ᠬᠤᠷᠢ᠂ ᠬᠤᠶᠢᠮᠠᠭ | ᠴᠠᠭᠠᠨ ᠭᠤᠯᠢᠷ ᠢ ᠲᠣᠩ ᠰᠢᠩᠭᠡᠪᠲᠦᠷ ᠵᠢᠭᠤᠷᠠᠵᠤ᠂ ᠳᠣᠲᠣᠷᠠ ᠨᠢ ᠬᠥᠮᠡᠯᠢ ᠬᠡᠷᠴᠢᠨ ᠬᠢᠵᠦ᠂ ᠲᠣᠭᠤᠭᠠᠨ ᠳᠠᠭᠠᠨ ᠲᠣᠰᠣ ᠲᠦᠷᠭᠢᠨ ᠬᠠᠭᠠᠷᠢᠪᠠᠯ ᠨᠢᠮᠭᠡᠨ | ᠵᠥᠭᠡᠯᠡᠨ᠂ ᠲᠣᠩ ᠠᠮᠲᠠᠯᠢᠭ ᠪᠣᠣᠪᠤ ᠪᠣᠯᠳᠠᠭ᠂ ᠡᠭᠦᠨ ᠢ ᠬᠤᠶᠢᠮᠠᠭ ᠭᠡᠨᠡ᠃ ᠡᠨᠡ ᠨᠢ ᠭᠤᠣᠯᠳᠠᠭᠤ ᠨᠠᠰᠤᠲᠠᠢ ᠬᠥᠮᠥᠨ ᠢ ᠵᠣᠴᠢᠯᠠᠳᠠᠭ ᠬᠤᠭᠤᠯᠠ ᠪᠣᠯᠣᠨᠠ᠂ | ᠪᠠᠰᠠ ᠴᠤ ᠬᠦᠨᠳᠣᠳᠣ ᠬᠤᠭᠤᠯᠠ ᠶᠢᠨ ᠨᠢᠭᠡ ᠪᠢᠯᠡ᠃ | ᠬᠤᠷᠢᠨ ᠨᠢᠭᠡ᠂ ᠨᠢᠯᠴᠠᠭᠠᠢ ᠪᠤᠳᠠᠭᠠ | ᠥᠩᠭᠡᠷᠡᠭᠰᠡᠨ ᠳᠤ ᠤᠷᠠᠳ ᠨᠤᠲᠤᠭ ᠤᠨ ᠬᠡᠨ ᠰᠠᠭᠰᠠᠢ ᠢ ︵ᠱᠦᠭᠦᠮᠡᠯ ︶ ᠪᠤᠳᠠᠭᠠ ᠬᠢᠵᠦ ᠢᠳᠡᠬᠦ ᠶᠢ ᠮᠡᠳᠡᠬᠦ ᠦᠭᠡᠢ ᠪᠠᠶᠢᠵᠠᠢ᠃ ᠬᠠᠷᠢᠨ ᠲᠠᠷᠭᠤᠨ | ᠮᠢᠬᠠ ᠪᠠ ᠶᠠᠰᠤ ᠴᠢᠨᠠᠭᠰᠠᠨ ᠱᠥᠯᠥᠨ ᠳᠤ ᠨᠡᠯᠢᠶᠡᠳ ᠲᠦᠭᠦᠬᠡᠢ ᠠᠮᠤ ᠬᠢᠵᠦ ᠴᠢᠨᠠᠭᠠᠳ ᠱᠦᠯᠦ ᠤᠰᠤ ᠦᠭᠡᠢ ᠢᠳᠡᠬᠦ ᠶᠢ ᠨᠢᠯᠴᠠᠭᠠᠢ ᠪᠤᠳᠠᠭᠠ ᠭᠡᠵᠦ᠂ ᠱᠦᠯᠦ | ᠤᠰᠤ ᠲᠠᠢ ᠶᠢ ᠨᠢ ᠲᠡᠳᠡᠰᠢ ᠢ ︵ᠰᠢᠵᠦ ︶ ᠭᠡᠳᠡᠭ᠂ ᠡᠨᠡ ᠨᠢ ᠪᠥᠬᠦ ᠤᠷᠠᠳ ᠨᠤᠲᠤᠭ ᠲᠤ ᠨᠠᠶᠢᠳᠠᠮ ᠪᠥᠭᠡᠳ ᠦᠷᠭᠦᠯᠵᠢ ᠢᠳᠡᠳᠡᠭ ᠡᠩ ᠤᠨ ᠰᠣᠯᠠ ᠬᠤᠭᠤᠯᠠ | ᠨᠢ ᠪᠣᠯᠣᠨᠠ᠃ | ᠬᠤᠷᠢᠨ ᠬᠤᠶᠠᠷ᠂ ᠭᠤᠯᠢᠷ ᠬᠤᠭᠤᠯᠠ | ᠭᠤᠯᠢᠷ ᠢᠶᠠᠨ ᠬᠠᠲᠠᠭᠤ ᠨᠣᠬᠤᠵᠤ ᠳᠡᠯᠭᠡᠭᠡᠳ ᠲᠠᠷᠭᠤᠨ ᠮᠢᠬᠠ ᠲᠠᠢ ᠱᠦᠯᠦᠨ ᠳᠤ ᠬᠡᠷᠴᠢᠬᠦ ᠪᠤᠶᠤ ᠲᠠᠰᠤᠳᠠᠨ ᠬᠢᠵᠦ᠂ ᠪᠣᠯᠣᠭᠰᠠᠨ ᠤ ᠳᠠᠷᠠᠭᠠ | ᠰᠣᠩᠭᠢᠨᠠ ᠪᠤᠶᠤ ᠴᠠᠬᠠ ᠬᠢᠵᠦ᠂ ᠬᠠᠭᠠᠰ ᠴᠠᠭ ᠰᠢᠬᠠᠮ ᠪᠠᠭᠤᠯᠭᠠᠨ ᠬᠠᠪᠬᠠᠭᠠᠰᠤᠯᠠᠵᠤ ᠲᠠᠯᠪᠢᠭᠠᠳ ᠢᠳᠡᠳᠡᠭ᠂ ᠡᠨᠡ ᠨᠢ ᠬᠡᠳ᠋ᠲᠦᠶᠢᠪᠡᠷ ᠪᠤᠰᠤᠳ ᠭᠠᠵᠠᠷ ᠤᠨ | ᠭᠤᠯᠢᠷ ᠬᠤᠭᠤᠯᠠ ᠰᠢᠭ᠋ ᠱᠦᠯᠦ ᠪᠠ ᠭᠤᠯᠢᠷ ᠨᠢ ᠢᠯᠭᠠᠷᠠᠭᠰᠠᠨ ᠪᠠᠶᠢᠳᠠᠭ ᠪᠢᠰᠢ ᠪᠣᠯᠪᠠᠴᠤ᠂ ᠲᠡᠭᠦᠨ ᠤ ᠬᠠᠨᠳᠠᠰᠢᠭᠰᠠᠨ ᠱᠦᠯᠦ ᠪᠠ ᠡᠯᠳᠡᠪ ᠠᠮᠲᠠ ᠨᠢ ᠭᠤᠯᠢᠷ | ᠲᠠᠭᠠᠨ ᠰᠢᠩᠭᠡᠭᠰᠡᠨ ᠪᠣᠯᠬᠤᠷ ᠴᠢᠷᠠᠢ ᠨᠢ ᠪᠠᠷᠤᠭᠲᠠᠢ ᠴᠤ ᠠᠮᠲᠠ ᠨᠢ ᠭᠤᠶᠣ ᠪᠠᠶᠢᠳᠠᠭ ᠃ ᠡᠨᠡ ᠨᠢ ᠤᠷᠠᠳ ᠨᠤᠲᠤᠭ ᠤᠨ ᠬᠤᠭᠤᠯᠠ ᠪᠤᠳᠠᠭᠠᠨ ᠤ ᠠᠷᠪᠠᠨ ᠤ | ᠶᠢᠰᠦᠨ ᠬᠤᠪᠢ ᠶᠢ ᠡᠵᠡᠯᠡᠬᠦ ᠪᠠᠶᠢᠷᠢ ᠲᠠᠢ ᠪᠠᠶᠢᠩᠭᠤ ᠢᠳᠡᠳᠡᠭ ᠬᠤᠭᠤᠯᠠ ᠪᠣᠯᠣᠨᠠ᠃ | ᠬᠤᠷᠢᠨ ᠭᠤᠷᠪᠠ᠂ ᠬᠤᠯᠢᠮᠠᠭ ᠪᠤᠳᠠᠭᠠ | ᠤᠷᠢᠳᠤ ᠳᠠᠭᠠᠨ ᠶᠠᠭᠤᠮᠠ ᠬᠤᠪᠣᠷ ᠪᠣᠯᠬᠤᠷ ᠲᠠᠷᠭᠤᠨ ᠮᠢᠬᠠ ᠲᠠᠢ ᠱᠦᠯᠦᠨ ᠳᠤ ᠲᠤᠲᠤᠷᠠᠭᠠ᠂ ᠰᠢᠷᠠ ᠪᠤᠳᠠᠭᠠ᠂ ᠭᠤᠯᠢᠷ ᠵᠡᠷᠭᠡ ᠶᠢ ᠬᠤᠯᠢᠨ ᠬᠢᠵᠦ᠂ | ᠨᠢᠯᠴᠠᠭᠠᠢ ᠪᠤᠳᠠᠭᠠ ᠴᠢᠨᠠᠳᠠᠭ᠃ ᠡᠭᠦᠨ ᠢᠶᠠᠨ ᠬᠤᠯᠢᠮᠠᠭ ᠪᠤᠳᠠᠭᠠ ᠭᠡᠨᠡ᠃ ᠡᠨᠡ ᠨᠢ ᠬᠡᠳᠦ ᠬᠡᠳᠦᠨ ᠵᠦᠢᠯ ᠤᠨ ᠠᠮᠲᠠ ᠬᠤᠯᠢᠯᠳᠤᠭᠰᠠᠨ ᠪᠣᠯᠬᠤᠷ ᠠᠮᠲᠠ ᠨᠢ | ᠬᠠᠴᠢᠨ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ | ᠬᠤᠷᠢᠨ ᠳᠥᠷᠪᠡ᠂ ᠭᠤᠸᠠᠮᠢᠶᠠᠨ | ᠥᠩᠭᠡᠷᠡᠭᠰᠡᠨ ᠳᠤ ᠭᠤᠸᠠᠮᠢᠶᠠᠨ ᠨᠢ ᠤᠷᠠᠳ ᠨᠤᠲᠤᠭ ᠲᠤ ᠬᠤᠪᠣᠷ ᠣᠯᠳᠠᠳᠠᠭ ᠪᠠᠶᠢᠭᠰᠠᠨ ᠠᠴᠠ ᠬᠤᠪᠣᠷ ᠴᠣᠬᠠᠭ ᠬᠤᠭᠤᠯᠠ ᠶᠢᠨ ᠨᠢᠭᠡ ᠪᠣᠯᠣᠨᠠ᠃ | ᠵᠢᠯ ᠴᠠᠭᠠᠨ ᠰᠠᠷᠠ ᠳᠤ ᠡᠷᠬᠢᠮ ᠳᠡᠭᠡᠳᠦ ᠬᠥᠮᠥᠨ ᠪᠤᠶᠤ ᠠᠬᠠᠮᠠᠳ ᠬᠦᠨᠳᠦᠳᠦ ᠵᠣᠴᠢᠨ ᠳᠠᠭᠠᠨ ᠴᠢᠨᠠᠵᠤ ᠢᠳᠡᠭᠦᠯᠦᠨᠡ᠃ ᠨᠡᠩ ᠢᠯᠠᠩᠭᠤᠶᠠ ᠨᠠᠰᠤᠲᠠᠨ ᠪᠤᠶᠤ | ᠬᠡᠦᠬᠡᠳ ᠤᠨ ᠨᠠᠶᠢᠷ ᠲᠤ ︽ᠨᠠᠰᠤ ᠥᠨᠳᠦᠷᠯᠡᠭᠦᠯᠦᠨᠡ︾ ᠭᠡᠵᠦ ᠪᠤᠭᠤᠳᠠᠯ ᠲᠠᠢ ᠭᠤᠸᠠᠮᠢᠶᠠᠨ ᠢᠶᠠᠨ ᠬᠤᠭᠤᠯᠬᠤ ᠦᠭᠡᠢ ᠪᠥᠬᠦᠯᠢ ᠤᠷᠲᠤ ᠪᠠᠷ ᠨᠢ ᠲᠣᠭᠤᠭᠠᠨ | ᠳᠠᠭᠠᠨ ᠴᠢᠨᠠᠵᠤ᠂ ᠤᠷᠲᠤ ᠪᠠᠷ ᠨᠢ ᠠᠶᠠᠭᠠᠯᠠᠨ ᠭᠠᠷᠭᠠᠳᠠᠭ ᠶᠤᠮ᠃ | ᠬᠤᠷᠢᠨ ᠲᠠᠪᠤ᠂ ᠪᠣᠯᠣᠭᠰᠠᠨ ᠪᠤᠳᠠᠭᠠ | ᠪᠣᠯᠣᠭᠰᠠᠨ ᠪᠤᠳᠠᠭᠠ ᠶᠢ ᠪᠠᠰᠠ ᠬᠠᠭᠤᠷᠤᠭᠰᠠᠨ ᠪᠤᠳᠠᠭᠠ ᠭᠡᠨᠡ᠃ ᠣᠷᠳᠣᠰ ᠨᠤᠲᠤᠭ ᠲᠤ ᠠᠮᠤ ᠭᠡᠵᠦ᠂ ᠵᠠᠷᠢᠮ ᠭᠠᠵᠠᠷ ᠪᠠᠰᠠ ᠣᠳᠠ ᠭᠡᠨᠡ᠃ ᠤᠷᠠᠳ | ᠠᠷᠠᠳ ᠤᠨ ᠠᠪᠤᠨ ᠥᠯ ᠳᠠᠷᠤᠳᠠᠭ ᠪᠠᠯᠠᠨ ᠬᠤᠭᠤᠯᠠ ᠪᠣᠯ ᠳᠠᠷᠤᠢ ᠪᠣᠯᠣᠭᠰᠠᠨ ᠪᠤᠳᠠᠭᠠ ᠪᠣᠯᠣᠨᠠ᠃ ᠲᠡᠷᠡ ᠬᠦ ᠲᠠᠷᠭᠤᠨ ᠮᠢᠬᠠ᠂ ᠬᠠᠲᠠᠭᠰᠠᠨ ᠪᠣᠷᠴᠠ᠂ | ᠢᠲᠡᠭᠡᠰᠢᠭ ᠴᠠᠢ ᠲᠠᠢ ᠬᠠᠮᠲᠤ ᠪᠣᠯᠣᠭᠰᠠᠨ ᠪᠤᠳᠠᠭᠠ ᠳᠡᠪᠲᠦᠭᠡᠨ ᠢᠳᠡᠪᠡᠯ ᠴᠣᠬᠤᠮ ᠴᠤ ᠨᠢᠭᠡ ᠡᠷᠢᠨ ᠤ ᠠᠮᠲᠠᠲᠤ ᠬᠤᠭᠤᠯᠠ ᠪᠣᠯᠬᠤ ᠶᠤᠮ᠃ | ᠪᠣᠯᠣᠭᠰᠠᠨ ᠪᠤᠳᠠᠭᠠ ᠪᠣᠯ ᠬᠠᠷᠠ ᠪᠤᠳᠠᠭᠠ ᠠᠴᠠ ᠢᠷᠡᠯᠲᠡ ᠲᠠᠢ ᠶᠤᠮ᠃ ᠬᠠᠷᠠ ᠪᠤᠳᠠᠭᠠ ᠨᠢ ᠲᠡᠷᠡ ᠴᠢᠭ ᠢᠶᠠᠷ ᠨᠢ ᠨᠥᠲᠦᠬᠦ ᠪᠤᠶᠤ ᠳᠡᠭᠡᠷᠡᠮᠳᠡᠨ | ᠴᠠᠶᠢᠯᠭᠠᠪᠠᠯ ᠰᠢᠷᠠ ᠪᠤᠳᠠᠭᠠ ᠪᠣᠯᠵᠤ᠂ ᠴᠢᠨᠠᠵᠤ ᠢᠳᠡᠳᠡᠭ ᠲᠦᠭᠦᠬᠡᠢ ᠬᠦᠨᠡᠰᠦ ᠪᠣᠯᠣᠨᠠ᠃ ᠬᠡᠷᠪᠡ ᠤᠰᠤᠨ ᠳᠤ ᠴᠢᠨᠠᠵᠤ ᠬᠠᠭᠠᠰ ᠪᠣᠯᠭᠤᠭᠠᠳ ᠳᠠᠬᠢᠨ ᠱᠦᠭᠦᠨ | ᠠᠪᠴᠤ ᠨᠠᠩᠭᠢ ᠰᠢᠷᠣᠢ ︵ᠳᠦᠶᠢᠷᠡᠩ᠂ ᠵᠥᠭᠡᠯᠡᠨ ᠡᠯᠡᠰᠦ ︶ ᠳᠤ ᠬᠢᠵᠦ᠂ ᠬᠠᠭᠤᠷᠠᠢ ᠲᠣᠭᠤᠭᠠᠨ ᠳᠤ ᠬᠠᠭᠤᠷᠴᠤ ᠪᠣᠯᠭᠤᠭᠠᠳ ᠳᠠᠬᠢᠨ ᠤᠭᠤᠷ ᠲᠤ ᠨᠥᠲᠦᠬᠦ | ᠪᠤᠶᠤ ᠳᠡᠭᠡᠷᠮᠡ ᠳᠤ ᠳᠠᠷᠤᠵᠤ ᠴᠠᠶᠢᠯᠭᠠᠪᠠᠯ ᠳᠠᠷᠤᠢ ᠪᠣᠯᠣᠭᠰᠠᠨ ᠪᠤᠳᠠᠭᠠ ᠪᠣᠯᠳᠠᠭ᠂ ᠨᠡᠯᠢᠶᠡᠳ ᠴᠢᠨᠠᠭᠰᠠᠨ ᠨᠢ ᠬᠥᠭᠡᠪᠦᠷ ᠪᠣᠯᠵᠤ᠂ ᠴᠠᠢ ᠳᠤ ᠣᠷᠣᠮᠠᠭᠴᠠ | ᠬᠥᠪᠴᠦ ᠪᠠᠶᠢᠳᠠᠭ᠃ ᠡᠭᠦᠨ ᠢ ᠬᠥᠭᠡᠪᠦᠷ ᠠᠮᠤ ᠭᠡᠳᠡᠭ ᠃ ᠳᠤᠲᠠᠭᠤ ᠴᠢᠨᠠᠭᠠᠳ ᠬᠠᠭᠤᠷᠤᠭᠰᠠᠨ ᠨᠢ ᠴᠠᠢ ᠳᠤ ᠣᠷᠣᠪᠠᠯ ᠳᠣᠨᠣᠳᠠᠭ᠃ ᠡᠭᠦᠨ ᠢ ᠨᠢ ᠴᠢᠯᠳᠠᠩ | ᠠᠮᠤ ᠭᠡᠨᠡ᠃ | ᠤᠷᠢᠳᠤ ᠳᠠᠭᠠᠨ ᠤᠷᠠᠳ ᠨᠤᠲᠤᠭ ᠤᠨ ᠮᠠᠯᠴᠢᠳ᠂ ᠠᠷᠠᠯᠵᠢᠶᠡᠴᠢᠨ ᠮᠠᠢᠮᠠᠶᠢᠴᠢᠳ ᠠᠴᠠ ᠰᠠᠭᠤᠯᠠᠭᠠ ᠪᠤᠳᠠᠭᠠ ︵ᠭᠤᠴᠢᠨ ᠬᠤᠶᠠᠷ ᠵᠢᠩ ᠪᠠᠶᠢᠳᠠᠭ ︶ ᠶᠢ | ᠨᠢᠭᠡ ᠰᠢᠳᠤᠯᠠᠩ ᠠᠳᠤᠭᠤ ᠪᠠᠷ ᠰᠣᠯᠢᠵᠤ ᠠᠪᠤᠭᠠᠳ ᠲᠠᠯᠪᠢᠵᠤ ᠪᠠᠶᠢᠳᠠᠭ᠃ ᠵᠣᠴᠢᠨ ᠢᠷᠡᠪᠡᠯ ᠲᠣᠯᠭᠠ ᠲᠣᠭᠤᠭᠠ ᠨᠡᠶᠢᠯᠡᠭᠦᠯᠵᠦ ᠴᠠᠢ ᠴᠢᠨᠠᠭᠠᠳ ᠵᠣᠴᠢᠨ ᠳᠠᠭᠠᠨ | ᠠᠶᠠᠭᠠᠯᠠᠭᠰᠠᠨ ᠤ ᠳᠠᠷᠠᠭᠠ᠂ ᠲᠣᠭᠤᠭᠠᠨ ᠳᠠᠬᠢ ᠦᠯᠡᠳᠡᠭᠰᠡᠨ ᠤᠰᠤᠨ ᠳᠠᠭᠠᠨ ᠬᠤᠶᠠᠷ ᠠᠶᠠᠭᠠ ᠬᠠᠷᠠ ᠪᠤᠳᠠᠭᠠ ᠪᠠᠨ ᠬᠤᠳᠬᠠᠳ ᠣᠷᠣᠭᠤᠯᠵᠤ᠂ ᠨᠢᠭᠡ | ᠪᠤᠴᠠᠯᠭᠠᠨ ᠱᠦᠭᠦᠵᠦ ᠠᠪᠤᠭᠠᠳ ᠬᠠᠭᠤᠷᠠᠢ ᠲᠣᠭᠤᠭᠠᠨ ᠳᠠᠭᠠᠨ ᠬᠢᠵᠦ᠂ ᠬᠤᠳᠬᠤᠭᠤᠷ ᠮᠣᠳᠣ ᠪᠠᠷ ᠬᠤᠳᠬᠤᠭᠠᠳ᠂ ᠥᠨᠥᠬᠢ ᠪᠠᠨ ᠤᠭᠤᠷ ᠲᠠᠭᠠᠨ ᠬᠢᠵᠦ ᠮᠠᠨᠴᠣ | ᠪᠠᠷᠢᠨ ᠬᠡᠳᠦᠨᠲᠡ ᠨᠥᠲᠦᠭᠡᠳ᠂ ᠫᠢᠯᠠ ᠳᠤ ᠬᠢᠵᠦ ᠰᠢᠭᠰᠢᠨ᠂ ᠵᠣᠴᠢᠨ ᠤ ᠠᠶᠠᠭᠠ ᠲᠠᠢ ᠴᠠᠢ ᠭᠦᠷᠦᠬᠦ ᠵᠠᠪ ᠪᠣᠯᠤᠭᠠ ᠦᠭᠡᠢ ᠪᠠᠷ ᠬᠠᠯᠠᠭᠤᠬᠠᠨ ᠪᠣᠯᠣᠭᠰᠠᠨ | ᠪᠤᠳᠠᠭᠠ ᠪᠠᠨ ᠲᠠᠯᠪᠢᠵᠤ ᠥᠭᠭᠦᠭᠡᠳ ᠬᠦᠨᠳᠦᠯᠡᠵᠦ ᠠᠮᠵᠢᠳᠠᠭ᠃ | ᠤᠷᠠᠳᠴᠤᠳ ᠲᠤ ᠪᠣᠯᠣᠭᠰᠠᠨ ᠪᠤᠳᠠᠭᠠ ᠯᠠ ᠪᠠᠶᠢᠪᠠᠯ ᠳᠠᠷᠤᠢ ᠬᠤᠭᠤᠯᠠ ᠪᠠᠶᠢᠬᠤ ᠨᠢ ᠲᠡᠷᠡ ᠭᠡᠵᠦ ᠮᠡᠳᠡ᠃ ᠡᠳᠦᠷᠵᠢᠨ ᠪᠣᠯᠣᠭᠰᠠᠨ ᠪᠤᠳᠠᠭᠠ ᠪᠠᠨ | ᠥᠷᠥᠮᠡ᠂ ᠠᠶᠢᠷᠠᠭ᠂ ᠰᠦ ᠰᠠᠭᠠᠳᠤᠰ ︵ᠠᠶᠢᠷᠠᠭ ᠢᠰᠦᠭᠰᠡᠨ ᠤ ᠳᠠᠷᠠᠭᠠᠬᠢ ᠳᠡᠭᠡᠷᠡ ᠨᠢ ᠰᠠᠭᠤᠭᠰᠠᠨ ᠥᠳᠬᠡᠨ ᠠᠶᠢᠷᠠᠭ ᠢ ᠬᠡᠯᠡᠳᠡᠭ ︶᠂ ᠠᠭᠠᠷᠤᠤᠯ ᠬᠤᠷᠤᠳ | ᠂ ᠰᠢᠷᠠ ᠲᠣᠰᠣ᠂ ᠴᠠᠭᠠᠨ ᠲᠣᠰᠣ ᠪᠤᠶᠤ ᠬᠠᠲᠠᠭᠰᠠᠨ ᠮᠢᠬᠠ᠂ ᠴᠢᠨᠠᠭᠰᠠᠨ ᠮᠢᠬᠠ ᠵᠡᠷᠭᠡ ᠲᠠᠢ ᠬᠤᠯᠢᠵᠤ ᠬᠤᠳᠬᠤᠵᠤ ᠢᠳᠡᠳᠡᠭ᠂ ᠢᠩᠭᠢᠬᠦᠯᠡᠷ ᠭᠠᠷᠠᠭ ᠲᠤ | ᠭᠤᠷᠪᠠ ᠤᠳᠠᠭᠠ ᠬᠤᠭᠤᠯᠠ ᠬᠢᠬᠦ ᠨᠢ ᠴᠦ ᠬᠤᠪᠣᠷ ᠪᠠᠶᠢᠵᠠᠢ᠃ ᠥᠩᠭᠡᠷᠡᠭᠰᠡᠨ ᠳᠤ ᠤᠷᠠᠳ ᠨᠤᠲᠤᠭ ᠤᠨ ᠮᠠᠯᠴᠢᠳ ᠰᠠᠷᠠ ᠳᠤ ᠠᠷᠪᠠᠨ ᠵᠢᠩ ᠬᠦᠨᠡᠰᠦ ᠢᠳᠡᠳᠡᠭ | ᠦᠭᠡᠢ ᠭᠡᠳᠡᠭ ᠨᠢ ᠳᠠᠷᠤᠢ ᠪᠣᠯᠣᠭᠰᠠᠨ ᠪᠤᠳᠠᠭᠠ ᠪᠠᠷ ᠬᠤᠯᠢᠰᠢ ᠪᠣᠯᠭᠠᠭᠰᠠᠨ ᠴᠠᠢ ᠭᠤᠣᠯᠴᠠᠭᠤ ᠤᠤᠭᠤᠳᠠᠭ ᠠᠴᠠ ᠪᠣᠯᠣᠭᠰᠠᠨ ᠶᠤᠮ᠃ | ᠬᠤᠷᠢᠨ ᠵᠢᠷᠭᠤᠭᠠ᠂ ᠠᠮᠤ ᠶᠢᠨ ᠰᠥᠮᠥᠰᠥ | ᠠᠮᠤ ᠪᠠᠷ ᠰᠥᠮᠥᠰᠥ ᠬᠢᠵᠦ ᠤᠤᠭᠤᠪᠠᠯ ᠪᠠᠰᠠ ᠱᠣᠮᠲᠠᠢ ᠰᠠᠶᠢᠬᠠᠨ ᠪᠠᠶᠢᠳᠠᠭ᠂ ᠲᠣᠷᠤᠭ ᠮᠢᠬᠠᠨ ᠤ ᠱᠦᠯᠦᠨ ᠳᠤ ᠬᠡᠳᠦᠨ ᠠᠮᠤ ᠥᠩᠭᠦᠷᠢᠭᠦᠯᠵᠦ | ᠤᠤᠭᠤᠬᠤ ᠨᠢ ᠵᠢᠭᠲᠡᠢ ᠭᠤᠶᠣ᠃ ᠭᠡᠲᠡᠯᠡ ᠠᠮᠤ ᠬᠤᠪᠣᠷ ᠲᠤᠯᠠ ᠣᠯᠠᠩᠬᠢ ᠳᠠᠭᠠᠨ ᠬᠥᠩᠭᠡᠵᠢᠭᠰᠡᠨ ᠪᠥᠰᠡᠭᠦᠢ ᠪᠤᠶᠤ ᠬᠦᠨᠳᠦ ᠡᠪᠡᠳᠴᠢᠯᠡᠭᠰᠡᠨ ᠨᠠᠰᠤᠲᠠᠢ ᠬᠥᠮᠥᠰ | ᠲᠤ ᠰᠠᠶ᠋ᠢ ᠠᠮᠤ ᠶᠢᠨ ᠰᠥᠮᠥᠰᠥ ᠬᠢᠳᠡᠭ᠂ ᠡᠨᠡ ᠨᠢ ᠮᠥᠨ ᠴᠦ ᠬᠤᠪᠣᠷ ᠴᠤᠬᠠᠭ ᠬᠤᠭᠤᠯᠠ ᠶᠢᠨ ᠨᠢᠭᠡ ᠪᠣᠯᠣᠨᠠ᠃ ᠠᠮᠤ ᠨᠢ ᠪᠠᠰᠠ ᠰᠦ ᠲᠠᠲᠠᠷᠠᠭᠰᠠᠨ ᠬᠥᠮᠥᠨ | ᠮᠠᠯ ᠳᠤ ᠰᠠᠶᠢᠨ ᠪᠥᠭᠡᠳ ᠬᠠᠷᠠᠩᠭᠤᠰᠤᠭᠰᠠᠨ ᠮᠠᠯ ᠳᠤ ᠥᠭᠪᠡᠯ ᠦᠬᠦᠯ ᠠᠴᠠ ᠠᠪᠤᠷᠠᠬᠤ ᠷᠢᠳᠢ ᠲᠠᠢ ᠶᠤᠮ᠃ | ᠬᠤᠷᠢᠨ ᠳᠣᠯᠤᠭᠠ᠂ ᠪᠠᠳᠠᠩ | ᠪᠠᠳᠠᠩ ᠢ ᠭᠤᠯᠢᠷ ᠢᠶᠠᠷ ᠬᠢᠳᠡᠭ᠂ ᠭᠤᠯᠢᠷ ᠢ ᠬᠦᠢᠲᠡᠨ ᠤᠰᠤ ᠪᠠᠷ ᠠᠶᠠᠲᠠᠶᠢᠬᠠᠨ ᠪᠠᠭᠰᠢᠷᠠᠨ᠂ ᠨᠢᠭᠡᠨ ᠭᠡᠮ ᠪᠣᠯᠭᠠᠭᠠᠳ ᠪᠣᠷᠣ ᠮᠢᠬᠠᠨ ᠱᠦᠯᠦᠨ ᠳᠤ | ᠰᠢᠩᠭᠡᠭᠡᠨ ᠴᠢᠨᠠᠪᠠᠯ᠂ ᠨᠠᠰᠤᠲᠠᠢ ᠪᠠᠭᠤᠷᠠᠢ ᠵᠡᠮᠳᠡᠭ ᠪᠤᠶᠤ ᠡᠪᠡᠳᠴᠢᠨ ᠲᠠᠢ ᠬᠥᠮᠥᠨ ᠤ ᠲᠠᠮᠢᠷ ᠲᠡᠵᠢᠭᠡᠨ ᠨᠥᠬᠦᠪᠦᠷᠢᠯᠡᠬᠦ ᠳᠤ ᠰᠠᠶᠢᠨ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ | ᠡᠨᠡ ᠨᠢ ᠰᠠᠷᠠ ᠶᠢᠨ ᠪᠥᠰᠡᠭᠦᠢ᠂ ᠰᠠᠶᠢᠨ ᠬᠤᠭᠤᠯᠠ ᠳᠤ ᠣᠷᠣᠭᠠᠳᠤᠢ ᠨᠢᠯᠬᠠᠰ᠂ ᠡᠪᠡᠳᠴᠢᠲᠡᠨ᠂ ᠰᠢᠳᠦ ᠦᠭᠡᠢ ᠨᠠᠰᠤᠲᠠᠶᠢᠴᠤᠤᠯ ᠪᠠ ᠠᠷᠢᠬᠢᠨ ᠳᠤ ᠰᠢᠷᠠᠲᠠᠭᠰᠠᠨ | ᠬᠥᠮᠥᠰ ᠲᠤ ᠬᠢᠳᠡᠭ ᠰᠤᠯᠠ ᠬᠤᠭᠤᠯᠠ ᠶᠤᠮ᠃ | ᠬᠤᠷᠢᠨ ᠨᠠᠢᠮᠠ᠂ ᠵᠣᠳᠠᠩ | ᠵᠤᠳᠠᠩ ᠢ ᠮᠥᠨ ᠡᠩ ᠤᠨ ᠭᠤᠯᠢᠷ ᠪᠤᠶᠤ ᠪᠤᠷᠴᠠᠭ ᠤᠨ ᠭᠤᠯᠢᠷ ᠢᠶᠠᠷ ᠬᠢᠳᠡᠭ ᠃ ᠪᠠᠳᠠᠩ ᠲᠠᠢ ᠬᠠᠷᠢᠴᠠᠭᠤᠯᠪᠠᠯ ᠵᠤᠳᠠᠩ ᠬᠢᠬᠦ ᠳᠤ ᠰᠢᠩᠭᠡᠨ ᠮᠢᠬᠠ | ᠱᠦᠯᠦ ᠬᠢᠳᠡᠭ ᠦᠭᠡᠢ᠂ ᠭᠤᠣᠯᠳᠠᠭᠤ ᠰᠦ ᠴᠠᠭᠠ ᠪᠠ ᠲᠣᠰᠣ ᠰᠡᠮᠦᠷᠴᠦ ᠬᠢᠳᠡᠭ᠃ ᠡᠭᠦᠨ ᠢ ᠭᠤᠣᠯᠳᠠᠭᠤ ᠰᠦ ᠦᠭᠡᠢ ᠬᠡᠦᠬᠡᠳ ᠪᠣᠶᠣ ᠨᠠᠷᠢ ᠪᠠᠳᠠᠬᠢ ᠣᠷᠣᠭᠰᠠᠨ | ᠬᠥᠮᠥᠨ ᠳᠤ ᠥᠭᠳᠡᠭ ᠬᠤᠭᠤᠯᠠ ᠲᠤᠯᠠ ᠳᠡᠮᠡᠢ ᠢᠳᠡᠵᠦ ᠳᠡᠶᠢᠯᠬᠦ ᠦᠭᠡᠢ᠃ ᠡᠨᠡ ᠨᠢ ᠡᠩ ᠤᠨ ᠪᠠᠶᠢᠳᠠᠯ ᠳᠤ ᠢᠳᠡᠬᠦ ᠬᠤᠭᠤᠯᠠ ᠪᠢᠰᠢ᠂ ᠢᠩᠭᠢᠬᠦᠯᠡᠷ ︽ | ᠪᠠᠯᠠᠷᠠᠬᠤ ᠳᠤ ᠪᠠᠳᠠᠩ᠂ ᠵᠤᠳᠠᠷᠠᠬᠤ ᠳᠤ ᠵᠣᠳᠠᠩ︾ ᠭᠡᠳᠡᠭ ᠦᠭᠡ ᠪᠤᠢ᠃ | | | ᠬᠤᠶᠠᠩ᠂ ᠲᠥᠪᠰᠢᠨ ᠡᠮᠭᠡᠳᠬᠡᠪᠡ |