ᠤᠷᠠᠳᠴᠤᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠨᠢ ᠨᠡᠶᠢᠲᠠ ᠮᠣᠩᠭᠤᠯᠴᠤᠳ ᠲᠠᠢ ᠠᠳᠡᠯᠢᠪᠲᠤᠷ ᠪᠠᠶᠢᠳᠠᠭ ᠪᠣᠯᠪᠠᠴᠤ ᠵᠠᠷᠢᠮ ᠲᠠᠯᠠ ᠪᠠᠷ ᠦᠪᠡᠷᠮᠢᠴᠡ ᠣᠷᠣᠨ | ᠨᠤᠲᠤᠭ ᠤᠨ ᠤᠨᠴᠠᠯᠢᠭ ᠲᠠᠢ ᠶᠤᠮ᠃ | ᠨᠢᠭᠡ᠂ ᠬᠤᠪᠴᠠᠰᠤ ᠵᠠᠰᠠᠯ | ᠲᠡᠷᠯᠢᠭ᠂ ᠳᠡᠪᠡᠯ᠂ ᠵᠣᠪᠴᠠᠬᠠ᠂ ᠴᠠᠮᠴᠠ᠂ ᠬᠠᠨᠵᠢᠶᠠᠷ᠂ ᠪᠥᠰᠨ ᠪᠣᠯ ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠭᠤᠣᠯ ᠪᠣᠯᠬᠤ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠵᠦᠢᠯ | ᠪᠣᠯᠣᠨᠠ᠂ ᠤᠷᠠᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠥᠩᠭᠡ ᠭᠠᠯᠪᠢᠷ ᠨᠢ ᠬᠤᠷᠴᠠ ᠰᠠᠶᠢᠬᠠᠨ᠂ ᠬᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠰᠣᠨᠢᠨ ᠰᠡᠪᠡᠬᠦᠨ ᠵᠡᠷᠭᠡ ᠤᠨᠴᠠᠯᠢᠭ ᠲᠠᠢ᠂ | ᠲᠡᠷᠯᠢᠭ ᠲᠤ ᠲᠤᠳᠣᠷ ᠲᠠᠢ ᠶᠢ ᠨᠢ ᠲᠡᠷᠯᠢᠭ ᠭᠡᠵᠦ᠂ ᠲᠣᠳᠣᠷ ᠦᠭᠡᠢ ᠶᠢ ᠨᠢ ᠴᠠᠮᠴᠠ ᠭᠡᠳᠡᠭ᠂ ᠡᠨᠡ ᠲᠠᠯᠠ ᠪᠠᠷ ᠢᠶᠠᠨ ᠵᠠᠷᠢᠮ ᠮᠣᠩᠭᠤᠯ ᠨᠤᠲᠤᠭ ᠤᠨ ᠬᠢ ᠲᠠᠢ | ᠠᠳᠠᠯᠢ ᠪᠤᠰᠤ ᠪᠠᠶᠢᠳᠠᠭ᠂ ᠡᠭᠦᠨ ᠢ ᠪᠤᠳᠠᠲᠤ ᠵᠢᠱᠢᠶᠡ ᠪᠠᠷ ᠦᠵᠡᠭᠦᠯᠪᠡᠯ ᠤᠷᠠᠳ ᠠᠷᠠᠳ ᠤᠨ ᠳᠠᠭᠤᠤ ᠳᠤ ︽ᠲᠡᠩ ᠴᠠᠮᠴᠠ ᠲᠠᠭᠠᠨ ᠮᠣᠷᠢ ᠲᠠᠢ ᠲᠠᠭᠠᠷᠠᠭᠰᠠᠨ | ᠪᠠᠶᠢᠯ ᠦᠭᠡᠢ᠂ ᠳ᠋ᠠ ᠯᠠᠮᠠ ᠪᠠᠭᠰᠢ ᠶᠢᠨ ᠢᠶᠠᠨ ᠡᠪᠦᠷ ᠲᠤ ᠣᠷᠣᠪᠠᠯ ᠲᠤᠯᠠᠭᠠᠴᠠᠬᠤ ᠪᠠᠶᠢᠯ ᠦᠭᠡᠢ︾ ᠭᠡᠵᠦ ᠪᠠᠶᠢᠳᠠᠭ᠂ ᠠᠳᠡ ᠬᠡᠯᠡᠵᠦ ᠪᠠᠶᠢᠭᠠ ᠲᠡᠩ ᠴᠠᠮᠴᠠ | ᠭᠡᠳᠡᠭ ᠨᠢ ᠲᠤᠳᠣᠷ ᠦᠭᠡᠢ ᠲᠡᠷᠯᠢᠭ ᠢ ᠵᠢᠭᠠᠵᠠᠢ᠂ ᠬᠠᠷᠢᠨ ᠬᠠᠨᠲᠠᠭᠠᠰᠣ ᠶᠢ ᠬᠡᠯᠡᠭᠰᠡᠨ ᠪᠢᠰᠢ ᠶᠤᠮ᠂ ᠪᠠᠰᠠ ᠨᠢᠭᠡ ᠤᠨᠴᠠᠯᠢᠭ ᠲᠠᠢ ᠵᠦᠢᠯ ᠨᠢ ᠬᠥᠪᠥᠩ | ᠲᠠᠯᠪᠢᠭᠰᠠᠨ ᠲᠡᠷᠯᠢᠭ ᠢ ᠤᠷᠠᠳ ᠲᠤ ᠯᠠᠪᠠᠰᠢᠭ ᠭᠡᠳᠡᠭ᠂ ᠬᠠᠷᠢᠨ ᠲᠡᠷᠯᠢᠭ ᠭᠡᠳᠡᠭ ᠦᠭᠡᠢ᠃ ᠡᠭᠦᠨ ᠢ ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠬᠢᠨ ᠬᠥᠪᠥᠩ ᠲᠠᠢ ᠲᠡᠷᠯᠢᠭ ᠪᠤᠶᠤ | ᠬᠥᠪᠥᠩ ᠲᠡᠷᠯᠢᠭ ᠭᠡᠵᠦ᠂ ᠬᠡᠰᠢᠭᠲᠡᠨ ᠳᠤ ᠫᠠᠩᠬᠤ ᠭᠡᠮᠡᠨ ᠨᠡᠷᠡᠯᠡᠳᠡᠭ ᠪᠠᠶᠢᠨᠠ᠃ | ᠤᠷᠠᠳ ᠲᠡᠷᠯᠢᠭ᠂ ᠳᠡᠪᠡᠯ ᠳᠤ ᠬᠤᠷᠭᠤᠢ ᠲᠣᠷᠭᠠ ᠭᠡᠬᠦ ᠮᠡᠲᠦ ᠴᠢᠨᠠᠷᠯᠢᠭ ᠭᠤᠶᠣᠬᠠᠨ ᠪᠥᠰ ᠪᠠᠷᠠᠭᠠ ᠪᠠᠷ ᠡᠮᠵᠢᠶᠡᠷᠢ ᠬᠢᠳᠡᠭ ᠵᠠᠩᠰᠢᠯ ᠲᠠᠢ᠂ ᠡᠮᠵᠢᠶᠡᠷᠢ ᠨᠢ | ᠪᠥᠷ ᠭᠤᠷᠪᠠ ᠪᠠᠶᠢᠳᠠᠭ ᠪᠣᠯᠬᠤᠷ ᠭᠤᠷᠪᠠᠨ ᠡᠮᠵᠢᠶᠡᠷᠢ ᠭᠡᠳᠡᠭ ᠪᠠᠶᠢᠨᠠ᠃ | ᠴᠠᠭᠠᠮᠠᠯ ᠠᠷᠠᠰᠤᠨ ᠳᠡᠪᠡᠯ ᠳᠤ ᠣᠯᠠᠩᠬᠢ ᠳᠠᠭᠠᠨ ᠨᠢᠭᠡ ᠥᠷᠭᠡᠨ ᠨᠢᠭᠡ ᠨᠠᠷᠢᠨ ᠬᠠᠷᠠ ᠡᠮᠴᠢᠶᠡᠷᠢ ᠳᠠᠷᠤᠭᠤᠯᠳᠠᠭ᠂ ᠡᠭᠦᠨ ᠢ ᠪᠠᠨ ᠪᠠᠰᠠ ᠥᠩᠭᠡ ᠨᠡᠬᠡᠢ | ᠳᠡᠪᠡᠯ ᠭᠡᠳᠡᠭ᠂ ᠤᠷᠠᠳ ᠲᠡᠷᠯᠢᠭ᠂ ᠳᠡᠪᠡᠯ ᠳᠤ ᠵᠠᠷᠢᠮ ᠬᠤᠰᠢᠭᠤᠨ ᠤ ᠬᠢᠨᠢ ᠣᠨᠣᠭᠤ ᠲᠠᠢ ᠪᠠᠶᠢᠬᠤ ᠳᠤ ᠵᠠᠷᠢᠮ ᠬᠤᠰᠢᠭᠤᠨ ᠤ ᠬᠢᠨᠢ ᠣᠨᠣᠭᠤ ᠦᠭᠡᠢ ᠪᠢᠲᠡᠭᠦᠦ | ᠲᠠᠰᠢᠶᠠ ᠲᠠᠢ ᠪᠠᠶᠢᠳᠠᠭ᠃ ᠲᠡᠷᠯᠢᠭ᠂ ᠳᠡᠪᠡᠯ ᠤᠨ ᠳᠣᠪᠴᠢ ᠨᠢ ᠣᠯᠠᠩᠬᠢ ᠳᠠᠭᠠᠨ ᠮᠥᠩᠭᠦ ᠪᠠᠷᠢᠵᠤ᠂ ᠬᠠᠶᠠ ᠵᠠᠷᠢᠮ ᠨᠢ ᠭᠠᠣᠯᠢ ᠵᠠᠰ ᠤᠨ ᠬᠢ ᠪᠠᠰᠠ ᠪᠠᠶᠢᠳᠠᠭ᠃ | ᠤᠷᠠᠳ ᠮᠣᠩᠭᠤᠯ ᠲᠡᠷᠯᠢᠭ᠂ ᠳᠡᠪᠡᠯ ᠤᠨ ᠡᠷᠡᠭᠲᠡᠢ ᠶᠢᠨ ᠬᠢᠨᠢ ᠶᠡᠷᠦᠲᠡᠬᠡᠨ ᠠᠭᠤᠵᠢᠮ ᠡᠯᠪᠡᠭ᠂ ᠡᠮᠡᠭᠲᠡᠢ ᠶᠢᠨ ᠬᠢᠨᠢ ᠪᠠᠷᠢᠭᠤ ᠴᠢᠬᠤᠯ ᠪᠠᠶᠢᠳᠠᠭ ᠪᠣᠯᠬᠤᠷ | ᠬᠥᠮᠥᠰ ᠤᠨ ᠪᠡᠶᠡ ᠭᠠᠯᠪᠢᠷ ᠤᠨ ᠭᠤᠸᠠ ᠴᠢᠭᠢᠷᠠᠭ ᠢ ᠨᠢᠬᠡ ᠶᠣᠰᠣᠨᠠ ᠭᠠᠶᠢᠬᠠᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | ᠵᠤᠪᠴᠠᠭᠠ ᠳᠡᠪᠡᠯ ᠭᠡᠳᠡᠭ ᠪᠣᠯ ᠬᠤᠨᠢ ᠪᠤᠶᠤ ᠪᠤᠰᠤᠳ ᠠᠮᠢᠲᠠᠨ ᠤ ᠠᠷᠠᠰᠣ ᠪᠠᠷ ᠲᠣᠳᠣᠷᠯᠠᠭᠰᠠᠨ ᠳᠡᠪᠡᠯ ᠢ ᠬᠡᠯᠡᠨᠡ᠃ ᠵᠤᠪᠴᠠᠭᠠ ᠳᠡᠪᠡᠯ ᠢ ᠲᠤᠭᠠ ᠪᠤᠶᠤ | ᠪᠤᠰᠤᠳ ᠪᠥᠰ ᠪᠠᠷᠠᠭᠠ ᠪᠠᠷ ᠥᠩᠭᠡ ᠲᠠᠲᠠᠨ ᠭᠠᠳᠠᠷᠯᠠᠵᠤ ᠪᠥᠷ ᠪᠣᠯᠳᠠᠭ᠃ | | | | | ᠬᠤᠶᠠᠷ᠂ ᠬᠠᠨᠵᠢᠶᠠᠷ ︵ᠣᠤᠵᠢ ︶ | ᠬᠠᠨᠵᠢᠶᠠᠷ ᠪᠣᠯ ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠴᠢᠬᠤᠯᠠ ᠪᠥᠷᠢᠯᠳᠦᠭᠦᠨ ᠬᠡᠰᠡᠭ ᠪᠣᠯᠣᠨᠠ᠂ ᠤᠷᠠᠳ | ᠤᠨ ᠬᠠᠨᠵᠢᠶᠠᠷ ᠨᠢ ᠪᠣᠰᠤᠳ ᠬᠤᠰᠢᠭᠤ ᠨᠤᠲᠤᠭ ᠤᠨ ᠬᠢ ᠲᠠᠢ ᠠᠳᠠᠯᠢ ᠪᠠᠷ ᠥᠨᠴᠥᠭ ᠬᠤᠷᠮᠣᠢ ᠳᠠᠭᠠᠨ ᠬᠤᠷᠭᠤᠢ ᠲᠤᠷᠭᠠ ᠪᠠᠷ ᠳᠠᠷᠤᠭᠤᠯᠵᠤ ᠣᠷᠣᠭᠰᠠᠨ ᠣᠯᠠᠨ | ᠬᠡᠯᠪᠡᠷᠢ ᠶᠠᠩᠵᠤ ᠶᠢᠨ ᠣᠭᠠᠯᠵᠠ ᠲᠠᠢ ᠪᠠᠶᠢᠳᠠᠭ ᠲᠤᠯᠠ ᠮᠠᠰᠢ ᠭᠤᠶᠣ ᠦᠵᠡᠮᠦᠷᠢ ᠲᠠᠢ ᠪᠠᠶᠢᠳᠠᠭ᠃ ᠬᠠᠨᠵᠢᠶᠠᠷ ᠢ ᠤᠷᠠᠳ ᠮᠣᠩᠭᠤᠯ ᠤᠨ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠪᠥᠷ | ᠡᠮᠦᠰᠴᠦ ᠡᠳ᠋ᠯᠡᠳᠡᠭ᠂ ᠭᠡᠪᠡᠴᠦ ᠥᠪᠡᠷᠰᠡᠳ ᠤᠨ ᠢᠶᠠᠨ ᠨᠠᠰᠤ ᠵᠢᠯ᠂ ᠬᠡᠷᠬᠡᠮ ᠵᠡᠷᠭᠡ ᠶᠢᠨ ᠠᠳᠠᠯᠢ ᠪᠤᠰᠤ ᠶᠢ ᠦᠨᠳᠦᠰᠦᠯᠡᠨ ᠠᠳᠠᠯᠢ ᠪᠤᠰᠤ ᠶᠢᠨ ᠥᠩᠭᠡ ᠶᠠᠩᠵᠤ | ᠶᠢᠨ ᠬᠢ ᠶᠢ ᠡᠮᠦᠰᠳᠡᠭ ᠪᠢᠯᠡ᠃ ᠶᠡᠷᠦᠲᠡᠬᠡᠨ ᠵᠠᠯᠠᠭᠤ ᠬᠡᠦᠬᠡᠨ᠂ ᠪᠥᠰᠡᠭᠦᠶᠢᠴᠦᠳ ᠬᠤᠷᠴᠠ ᠥᠩᠭᠡ ᠶᠢᠨ ᠬᠢ ᠶᠢ᠂ ᠡᠪᠦᠭᠡᠳ ᠬᠥᠭᠰᠢᠳ ᠨᠢ ᠭᠦᠶᠦᠬᠡᠨ ᠥᠩᠭᠡ | ᠶᠢ ᠡᠮᠦᠰᠳᠡᠭ ᠪᠢᠯᠡ᠃ | ᠭᠤᠷᠪᠠ᠂ ᠪᠦᠰᠡ | ᠪᠦᠰᠡ ᠪᠣᠯ ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠴᠢᠬᠤᠯᠠ ᠬᠡᠰᠡᠭ ᠪᠣᠯᠣᠨᠠ᠃ ᠲᠡᠷᠯᠢᠭ ᠳᠡᠪᠡᠯ ᠡᠮᠦᠰᠦᠭᠡᠳ ᠪᠥᠰᠡ ᠪᠥᠰᠡᠯᠡᠬᠦ ᠦᠭᠡᠢ | ᠪᠣᠯ ᠱᠠᠯ ᠦᠵᠡᠮᠦᠷᠢ ᠦᠭᠡᠢ ᠶᠠᠭᠤᠮᠠ ᠪᠣᠯᠣᠨᠠ᠃ ᠤᠷᠠᠳᠴᠤᠳ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠦᠭᠡᠢ ᠪᠥᠰᠡ ᠶᠢ ᠥᠷᠭᠡᠨ ᠪᠥᠰᠡᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠪᠥᠰᠠ ᠶᠢ | ᠥᠷᠭᠡᠨ ᠰᠠᠶᠢᠬᠠᠨ ᠪᠥᠰᠡᠯᠡᠪᠡᠯ ᠮᠠᠰᠢ ᠰᠦᠷ ᠵᠢᠪᠬᠤᠭᠠ ᠲᠠᠢ ᠪᠠᠶᠢᠳᠠᠭ᠃ ᠪᠥᠰᠠ ᠨᠢ ᠣᠯᠠᠩᠬᠢ ᠳᠠᠭᠠᠨ ᠶᠠᠭᠠᠨ᠂ ᠨᠣᠭᠤᠭᠠᠨ᠂ ᠰᠢᠷᠠ᠂ ᠣᠯᠠᠪᠣᠷ ᠥᠩᠭᠡ ᠶᠢᠨ | ᠪᠠᠶᠢᠳᠠᠭ᠃ ᠣᠳᠣ ᠶᠢᠨ ᠮᠣᠩᠭᠤᠯᠴᠤᠳ ᠤᠨ ᠡᠳ᠋ᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠭᠠ ᠪᠦᠰᠡ ᠨᠢ ᠪᠦᠷ ᠲᠣᠭᠯᠠᠯᠠᠲᠠ ᠳᠤ ᠬᠡᠷᠡᠭᠯᠡᠳᠡᠭ ᠡᠷᠲᠡᠨ ᠤ ᠵᠠᠰᠠᠯᠲᠣ ᠰᠢ | ᠳᠠᠭᠤᠯᠠᠭᠴᠢᠳ ᠤᠨ ᠬᠡᠷᠡᠭᠯᠡᠳᠡᠭ ᠦᠷᠭᠡᠪᠲᠣᠷ ᠳᠠᠯᠠᠢ ᠰᠢᠣᠬᠡᠨ ᠶᠠᠭᠤᠮᠠ ᠪᠣᠯᠵᠣ ᠬᠤᠪᠢᠷᠠᠭᠰᠠᠨ ᠨᠢ ᠮᠣᠩᠭᠤᠯ ᠬᠤᠪᠴᠠᠰᠣ ᠵᠠᠰᠠᠯ ᠤᠨ ᠦᠵᠡᠮᠵᠢ ᠭᠠᠯᠪᠢᠷ ᠢ | ᠬᠤᠪᠢ ᠳᠠᠬᠢᠨ ᠪᠠᠭᠤᠷᠠᠭᠤᠯᠤᠭᠰᠠᠨ ᠪᠠᠶᠢᠨᠠ᠂ ᠡᠶᠢᠮᠦ ᠠᠴᠠ ᠣᠯᠠᠮᠵᠢᠯᠠᠯᠲᠤ ᠪᠥᠰᠡ ᠪᠠᠨ ᠪᠥᠰᠡᠯᠡᠬᠦ ᠶᠢ ᠡᠷᠬᠢᠮᠯᠡᠪᠡᠯ ᠵᠦᠢᠲᠠᠢ᠃ | | | | | ᠳᠥᠷᠪᠡ᠂ ᠭᠤᠲᠣᠯ | ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠭᠤᠲᠤᠯ ᠳᠤ ᠪᠣᠯᠢᠭᠠᠷᠢ᠂ ᠬᠥᠮ᠂ ᠬᠢᠯᠢᠩ ᠮᠠᠬᠠᠢ ᠵᠡᠷᠭᠡ ᠬᠡᠳᠦᠨ ᠲᠥᠷᠥᠯ ᠵᠦᠢᠯ ᠪᠤᠢ᠃ ᠪᠣᠯᠢᠭᠠᠷᠢ ᠭᠤᠲᠤᠯ ᠳᠤ ᠳᠦᠷᠡᠢ | ᠵᠣᠯᠤᠭ ᠲᠤᠨᠢ ᠡᠪᠡᠰᠦᠨ ᠭᠡ᠂ ᠡᠭᠦᠯᠡᠨ ᠬᠡ᠂ ᠪᠠᠭᠪᠠᠭ᠋ᠠᠢ᠂ ᠥᠯᠵᠡᠢ ᠵᠠᠩᠬᠢᠶᠠ ᠭᠡᠬᠦ ᠮᠡᠲᠦ ᠶᠢᠨ ᠬᠡ ᠤᠭᠠᠯᠵᠠ ᠳᠠᠷᠤᠭᠤᠯᠤᠨ ᠣᠷᠣᠭᠰᠠᠨ ᠪᠠᠶᠢᠳᠠᠭ᠂ ᠮᠠᠬᠠᠢ | ᠭᠤᠲᠤᠯ ᠢ ᠣᠯᠠᠩᠬᠢ ᠳᠠᠭᠠᠨ ᠬᠢᠯᠢᠩ ᠪᠤᠶᠤ ᠬᠦᠴᠢ ᠬᠢᠯᠢᠩ ᠵᠡᠷᠭᠡ ᠪᠥᠰ ᠢᠶᠠᠷ ᠣᠷᠣᠵᠤ᠂ ᠲᠦᠷᠠᠢ ᠵᠣᠯᠤᠭ ᠳᠡᠭᠡᠷᠡ ᠨᠢ ᠣᠯᠠᠨ ᠶᠠᠩᠵᠤ ᠶᠢᠨ ᠤᠭᠠᠯᠵᠠ ᠬᠤᠸᠠᠷ ᠢ | ᠤᠷᠠᠯᠠᠨ ᠬᠠᠳᠬᠤᠵᠤ ᠣᠶᠣᠳᠠᠭ᠃ ᠤᠷᠠᠳ ᠲᠤ ᠭᠤᠲᠤᠯ ᠢ ᠤᠯᠠ ᠪᠠᠷ ᠨᠢ ᠬᠠᠷᠠ ᠤᠯᠠ ᠲᠠᠢ ᠭᠤᠲᠤᠯ᠂ ᠨᠠᠭᠠᠮᠠᠯ ᠤᠯᠠ ᠲᠠᠢ ᠭᠤᠲᠤᠯ ᠪᠠ ᠢᠰᠡᠭᠡᠢ ᠤᠯᠠ ᠲᠠᠢ | ᠭᠤᠲᠤᠯ ᠭᠡᠮᠡᠨ ᠢᠯᠭᠠᠨ ᠨᠡᠷᠡᠯᠡᠳᠡᠭ ᠪᠠᠶᠢᠨᠠ᠃ ᠬᠠᠷᠠ ᠤᠯᠠ ᠲᠠᠢ ᠭᠡᠳᠡᠭ ᠨᠢ ᠦᠬᠡᠷ ᠤᠨ ᠠᠷᠠᠰᠤᠨ ᠤᠯᠠ ᠶᠢ ᠵᠢᠭᠠᠵᠤ ᠨᠠᠭᠠᠮᠠᠯ ᠣᠯᠠ ᠭᠡᠳᠡᠭ ᠨᠢ ᠣᠯᠠᠨ ᠵᠦᠢᠯ | ᠤᠨ ᠪᠥᠰ ᠤᠨ ᠥᠭᠡᠳᠡᠰᠦ ᠶᠢ ᠨᠠᠭᠠᠯᠲᠠ ᠪᠠᠷ ᠨᠠᠭᠠᠯᠳᠤᠭᠤᠯᠤᠨ ᠣᠯᠣᠰᠣᠨ ᠤᠲᠠᠰᠤ ᠪᠠᠷ ᠰᠢᠷᠢᠵᠦ ᠣᠶᠣᠭᠰᠠᠨ ᠢ ᠬᠡᠯᠡᠨᠡ᠃ ᠢᠰᠡᠭᠡᠢ ᠤᠯᠠ ᠲᠠᠢ ᠭᠤᠲᠤᠯ ᠪᠣᠯ | ᠬᠥᠭᠰᠢᠨ ᠨᠠᠰᠤᠲᠠᠢ ᠬᠥᠮᠥᠰ ᠤᠨ ᠡᠮᠦᠰᠳᠡᠭ ᠦᠵᠡᠮᠵᠢ ᠭᠠᠯᠪᠢᠷ ᠢᠶᠠᠷ ᠠᠨᠠᠶᠢᠬᠠᠨ ᠵᠤᠵᠠᠭᠠᠨ ᠢᠰᠡᠭᠡᠢ ᠳᠡᠭᠡᠷᠡ ᠪᠣᠯᠢᠭᠠᠷᠢ ᠪᠠᠷ ᠥᠩᠭᠡᠯᠡᠭᠰᠡᠨ ᠭᠤᠲᠤᠯ ᠪᠣᠯᠣᠨᠠ᠂ | ᠤᠷᠠᠳ ᠭᠤᠲᠤᠯ ᠤᠨ ᠪᠠᠰᠠ ᠨᠢᠭᠡᠨ ᠵᠦᠢᠯ ᠪᠣᠯ ᠳᠡᠰᠡᠮᠡ ᠪᠣᠯᠣᠨᠠ᠃ ᠳᠡᠰᠡᠮᠡ ᠨᠢ ᠶᠡᠷᠦᠲᠡᠬᠡᠨ ᠠᠳᠤᠭᠤᠨ ᠤ ᠰᠠᠭᠠᠷᠢ ︵ᠠᠷᠠᠰᠤ ︶ ᠪᠠᠷ ᠬᠢᠳᠡᠭ᠃ ᠴᠣᠯ | ᠨᠣᠭᠤᠭᠠᠨ ᠪᠤᠶᠤ ᠰᠢᠷᠠᠪᠲᠤᠷ ᠤᠯᠠᠭᠠᠨ᠂ ᠬᠠᠷᠠ ᠵᠡᠷᠭᠡ ᠥᠩᠭᠡ ᠶᠢᠨ ᠪᠠᠶᠢᠳᠠᠭ᠃ ᠳᠡᠰᠡᠮᠡ ᠶᠢ ᠭᠤᠲᠤᠯ ᠤᠨ ᠬᠠᠮᠠᠷ ᠵᠣᠯᠤᠭ ᠤᠨ ᠬᠡᠰᠡᠭ ᠲᠤ ᠬᠡᠷᠡᠭᠯᠡᠳᠡᠭ᠂ | ᠤᠷᠠᠳ ᠭᠤᠲᠤᠯ ᠤᠨ ᠲᠦᠷᠠᠢ ᠶᠢᠨ ᠳᠡᠭᠡᠳᠦ ᠬᠡᠰᠡᠭ ᠲᠤ ᠣᠨᠴᠠ ᠭᠤᠶᠣ ᠤᠭᠠᠯᠵᠠ ᠬᠠᠳᠬᠠᠳ ᠣᠷᠣᠭᠰᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠢ ᠬᠠᠷᠠᠭᠠ ᠲᠠᠢ ᠭᠤᠳᠤᠯ ᠭᠡᠳᠡᠭ | ᠶᠤᠮ᠃ | ᠬᠦᠮ ᠭᠤᠲᠤᠯ ᠭᠡᠳᠡᠭ ᠪᠣᠯ ᠨᠡᠯᠢᠶᠡᠳ ᠪᠦᠳᠦᠭᠦᠯᠢᠭ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠪᠣᠯᠢᠭᠠᠷᠢ ᠮᠡᠲᠦ ᠬᠡ ᠠᠷ ᠦᠭᠡᠢ ᠠᠷᠠᠰᠤᠨ ᠭᠤᠲᠤᠯ ᠪᠣᠯᠣᠨᠠ᠂ ᠬᠠᠭᠤᠴᠢᠨ | ᠨᠡᠶᠢᠭᠡᠮ ᠳᠤ ᠡᠭᠡᠯ ᠬᠠᠷᠠᠴᠤ ᠬᠥᠮᠥᠰ ᠬᠥᠮ ᠭᠤᠲᠤᠯ ᠡᠮᠦᠰᠳᠡᠭ ᠭᠡᠨᠡ᠃ ᠬᠢᠯᠢᠩ ᠭᠤᠲᠤᠯ ᠢ ᠣᠯᠠᠩᠬᠢ ᠳᠠᠭᠠᠨ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠯᠠᠮᠠ ᠬᠤᠸᠠᠷᠠᠭ ᠬᠥᠮᠥᠰ | ᠡᠮᠦᠰᠳᠡᠭ ᠪᠣᠯᠬᠤᠷ ︽ᠬᠢᠯᠢᠩ ᠮᠠᠯᠠᠭᠠᠢ ᠭᠤᠲᠤᠯ ᠲᠠᠢ᠂ ᠬᠡᠯᠡᠬᠦ ᠭᠤᠷᠪᠠᠨ ᠦᠭᠡ ᠲᠠᠢ︾ ᠭᠡᠳᠡᠭ ᠪᠣᠯᠣᠭᠰᠠᠨ ᠠᠵᠤᠭᠤ᠃ | | | | | ᠲᠠᠪᠤ᠂ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ︵ ᠰᠦᠢᠭᠡ ᠵᠠᠰᠠᠯ︶ | ᠤᠷᠠᠳ ᠨᠤᠲᠤᠭ ᠤᠨ ᠪᠥᠰᠡᠭᠦᠶᠢᠴᠦᠳ ᠥᠪᠡᠷᠰᠡᠳ ᠤᠨ ᠠᠵᠤ ᠠᠮᠢᠳᠤᠷᠠᠯ ᠤᠨ ᠪᠠᠶᠢᠳᠠᠯ ᠢᠶᠠᠷ ᠠᠳᠠᠯᠢ ᠪᠤᠰᠤ ᠴᠢᠨᠠᠷ ᠲᠠᠢ ᠰᠦᠢᠬᠡ ᠵᠠᠰᠠᠯ ᠵᠡᠭᠦᠳᠡᠭ ᠪᠠᠶᠢᠪᠠ | ᠃ ᠰᠦᠢᠬᠡ ᠶᠢᠨ ᠭᠤᠣᠯ ᠬᠡᠰᠡᠭ ᠪᠣᠯ ᠮᠥᠩᠭᠦ ᠪᠠ ᠱᠢᠷᠣ᠂ ᠨᠣᠭᠤᠭᠠᠨ ᠣᠭ᠍ᠶᠤ᠂ ᠰᠤᠪᠤᠳ ᠵᠡᠷᠭᠡ ᠶᠢ ᠬᠡᠷᠡᠭᠯᠡᠵᠦ᠂ ᠡᠭᠡᠯ ᠬᠠᠷᠠᠴᠤ ᠡᠭᠡᠨᠠᠷ ᠤᠨ ᠰᠦᠢᠭᠡ ᠨᠢ | ᠴᠢᠨᠠᠷ ᠠᠨᠠᠶᠢᠬᠠᠨ ᠤᠯᠠᠭᠠᠨ ᠱᠢᠷᠣ ᠪᠤᠶᠤ ᠱᠠᠭᠠᠵᠠᠩ ᠱᠢᠷᠣ ︵ᠬᠠᠭᠤᠷᠮᠠᠭ ᠱᠢᠷᠣ ︶ ᠣᠭ᠍ᠶᠤ ᠪᠠᠷ ᠤᠷᠣᠯᠠᠭᠤᠯᠤᠨ ᠬᠡᠷᠡᠭᠯᠡᠳᠡᠭ᠃ | | | | | | | | ᠵᠢᠷᠭᠤᠭᠠ᠂ ᠪᠠᠭᠤᠪᠴᠢ ︵ᠪᠠᠭᠤᠤ︶ | ᠪᠠᠭᠤᠪᠴᠢ ᠪᠣᠯ ᠮᠥᠩᠭᠦ᠂ ᠠᠯᠳᠠ᠂ ᠵᠠᠰ᠂ ᠭᠠᠤᠯᠢ᠂ ᠪᠠᠶᠢᠲᠤᠩ ᠭᠡᠬᠦ ᠣᠯᠠᠨ ᠵᠦᠢᠯ ᠪᠠᠶᠢᠳᠠᠭ᠃ ᠶᠡᠷᠦᠲᠡᠬᠡᠨ ᠲᠠᠪᠤᠨ ᠯᠠᠩ ᠤᠨ ᠪᠠᠭᠤᠪᠴᠢ᠂ ᠠᠷᠪᠠᠨ ᠯᠠᠩ | ᠤᠨ ᠪᠠᠭᠤᠪᠴᠢ ᠭᠡᠵᠦ ᠬᠦᠨᠳᠦ ᠶᠢᠨ ᠬᠡᠮᠵᠢᠶᠡ ᠪᠠᠷ ᠢᠯᠭᠠᠳᠠᠭ᠃ ᠴᠢᠯᠥᠭᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠡ ᠤᠷᠠᠳ ᠠᠶᠢᠯ ᠤᠨ ᠬᠡᠣᠬᠡᠨᠴᠣᠳ ᠬᠠᠷᠢ ᠬᠠᠳᠠᠮ ᠳᠤ ᠮᠣᠷᠳᠠᠬᠤ | ᠳᠠᠭᠠᠨ ᠵᠠᠪᠠᠯ ᠰᠦᠢᠭᠡ᠂ ᠪᠠᠭᠤᠪᠴᠢ ᠬᠤᠶᠠᠷ ᠢ ᠪᠥᠷᠢᠯᠳᠦᠭᠦᠯᠬᠦ ᠶᠣᠰᠣᠲᠠᠢ ᠭᠡᠵᠦ ᠦᠵᠡᠳᠡᠭ ᠪᠠᠶᠢᠵᠠᠢ᠃ | ᠳᠣᠯᠤᠭᠠ᠂ ᠡᠭᠡᠮᠦᠭ | ᠡᠬᠡᠮᠦᠭ ᠲᠤ ᠠᠯᠳᠠ᠂ ᠮᠥᠩᠭᠦᠨ ᠡᠬᠡᠮᠦᠭ ᠪᠤᠢ᠂ ᠤᠷᠠᠳ ᠨᠤᠲᠤᠭ ᠤᠨ ᠪᠥᠰᠡᠬᠦᠶᠢᠴᠦᠳ ᠤᠨ ᠡᠬᠡᠮᠦᠭ ᠲᠤ ᠣᠭ᠍ᠶᠤ ᠱᠢᠷᠣ ᠨᠣᠮᠢᠨ… ᠵᠡᠷᠭᠡ | ᠰᠢᠬᠢᠳᠬᠡᠭᠡᠷᠢ ᠲᠠᠢ ᠡᠬᠡᠮᠦᠭ ᠠᠷᠪᠢᠨ ᠪᠠᠶᠢᠪᠠ᠃ ᠡᠭᠡᠮᠦᠭ ᠢ ᠬᠡᠦᠬᠡᠨ ᠪᠦᠰᠡᠬᠦᠢ ᠢᠯᠭᠠᠯ ᠦᠭᠡᠢ ᠪᠥᠷ ᠵᠡᠭᠦᠵᠦ ᠪᠣᠯᠣᠨᠠ᠃ | ᠶᠡᠷᠦᠩᠬᠡᠶᠢᠯᠡᠪᠡᠯ᠂ ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠬᠤᠪᠴᠠᠰᠤ ᠵᠠᠰᠠᠯ ᠨᠢ ᠨᠡᠶᠢᠲᠡ ᠮᠣᠩᠭᠤᠯᠴᠤᠳ ᠲᠠᠢ ᠠᠳᠠᠯᠢᠪᠲᠤᠷ ᠪᠣᠯᠪᠠᠴᠤ ᠪᠠᠰᠠ ᠥᠷᠥᠭᠡᠯ ᠪᠤᠰᠤᠳ ᠠᠴᠠ | ᠢᠯᠭᠠᠭᠳᠠᠬᠤ ᠭᠠᠵᠠᠷ ᠨᠤᠲᠤᠭ ᠤᠨ ᠥᠪᠡᠷᠮᠢᠴᠡ ᠤᠨᠴᠠᠯᠢᠭ ᠶᠠᠩᠵᠤ ᠪᠠᠨ ᠬᠠᠳᠠᠭᠠᠯᠠᠭᠰᠠᠭᠠᠷ ᠪᠠᠶᠢᠨᠠ᠃ ᠭᠡᠪᠡᠴᠦ ᠨᠡᠶᠢᠭᠡᠮ ᠤᠨ ᠬᠥᠭᠵᠢᠯᠲᠡ ᠪᠠ ᠠᠮᠢᠳᠤᠷᠠᠯ ᠤᠨ | ᠨᠥᠬᠦᠴᠡᠯ ᠰᠢᠯᠲᠠᠭᠠᠨ ᠠᠴᠠ ᠪᠣᠯᠵᠤ ᠣᠷᠠᠳᠴᠣᠳ ᠮᠢᠨᠢ ᠥᠪᠡᠷ ᠤᠨ ᠦᠨᠳᠦᠰᠦᠲᠡᠨ ᠤ ᠪᠠᠨ ᠣᠯᠠᠮᠵᠢᠯᠠᠯᠲᠤ ᠰᠠᠶᠢᠬᠠᠨ ᠬᠤᠪᠴᠠᠰᠤ ᠵᠠᠰᠠᠯ ᠢᠶᠠᠨ ᠡᠯᠡᠵᠦ | ᠬᠡᠷᠡᠭᠯᠡᠬᠦ ᠨᠢ ᠶᠠᠪᠤᠬᠤ ᠲᠤᠲᠤᠮ ᠬᠤᠪᠣᠷᠳᠠᠵᠤ᠂ ᠵᠠᠯᠠᠭᠤ ᠨᠢᠭᠡ ᠦᠶᠡ ᠶᠢᠨ ᠬᠥᠮᠥᠰ ᠤᠷᠠᠳ ᠬᠤᠪᠴᠠᠰᠤ ᠵᠠᠰᠠᠯ ᠤᠨ ᠢᠶᠠᠨ ᠨᠡᠷᠡᠶᠢᠲᠦᠯ ᠢ ᠴᠦ ᠮᠡᠳᠡᠬᠦ ᠦᠭᠡᠢ | ᠪᠣᠯᠣᠭᠰᠠᠨ ᠨᠢ ᠬᠠᠷᠠᠮᠰᠠᠯᠲᠠᠢ᠃ | | | ᠠᠢ᠂ ᠰᠤᠤᠭᠠᠮ ᠡᠮᠭᠡᠳᠭᠡᠪᠡ | |