯᠲᠠ ᠶᠢ ᠲᠤᠷᠬᠢᠯᠲᠠ ᠪᠠᠷ ᠵᠠᠰᠠᠬᠤ ᠶᠤᠰᠤᠨ ᠶᠤᠮ᠃ ᠡᠨᠡ ᠨᠢ ᠰᠠᠨᠠᠭᠠᠨ ᠦᠭᠡᠢ ᠰᠠᠶᠢᠨ ᠠᠮᠵᠢᠯᠲᠠ | ᠲᠤᠰᠠ ᠭᠠᠷᠳᠠᠭ ᠨᠢ ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠵᠠᠰᠠᠯᠲᠠ ᠶᠢᠨ ᠨᠢᠭᠤᠴᠠ ᠤᠪᠠᠳᠢᠰ ᠪᠤᠯᠬᠤ ᠶᠤᠰᠤᠲᠠᠢ᠃ | ︵1︶ ᠲᠤᠮᠨᠤᠬᠤ — ᠡᠪᠡᠳᠴᠢᠲᠡᠨ ᠤ ᠡᠰᠡᠷᠸᠠ ᠶᠢᠨ ᠪᠡᠯᠴᠢᠷ ᠢᠶᠠᠷ ᠬᠦᠢᠰᠦ ᠪᠤᠯᠭᠠᠨ ᠮᠤᠳᠤᠨ ᠤᠭᠤᠷ ᠤᠨ ᠰᠠᠭᠤᠷᠢ ᠳᠤ 1᠂ 2᠂ 3᠂ 1᠂ | 2᠂ 3᠂ ᠮᠡᠳᠦ ᠶᠢᠨ ᠭᠤᠷᠪᠠ ᠭᠤᠷᠪᠠ ᠶᠢᠨ ᠠᠶᠢᠵᠢᠮ ᠴᠤᠬᠢᠯᠭᠠ ᠪᠠᠷ ᠲᠤᠯᠤᠭᠠ ᠬᠤᠪᠢᠶᠠᠵᠤ ᠬᠤᠷᠢᠨ ᠨᠢᠭᠡᠨ ᠤᠳᠠᠭᠠ ᠲᠤᠭᠰᠢᠵᠤ ᠲᠤᠬᠢᠷᠠᠭᠤᠯᠤᠨᠠ᠃ | ᠤᠭᠤᠷ ᠤᠨ ᠠᠮᠠᠰᠠᠷ ᠲᠤ ᠵᠦᠭᠡᠯᠡᠨ ᠵᠤᠵᠠᠭᠠᠯᠢᠭ ᠪᠦᠰ ᠢ ᠵᠢᠬᠢᠷᠢᠭ ᠲᠠᠯᠪᠢᠵᠤ᠂ ᠲᠤᠯᠤᠭᠠᠢ ᠪᠠ ᠤᠭᠤᠷ ᠤᠨ ᠠᠮᠠᠰᠠᠷ ᠤᠨ ᠬᠤᠭᠤᠷᠤᠨᠳᠤ ᠵᠠᠪᠰᠠᠷ | ᠭᠠᠷᠬᠤ ᠶᠢ ᠰᠡᠷᠭᠡᠶᠢᠯᠡᠨᠡ᠃ | ︵2︶ ᠲᠤᠷᠬᠢᠭᠤᠯᠤᠨ ᠴᠤᠬᠢᠬᠤ ᠠᠷᠭᠠ — ᠵᠠᠭᠠᠳᠠᠰᠤ ᠬᠦᠳᠡᠯᠵᠤ ᠲᠠᠷᠢᠬᠢ ᠲᠤᠷᠬᠢᠭᠰᠠᠨ ᠬᠦᠮᠦᠨ ᠢ ᠲᠡᠭᠰᠢ ᠲᠦᠪ ᠰᠠᠭᠤᠯᠭᠠᠵᠤ | ᠬᠠᠪᠰᠤᠷᠤᠭᠴᠢ ᠪᠠᠷ ᠲᠤᠯᠤᠭᠠᠢ ᠶᠢᠨ ᠭᠡᠰᠡᠭ ᠢ ᠲᠦᠰᠢᠬᠦᠯᠵᠤ᠂ ᠪᠠᠷᠢᠶᠠᠴᠢ ᠠᠴᠠ ᠦᠷᠭᠡᠨ ᠵᠦᠭᠡᠯᠡᠨ ᠪᠦᠰ ᠢᠶᠠᠷ ᠬᠤᠶᠠᠷ ᠴᠢᠭᠢᠨ ᠠᠴᠠ ᠲᠡᠭᠡᠭᠦᠷ | ᠤᠷᠢᠶᠠᠵᠤ ᠠᠪᠤᠭᠠᠳ ᠬᠡᠮᠵᠢᠭᠰᠡᠨ ᠤᠳᠠᠰᠤᠨ ᠤ ᠤᠬᠤᠷ ᠲᠠᠯᠠ ᠳᠤ ᠨᠢ ᠤᠷᠢᠳ ᠢᠶᠠᠷ ᠪᠦᠰ ᠤᠨ ᠬᠤᠶᠠᠷ ᠦᠵᠦᠭᠦᠷ ᠢ ᠴᠢᠩᠭᠠ ᠮᠤᠰᠬᠢᠵᠤ ᠨᠢᠭᠡ | ᠭᠠᠷ ᠢᠶᠠᠷ ᠢᠶᠠᠨ ᠲᠡᠭᠰᠢ ᠪᠦᠭᠡᠳ ᠴᠢᠩᠭᠠ ᠲᠠᠳᠠᠵᠤ᠂ ᠨᠦᠬᠦᠭᠡ ᠭᠠᠷ ᠢᠶᠠᠷ ᠢᠶᠠᠨ ᠵᠢᠵᠢᠭ ᠬᠦᠨᠳᠦ ᠪᠢᠯᠠᠭᠤ ᠪᠤᠶᠤ ᠴᠡᠢ ᠶᠢᠨ ᠰᠦᠭᠡ ᠪᠠᠷ ᠲᠤᠯᠤᠭᠠᠢ ᠠᠴᠠ | ᠨᠢᠭᠡ ᠢᠮᠠᠬᠤ ᠵᠠᠢ ᠲᠠᠢ ᠲᠠᠳᠠᠯᠭᠠ ᠪᠦᠰ ᠲᠡᠭᠡᠷᠡ ᠭᠤᠷᠪᠠᠨᠲᠠ ᠬᠦᠴᠦᠲᠠᠢ ᠴᠤᠬᠢᠵᠤ᠂ ᠲᠠᠷᠠᠭᠠ ᠪᠠᠷ ᠨᠢ ᠲᠤᠯᠤᠭᠠᠢ ᠶᠢᠨ ᠨᠦᠬᠦᠭᠡ ᠭᠤᠷᠪᠠᠨ | ᠲᠠᠯᠠ ᠳᠤ ᠨᠢ ᠡᠨᠡ ᠮᠡᠳᠦ ᠲᠤᠰᠪᠦᠷᠢ ᠭᠤᠷᠪᠠ ᠤᠳᠠᠭᠠ ᠴᠤᠬᠢᠭᠠᠳ᠂ ᠠᠷᠢᠬᠢ ᠦᠯᠢᠶᠡᠨ ᠬᠤᠶᠠᠷ ᠭᠠᠷ ᠤᠨ ᠠᠯᠠᠭᠠ ᠪᠠᠷ ᠲᠤᠯᠤᠭᠠᠢ ᠶᠢ ᠨᠠᠢᠮᠠᠨ | ᠲᠠᠯᠠ ᠠᠴᠠ ᠨᠢ ᠲᠤᠳᠤᠭᠰᠢ ᠬᠠᠪᠴᠢᠨ ᠰᠢᠯᠭᠡᠭᠡᠵᠤ ᠰᠢᠬᠠᠵᠤ ᠢᠯᠢᠭᠡᠳ᠂ ᠲᠠᠬᠢᠨ ᠲᠤᠯᠤᠭᠠᠢ ᠶᠢᠨ ᠠᠷᠤ ᠬᠡᠰᠡᠭ ᠲᠤ ᠲᠤᠷᠤᠭᠰᠢ ᠪᠠᠨ ᠴᠡᠴᠡᠷᠡᠬᠦᠯᠦᠨ | ᠲᠠᠷᠤᠵᠤ ᠲᠠᠪᠤᠨ ᠬᠤᠷᠤᠭᠤᠨ ᠤ ᠬᠢᠮᠤᠰᠤ ᠪᠠᠷ ᠡᠮᠦᠨᠡ ᠲᠠᠯᠠ ᠠᠴᠠ ᠨᠢ ᠦᠰᠦᠨ ᠤ ᠭᠤᠤᠷᠰᠤ ᠦᠭᠡᠲᠡ ᠰᠢᠬᠢᠳᠭᠡᠵᠤ ᠮᠠᠯᠳᠠᠭᠠᠳ ᠲᠤᠯᠤᠭᠠᠢ ᠶᠢᠨ | ᠰᠤᠳᠠᠯ᠂ ᠨᠢᠷᠤᠭᠤ ᠶᠢᠨ ᠭᠤᠤᠯ ᠨᠤᠭᠤᠰᠤ ᠲᠠᠭᠠᠤ ᠰᠠᠶᠢᠳᠤᠷ ᠰᠢᠪᠳᠤᠷᠴᠤ ᠢᠯᠢᠭᠡᠳ ᠲᠤᠯᠤᠭᠠᠢ ᠶᠢᠨ ᠪᠤᠭᠤᠯᠲᠠ ᠶᠢ ᠴᠢᠩᠭᠠᠯᠠᠨ ᠤᠷᠢᠶᠠᠵᠤ᠂ ᠲᠤᠯᠤᠭᠠᠨ | ᠬᠤᠨᠤᠭ ᠪᠤᠶᠤ ᠬᠤᠶᠠᠷ ᠲᠤᠯᠤᠭᠠ ᠬᠤᠨᠤᠭ ᠬᠦᠷᠲᠡᠯᠡ ᠪᠤᠭᠤᠯᠲᠠ ᠶᠢ ᠠᠪᠤᠯ ᠦᠭᠡᠢ ᠰᠤᠪᠢᠯᠠᠨᠠ᠃ | ︵3︶ ᠰᠠᠪᠬᠠ ᠪᠠᠷ ᠲᠤᠮᠨᠤᠬᠤ ᠠᠷᠭᠠ | ᠲᠠᠷᠢᠬᠢ ᠤᠨᠠᠭᠰᠠᠨ ᠬᠦᠮᠦᠨ ᠤ ᠠᠮᠠᠨ ᠳᠤ ᠨᠢ ᠰᠠᠪᠬᠠ ᠶᠢ ᠬᠦᠨᠳᠡᠯᠡᠨ ᠵᠠᠭᠤᠯᠭᠠᠵᠤ᠂ ᠲᠠᠷᠢᠬᠢᠨ ᠵᠠᠭᠠᠳᠠᠰᠤ ᠨᠢ ᠭᠠᠪᠠᠯᠠ ᠶᠢᠨ ᠵᠡᠬᠦᠨ ᠬᠤᠶᠢᠳᠦ | ᠭᠡᠰᠡᠭ ᠲᠤ ᠬᠦᠳᠡᠯᠦᠭᠰᠡᠨ ᠪᠣᠯ ᠰᠠᠪᠬᠠᠨ ᠤ ᠪᠠᠷᠠᠭᠤᠨ ᠲᠠᠯᠠ ᠶᠢ ᠴᠤᠬᠢᠵᠤ ᠲᠤᠷᠬᠢᠭᠤᠯᠤᠨᠠ᠃ ᠡᠨᠡ ᠮᠡᠳᠦ ᠡᠰᠡᠷᠬᠦ ᠵᠦᠭ ᠲᠤ ᠴᠤᠬᠢᠨ ᠲᠤᠷᠬᠢᠭᠤᠯᠵᠤ | ᠲᠤᠮᠨᠤᠨᠠ᠃ ᠲᠠᠷᠠᠭᠠ ᠨᠢ ᠲᠤᠯᠤᠭᠠᠢ ᠶᠢ ᠨᠢ ᠴᠢᠩᠭᠠ ᠪᠤᠭᠤᠵᠤ ᠬᠦᠨᠳᠡᠭᠳᠡᠯ ᠦᠭᠡᠢ ᠲᠤᠯᠤᠭᠠ ᠬᠤᠨᠤᠭ ᠰᠤᠪᠢᠯᠠᠨᠠ᠃ | ︵4︶ ᠬᠦᠯ ᠤᠨ ᠤᠯᠠ ᠶᠢ ᠲᠤᠷᠬᠢᠭᠤᠯᠤᠨ ᠴᠤᠬᠢᠬᠤ ᠵᠠᠰᠠᠯᠭᠠ | ᠡᠨᠡᠬᠦ ᠵᠠᠰᠠᠯᠭᠠ ᠶᠢ ᠭᠤᠤᠯᠳᠠᠭᠤ ︽ᠬᠡᠤᠬᠡᠨ ᠲᠠᠷᠢᠬᠢᠨ︾ ᠤ ᠲᠤᠷᠬᠢᠯᠲᠠ ᠶᠢ ᠲᠤᠮᠨᠤᠬᠤ ᠳᠤ ᠬᠡᠷᠡᠭᠯᠡᠨᠡ᠃ ᠡᠪᠡᠳᠴᠢᠲᠡᠨ ᠤ ᠲᠤᠯᠤᠭᠠᠢ ᠶᠢ | ᠬᠠᠨᠠ ᠳᠤ ᠲᠤᠯᠭᠠᠵᠤ ᠲᠡᠭᠰᠢ ᠬᠡᠪᠲᠡᠬᠦᠯᠦᠭᠡᠳ᠂ ᠲᠤᠯᠤᠭᠠᠢ ᠳᠤ ᠨᠢ ᠶᠡᠭᠡ ᠰᠢᠨᠠᠭᠠ ᠵᠡᠬᠦᠯᠭᠡᠵᠤ ᠬᠠᠨᠠ ᠳᠤ ᠨᠢᠭᠳᠠ ᠲᠤᠯᠭᠠᠵᠤ ᠪᠠᠶᠢᠭᠠᠳ ᠬᠦᠯ ᠤᠨ | ᠤᠯᠠᠨ ᠳᠤ ᠨᠢ ᠨᠢᠮᠭᠡᠨ ᠮᠤᠳᠤᠨ ᠬᠠᠪᠳᠠᠰᠤ ᠨᠠᠭᠠᠯᠳᠤᠭᠤᠯᠤᠨ ᠪᠠᠷᠢᠵᠤ ᠪᠠᠶᠢᠭᠠᠳ ᠬᠠᠪᠳᠠᠰᠤᠨ ᠤ ᠭᠠᠳᠠᠷ ᠲᠠᠯᠠ ᠠᠴᠠ ᠴᠠᠢ ᠶᠢᠨ ᠰᠦᠭᠡ ᠪᠠᠷ ᠭᠤᠷᠪᠠᠨᠲᠠ | ᠴᠤᠬᠢᠵᠤ ᠪᠠᠷᠠᠭᠰᠠᠨ ᠤ ᠰᠡᠬᠦᠯᠡᠷ ᠲᠤᠯᠤᠭᠠᠢ ᠳᠠᠬᠢ ᠰᠢᠨᠠᠭᠠ ᠶᠢ ᠠᠪᠴᠤ᠂ ᠲᠤᠯᠤᠭᠠᠢ ᠶᠢ ᠨᠢ ᠪᠦᠰ ᠢᠶᠠᠷ ᠬᠦᠩᠬᠡᠨ ᠱᠠᠯᠠᠮᠠᠭᠠᠢ ᠴᠢᠩᠭᠠ ᠪᠠᠷᠢᠵᠤ ᠪᠤᠭᠤᠨᠠ | ᠃ | ︵5︶ ᠢᠯᠢᠬᠦ ᠠᠷᠭᠠ | ᠵᠠᠰᠠᠯ ᠦᠭᠬᠦᠭᠰᠡᠨ ᠤ ᠰᠡᠬᠦᠯᠡᠷ ᠡᠳᠦᠷ ᠪᠦᠷᠢ ᠬᠠᠷᠠ ᠠᠷᠢᠬᠢ ᠦᠯᠢᠶᠡᠨ ᠡᠪᠡᠳᠴᠢᠲᠡᠨ ᠤ ᠲᠤᠯᠤᠭᠠᠢ ᠶᠢᠨ ᠤᠷᠤᠢ ᠢ ᠭᠡᠰᠡᠭ ᠲᠤ ᠲᠠᠷᠤᠵᠤ ᠢᠯᠢᠬᠦ᠂ | ᠱᠦᠷᠬᠦᠭᠡᠵᠤ ᠢᠯᠢᠬᠦ᠂ ᠡᠪᠡᠳᠴᠦ ᠪᠠᠶᠢᠭᠠ ᠭᠡᠰᠡᠭ ᠲᠤ ᠨᠢᠳᠠᠷᠠᠵᠤ ᠢᠯᠢᠬᠦ᠂ ᠬᠦᠵᠦᠬᠦᠦ ᠶᠢ ᠨᠢ ᠰᠢᠪᠳᠤᠷᠠᠵᠤ ᠢᠯᠢᠬᠦ᠂ ᠨᠤᠬᠤᠯᠠᠵᠤ ᠢᠯᠢᠬᠦ᠂ ᠬᠤᠶᠠᠷ | ᠬᠦᠮᠦᠰᠭᠡ ᠶᠢᠨ ᠬᠤᠭᠤᠷᠤᠨᠳᠤ ᠪᠦᠮᠪᠦᠷᠢᠳᠡᠬᠦᠯᠦᠨ ᠱᠦᠷᠬᠦᠭᠡᠵᠤ ᠢᠯᠢᠬᠦ᠂ ᠬᠤᠶᠠᠷ ᠬᠦᠮᠦᠰᠭᠡ ᠶᠢᠨ ᠠᠰ ᠲᠡᠭᠡᠷᠡ ᠭᠡᠰᠡᠭ ᠬᠢᠬᠡᠳ ᠴᠢᠮᠠᠷᠬᠠᠢ ᠶᠢᠨ | ᠪᠡᠯᠴᠢᠷ ᠲᠤ ᠨᠢ ᠰᠢᠭᠢᠳᠭᠡᠵᠤ ᠱᠦᠷᠬᠦᠭᠡᠵᠤ ᠢᠯᠢᠨᠡ᠃ | ᠰᠤᠪᠢᠯᠠᠯᠲᠠ ᠬᠢᠬᠦ ᠳᠤ ᠪᠠᠨ ᠨᠡᠮ ᠰᠡᠯᠡᠬᠦᠦ ᠰᠡᠷᠢᠬᠦᠨ ᠰᠢᠭ ᠭᠠᠵᠠᠷ ᠲᠤ ᠲᠤᠯᠤᠭᠠᠢ ᠶᠢ ᠨᠢ ᠦᠨᠳᠦᠷ ᠲᠤ ᠲᠡᠷᠡᠯᠡᠬᠦᠯᠵᠤ ᠬᠡᠪᠳᠡᠬᠦᠯᠦᠨᠡ᠃ ᠨᠠᠷᠠᠨ ᠤ | ᠬᠤᠷᠴᠠ ᠬᠡᠷᠡᠯ᠂ ᠭᠠᠯ ᠤᠨ ᠢᠯᠴᠢ ᠶᠢ ᠡᠪᠡᠳᠴᠢᠲᠡᠨ ᠳᠤ ᠦᠵᠡᠬᠦᠯᠬᠦ ᠦᠭᠡᠢ᠂ ᠦᠢᠮᠡᠭᠡᠨ ᠱᠤᠤᠬᠢᠶᠠᠨ ᠠᠴᠠ ᠵᠠᠶᠢᠯᠠᠭᠤᠯᠵᠤ ᠨᠡᠩ ᠢᠯᠠᠩᠭᠤᠶᠠ ᠠᠯᠬᠤᠵᠤ | ᠭᠡᠰᠬᠢᠬᠦ ᠳᠤ ᠪᠠᠨ ᠠᠯᠭᠤᠷ ᠠᠭᠠᠵᠢᠮ ᠲᠡᠭᠰᠢ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠢᠳᠡᠭᠡᠨ ᠤᠮᠳᠠᠭᠠᠨ ᠢ ᠬᠢᠴᠢᠶᠡᠵᠤ᠂ ᠰᠢᠩᠭᠡᠨ ᠪᠤᠳᠠᠭᠠ᠂ ᠰᠦ ᠲᠠᠷᠠᠭ᠂ ᠵᠢᠮᠢᠰ ᠤᠨ | ᠵᠦᠢᠯ ᠵᠡᠷᠭᠡ ᠢᠳᠡᠭᠡᠨ ᠢ ᠴᠢᠳᠠᠬᠤ ᠨᠦᠬᠦᠴᠡᠯ ᠳᠤ ᠢᠯᠡᠬᠦᠭᠡᠨ ᠢᠳᠡᠬᠦᠯᠵᠤ ᠪᠠᠶᠢᠪᠠᠯ ᠰᠠᠶᠢᠨ ᠪᠠᠶᠢᠳᠠᠭ᠃ | 9᠂ ᠦᠶᠡ ᠶᠢᠨ ᠮᠤᠯᠳᠤᠷᠠᠯ ᠢ ᠵᠠᠰᠠᠬᠤ ᠶᠤᠰᠤᠨ | ᠦᠶᠡ ᠭᠡᠳᠡᠭ ᠪᠣᠯ ᠬᠤᠶᠠᠷ ᠶᠠᠰᠤᠨ ᠤ ᠦᠵᠦᠬᠦᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠵᠠᠯᠭᠠᠭᠰᠠᠨ ᠬᠡᠰᠡᠭ ᠢ ᠬᠡᠯᠡᠨᠡ᠃ ᠦᠶᠡ ᠳᠤ ᠦᠶᠡ ᠶᠢᠨ ᠮᠦᠭᠡᠷᠰᠦ᠂ | ᠦᠶᠡ ᠶᠢᠨ ᠤᠭᠤᠲᠠ᠂ ᠦᠶᠡ ᠶᠢᠨ ᠬᠦᠨᠳᠡᠢ ᠪᠠᠷ ᠪᠦᠷᠢᠯᠳᠦᠵᠠᠢ᠂ ᠡᠳᠡᠭᠡᠷ ᠨᠢ ᠨᠦᠢᠲᠠᠨ ᠭᠤᠯᠭᠤᠮᠠᠳᠠᠭᠠᠢ᠂ ᠤᠶᠠᠨ ᠬᠠᠷᠢᠮᠠᠬᠠᠢ ᠪᠠᠶᠢᠳᠠᠭ ᠲᠤᠯᠠ | ᠬᠦᠳᠡᠯᠭᠡᠭᠡᠨ ᠬᠢᠬᠦ ᠳᠤ ᠦᠷᠦᠯᠲᠡ ᠶᠢ ᠪᠠᠭᠠᠰᠬᠠᠵᠤ ᠨᠠᠮᠬᠠᠳᠬᠠᠬᠤ ᠦᠢᠯᠡᠳᠦᠯ ᠲᠠᠢ᠃ | ᠦᠶᠡ ᠶᠢᠨ ᠮᠤᠯᠳᠤᠷᠠᠯ ᠬᠡᠳᠡᠭ ᠨᠢ ᠶᠠᠰᠤᠨ ᠤ ᠬᠤᠭᠤᠷᠤᠨᠳᠤ ᠪᠠᠨ ᠬᠡᠯᠬᠢᠶᠡᠯᠳᠤᠵᠤ ᠪᠠᠶᠢᠭᠠ ᠦᠶᠡ ᠶᠢᠨ ᠲᠠᠯᠠᠪᠠᠢ ᠨᠢ ᠶᠠᠮᠠᠷ ᠨᠢᠭᠡᠨ ᠰᠢᠯᠳᠠᠭᠠᠨ ᠠᠴᠠ | ᠪᠤᠯᠵᠤ ᠡᠷᠡᠬᠦᠯ ᠪᠠᠶᠢᠷᠢ ᠪᠠᠨ ᠠᠯᠳᠠᠬᠤ ᠪᠤᠶᠤ ᠦᠶᠡ ᠪᠤᠯᠤᠤ ᠨᠢ ᠲᠦᠰᠢ ᠠᠴᠠ ᠪᠠᠨ ᠰᠢᠯᠵᠢᠬᠦ ᠶᠢ ᠵᠢᠭᠠᠵᠤ ᠪᠤᠢ᠃ | ︵1︶ ᠦᠶᠡ ᠶᠢᠨ ᠮᠤᠯᠳᠤᠷᠠᠯ ᠢ ᠤᠯᠠᠨ ᠵᠦᠢᠯ ᠬᠤᠪᠢᠶᠠᠨ ᠨᠡᠷᠡᠶᠢᠳᠳᠡᠭ᠂ ᠮᠤᠯᠳᠤᠷᠠᠭᠰᠠᠨ ᠴᠢᠭᠯᠡᠯ ᠢᠶᠠᠷ ᠬᠤᠪᠢᠶᠠᠬᠤ᠂ ᠮᠤᠯᠳᠤᠷᠠᠯ ᠤᠨ | ᠬᠡᠮᠵᠢᠶᠡ ᠪᠠᠷ ᠬᠤᠪᠢᠶᠠᠬᠤ᠂ ᠮᠤᠯᠳᠤᠷᠠᠯ ᠤᠨ ᠬᠤᠭᠤᠴᠠᠭᠠ ᠪᠠᠷ ᠬᠤᠪᠢᠶᠠᠬᠤ᠂ ᠮᠤᠯᠳᠤᠷᠠᠯ ᠤᠨ ᠦᠶᠡ ᠶᠢᠨ ᠲᠤᠯᠤᠭᠠᠢ ᠨᠢ ᠭᠠᠳᠠᠷ ᠲᠠᠯᠠ ᠳᠤ ᠴᠤᠬᠤᠶᠢᠵᠤ | ᠭᠠᠷᠤᠭᠰᠠᠨ ᠡᠰᠡᠬᠦ ᠪᠠᠷ ᠬᠤᠪᠢᠶᠠᠬᠤ᠂ ᠦᠶᠡ ᠶᠢᠨ ᠪᠢᠳᠡᠬᠦᠦ ᠮᠤᠯᠳᠤᠷᠠᠯ᠂ ᠦᠶᠡ ᠶᠢᠨ ᠵᠠᠳᠠᠭᠠᠢ ᠮᠤᠯᠳᠤᠷᠠᠯ ᠭᠡᠵᠤ ᠬᠤᠪᠢᠶᠠᠨᠠ᠃ | ︵2︶ ᠦᠶᠡ ᠮᠤᠯᠳᠤᠷᠠᠭᠰᠠᠨ ᠰᠢᠨᠵᠢ ᠲᠡᠮᠳᠡᠭ᠃ ᠡᠪᠡᠳᠬᠦ ᠪᠠ ᠬᠠᠪᠤᠳᠬᠤ | ︵3︶ ᠦᠶᠡ ᠶᠢᠨ ᠮᠤᠯᠳᠤᠷᠠᠯ ᠢ ᠵᠠᠰᠠᠬᠤ᠃ ᠦᠶᠡ ᠮᠤᠯᠳᠤᠷᠠᠭᠰᠠᠨ ᠢ ᠡᠮᠴᠢᠯᠠᠵᠤ ᠪᠠᠷᠢᠬᠤ ᠠᠷᠭᠠ ᠪᠠ ᠢᠯᠢᠬᠦ ᠠᠷᠭᠠ ᠨᠢ ᠶᠡᠷᠦᠩᠬᠡᠢ ᠳᠤ ᠪᠠᠨ | ᠶᠠᠰᠤᠨ ᠤ ᠬᠤᠭᠤᠷᠠᠯᠲᠠ ᠶᠢ ᠵᠠᠰᠠᠬᠤ ᠠᠷᠭᠠ ᠲᠠᠢ ᠠᠳᠠᠯᠢᠪᠳᠤᠷ ᠪᠠᠶᠢᠳᠠᠭ᠂ ᠦᠶᠡ ᠮᠤᠯᠳᠤᠷᠠᠭᠰᠠᠨ ᠲᠠᠷᠤᠢ ᠳᠤ ᠨᠢ ᠲᠠᠳᠮᠠᠭᠠᠢ ᠭᠠᠷ ᠤᠨ ᠠᠪᠤᠯᠭᠠ ᠪᠠᠷ | ᠤᠷᠤᠨ ᠳᠤ ᠨᠢ ᠤᠷᠤᠭᠤᠯᠬᠤ ᠬᠡᠷᠡᠭᠲᠡᠢ᠃ | ᠮᠦᠷᠦ ᠶᠢᠨ ᠦᠶᠡ ᠶᠢᠨ ᠮᠤᠯᠳᠤᠷᠠᠯ ᠢ ᠵᠠᠰᠠᠬᠤ᠄ | ᠲᠡᠭᠰᠢᠯᠡᠵᠤ ᠪᠠᠷᠢᠬᠤ — ᠡᠪᠡᠳᠴᠢᠲᠡᠨ ᠢ ᠲᠦᠪ ᠰᠠᠭᠤᠯᠭᠠᠭᠠᠳ ᠨᠢᠭᠡᠨ ᠬᠠᠪᠰᠤᠷᠤᠭᠴᠢ ᠠᠷᠤ ᠲᠠᠯᠠ ᠳᠤ ᠨᠢ ᠵᠤᠭᠰᠤᠵᠤ᠂ ᠡᠪᠡᠳᠴᠢᠲᠡᠨ ᠢ | ᠲᠤᠭᠳᠠᠪᠤᠷᠢᠲᠠᠢ ᠪᠠᠶᠢᠯᠭᠠᠨᠠ᠃ ᠦᠷᠭᠡᠨ ᠪᠦᠰᠡ ᠪᠠᠷ ᠮᠤᠯᠳᠤᠷᠠᠭᠰᠠᠨ ᠰᠤᠭᠤ ᠶᠢᠨ ᠲᠤᠤᠭᠤᠷ᠂ ᠴᠡᠭᠡᠵᠢᠨ ᠤ ᠠᠷᠤ ᠦᠪᠦᠷ ᠲᠠᠯᠠ ᠪᠠᠷ ᠨᠢ ᠤᠷᠤᠭᠤᠯᠤᠨ | ᠬᠠᠪᠴᠢᠵᠤ᠂ ᠮᠤᠯᠳᠤᠷᠠᠭᠰᠠᠨ ᠲᠡᠭᠡᠳᠦ ᠮᠦᠴᠢ ᠶᠢᠨ ᠲᠤᠬᠤᠢ ᠶᠢᠨ ᠬᠡᠰᠡᠭ ᠪᠠ ᠪᠠᠭᠤᠤ ᠶᠢᠨ ᠲᠡᠭᠡᠳᠦ ᠬᠡᠰᠡᠭ ᠢ ᠠᠳᠬᠤᠵᠤ ᠭᠠᠳᠠᠭᠰᠢ ᠲᠠᠳᠠᠨᠠ᠃ ᠡᠨᠡ | ᠮᠡᠳᠦ ᠬᠤᠶᠠᠷ ᠲᠠᠯᠠ ᠶᠢᠨ ᠲᠡᠩᠴᠡᠬᠦᠷᠢ ᠬᠦᠴᠦᠨ ᠢᠶᠠᠷ ᠡᠰᠡᠷᠬᠦ ᠴᠢᠭᠯᠡᠯ ᠢᠶᠠᠷ ᠲᠡᠲᠡᠵᠤ ᠪᠠᠶᠢᠬᠤ ᠦᠶᠡ ᠳᠤ ᠪᠠᠷᠢᠶᠠᠴᠢ ᠠᠴᠠ ᠲᠠᠯᠦ ᠶᠢᠨ ᠶᠠᠰᠤᠨ ᠤ | ᠬᠤᠩᠰᠢᠶᠠᠷ ᠢ ᠬᠤᠶᠠᠷ ᠡᠷᠡᠬᠡᠢ ᠬᠤᠷᠤᠭᠤ ᠪᠠᠷ ᠢᠶᠠᠨ ᠲᠠᠷᠤᠵᠤ᠂ ᠨᠦᠬᠦᠭᠡ ᠨᠠᠢᠮᠠᠨ ᠬᠤᠷᠤᠭᠤ ᠪᠠᠷ ᠢᠶᠠᠨ ᠡᠪᠡᠳᠴᠢᠲᠡᠨ ᠤ ᠰᠤᠭᠤᠨ ᠳᠤ ᠨᠢ ᠪᠠᠶᠢᠬᠤ | ᠠᠳᠬᠤᠭᠠᠯ ᠤᠨ ᠲᠤᠯᠤᠭᠠᠢ ᠶᠢ ᠭᠠᠳᠠᠭᠰᠢ ᠪᠦᠭᠡᠳ ᠲᠡᠭᠡᠭᠰᠢ ᠭᠤᠬᠠᠳᠠᠵᠤ ᠲᠠᠳᠠᠨᠠ᠃ ᠡᠨᠡ ᠦᠶᠡ ᠳᠤ ᠲᠤᠬᠤᠢ ᠶᠢᠨ ᠬᠡᠰᠡᠭ ᠢ ᠠᠳᠬᠤᠭᠰᠠᠨ | ᠬᠠᠪᠰᠤᠷᠤᠭᠴᠢ ᠠᠴᠠ ᠲᠡᠭᠡᠳᠦ ᠮᠦᠴᠢ ᠶᠢ ᠨᠢ ᠲᠤᠳᠤᠭᠰᠢ ᠡᠷᠬᠢᠬᠦᠯᠦᠨ ᠬᠤᠷᠢᠶᠠᠬᠤ ᠳᠤ ᠠᠳᠬᠤᠭᠠᠯ ᠤᠨ ᠲᠤᠯᠤᠭᠠᠢ ᠨᠢ ᠪᠠᠶᠢᠷᠢᠨ ᠳᠤ ᠪᠠᠨ ᠤᠷᠤᠭᠰᠠᠨ | ᠰᠡᠷᠡᠯᠲᠡ ᠮᠡᠳᠡᠭᠳᠡᠬᠦ ᠶᠤᠮ᠃ ᠪᠠᠶᠢᠷᠢᠨ ᠳᠤ ᠨᠢ ᠤᠷᠤᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ᠂ ᠲᠤᠬᠤᠢ ᠶᠢᠨ ᠦᠶᠡ ᠶᠢ ᠨᠢ ᠲᠡᠭᠰᠢ ᠦᠨᠴᠦᠭ ᠢᠶᠠᠷ ᠬᠦᠵᠦᠬᠦᠨ ᠠᠴᠠ ᠨᠢ | ᠲᠤᠯᠤᠭᠠ ᠬᠤᠨᠤᠭ ᠲᠡᠬᠦᠵᠢᠯᠡᠪᠡᠯ ᠪᠤᠯᠴᠢᠬᠠᠨᠠ᠃ | ᠢᠯᠢᠬᠦ ᠵᠠᠰᠠᠯ — ᠡᠳᠦᠷ ᠪᠦᠷᠢ ᠬᠠᠷᠠ ᠠᠷᠢᠬᠢ ᠪᠠᠷ ᠮᠦᠷᠦᠨ ᠤ ᠦᠶᠡ ᠶᠢᠨ ᠢᠶᠠᠨ ᠠᠷᠤ ᠦᠪᠦᠷ ᠭᠠᠳᠠᠷ ᠬᠡᠰᠡᠭ ᠲᠤ ᠨᠢ ᠨᠢᠳᠡᠷᠡᠵᠤ ᠢᠯᠢᠬᠦ᠂ | ᠬᠦᠨᠳᠡᠯᠡᠨ ᠴᠢᠭᠯᠡᠯ ᠢᠶᠠᠷ ᠱᠦᠷᠬᠦᠭᠡᠵᠤ ᠢᠯᠢᠬᠦ᠂ ᠲᠠᠯᠤ ᠶᠢᠨ ᠬᠡᠰᠡᠭ ᠲᠤ ᠨᠢ ᠲᠠᠷᠤᠵᠤ ᠢᠯᠢᠬᠦ᠂ ᠬᠦᠵᠦᠬᠦᠨ ᠤ ᠬᠡᠰᠡᠭ ᠲᠤ ᠨᠢ ᠰᠢᠪᠳᠤᠷᠠᠵᠤ ᠢᠯᠢᠬᠦ᠂ | ᠠᠳᠬᠤᠭᠠᠯ ᠤᠨ ᠬᠡᠰᠡᠭ ᠲᠤ ᠨᠢ ᠪᠦᠮᠪᠦᠷᠢᠬᠦᠯᠦᠨ ᠢᠯᠢᠬᠦ ᠮᠡᠳᠦ ᠪᠠᠷ ᠵᠠᠰᠠᠨᠠ᠃ ᠡᠮ ᠤᠨ ᠵᠦᠢᠯ ᠤᠨ ᠵᠠᠰᠠᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ᠂ ᠠᠵᠢᠯᠯᠠᠭᠠ ᠶᠢᠨ | ᠪᠤᠯᠪᠠᠰᠤᠷᠠᠯ ᠢ ᠭᠤᠷᠪᠠᠳᠤᠭᠠᠷ ᠡᠳᠦᠷ ᠠᠴᠠ ᠡᠬᠢᠯᠡᠨ ᠮᠦᠷᠦᠨ ᠤ ᠦᠶᠡ ᠶᠢ ᠨᠢ ᠠᠳᠤᠷᠢᠭᠤᠯᠵᠤ ᠵᠢᠬᠢᠯᠭᠡᠬᠦ᠂ ᠲᠤᠯᠤᠭᠠᠨ ᠡᠳᠦᠷ ᠢ ᠦᠩᠭᠡᠷᠡᠪᠡᠯ ᠬᠡᠮᠳᠦᠭᠰᠡᠨ | ᠮᠦᠷᠦ ᠶᠢᠨ ᠮᠦᠴᠢ ᠶᠢ ᠨᠢ ᠲᠡᠭᠡᠭᠰᠢ ᠡᠷᠬᠦᠬᠦ ᠮᠡᠳᠦ ᠪᠠᠷ ᠪᠤᠯᠪᠠᠰᠤᠷᠠᠭᠤᠯᠤᠨᠠ᠃ | ᠡᠪᠴᠢᠬᠦᠦ — ᠡᠬᠡᠮ ᠤᠨ ᠶᠠᠰᠤᠨ ᠤ ᠦᠶᠡ ᠶᠢᠨ ᠮᠤᠯᠳᠤᠷᠠᠯ ᠪᠣᠯ ᠤᠯᠠᠩᠬᠢ ᠳᠤ ᠪᠠᠨ ᠲᠠᠮ ᠲᠤᠰᠬᠤ ᠬᠦᠴᠦᠨ ᠠᠴᠠ ᠪᠤᠯᠳᠠᠭ᠃ ᠮᠦᠷᠦᠨ ᠤ | ᠬᠡᠰᠡᠭ ᠨᠢ ᠭᠠᠳᠠᠭᠠᠳᠤ ᠬᠦᠴᠦᠨ ᠤ ᠴᠤᠬᠢᠯᠲᠠ ᠶᠢ ᠤᠯᠬᠤ ᠳᠤ ᠡᠬᠡᠮ ᠤᠨ ᠶᠠᠰᠤ ᠨᠢ ᠬᠦᠰᠢᠭᠳᠡᠵᠤ ᠮᠤᠯᠳᠤᠷᠠᠳᠠᠭ ᠶᠤᠮ᠂ ᠭᠠᠳᠠᠭᠠᠳᠤ ᠴᠤᠬᠢᠯᠲᠠ ᠶᠢᠨ | ᠬᠦᠴᠦᠨ ᠨᠢ ᠮᠦᠷᠦᠨ ᠤ ᠬᠡᠰᠡᠭ ᠲᠤ ᠠᠳᠠᠯᠢ ᠪᠤᠰᠤ ᠴᠢᠭᠯᠡᠯ ᠢᠶᠠᠷ ᠲᠤᠰᠬᠤ ᠲᠤᠯᠠ ᠡᠪᠴᠢᠬᠦᠦ ᠡᠭᠡᠮ ᠤᠨ ᠦᠶᠡ ᠨᠢ ᠡᠮᠦᠨᠡᠰᠢ ᠬᠤᠶᠢᠰᠢ ᠪᠠᠨ | ᠮᠤᠯᠳᠤᠷᠠᠳᠠᠭ ᠶᠤᠮ᠃ ᠡᠬᠦᠨ ᠳᠤ ᠡᠮᠦᠨᠡᠰᠢ ᠪᠠᠨ ᠮᠤᠯᠳᠤᠷᠠᠬᠤ ᠨᠢ ᠤᠯᠠᠨ ᠪᠠᠶᠢᠳᠠᠭ᠃ | ᠤᠨᠤᠰᠢ ᠲᠠᠯᠪᠢᠬᠤ — ᠡᠪᠡᠳᠴᠢᠯᠡᠭᠰᠡᠨ ᠬᠡᠰᠡᠭ ᠲᠤ ᠨᠢ ᠴᠢᠰᠤᠨ ᠲᠤᠯᠪᠤ ᠪᠤᠢ ᠪᠤᠯᠵᠤ ᠬᠠᠪᠤᠳᠳᠠᠭ᠃ ᠡᠬᠡᠮ ᠤᠨ ᠶᠠᠰᠤᠨ ᠤ ᠲᠤᠤᠷᠠᠳᠤ | ᠲᠤᠯᠤᠭᠠᠢ ᠶᠢᠨ ᠭᠡᠰᠡᠭ ᠨᠢ ᠠᠷᠠᠰᠤᠨ ᠲᠤᠤᠷᠠ ᠬᠦᠳᠦ᠋ᠢᠵᠤ ᠭᠠᠷᠤᠨᠠ᠃ | ᠡᠮᠴᠢᠯᠡᠨ ᠵᠠᠰᠠᠬᠤ — ᠡᠪᠡᠳᠴᠢᠲᠡᠨ ᠢ ᠲᠦᠪ ᠰᠠᠭᠤᠯᠭᠠᠵᠤ᠂ ᠬᠠᠪᠰᠤᠷᠤᠭᠴᠢ ᠠᠴᠠ ᠡᠪᠡᠳᠴᠢᠲᠡᠨ ᠤ ᠬᠡᠮᠳᠦᠭᠰᠡᠨ ᠭᠠᠷ ᠢ ᠭᠠᠳᠠᠭᠰᠢ ᠲᠡᠭᠡᠭᠰᠢ | ᠡᠷᠬᠦᠵᠤ ᠲᠠᠳᠠᠬᠤ ᠲᠠᠢ ᠪᠠᠨ ᠵᠡᠷᠭᠡᠪᠡᠷ ᠪᠠᠷᠢᠶᠠᠴᠢ ᠠᠴᠠ ᠵᠡᠬᠦᠨ ᠭᠠᠷ ᠢᠶᠠᠷ ᠢᠶᠠᠨ ᠲᠠᠯᠤ ᠶᠢᠨ ᠬᠡᠰᠡᠭ ᠲᠤ ᠨᠢ ᠲᠦᠰᠢᠵᠤ᠂ ᠪᠠᠷᠠᠭᠤᠨ ᠭᠠᠷ ᠤᠨ ᠡᠷᠡᠭᠡᠢ | ᠬᠤᠷᠤᠭᠤ ᠪᠠᠷ ᠢᠶᠠᠨ ᠡᠪᠡᠳᠴᠢᠯᠡᠭᠰᠡᠨ ᠡᠬᠡᠮ ᠤᠨ ᠶᠠᠰᠤᠨ ᠤ ᠲᠤᠳᠤᠷᠠ ᠬᠡᠰᠡᠭ ᠲᠤ ᠬᠦᠴᠦᠲᠠᠢ ᠲᠠᠷᠤᠬᠤ ᠳᠤ ᠫᠦᠰ ᠬᠡᠬᠦ ᠲᠠᠭᠤᠨ ᠭᠠᠷᠴᠤ | ᠮᠤᠯᠳᠤᠷᠠᠭᠰᠠᠨ ᠦᠶᠡ ᠨᠢ ᠤᠷᠤᠨ ᠳᠤ ᠪᠠᠨ ᠤᠷᠤᠳᠠᠭ ᠶᠤᠮ᠃ ᠤᠤᠯ ᠤᠨ ᠤᠷᠤᠨ ᠳᠤ ᠨᠢ ᠤᠷᠤᠭᠤᠯᠤᠭᠰᠠᠨ ᠤ ᠰᠡᠬᠦᠯᠡᠷ ᠮᠤᠯᠳᠤᠷᠠᠭᠰᠠᠨ ᠬᠡᠰᠡᠭ ᠢ ᠨᠢ | ᠬᠤᠷᠢᠨ ᠨᠢᠭᠡᠨ ᠡᠳᠦᠷ ︽S︾ ᠬᠡᠯᠪᠡᠷᠢ ᠪᠠᠷ ᠱᠠ ᠪᠦᠰ ᠢᠶᠠᠷ ᠪᠠᠬᠢᠯᠡᠵᠤ ᠲᠤᠭᠲᠠᠭᠠᠨᠠ᠃ ᠡᠳᠦᠷ ᠪᠦᠷᠢ ᠬᠠᠷᠠ ᠠᠷᠢᠬᠢ ᠪᠠᠷ ᠮᠤᠯᠳᠤᠷᠠᠭᠰᠠᠨ | ᠬᠡᠰᠡᠭ ᠲᠤ ᠨᠢ ᠲᠠᠷᠤᠵᠤ ᠢᠯᠢᠬᠦ ᠪᠠ ᠨᠢᠷᠤᠭᠤᠨ ᠤ ᠬᠡᠰᠡᠭ ᠲᠤ ᠨᠢ ᠱᠦᠷᠬᠦᠭᠡᠵᠤ ᠢᠯᠢᠬᠦ ᠮᠡᠳᠦ ᠪᠠᠷ ᠵᠠᠰᠠᠨᠠ᠃ ᠡᠮ ᠤᠨ ᠵᠠᠰᠠᠯ ᠲᠠᠢ ᠤᠶᠠᠯᠳᠤᠭᠤᠯᠤᠨ | ᠬᠦᠳᠡᠯᠭᠡᠭᠡᠨ ᠤ ᠪᠤᠯᠪᠠᠰᠤᠷᠠᠯ ᠬᠢᠯᠭᠡᠵᠤ᠂ ᠬᠡᠮᠳᠦᠭᠰᠡᠨ ᠬᠡᠰᠡᠭ ᠤᠨ ᠮᠦᠷᠦ ᠶᠢ ᠲᠡᠭᠡᠭᠰᠢ ᠡᠮᠦᠨᠡ ᠴᠢᠭᠯᠡᠯ ᠢᠶᠠᠷ ᠡᠷᠬᠦᠬᠦ ᠮᠡᠳᠦ ᠶᠢᠨ ᠪᠤᠯᠪᠠᠰᠤᠷᠠᠯ ᠢ ᠬᠢᠯᠭᠡᠨᠡ | ᠃ | ︽ᠤᠷᠠᠳ ᠲᠡᠤᠬᠡ ᠰᠤᠶᠤᠯ︾ ᠤᠨ ︵ᠲᠡᠭᠡᠳᠦ ᠲᠡᠪᠲᠡᠷ︶ ᠠᠴᠠ ᠪᠠᠭᠤᠯᠭᠠᠪᠠ | | |