| ᠨᠢᠬᠡ᠂ ᠬᠤᠨᠢ᠂ ᠢᠮᠠᠭᠠ᠂ ᠠᠳᠤᠭᠤ᠂ ᠦᠬᠡᠷ᠂ ᠲᠡᠮᠡᠭᠡ᠂ ᠵᠡᠭᠡᠷᠡ᠂ ᠬᠦᠷᠦᠬᠡᠰ᠊᠂ ᠠᠷᠭᠠᠯᠢ᠂ ᠶᠠᠩᠭᠢᠷ᠂ ᠪᠤᠭᠤ ᠶᠢᠨ ᠱᠠᠭᠠ ᠶᠢ ᠭᠠᠯ ᠳᠤ ᠰᠢᠳᠠᠭᠠᠬᠤ ᠶᠢ | ᠴᠡᠭᠡᠷᠯᠡᠨᠡ᠃ | ᠬᠤᠶᠠᠷ᠂ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠤᠨ ᠱᠠᠭᠠ ᠶᠢ ᠨᠤᠬᠠᠢ ᠠᠩ ᠠᠮᠢᠳᠠᠨ ᠳᠤ ᠦᠭᠬᠦ ᠶᠢ ᠣᠨᠴᠠ ᠴᠡᠭᠡᠷᠯᠡᠨᠡ᠃ ᠪᠤᠶᠠᠨ ᠬᠡᠰᠢᠭ ᠬᠠᠵᠠᠶᠢᠨᠠ ᠬᠡᠳᠡᠭ᠃ | ᠭᠤᠷᠪᠠ᠂ ᠮᠠᠯ ᠤᠨ ᠱᠠᠭᠠ᠂ ᠵᠡᠬᠡᠷᠡ ᠠᠷᠢᠶᠠᠳᠠᠨ ᠳᠤ ᠱᠠᠭᠠ ᠶᠢ ᠨᠡᠬᠦᠬᠦ ᠨᠤᠳᠤᠭ ᠲᠡᠭᠡᠷᠡ ᠪᠠᠨ ᠤᠷᠬᠢᠵᠤ ᠬᠡᠬᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ ᠭᠠᠢ ᠪᠠᠷᠴᠢᠳ | ᠲᠤᠬᠢᠶᠠᠯᠳᠤᠨᠠ ᠬᠡᠳᠡᠭ᠃ | ᠲᠦᠷᠪᠡ᠂ ᠨᠠᠰᠤ ᠪᠠᠷᠠᠭᠰᠠᠨ ᠠᠶᠢᠯ ᠤᠨ ᠬᠦᠮᠦᠰ ᠲᠦᠷᠦᠯ ᠰᠠᠳᠤᠨ ᠨᠢ ︿︿ ᠵᠠᠭᠤ ᠬᠤᠨᠤᠭ ᠢᠶᠠᠨ ᠬᠤᠷᠢᠶᠠᠬᠤ﹀﹀ ᠠᠴᠠ ᠡᠮᠦᠨᠡ ᠱᠠᠭᠠ ᠨᠠᠭᠠᠳᠤᠮ ᠳᠤ | ᠤᠷᠤᠯᠴᠠᠬᠤ ᠶᠢ ᠴᠡᠬᠡᠷᠯᠡᠨᠡ᠃ | ᠲᠠᠪᠤ᠂ ᠬᠡᠦᠬᠡᠳ ᠤᠳ ᠢ ᠦᠬᠡᠷ ᠤᠨ ᠱᠠᠭᠠ ᠪᠠᠷ ᠪᠦᠭ ᠴᠢᠭ ᠬᠠᠷᠪᠤᠵᠤ ᠨᠠᠭᠠᠳᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠲᠡᠨᠡᠭ ᠪᠤᠯᠤᠨᠠ ᠬᠡᠳᠡᠭ᠃ | ᠵᠢᠷᠭᠤᠭᠠ᠂ ᠬᠠᠪᠤᠷ ᠤᠨ ᠲᠦᠯ ᠲᠤᠰᠴᠤ ᠪᠠᠶᠢᠬᠤ ᠤᠯᠠᠷᠢᠯ ᠳᠤ ᠬᠡᠦᠬᠡᠳ ᠤᠳ ᠱᠠᠭᠠ ᠨᠠᠭᠠᠳᠬᠤ ᠶᠢ ᠴᠡᠬᠡᠷᠯᠡᠨᠡ᠂ ᠲᠦᠯ ᠮᠠᠶᠢᠬᠢ ᠪᠤᠯᠤᠨᠠ ᠬᠡᠳᠡᠭ᠃ | ᠲᠣᠯᠤᠭᠠ᠂ ᠵᠣᠨ ᠤ ᠪᠤᠷᠤᠭᠠᠨ ᠲᠠᠢ ᠡᠳᠦᠷ ᠱᠠᠭᠠ ᠨᠠᠭᠠᠳᠬᠤ ᠶᠢ ᠴᠡᠬᠡᠷᠯᠡᠨᠡ᠂ ᠲᠡᠭᠷᠢ ᠲᠤᠤᠭᠠᠷᠴᠤ ᠠᠶᠤᠩᠭᠠ ᠪᠠᠭᠤᠨᠠ ᠬᠡᠳᠡᠭ | ᠨᠠᠢᠮᠠ᠂ ᠰᠦᠨᠢᠳ ᠨᠤᠳᠤᠭ ᠤ ᠱᠠᠭᠠ ᠨᠠᠭᠠᠳᠬᠤ ᠳᠠᠭᠠᠨ ᠢᠵᠢᠯᠢ ᠮᠤᠷᠢ ᠪᠤᠰᠪᠠᠯ ᠬᠤᠭᠤᠷᠤᠨᠳᠤ ᠨᠢ ᠨᠢᠰᠯᠡᠵᠦ ᠬᠠᠷᠪᠤᠬᠤ ᠶᠢ ᠤᠨᠴᠠ ᠴᠡᠬᠡᠷᠯᠡᠨᠡ᠂ ᠵᠠᠶᠠᠭᠠ | ᠬᠡᠶᠢᠮᠦᠷᠢ ᠬᠡᠪᠳᠡᠨᠡ ᠬᠡᠳᠡᠭ᠃ | ᠶᠢᠰᠦ᠂ ᠶᠠᠰᠤ ᠪᠡᠷᠳᠡᠭᠰᠡᠨ ᠬᠦᠮᠦᠨ ᠡᠳᠡᠭᠡᠷᠡᠬᠦ ᠠᠴᠠ ᠡᠮᠦᠨᠡ ᠱᠠᠭᠠ ᠨᠠᠭᠠᠳᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠶᠠᠰᠤᠨ ᠤ ᠡᠳᠡᠬᠡᠷᠡᠯᠳᠡ ᠳᠤ ᠮᠠᠭᠤ ᠬᠡᠳᠡᠭ᠃ | ᠠᠷᠪᠠ᠂ ᠴᠢᠨ᠋ᠸᠡ ᠢᠳᠡᠭᠰᠡᠨ ᠮᠠᠯ ᠤᠨ ᠱᠠᠭᠠ ᠶᠢ ᠲᠡᠭᠷᠢ ᠶᠢᠨ ᠨᠤᠬᠠᠢ ᠶᠢᠨ ᠬᠡᠰᠢᠭ ᠬᠡᠵᠦ ᠠᠪᠴᠤ ᠬᠠᠳᠠᠭᠠᠯᠠᠬᠤ ᠠᠴᠠ ᠪᠢᠰᠢ᠂ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠳᠤ | ᠬᠡᠷᠡᠭᠯᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ | ᠠᠷᠪᠠᠨ ᠨᠢᠬᠡ᠂ ᠰᠡᠳᠡᠷ ᠲᠠᠢ ᠮᠠᠯ᠂ ᠲᠠᠷᠬᠠᠯᠠᠭᠰᠠᠨ ᠮᠠᠯ ᠦᠬᠦᠪᠡᠯ᠂ ᠱᠠᠭᠠ ᠶᠢ ᠠᠪᠴᠤ ᠬᠠᠳᠠᠭ ᠲᠤ ᠪᠤᠭᠤᠵᠤ ᠬᠠᠳᠠᠭᠠᠯᠠᠨᠠ᠂ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠳᠤ | ᠬᠡᠷᠡᠭᠯᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ | ᠠᠷᠪᠠᠨ ᠬᠤᠶᠠᠷ᠂ ᠬᠡᠦᠬᠡᠳ ᠭᠤᠷᠪᠠᠨ ᠬᠤᠨᠤᠭ ᠵᠠᠯᠭᠠᠪᠠᠷ ᠤᠬᠢᠯᠠᠪᠠᠯ ᠱᠠᠭᠠᠶᠢᠳᠤ ᠴᠢᠮᠦᠬᠡ ᠶᠢᠨ ᠱᠠᠭᠠ ᠶᠢ ᠠᠪᠴᠤ ᠬᠠᠳᠠᠭ ᠲᠤ ᠪᠤᠭᠤᠵᠤ ᠬᠠᠳᠠᠭᠠᠯᠠᠬᠤ ᠪᠤᠶᠤ | ᠬᠡᠦᠬᠡᠳ ᠤᠨ ᠨᠠᠭᠠᠳᠤᠮ ᠳᠤᠨᠢ ᠵᠡᠬᠦᠳᠡᠭ᠂ ᠨᠠᠭᠠᠳᠤᠮ ᠳᠤ ᠬᠡᠷᠡᠭᠯᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ | ᠠᠷᠪᠠᠨ ᠭᠤᠷᠪᠠ᠂ ᠬᠤᠷᠢᠮ ᠤᠨ ᠪᠦᠬᠦᠯᠢ ᠰᠢᠬᠦᠰᠦᠨ ᠤ ᠱᠠᠭᠠᠶᠢᠳᠤ ᠴᠢᠮᠦᠬᠡ ᠶᠢᠨ ᠱᠠᠭᠠ ᠶᠢ ᠠᠪᠴᠤ ᠬᠠᠳᠠᠭ ᠲᠤ ᠪᠤᠭᠤᠵᠤ ᠲᠡᠷᠡ ᠲᠤᠤᠷᠠ ᠬᠢᠳᠡᠭ ᠪᠦᠬᠡᠳ | ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠳᠠᠭ᠂ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠳᠤ ᠬᠡᠷᠡᠭᠯᠡᠬᠦ ᠶᠢ ᠴᠡᠬᠡᠷᠯᠡᠨᠡ᠃ | ᠠᠷᠪᠠᠨ ᠲᠦᠷᠪᠡ ᠂ ᠮᠡᠷᠭᠡ ᠲᠦᠯᠬᠡ ᠲᠠᠯᠪᠢᠳᠠᠭ ᠱᠠᠭᠠ ᠶᠢ ᠨᠠᠭᠠᠳᠤᠮ ᠲᠤᠭᠯᠠᠭᠠᠮ ᠳᠤ ᠬᠡᠷᠡᠭᠯᠡᠬᠦ ᠶᠢ ᠴᠡᠬᠡᠷᠯᠡᠨᠡ᠂ ᠮᠡᠷᠭᠡ ᠲᠦᠯᠬᠡ ᠲᠦᠬᠡᠷᠢᠨᠡ ᠬᠡᠳᠡᠭ᠃ | ᠠᠷᠪᠠᠨ ᠲᠠᠪᠤ᠂ ᠬᠤᠷᠠᠭᠠ ᠢᠰᠢᠬᠡ ︵ᠲᠦᠯ ᠮᠠᠯ ᠤᠨ ᠱᠠᠭᠠ︶ ᠶᠢᠨ ᠱᠠᠭᠠ ᠪᠠᠷ ᠨᠠᠭᠠᠳᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠡᠬᠡ ᠮᠠᠯ ᠤᠨ ᠲᠡᠯᠡᠩ ᠬᠦᠬᠦ ᠡᠪᠡᠳᠦᠨᠡ | ᠬᠡᠳᠡᠭ᠃ | ᠠᠷᠪᠠᠨ ᠵᠢᠷᠭᠤᠭᠠ᠂ ᠱᠠᠭᠠ ᠶᠢ ᠵᠠᠰᠠᠵᠤ ᠴᠡᠪᠡᠷᠯᠡᠬᠦ ᠳᠡᠭᠡᠨ ᠮᠦᠯᠵᠢᠬᠦ ᠬᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠨᠡ᠂ ᠬᠠᠷᠢᠨ ᠱᠠᠭᠠ ᠵᠠᠰᠠᠬᠤ ᠬᠡᠵᠦ ᠬᠡᠯᠡᠳᠡᠭ᠃ |