| ᠮᠣᠩᠭᠤᠯ ᠭᠡᠷ ᠪᠠᠷᠢᠬᠤ ᠳᠤ ᠳᠣᠣᠷᠠᠬᠢ ᠮᠡᠲᠦ ᠠᠯᠬᠤᠮ ᠳᠠᠷᠠᠭᠠ ᠲᠠᠢ ᠪᠠᠶᠢᠳᠠᠭ᠃ | ᠨᠢᠭᠡᠳᠦᠭᠡᠷ ᠲᠤ᠂ ᠵᠠᠰᠠᠭᠰᠠᠨ ᠪᠠᠭᠤᠴᠠ ᠶᠢᠨ ᠳᠡᠭᠡᠷᠡ ᠪᠠᠨ ᠬᠠᠨᠠ ᠪᠠᠨ ᠴᠠᠭᠠᠷᠢᠭᠯᠠᠨ ᠪᠣᠰᠬᠠᠵᠤ ᠳᠡᠯᠭᠡᠭᠡᠳᠠᠮᠠᠶᠢ ᠨᠢ ᠲᠠᠭᠠᠷᠠᠭᠤᠯᠤᠨ ᠬᠠᠨᠠ ᠶᠢᠨ ᠭᠦᠯᠢᠭ | ᠢᠶᠠᠷ ᠢᠶᠠᠨ ᠲᠣᠭᠲᠠᠭᠰᠠᠨ ᠳᠦᠷᠢᠮ ᠢᠶᠠᠷ ᠬᠤᠯᠪᠤᠵᠤ ᠡᠭᠦᠳᠡᠨ ᠤ ᠬᠡᠰᠡᠭ ᠲᠤ ᠬᠠᠭᠠᠯᠭᠠ ᠶᠢᠨ ᠬᠠᠳᠠᠪᠴᠢ ᠪᠠᠨ ᠬᠠᠨᠠ ᠲᠠᠢ ᠬᠤᠯᠪᠣᠵᠤ ᠪᠣᠰᠬᠠᠨᠠ᠃ | ᠬᠤᠶᠠᠳᠤᠭᠠᠷ ᠲᠤ᠂ ᠪᠣᠰᠬᠠᠭᠰᠠᠨ ᠬᠠᠨᠠ ᠶᠢᠨ ᠭᠠᠳᠠᠭᠤᠷ ᠪᠦᠰᠡᠯᠡᠭᠦᠷ ᠲᠠᠲᠠᠵᠤ ᠬᠠᠨᠠ ᠶᠢᠨ ᠶᠡᠭᠡ ᠪᠠᠭᠠ ᠪᠠ ᠲᠣᠭᠤᠷᠢᠭ ᠢᠶᠠᠨ ᠲᠡᠭᠰᠢ ᠪᠤᠯᠭᠠᠵᠤ | ᠲᠣᠭᠲᠠᠭᠠᠭᠠᠳ ᠪᠥᠰᠡᠯᠡᠭᠦᠷ ᠢᠶᠠᠨ ᠴᠢᠩᠭᠠᠯᠠᠨ ᠪᠠᠬᠢᠯᠡᠵᠦ ᠤᠶᠠᠨᠠ᠃ | ᠭᠤᠷᠪᠠᠳᠤᠭᠠᠷ ᠲᠤ᠂ ᠲᠣᠭᠤᠨᠣ ᠪᠣᠰᠬᠠᠬᠤ᠃ ᠬᠡᠯᠬᠢᠶᠡ ᠲᠣᠭᠤᠨᠣ ᠶᠢ ᠪᠣᠰᠬᠠᠬᠤ ᠳᠤ ᠤᠷᠢᠳ ᠢᠶᠠᠷ ᠪᠦᠳᠦᠭᠦᠨ ᠮᠣᠳᠣᠨ ᠪᠠᠭᠠᠨᠠ ᠪᠠᠷ ᠲᠣᠭᠤᠨᠣ ᠪᠠᠨ | ᠲᠣᠯᠣᠨ ᠪᠣᠰᠬᠠᠮᠠᠭᠴᠠ ᠳᠠᠷᠤᠢ ᠳᠥᠷᠪᠡᠨ ᠵᠦᠭ ᠲᠤᠨᠢ ᠣᠨᠢ ᠶᠢ ᠲᠤᠰ ᠲᠤᠰ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠰᠠᠭᠤᠯᠭᠠᠨ ᠰᠡᠭᠡᠯᠳᠦᠷᠭᠡ ᠪᠠᠷ ᠨᠢ ᠤᠶᠠᠵᠤ ᠳᠠᠷᠠᠭᠠᠯᠠᠨ | ᠪᠤᠰᠤᠳ ᠣᠨᠢ ᠶᠢ ᠰᠠᠭᠤᠯᠭᠠᠨᠠ᠃ ᠤᠨᠢ ᠪᠠᠨᠰᠠᠭᠤᠯᠭᠠᠵᠤ ᠪᠠᠷᠠᠭᠰᠠᠨ ᠤ ᠬᠤᠶᠢᠨᠠ ᠲᠣᠭᠤᠨᠣ ᠪᠠᠨ ᠳᠡᠭᠰᠢᠯᠡᠨ ᠳᠡᠭᠡᠭᠰᠢ ᠲᠤᠯᠵᠤ ᠳᠠᠷᠤᠭᠤᠯᠭᠠ ᠪᠠᠷ ᠣᠨᠢ ᠶᠢᠨ | ᠭᠠᠳᠠᠭᠤᠷ ᠳᠠᠷᠤᠵᠤ ᠲᠣᠭᠤᠨᠣ ᠶᠢᠨ ᠲᠡᠭᠰᠢ ᠪᠠᠶᠢᠬᠤ ᠡᠰᠡᠬᠦ ᠶᠢ ᠪᠠᠶᠢᠴᠠᠭᠠᠵᠤ ᠪᠠᠬᠢᠯᠡᠨ ᠳᠠᠷᠤᠨᠠ᠃ | ᠳᠥᠷᠪᠡᠳᠦᠭᠡᠷ ᠲᠤ᠂ ᠭᠡᠷ ᠳᠡᠭᠡᠪᠦᠷᠯᠡᠭᠦ᠃ ᠬᠠᠮᠤᠭ ᠤᠨ ᠲᠡᠷᠢᠭᠦᠨ ᠳᠤ ᠵᠠᠪᠠᠭ ᠢᠰᠡᠭᠡᠢ ᠶᠢ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠠᠭᠠᠤ ᠨᠥᠮᠥᠷᠦᠭᠦᠯᠦᠨᠡ᠃ ᠡᠭᠦᠨ ᠤ | ᠳᠠᠷᠠᠭᠠ ᠡᠭᠦᠳᠡᠨ ᠤ ᠵᠡᠭᠦᠨ ᠬᠠᠳᠠᠪᠴᠢ ᠶᠢᠨ ᠭᠤᠷᠪᠠᠨ ᠨᠦᠬᠡ ᠠᠴᠠ ᠭᠡᠷ ᠤᠨ ᠶᠦᠳ᠋ ᠤᠨ ᠦᠵᠦᠭᠦᠷ ᠢ ᠲᠤᠰ ᠲᠤᠰ ᠤᠶᠠᠵᠤ ᠲᠣᠭᠲᠠᠭᠠᠨᠠ᠃ ᠳᠠᠷᠠᠭᠠ ᠨᠢ | ᠲᠣᠭᠤᠷᠭᠠ ᠶᠢ ᠡᠭᠦᠳᠡᠨ ᠤ ᠲᠠᠯᠠ ᠠᠴᠠ ᠡᠬᠢᠯᠡᠨ ᠬᠠᠨᠠ ᠶᠢ ᠨᠥᠮᠥᠷᠦᠭᠦᠯᠦᠨ ᠪᠣᠰᠬᠠᠬᠤ ᠶᠢᠨ ᠬᠠᠮᠲᠤ ᠳᠡᠭᠡᠳᠦ ᠶᠦᠳ᠋ ᠢ ᠲᠤᠰᠬᠠᠢ ᠨᠢᠭᠡ ᠬᠦᠮᠦᠨ ᠬᠠᠷᠢᠭᠤᠴᠠᠨ | ᠲᠣᠭᠤᠷᠭᠠ ᠶᠢ ᠳᠠᠷᠤᠵᠤ ᠪᠦᠰᠡᠯᠡᠵᠦ ᠥᠭᠭᠦᠨᠡ᠃ ᠰᠠᠯᠬᠢᠨ ᠤ ᠳᠣᠣᠷᠠ ᠲᠠᠯᠠ ᠶᠢᠨ ᠲᠣᠭᠤᠷᠭᠠᠨ ᠵᠠᠬᠠ ᠶᠢ ᠲᠣᠲᠣᠭᠤᠷ ᠨᠢ ᠳᠠᠷᠤᠬᠤ ᠬᠡᠷᠡᠭᠲᠡᠢ᠃ ᠡᠨᠡ ᠮᠡᠲᠦ | ᠭᠤᠷᠪᠠᠨ ᠶᠦᠳ᠋ ᠢ ᠳᠠᠷᠠᠭᠠᠯᠠᠨ ᠲᠠᠲᠠᠨᠠ᠃ ᠲᠡᠭᠡᠬᠦ ᠳᠡᠭᠡᠨ ᠳᠣᠣᠷᠠ ᠶᠦᠳ᠋ ᠢ ᠲᠠᠲᠠᠬᠤ ᠳᠠᠭᠠᠨ ᠬᠠᠶᠠᠭᠠᠪᠴᠢ ᠪᠠᠨ ᠣᠷᠣᠭᠤᠯᠤᠨ ᠴᠢᠩᠭᠠᠯᠠᠵᠤ ᠲᠠᠲᠠᠬᠤ ᠬᠡᠷᠡᠭᠲᠡᠢ᠃ | ᠭᠤᠷᠪᠠᠨ ᠶᠦᠳ᠋ ᠤᠨ ᠦᠵᠦᠭᠦᠷ ᠢ ᠬᠠᠳᠠᠪᠴᠢ ᠶᠢᠨ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠭᠤᠷᠪᠠᠨ ᠨᠦᠬᠡ ᠪᠤᠶᠤ ᠭᠤᠭᠴᠤᠭᠠ ᠠᠴᠠ ᠪᠠᠬᠢᠯᠡᠵᠦ ᠤᠶᠠᠳᠠᠭ᠃ | ᠲᠠᠪᠤᠳᠤᠭᠠᠷ ᠲᠤ᠂ ᠡᠯᠪᠡᠭᠡᠰᠢ ᠳᠡᠭᠡᠪᠦᠷ ᠲᠠᠯᠪᠢᠬᠤ᠃ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠴᠠᠪᠤᠭ ᠪᠠ ᠲᠣᠲᠣᠭᠤ ᠢᠰᠡᠭᠡᠢ ᠡᠭᠦᠳᠡ ᠵᠡᠷᠭᠡ ᠶᠢ ᠡᠯᠭᠦᠵᠦ ᠲᠠᠯᠪᠢᠨᠠ᠃ | ᠳᠠᠷᠠᠭᠠ ᠪᠠᠷ ᠨᠢ ᠰᠠᠶ᠋ᠢ ᠭᠡᠷ ᠤᠨ ᠳᠡᠭᠡᠪᠦᠷ ᠢ ᠡᠮᠦᠨᠡ ᠠᠴᠠ ᠬᠤᠶᠢᠰᠢ ᠨᠢ ᠲᠤᠰ ᠲᠤᠰ ᠣᠨᠢ ᠶᠢ ᠨᠥᠮᠥᠷᠬᠡᠵᠦ ᠪᠦᠷᠬᠦᠨᠡ᠃ ᠭᠡᠬᠦ ᠳᠡᠭᠡᠨ ᠣᠷᠢᠳ ᠢᠶᠠᠷ ᠡᠮᠦᠨᠡ | ᠲᠠᠯᠠ ᠶᠢᠨ ᠳᠡᠭᠡᠪᠦᠷ ᠢ ᠲᠠᠯᠪᠢᠵᠤ᠂ ᠳᠡᠭᠡᠳᠦ ᠲᠠᠯᠠ ᠶᠢᠨ ᠤᠭᠤᠰᠤᠷ ᠢ ᠬᠤᠶᠢᠰᠢ ᠨᠢ ᠲᠠᠲᠠᠵᠤ᠂ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠤᠶᠠᠨᠠ᠃ ᠡᠭᠦᠨ ᠤ ᠳᠠᠷᠠᠭᠠ ᠨᠢ | ᠬᠤᠶᠢᠲᠤ ᠲᠠᠯᠠ ᠶᠢᠨ ᠳᠡᠭᠡᠪᠦᠷ ᠢ ᠡᠮᠦᠨᠡ ᠲᠠᠯᠠ ᠶᠢᠨ ᠳᠡᠭᠡᠪᠦᠷ ᠤᠨ ᠬᠥᠪᠡᠭᠡ ᠶᠢ ᠡᠮᠭᠦᠭᠦᠯᠦᠨ ᠳᠠᠷᠤᠨᠠ᠃᠂ ᠢᠩᠭᠢᠭᠦ ᠨᠢ ᠰᠠᠯᠬᠢ ᠰᠢᠭᠤᠷᠭᠠᠨ ᠳᠤ ᠭᠡᠷ ᠤᠨ | ᠳᠡᠭᠡᠪᠦᠷ ᠬᠠᠭᠤᠯᠤᠭᠳᠠᠬᠤ ᠦᠭᠡᠢ᠃ ᠭᠡᠷ ᠤᠨ ᠳᠡᠭᠡᠪᠦᠷ ᠤᠨ ᠳᠡᠭᠡᠳᠦ ᠵᠠᠬᠠ ᠳᠤ ᠪᠠᠶᠢᠭᠠ ᠬᠤᠶᠠᠷ ᠬᠤᠶᠠᠷ ᠳᠠᠷᠤᠭᠤᠯᠭᠠ᠂ ᠶᠢ ᠡᠮᠦᠨᠡᠰᠢ ᠨᠢ ᠲᠠᠲᠠᠬᠤ ᠳᠠᠭᠠᠨ | ᠡᠭᠦᠳᠡ ᠭᠤᠣᠯᠯᠠᠭᠤᠯᠤᠨ ᠰᠣᠯᠪᠢᠴᠠᠭᠤᠯᠤᠨ ᠰᠦᠯᠵᠢᠵᠦ ᠥᠯᠵᠡᠢ ᠵᠠᠩᠭᠢᠶᠠ ᠭᠠᠷᠭᠠᠵᠤ ᠬᠠᠭᠠᠯᠭᠠ ᠶᠢᠨ ᠬᠤᠶᠠᠷ ᠵᠠᠬᠠ ᠶᠢᠨ ᠶᠦᠳ᠋ ᠲᠤ ᠴᠠᠭᠢᠯᠳᠠᠭ ᠤᠶᠠᠳᠠᠯ ᠢᠶᠠᠷ | ᠳᠤᠷᠭᠤᠵᠤ ᠤᠶᠠᠬᠤ ᠵᠠᠩᠰᠢᠯ ᠲᠠᠢ ᠪᠢᠯᠡ ᠃ | ᠵᠷᠭᠤᠳᠤᠭᠠᠷ ᠲᠤ᠂ ᠡᠷᠦᠭᠡ ᠲᠠᠯᠪᠢᠬᠤ᠃ ᠡᠷᠦᠭᠡ ᠶᠢ ᠪᠠᠭᠠᠨᠠ ᠮᠣᠳᠣ ᠪᠠᠷ ᠭᠡᠷ ᠤᠨ ᠣᠷᠣᠢ ᠳᠤ ᠲᠦᠯᠬᠢᠨ ᠭᠠᠷᠭᠠᠵᠤ ᠲᠣᠭᠤᠨᠣ ᠶᠢᠨ ᠳᠡᠭᠡᠷᠡ ᠪᠦᠷᠬᠦᠵᠦ | ᠲᠠᠯᠪᠢᠨᠠ᠃ ᠡᠷᠦᠬᠡᠨ ᠤ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠢᠲᠤ ᠤᠭᠤᠰᠤᠷ ᠢ ᠲᠤᠰ ᠪᠦᠷᠢ ᠳᠤᠨᠢ ᠭᠡᠷ ᠤᠨ ᠪᠦᠰᠡᠨ ᠳᠤ ᠬᠠᠪᠴᠢᠭᠤᠯᠤᠨ ᠴᠠᠭᠢᠯᠲᠠᠭ ᠤᠶᠠᠳᠠᠯ ᠢᠶᠠᠷ ᠤᠶᠠᠵᠤ | ᠲᠠᠯᠪᠢᠨᠠ᠃ ᠡᠷᠦᠬᠡ ᠶᠢᠨ ᠡᠮᠦᠨᠡ ᠣᠭᠤᠰᠤᠷ ᠢ ᠠᠮᠢᠳᠤᠯᠢᠭ ᠪᠠᠶᠢᠯᠭᠠᠵᠤ᠂ ᠡᠷᠦᠬᠡ ᠲᠠᠲᠠᠬᠤ᠂ ᠰᠡᠭᠦᠬᠦ ᠳᠤ ᠪᠡᠯᠡᠳᠬᠡᠨᠡ᠃ ᠡᠷᠦᠬᠡ ᠶᠢ ᠭᠡᠷ ᠤᠨ ᠣᠷᠣᠢ ᠳᠤ | ᠲᠣᠯᠵᠤ ᠭᠠᠷᠭᠠᠬᠤ ᠳᠠᠭᠠᠨ ᠡᠷᠦᠭᠡ ᠪᠠᠨ ᠬᠤᠰᠢᠭᠤᠴᠢᠯᠠᠨ ᠡᠪᠭᠡᠭᠡᠳ ᠳᠤᠮᠳᠠᠭᠤᠷ ᠨᠢ ᠪᠠᠭᠠᠨᠠ ᠮᠣᠳᠣ ᠪᠠᠨ ᠴᠢᠬᠢᠵᠦ ᠣᠷᠣᠭᠤᠯᠤᠭᠠᠳ ᠳᠡᠭᠡᠭᠰᠢ ᠨᠢ ᠲᠦᠯᠬᠢᠪᠡᠯ | ᠲᠣᠩ ᠠᠮᠠᠷᠬᠠᠨ ᠪᠠᠶᠢᠳᠠᠭ᠃ | ᠳᠣᠯᠣᠳᠤᠭᠠᠷ ᠲᠤ᠂ ᠲᠣᠭᠤᠨᠣ ᠶᠢᠨ ᠭᠤᠣᠯ ᠠᠴᠠ ᠴᠢᠭᠲᠠᠭᠠ ᠪᠠᠨ ᠤᠶᠠᠵᠤ ᠲᠣᠭᠤᠭᠰᠢ ᠣᠨᠵᠢᠭᠤᠯᠵᠣ ᠴᠢᠭᠳᠠᠭᠠ ᠶᠢᠨ ᠳᠡᠭᠡᠰᠦᠨ ᠤ ᠦᠵᠦᠭᠦᠷ ᠲᠤ | ᠬᠦᠨᠳᠦ ᠶᠠᠭᠤᠮᠠ ᠳᠡᠭᠦᠵᠢᠯᠡᠵᠦ ᠭᠡᠷ ᠤᠨ ᠲᠣᠭᠤᠨᠣ ᠶᠢ ᠲᠡᠭᠰᠢ ᠪᠣᠯᠭᠠᠵᠤ ᠬᠡᠷ ᠤᠨ ᠬᠡᠪ ᠢ ᠲᠣᠭᠲᠠᠭᠠᠨᠠ᠃ ᠬᠡᠷ ᠤᠨ ᠬᠡᠪ ᠲᠣᠭᠲᠠᠭᠰᠠᠨ ᠤ ᠰᠡᠬᠦᠯᠡᠷ᠂ | ᠴᠢᠭᠳᠠᠭᠠ ᠶᠢᠨ ᠦᠵᠦᠬᠦᠷ ᠲᠠᠬᠢ ᠬᠦᠨᠳᠣ ᠶᠠᠭᠤᠮᠠ ᠶᠢ ᠠᠪᠴᠦ ᠬᠠᠶᠠᠭᠠᠳ ᠴᠢᠭᠳᠠᠭᠠ ᠶᠢᠨ ᠳᠡᠭᠡᠰᠦ ᠶᠢ ᠭᠤᠷᠪᠠ ᠨᠣᠭᠤᠯᠵᠣ ᠵᠡᠬᠦᠨ ᠬᠤᠶᠢᠨᠠᠬᠢ ᠣᠨᠢ ᠶᠢᠨ | ᠲᠣᠣᠷᠠᠲᠣ ᠬᠡᠳᠡᠭ ᠲᠤ ᠬᠠᠪᠴᠢᠭᠤᠯᠣᠨᠠ᠃ ᠡᠬᠦᠨ ᠤ ᠳᠠᠷᠠᠭᠠ ᠨᠢ ᠭᠡᠷ ᠤᠨ ᠲᠣᠲᠣᠷᠠ ᠪᠠᠨ ᠬᠦᠰᠬᠡ ᠪᠠᠨ ᠡᠯᠬᠦᠵᠦ᠂ ᠭᠡᠷ ᠢᠶᠠᠨ ᠲᠡᠪᠢᠰᠭᠡᠷᠯᠡᠵᠦ᠂ ᠬᠡᠷ ᠤᠨ | ᠲᠣᠲᠣᠷᠠᠬᠢ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠢᠶᠠᠨ ᠲᠦᠪᠬᠢᠨᠡᠭᠦᠯᠦᠨ ᠪᠠᠶᠢᠷᠢᠯᠠᠭᠤᠯᠤᠨᠠ᠃ | ᠬᠠᠳᠬᠤᠭᠤᠷ ᠲᠣᠭᠤᠨᠣ ᠲᠠᠢ ᠭᠡᠷ ᠢ ᠪᠣᠰᠬᠠᠬᠤ ᠳᠤ ᠣᠷᠢᠳ ᠢᠶᠠᠷ ᠬᠠᠨᠠ ᠪᠠᠨ ᠳᠡᠯᠭᠡᠨ ᠪᠣᠰᠬᠠᠭᠰᠠᠨ ᠤ ᠳᠠᠷᠠᠭᠠ ᠨᠢᠭᠡ ᠬᠥᠮᠥᠨ ᠥᠨᠳᠥᠷ᠂ ᠶᠠᠭᠤᠮᠠ ᠶᠢᠨ | ᠳᠡᠭᠡᠷᠡ ᠲᠣᠭᠤᠨᠣ ᠪᠠᠨ ᠲᠡᠭᠰᠢ ᠡᠷᠭᠦᠵᠦ᠂ ᠵᠣᠭᠰᠣᠬᠤ ᠳᠤ ᠲᠣᠭᠤᠨᠣ ᠶᠢᠨ ᠳᠥᠷᠪᠡᠨ ᠲᠠᠯᠠ ᠠᠴᠠ ᠡᠬᠢᠯᠡᠨ ᠲᠣᠭᠤᠨᠣ ᠶᠢᠨ ᠤᠭᠯᠠᠭᠤᠷᠭᠠ ᠶᠢᠨ ᠨᠦᠭᠡᠨ ᠳᠤ ᠣᠨᠢ | ᠪᠠᠨ ᠨᠢᠭᠡ ᠨᠢᠭᠡ ᠪᠠᠷ ᠤᠭᠯᠠᠵᠤ ᠣᠷᠣᠭᠤᠯᠤᠭᠠᠳ᠂ ᠣᠨᠢ ᠶᠢᠨ ᠶᠣᠵᠣᠭᠤᠷ ᠢ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠳᠤ ᠰᠡᠭᠡᠯᠳᠦᠷᠭᠡ ᠪᠠᠷ ᠪᠠᠬᠢᠯᠡᠵᠦ ᠤᠶᠠᠨᠠ ᠃ | ᠡᠨᠡ ᠮᠡᠲᠦ ᠪᠠᠷ ᠣᠨᠢ ᠪᠠᠨ ᠪᠦᠭᠦᠳᠡ ᠶᠢ ᠪᠠᠷᠢᠵᠤ ᠳᠠᠷᠠᠭᠠ ᠨᠢ ᠲᠣᠭᠤᠨᠣ ᠪᠠ ᠭᠡᠷ ᠤᠨ ᠳᠡᠭᠡᠳᠦ ᠪᠡᠶᠡ ᠶᠢᠨ ᠲᠡᠭᠰᠢ ᠪᠠᠶᠢᠬᠤ ᠡᠰᠡᠬᠦ ᠶᠢ ᠦᠵᠡᠵᠦ ᠣᠨᠢ ᠶᠢᠨ | ᠳᠠᠷᠤᠭᠤᠯᠭᠠ ᠪᠠᠨ ᠳᠠᠷᠤᠵᠤ ᠪᠣᠰᠬᠠᠳᠠᠭ᠃᠃ ᠡᠭᠦᠨ ᠠᠴᠠ ᠪᠣᠰᠣᠳ ᠠᠵᠢᠯ ᠨᠢ ᠬᠡᠯᠬᠢᠶᠡ ᠲᠣᠭᠤᠨᠣ ᠲᠠᠢ ᠭᠡᠷ ᠪᠠᠷᠢᠬᠤ ᠲᠠᠢ ᠨᠢᠭᠡ ᠯᠡ ᠠᠳᠠᠯᠢ ᠶᠠᠪᠤᠭᠳᠠᠨᠠ ᠃ | |