ᠮᠤᠩᠭᠤᠯᠴᠤᠳ ᠤᠨ ᠪᠠᠶᠢᠭᠠᠯᠢ ᠠᠴᠠ ᠪᠠᠨ ᠳᠡᠭᠦᠵᠤ ᠬᠤᠯᠢᠰᠢᠨ ᠢᠳᠡᠭᠡᠨ ᠪᠤᠯᠭᠠᠳᠠᠭ ᠤᠷᠭᠤᠮᠠᠯ ᠮᠠᠰᠢ ᠠᠷᠪᠢᠨ ᠪᠠᠶᠢᠳᠠᠭ᠃ ᠠᠳᠡ ᠬᠤᠭᠤᠯᠠ ᠢᠳᠡᠭᠡᠨ᠂ | ᠮᠢᠬᠠ ᠱᠥᠯᠥᠨ ᠳᠤ ᠠᠮᠳᠠ ᠤᠷᠤᠭᠤᠯᠵᠤ ᠰᠢᠮᠠ ᠳᠡᠵᠢᠭᠡᠯ ᠨᠥᠬᠦᠪᠤᠷᠢᠯᠡᠳᠡᠭ ᠪᠤᠶᠤ ᠰᠢᠷᠠ ᠤᠰᠤᠨ ᠳᠤ ᠳᠠᠷᠤᠰᠢᠭᠤᠯᠬᠤ᠂ ᠠᠭᠠᠷᠴᠠ ᠲᠠᠢ ᠵᠢᠭᠤᠷᠠᠵᠤ ᠬᠠᠳᠠᠭᠠᠬᠤ᠂ | ᠴᠡᠴᠡᠭ ᠢ ᠨᠢ ᠳᠠᠷᠤᠰᠢᠭᠤᠯᠬᠤ ᠵᠡᠷᠭᠡ ᠠᠷᠭᠠ ᠨᠤᠭᠤᠳ ᠢᠶᠠᠷ ᠵᠠᠭᠤᠰᠢ ᠪᠤᠯᠭᠠᠨ ᠢᠳᠡᠳᠡᠭ ᠬᠥᠮᠡᠯᠢ᠂ ᠳᠠᠭᠠᠨᠠ᠂ ᠮᠠᠩᠬᠢᠷ᠂ ᠥᠮᠡᠬᠡᠢ ᠰᠤᠩᠬᠢᠨᠠ᠂ ᠭᠤᠭᠤᠳ | ᠵᠡᠷᠭᠡ ︽ᠪᠠᠶᠢᠭᠠᠯᠢᠯᠢᠭ ᠳᠠᠪᠤᠨ ᠠᠮᠳᠠ︾ ᠶᠢᠨ ᠳᠤᠬᠠᠢ ᠲᠥᠭᠦᠮ ᠳᠠᠨᠢᠯᠴᠠᠭᠤᠯᠤᠶᠠ᠃ ᠡᠳᠡᠭᠡᠷ ︽ᠪᠠᠶᠢᠭᠠᠯᠢᠯᠢᠭ ᠳᠠᠪᠤᠨ ᠠᠮᠳᠠ︾ ᠨᠢ ᠨᠢᠭᠡᠨ ᠢᠵᠠᠭᠤᠷ | ᠲᠥᠷᠥᠯ ᠳᠤ ᠪᠠᠭᠳᠠᠳᠠᠭ ᠤᠷᠭᠤᠮᠠᠯ ᠪᠤᠯᠪᠠᠴᠤ ᠪᠥᠷ ᠠᠳᠠᠯᠢ ᠪᠤᠰᠤ ᠠᠭᠠᠭ ᠲᠠᠢ᠂ ᠠᠮᠳᠠ ᠲᠠᠢ ᠪᠠᠶᠢᠳᠠᠭ ᠠᠴᠠ ᠮᠤᠩᠭᠤᠯᠴᠤᠳ ᠳᠡᠭᠦᠨ ᠢ ᠥᠪᠡᠷᠮᠢᠴᠡ | ᠤᠨᠴᠠᠯᠢᠭ ᠲᠤᠨᠢ ᠳᠤᠬᠢᠷᠠᠭᠤᠯᠵᠤ ᠡᠳ᠋ᠯᠡᠵᠤ ᠬᠡᠷᠡᠭᠯᠡᠭᠰᠡᠭᠡᠷ ᠤᠨ ᠤᠳᠠᠵᠤ ᠪᠠᠶᠢᠭᠠ ᠶᠤᠮ᠃ | ᠬᠥᠮᠡᠯᠢ - ᠬᠥᠮᠡᠯᠢ ᠭᠤᠤᠯᠳᠠᠭᠤ ᠭᠤᠪᠢ ᠨᠤᠳᠤᠭ᠂ ᠬᠡᠬᠡᠷᠠ ᠳᠠᠯᠠ ᠶᠢᠨ ᠡᠯᠡᠰᠥᠷᠬᠡᠭ ᠭᠠᠵᠠᠷ᠂ ᠵᠥᠭᠡᠯᠡᠨ ᠬᠥᠷᠥᠰᠤ ᠲᠠᠢ ᠨᠤᠳᠤᠭ ᠤᠰᠤᠨ ᠳᠤ ᠪᠤᠳᠠᠯᠠᠵᠤ | ᠤᠷᠭᠤᠳᠠᠭ ᠰᠢᠭᠦᠰᠦᠯᠢᠭ ᠴᠢᠨᠠᠷᠳᠡᠢ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠴᠠᠭᠠᠨ ᠭᠠᠵᠠᠷ ᠤᠷᠭᠤᠬᠤ ᠨᠢ ᠪᠠᠭᠠ᠂ ᠬᠠᠪᠤᠷ ᠬᠠᠮᠤᠭ ᠡᠷᠳᠡ | ᠰᠤᠶᠤᠭᠠᠯᠠᠵᠤ ᠤᠷᠭᠤᠳᠠᠭ᠃ ᠬᠠᠪᠤᠷ ᠴᠠᠭ᠂ ᠮᠤᠩᠭᠤᠯ ᠨᠤᠳᠤᠭ ᠤᠨ ᠬᠥᠮᠥᠨ ᠠᠮᠢᠳᠠᠨ ᠪᠠᠶᠢᠭᠠᠯᠢ ᠶᠢᠨ ᠬᠥᠮᠡᠯᠢ ᠶᠢ ᠬᠠᠮᠤᠭ ᠤᠷᠢᠳ ᠤᠯᠵᠤ ᠢᠳᠡᠳᠡᠭ᠃ ᠬᠥᠮᠡᠯᠢ | ᠨᠢᠭᠡ ᠨᠢᠭᠡ ᠰᠢᠷᠬᠡᠭ ᠢᠶᠠᠷ ᠪᠠᠭᠯᠠᠷᠠᠨ ᠤᠷᠭᠤᠨᠠ᠃ ᠨᠠᠮᠠᠭᠠ ᠨᠢ ᠤᠷᠳᠤ ᠪᠥᠭᠡᠷᠡᠩᠬᠡᠢ ᠬᠡᠯᠪᠡᠷᠢ ᠲᠠᠢ᠂ ᠰᠢᠭᠦᠰᠦᠯᠢᠭ ᠭᠠᠰᠢᠭᠤᠨ ᠠᠮᠳᠠ ᠲᠠᠢ᠂ ᠬᠠᠪᠤᠷ ᠨᠠᠮᠤᠷ | ᠬᠤᠶᠠᠷ ᠤᠳᠠᠭᠠ ᠴᠡᠴᠡᠭᠯᠡᠳᠡᠭ᠂ ᠴᠡᠴᠡᠭ ᠨᠢ ᠬᠥᠷᠡᠩ ᠤᠯᠠᠪᠳᠤᠷ ᠥᠩᠭᠡ ᠲᠠᠢ᠃ ᠬᠥᠮᠡᠯᠢ ᠮᠠᠰᠢ ᠰᠠᠶᠢᠨ ᠪᠤᠷᠳᠤᠭᠤᠷ ᠡᠪᠡᠰᠤᠨ ᠳᠤ ᠳᠤᠭᠠᠴᠠᠭᠳᠠᠵᠤ᠂ ᠮᠠᠯ | ᠠᠮᠢᠳᠠᠨ ᠢᠳᠡᠪᠡᠯ ᠬᠤᠷᠤᠬᠠᠢ ᠳᠠᠭᠤᠳᠠᠭ᠃ | ᠮᠤᠩᠭᠤᠯᠴᠤᠳ ᠬᠥᠮᠡᠯᠢ ᠳᠡᠭᠦᠵᠤ ᠮᠢᠬᠠᠨ ᠪᠤᠤᠰᠠ᠂ ᠴᠠᠭᠠᠨ ᠢᠳᠡᠭᠡᠨ ᠪᠤᠤᠰᠠ ᠬᠢᠵᠤ ᠢᠳᠡᠳᠡᠭ᠃ ᠪᠠᠰᠠ ᠮᠢᠬᠠᠨ ᠱᠥᠯᠥ᠂ ᠰᠥᠨ ᠱᠥᠯᠥ᠂ ᠵᠥᠭᠡᠬᠡᠢ ᠶᠢᠨ | ᠱᠥᠯᠥ ᠠᠮᠳᠠᠯᠠᠬᠤ᠂ ᠱᠠᠪᠠᠢ ᠠᠮᠳᠠᠯᠠᠵᠤ ᠢᠳᠡᠳᠡᠭ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠰᠢᠷᠠ ᠰᠥᠨ ᠳᠡᠭᠡᠨ ᠳᠠᠷᠤᠰᠢᠭᠤᠯᠵᠤ᠂ ᠠᠷᠢᠭᠢ ᠳᠠᠷᠠᠰᠤ᠂ ᠬᠤᠭᠤᠯᠠ ᠪᠤᠳᠠᠭᠠᠨ ᠤ | ᠵᠠᠭᠤᠰᠢ ᠪᠤᠯᠭᠠᠳᠠᠭ᠃ ᠵᠤᠨ ᠨᠠᠮᠤᠷ ᠤᠨ ᠢᠶᠠᠨ ᠢᠳᠡᠬᠦ ᠶᠢ ᠬᠠᠪᠤᠷ ᠳᠡᠭᠦᠵᠤ ᠳᠠᠷᠤᠰᠢᠭᠤᠯᠤᠨᠠ᠂ ᠡᠪᠤᠯ ᠬᠠᠪᠤᠷ ᠤᠨ ᠢᠶᠠᠨ ᠢᠳᠡᠬᠦ ᠶᠢ ᠨᠠᠮᠤᠷ ᠳᠡᠭᠦᠵᠤ | ᠳᠠᠷᠤᠰᠢᠭᠤᠯᠤᠨᠠ᠂ ᠡᠨᠡ ᠮᠡᠳᠤᠴᠢᠯᠡᠨ᠂ ᠮᠤᠩᠭᠤᠯ ᠠᠮᠢᠳᠤᠷᠠᠯ ᠳᠤ ᠬᠥᠮᠡᠯᠢ ᠶᠡᠷᠤ ᠨᠢ ᠳᠤᠳᠠᠳᠠᠭ ᠥᠭᠡᠢ ᠪᠠᠶᠢᠵᠡᠢ᠃ ᠬᠥᠮᠡᠯᠢ ᠨᠢ ᠬᠥᠮᠥᠨ ᠤ ᠪᠡᠶᠠ ᠳᠤ ᠡᠳᠤᠶ | ᠳᠡᠳᠤᠢ ᠡᠮᠴᠢᠯᠡᠭᠡᠨ ᠤ ᠥᠢᠯᠡᠳᠤᠯ ᠲᠠᠢ ᠪᠠᠶᠢᠳᠠᠭ᠃ ᠬᠠᠪᠤᠷ ᠤᠨ ᠬᠥᠮᠡᠯᠢ ᠨᠠᠰᠤᠳᠡᠶᠢᠴᠤᠳ ᠤᠨ ᠬᠠᠪᠤᠷ ᠤᠨ ᠭᠡᠮ ᠢ ᠠᠨᠠᠭᠠᠵᠤ᠂ ᠪᠠᠰᠠ ᠪᠠᠮ ᠡᠪᠡᠳᠴᠢᠨ᠂ | ᠬᠥᠯ ᠤᠨ ᠬᠠᠪᠤᠳᠠᠷ᠂ ᠬᠠᠪᠤᠩ ᠤᠨ ᠭᠡᠮ ᠢ ᠵᠠᠰᠠᠬᠤ ᠥᠢᠯᠡᠳᠤᠯ ᠲᠠᠢ᠃ ᠬᠠᠪᠤᠷ ᠤᠨ ᠬᠥᠮᠡᠯᠢ ᠶᠢ ᠵᠠᠪᠠᠯ ᠳᠡᠭᠷᠢ ᠳᠤᠤᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠢᠳᠡᠳᠡᠭ ᠶᠤᠰᠤ ᠲᠠᠢ᠂ | ᠳᠡᠭᠷᠢ ᠳᠤᠤᠭᠠᠷᠬᠤ ᠠᠴᠠ ᠡᠮᠤᠨᠠ ᠢᠳᠡᠪᠡᠯ ᠬᠤᠷᠤᠬᠠᠢ ᠮᠥᠷᠥᠯᠡᠨᠠ ᠭᠡᠵᠤ ᠬᠠᠭᠤᠴᠢᠯᠠᠳᠠᠭ ᠪᠢᠯᠡ᠃ | ᠳᠠᠭᠠᠨᠠ - ᠳᠠᠭᠠᠨᠠ ᠭᠤᠤᠯᠳᠠᠭᠤ ᠭᠤᠪᠢ ᠨᠤᠳᠤᠭ᠂ ᠬᠡᠬᠡᠷᠠ ᠳᠠᠯᠠ ᠶᠢᠨ ᠡᠯᠡᠰᠥᠷᠬᠡᠭ ᠭᠠᠵᠠᠷ᠂ ᠵᠥᠭᠡᠯᠡᠨ ᠬᠥᠷᠥᠰᠤ ᠲᠠᠢ ᠭᠠᠵᠠᠷ ᠢᠶᠠᠷ ᠪᠤᠳᠠᠯᠠᠵᠤ | ᠤᠷᠭᠤᠳᠠᠭ ᠤᠯᠠᠨ ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠴᠠᠭᠠᠨ ᠭᠠᠵᠠᠷ ᠢᠶᠠᠷ ᠪᠠᠭᠠ ᠰᠠᠭᠠ ᠤᠷᠭᠤᠨᠠ᠃ ᠬᠠᠪᠤᠷ ᠴᠠᠭ ᠲᠤ ᠡᠷᠳᠡ ᠰᠤᠶᠤᠭᠠᠯᠠᠵᠤ | ᠭᠠᠷᠳᠡᠭ ᠠᠴᠠ ᠬᠥᠮᠥᠨ ᠠᠮᠢᠳᠠᠨ ᠳᠠᠭᠠᠨᠠ ᠶᠢ ᠡᠷᠳᠡ ᠤᠯᠵᠤ ᠢᠳᠡᠳᠡᠭ᠃ ᠳᠠᠭᠠᠨᠠ ᠨᠢ ᠮᠥᠨ ᠬᠦ ᠬᠥᠮᠡᠯᠢ ᠲᠠᠢ ᠠᠳᠠᠯᠢ ᠨᠢᠭᠡ ᠨᠢᠭᠡ ᠰᠢᠷᠭᠡᠭ ᠢᠶᠠᠷ ᠪᠤᠳᠠᠯᠠᠨ | ᠤᠷᠭᠤᠵᠤ᠂ ᠨᠠᠮᠠᠭᠠ ᠨᠢ ᠬᠥᠮᠡᠯᠢ ᠠᠴᠠ ᠨᠠᠷᠢᠬᠠᠨ᠂ ᠠᠭᠠᠭ ᠨᠢ ᠴᠢᠩᠭᠠ᠂ ᠪᠥᠭᠡᠷᠡᠩᠬᠡᠢ ᠰᠢᠭᠦᠰᠦᠯᠢᠭ ᠪᠠᠶᠢᠳᠠᠭ᠃ ᠬᠠᠪᠤᠷ ᠨᠠᠮᠤᠷ ᠬᠤᠶᠠᠷ ᠤᠳᠠᠭᠠ ᠴᠡᠴᠡᠭᠯᠡᠳᠡᠭ᠂ | ᠴᠡᠴᠡᠭ ᠨᠢ ᠬᠥᠷᠡᠩ ᠴᠠᠭᠠᠪᠳᠤᠷ ᠶᠠᠭᠠᠨ ᠥᠩᠭᠡ ᠲᠠᠢ᠂ ᠮᠠᠯ ᠳᠡᠵᠢᠭᠡᠪᠤᠷᠢ ᠶᠢ ᠳᠠᠷᠭᠤ ᠠᠪᠤᠭᠤᠯᠬᠤ ᠳᠤ ᠮᠠᠰᠢ ᠰᠠᠶᠢᠨ ᠪᠡᠯᠴᠢᠭᠡᠷ ᠡᠪᠡᠰᠤ ᠮᠥᠨ᠃ ᠳᠡᠮᠡᠭᠡ᠂ ᠬᠤᠨᠢ | ᠂ ᠢᠮᠠᠭᠠ ᠢᠳᠡᠬᠦ ᠮᠠᠰᠢ ᠳᠤᠷᠠᠳᠡᠢ᠃ ᠪᠠᠰᠠ ᠰᠤᠩᠬᠢᠨᠠ ᠶᠢᠨ ᠤᠷᠤᠨ ᠳᠤ ᠢᠳᠡᠵᠤ ᠪᠤᠯᠤᠨᠠ᠃ | ᠳᠠᠭᠠᠨᠠ ᠶᠢ ᠬᠠᠪᠤᠷ ᠳᠡᠬᠦᠵᠤ᠂ ᠠᠭᠠᠷᠴᠠ ᠲᠠᠢ ᠵᠢᠭᠤᠷᠠᠵᠤ ᠪᠠᠵᠠᠵᠤ ᠬᠠᠳᠠᠭᠠᠳᠠᠭ᠃ ᠳᠡᠭᠡᠭᠡᠳ ᠮᠢᠬᠠ ᠱᠥᠯᠥᠨ ᠳᠡᠭᠡᠨ ᠠᠮᠳᠠ ᠤᠷᠤᠭᠤᠯᠵᠤ ᠢᠳᠡᠳᠡᠭ᠃ | ᠨᠠᠮᠤᠷ ᠪᠤᠯ ᠭᠤᠤᠯᠳᠠᠭᠤ ᠳᠠᠭᠠᠨᠠ ᠶᠢᠨ ᠴᠡᠴᠡᠭ ᠳᠡᠭᠦᠵᠤ ᠬᠠᠳᠠᠭᠠᠭᠠᠳ ᠨᠥᠳᠤᠵᠤ᠂ ᠠᠭᠠᠷᠴᠡ ᠲᠠᠢ ᠪᠠᠨ ᠵᠢᠭᠤᠷᠠᠵᠤ ᠬᠠᠳᠠᠭᠠᠵᠤ ᠠᠪᠤᠭᠠᠳ ᠡᠪᠤᠯᠵᠢᠨ ᠬᠠᠪᠤᠷᠵᠢᠨ | ᠮᠢᠬᠠ ᠱᠥᠯᠥ᠂ ᠪᠤᠤᠰᠠ᠂ ᠪᠠᠩᠰᠢ ᠲᠠᠢ ᠠᠮᠳᠠᠯᠠᠵᠤ ᠢᠳᠡᠳᠡᠭ᠃ ᠪᠠᠰᠠ ᠳᠠᠭᠠᠨᠠ ᠶᠢᠨ ᠴᠡᠴᠡᠭ ᠳᠡᠭᠦᠵᠤ ᠭᠠᠳᠠᠭᠠᠭᠠᠳ ᠨᠥᠳᠥᠭᠰᠡᠨ ᠤ ᠳᠠᠷᠠᠭᠠ ᠴᠢᠳᠬᠤᠭᠰᠠᠨ | ᠭᠡᠳᠡᠰᠤᠨ ᠤ ᠱᠠᠪᠠᠢ ᠳᠤ ᠠᠮᠳᠠ ᠤᠷᠤᠭᠤᠯᠳᠠᠭ᠃ ᠳᠠᠭᠠᠨᠠ ᠢᠳᠡᠪᠡᠯ ᠬᠥᠮᠥᠨ ᠤ ᠪᠡᠶᠠ ᠶᠢᠨ ᠬᠡᠢ ᠶᠢ ᠳᠠᠷᠤᠬᠤ᠂ ᠢᠳᠡᠭᠡᠨ ᠤ ᠳᠤᠷᠠᠰᠢᠯ ᠢ ᠨᠡᠮᠡᠭᠳᠡᠭᠦᠯᠬᠦ᠂ | ᠶᠠᠰᠤᠨ ᠳᠤ ᠰᠢᠮᠠ ᠳᠡᠵᠢᠭᠡᠯ ᠨᠥᠬᠦᠪᠤᠷᠢᠯᠡᠬᠦ᠂ ᠳᠠᠮᠢᠷ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠥᠢᠯᠡᠳᠤᠯ ᠲᠠᠢ ᠭᠡᠳᠡᠭ᠃ ᠮᠤᠩᠭᠤᠯᠴᠤᠳ ᠬᠠᠪᠤᠷ ᠤᠨ ᠳᠠᠭᠠᠨᠠ ᠶᠢ ᠮᠥᠨ ᠴᠤ ᠳᠡᠭᠷᠢ | ᠳᠤᠤᠭᠠᠷᠤᠭᠰᠠᠨ ᠤ ᠳᠠᠷᠠᠭᠠ ᠰᠠᠶᠢ ᠢᠳᠡᠳᠡᠭ ᠵᠤᠷᠰᠢᠯ ᠲᠠᠢ ᠶᠤᠮ᠃ | ᠭᠤᠭᠤᠳ - ᠭᠤᠭᠤᠳ ᠭᠤᠪᠢ ᠨᠤᠳᠤᠭ᠂ ᠬᠡᠬᠡᠷᠠ ᠳᠠᠯᠠ ᠶᠢᠨ ᠡᠯᠡᠰᠥᠷᠬᠡᠭ ᠭᠠᠵᠠᠷ᠂ ᠵᠥᠭᠡᠯᠡᠨ ᠬᠥᠷᠥᠰᠤ ᠲᠠᠢ ᠨᠤᠳᠤᠭ ᠲᠤ ᠠᠷᠪᠢᠨ ᠤᠷᠭᠤᠳᠠᠭ ᠤᠯᠠᠨ | ᠨᠠᠰᠤᠳᠤ ᠡᠪᠡᠰᠦᠯᠢᠭ ᠤᠷᠭᠤᠮᠠᠯ ᠪᠤᠯᠤᠨᠠ᠃ ᠴᠠᠭᠠᠨ ᠭᠠᠵᠠᠷ ᠢᠶᠠᠷ ᠪᠠᠭᠠ ᠰᠠᠭᠠ ᠤᠷᠭᠤᠳᠠᠭ᠃ ᠬᠠᠪᠤᠷ ᠡᠷᠳᠡ ᠰᠤᠶᠤᠭᠠᠯᠠᠵᠤ᠂ ᠬᠠᠪᠤᠷ ᠨᠠᠮᠤᠷ ᠬᠤᠶᠠᠷ ᠤᠳᠠᠭᠠ | ᠴᠡᠴᠡᠭᠯᠡᠳᠡᠭ᠂ ᠴᠡᠴᠡᠭ ᠨᠢ ᠶᠠᠭᠠᠨ ᠥᠩᠭᠡ ᠲᠠᠢ᠂ ᠨᠢᠭᠡ ᠨᠢᠭᠡ ᠰᠢᠷᠭᠡᠭ ᠢᠶᠠᠷ ᠪᠤᠳᠠᠯᠠᠨ ᠤᠷᠭᠤᠳᠠᠭ᠃ ᠨᠠᠮᠠᠭᠠ ᠨᠢ ᠬᠠᠪᠳᠠᠭᠠᠢ ᠬᠡᠯᠪᠡᠷᠢ ᠲᠠᠢ᠂ ᠭᠠᠰᠢᠭᠤᠨ | ᠠᠭᠠᠭ ᠲᠠᠢ ᠪᠠᠶᠢᠳᠠᠭ᠃ | ᠮᠤᠩᠭᠤᠯᠴᠤᠳ ᠭᠤᠭᠤᠳ ᠢ ᠭᠤᠤᠯᠳᠠᠭᠤ ᠴᠡᠴᠡᠭ ᠢ ᠨᠢ ᠳᠡᠭᠦᠵᠤ ᠳᠠᠪᠤᠰᠤ ᠲᠠᠢ ᠨᠤᠬᠤᠵᠤ᠂ ᠬᠤᠭᠤᠯᠠ ᠪᠤᠳᠠᠭᠠ᠂ ᠠᠷᠢᠬᠢ ᠳᠠᠷᠠᠰᠤᠨ ᠤ ᠵᠠᠭᠤᠰᠢ ᠪᠤᠯᠭᠠᠬᠤ | ᠂ ᠠᠭᠠᠷᠴᠠ ᠲᠠᠢ ᠵᠢᠭᠤᠷᠠᠵᠤ ᠪᠠᠵᠠᠵᠤ ᠬᠠᠳᠠᠭᠠᠭᠠᠳ᠂ ᠪᠤᠤᠰᠠ᠂ ᠪᠠᠩᠰᠢ᠂ ᠮᠢᠬᠠ ᠱᠥᠯᠥ᠂ ᠱᠠᠪᠠᠢ ᠳᠤᠳᠤᠷᠠ ᠬᠢᠵᠤ ᠠᠮᠳᠠ ᠪᠤᠯᠭᠠᠳᠠᠭ᠃ ᠭᠤᠭᠤᠳ ᠨᠢ | ᠬᠥᠮᠥᠨ ᠤ ᠪᠡᠶᠠ ᠳᠤ ᠬᠡᠢ ᠳᠠᠷᠤᠬᠤ᠂ ᠴᠢᠰᠤ ᠶᠢ ᠨᠥᠬᠦᠪᠤᠷᠢᠯᠡᠬᠦ ᠵᠡᠷᠭᠡ ᠡᠮᠴᠢᠯᠡᠭᠡᠨ ᠤ ᠥᠢᠯᠡᠳᠤᠯ ᠲᠠᠢ ᠭᠡᠳᠡᠭ᠃ ᠮᠥᠨ ᠴᠤ ᠬᠠᠪᠤᠷ ᠳᠡᠭᠷᠢ ᠳᠤᠤᠭᠠᠷᠤᠭᠰᠠᠨ ᠠᠴᠠ | ᠬᠤᠶᠢᠰᠢ ᠢᠳᠡᠳᠡᠭ᠃ | ᠮᠠᠩᠬᠢᠷ - ᠮᠠᠩᠬᠢᠷ ᠭᠤᠤᠯᠳᠠᠭᠤ ᠭᠤᠪᠢ ᠨᠤᠳᠤᠭ᠂ ᠭᠡᠷᠡᠰᠤ ᠱᠠᠤ ᠲᠠᠢ ᠨᠤᠳᠤᠭ᠂ ᠵᠥᠭᠡᠯᠡᠨ ᠬᠥᠷᠥᠰᠤ ᠲᠠᠢ ᠭᠠᠵᠠᠷ ᠲᠤ ᠪᠤᠳᠠᠯᠠᠵᠤ ᠤᠷᠭᠤᠳᠠᠭ ᠤᠯᠠᠨ | ᠨᠠᠰᠤᠳᠤ ᠰᠢᠭᠦᠰᠦᠯᠢᠭ ᠤᠷᠭᠤᠮᠠᠯ ᠶᠤᠮ᠃ ᠴᠠᠭᠠᠨ ᠭᠠᠵᠠᠷ ᠤᠷᠭᠤᠬᠤ ᠨᠢ ᠪᠠᠭᠠ᠃ ᠬᠠᠪᠤᠷ ᠨᠡᠯᠢᠶᠡᠳ ᠡᠷᠳᠡ ᠰᠤᠶᠤᠭᠠᠯᠠᠳᠠᠭ᠃ ᠨᠠᠮᠠᠭᠠ ᠨᠢ ᠬᠠᠪᠳᠠᠭᠠᠢ᠂ | ᠴᠡᠴᠡᠭ ᠨᠢ ᠴᠠᠭᠠᠪᠳᠤᠷ ᠶᠠᠭᠠᠨ ᠥᠩᠭᠡ ᠲᠠᠢ ᠨᠠᠮᠤᠷ ᠲᠠᠭᠠᠨ ᠪᠤᠯᠪᠠᠰᠤᠷᠠᠨᠠ᠃ ᠪᠤᠯᠪᠠᠰᠤᠷᠠᠭᠰᠠᠨ ᠥᠶᠠ ᠳᠤ ᠥᠨᠳᠤᠰᠤᠨ ᠳᠤᠨᠢ ᠵᠢᠵᠢᠭ ᠳᠤᠪᠴᠢᠨ ᠴᠢᠨᠡᠬᠡᠨ | ᠪᠥᠭᠡᠷᠡᠩᠬᠡᠢ ᠴᠠᠭᠠᠨ ᠵᠢᠮᠢᠰ ᠰᠠᠭᠤᠳᠠᠭ᠃ ᠢᠳᠡᠬᠦ ᠳᠤ ᠠᠭᠠᠭ ᠪᠠᠭᠠ ᠲᠠᠢ᠂ ᠨᠢᠯᠤᠭᠤᠪᠳᠤᠷ ᠭᠤᠱᠤᠭᠤᠨ ᠠᠮᠳᠠ ᠲᠠᠢ ᠪᠠᠶᠢᠳᠠᠭ᠃ ᠬᠤᠨᠢ ᠢᠮᠠᠭᠠ ᠢᠳᠡᠬᠦ ᠶᠡᠭᠡ | ᠳᠤᠷᠠᠳᠠᠢ᠃ | ᠮᠤᠩᠭᠤᠯᠴᠤᠳ ᠮᠠᠩᠬᠢᠷ ᠢ ᠭᠤᠤᠯᠳᠠᠭᠤ ᠨᠠᠮᠤᠷ ᠪᠤᠯᠪᠠᠰᠤᠷᠠᠭᠰᠠᠨ ᠤ ᠬᠢᠨᠢ ᠳᠠᠷᠠᠭᠠ ᠮᠠᠯᠳᠠᠵᠤ ᠠᠪᠤᠭᠠᠳ ᠬᠥᠮᠡᠯᠢ ᠲᠠᠢ ᠪᠠᠨ ᠳᠠᠷᠤᠰᠢᠭᠤᠯᠵᠤ ᠢᠳᠡᠳᠡᠭ᠃ | ᠴᠡᠴᠡᠭ ᠢ ᠨᠢ ᠳᠡᠭᠦᠵᠤ᠂ ᠳᠠᠭᠠᠨᠠ ᠶᠢᠨ ᠴᠡᠴᠡᠭ ᠲᠠᠢ ᠬᠤᠯᠢᠵᠤ ᠬᠠᠳᠠᠭᠠᠭᠠᠳ᠂ ᠮᠢᠬᠠ ᠱᠥᠯᠥ᠂ ᠬᠤᠭᠤᠯᠠ ᠪᠤᠳᠠᠭᠠᠨ ᠳᠤ ᠠᠮᠳᠠ ᠤᠷᠤᠭᠤᠯᠵᠤ ᠢᠳᠡᠳᠡᠭ᠃ | ᠥᠮᠡᠬᠡᠢ ᠰᠤᠩᠬᠢᠨᠠ - ᠪᠠᠰᠠ ᠮᠡᠬᠡᠢ ᠰᠤᠩᠭᠢᠨᠠ ︵ᠵᠡᠷᠯᠢᠭ ᠰᠤᠩᠬᠢᠨᠠ︶ ᠭᠡᠳᠡᠭ᠃ ᠭᠤᠤᠯᠳᠠᠭᠤ ᠠᠭᠤᠯᠠ ᠵᠢᠯᠠᠭᠠ᠂ ᠭᠠᠩᠭᠠ ᠶᠢᠨ ᠪᠤᠷᠤᠭᠤ ᠬᠠᠵᠠᠭᠤ᠂ | ᠬᠠᠷᠠ ᠪᠤᠷᠤ ᠬᠥᠷᠥᠰᠤ ᠲᠠᠢ ᠴᠢᠬᠢᠭᠯᠢᠭ ᠭᠠᠵᠠᠷ ᠢᠶᠠᠷ ᠠᠷᠪᠢᠨ ᠤᠷᠭᠤᠳᠠᠭ᠃ ᠨᠢᠭᠡ ᠨᠢᠭᠡ ᠪᠠᠷ ᠥᠨᠳᠤᠰᠤ ᠬᠠᠳᠬᠤᠵᠤ ᠡᠰᠢᠯᠡᠨ᠂ ᠨᠠᠮᠠᠭᠠ ᠨᠢ ᠡᠰᠢ ᠪᠠᠨ ᠳᠠᠭᠠᠵᠤ | ᠱᠠᠳᠤᠯᠠᠨ ᠤᠷᠭᠤᠳᠠᠭ᠃ ᠨᠠᠮᠠᠭᠠ ᠨᠢ ᠬᠠᠳᠠᠭᠤ ᠪᠥᠭᠡᠷᠡᠩᠬᠡᠢ ᠰᠢᠭᠦᠰᠦᠯᠢᠭ᠂ ᠭᠠᠰᠢᠭᠤᠨ ᠠᠭᠠᠭ ᠲᠠᠢ ᠪᠠᠶᠢᠵᠤ᠂ ᠢᠳᠡᠭᠰᠡᠨ ᠤ ᠳᠠᠷᠠᠭᠠ ᠥᠮᠡᠬᠡᠢ ᠥᠨᠤᠷ | ᠥᠨᠤᠷᠳᠤᠳᠡᠭ᠃ ᠡᠭᠦᠨ ᠠᠴᠠ ᠪᠤᠯᠵᠤ᠂ ᠥᠮᠡᠬᠡᠢ ᠰᠤᠩᠬᠢᠨᠠ ᠭᠡᠵᠤ ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠤ ᠳᠠᠭᠠᠷᠠᠨᠠ᠃ ᠥᠮᠡᠬᠡᠢ ᠰᠤᠩᠬᠢᠨᠠ ᠵᠢᠯ ᠳᠤ ᠨᠢᠭᠡ ᠯᠠ ᠤᠳᠠᠭᠠ | ᠴᠡᠴᠡᠭᠯᠡᠵᠤ ᠪᠤᠯᠪᠠᠰᠤᠷᠠᠳᠠᠭ᠃ ᠴᠡᠴᠡᠭ ᠨᠢ ᠪᠥᠭᠡᠷᠡᠩᠬᠡᠢ ᠬᠡᠯᠪᠡᠷᠢ ᠲᠠᠢ᠂ ᠰᠢᠷᠠᠪᠳᠤᠷ ᠴᠠᠭᠠᠨ ᠥᠩᠭᠡ ᠲᠠᠢ ᠪᠠᠶᠢᠳᠠᠭ᠃ ᠪᠥᠷᠢᠨ ᠪᠤᠯᠪᠠᠰᠤᠷᠠᠭᠰᠠᠨ ᠤ ᠳᠠᠷᠠᠭᠠ᠂ | ᠥᠨᠳᠤᠰᠤ ᠶᠢᠨ ᠬᠡᠰᠡᠭ ᠨᠢ ᠳᠤᠮᠤᠷᠠᠵᠤ᠂ ᠡᠷᠡᠬᠡᠢ ᠬᠤᠷᠤᠭᠤᠨ ᠴᠢᠨᠡᠭᠡᠨ ᠪᠥᠭᠡᠷᠡᠩᠬᠡᠢ ᠴᠠᠭᠠᠨ ᠪᠤᠯᠳᠠᠭ᠃ ᠡᠨᠡ ᠬᠦ ᠪᠥᠭᠡᠷᠡᠩᠬᠡᠢ ᠬᠡᠰᠡᠭ ᠨᠢ ᠬᠡᠳᠤ ᠬᠡᠳᠤᠨ ᠳᠠᠪᠬᠤᠷ | ᠬᠥᠷᠢᠨ ᠬᠠᠯᠢᠰᠤ ᠪᠠᠷ ᠤᠷᠢᠶᠠᠭᠳᠠᠵᠤ᠂ ᠢᠳᠡᠬᠦ ᠳᠤ ᠨᠢᠯᠤᠭᠤᠪᠳᠤᠷ᠂ ᠪᠠᠭᠠ ᠰᠠᠭᠠ ᠠᠭᠠᠭ ᠲᠠᠢ᠂ ᠥᠮᠡᠬᠡᠢ ᠥᠨᠥᠷ ᠲᠠᠢ ᠪᠠᠶᠢᠳᠠᠭ᠃ ᠮᠥᠨ ᠴᠤ ᠬᠠᠪᠤᠷ ᠳᠡᠭᠷᠢ | ᠳᠤᠤᠭᠠᠷᠤᠭᠰᠠᠨ ᠠᠴᠠ ᠬᠤᠶᠢᠰᠢ ᠰᠠᠶ᠋ᠢ ᠢᠳᠡᠳᠡᠭ᠃ | ᠮᠤᠩᠭᠤᠯᠴᠤᠳ ᠥᠮᠡᠬᠡᠢ ᠰᠤᠩᠬᠢᠨᠠ ᠶᠢ ᠬᠠᠪᠤᠷ ᠨᠠᠮᠠᠭᠠ ᠶᠢ ᠨᠢ ᠳᠡᠭᠦᠵᠤ᠂ ᠰᠢᠷᠭᠠ ᠮᠢᠬᠠ ᠲᠠᠢ ᠪᠤᠤᠰᠠ᠂ ᠪᠠᠩᠰᠢ ᠬᠢᠵᠤ ᠢᠳᠡᠬᠦ ᠪᠤᠶᠤ ᠰᠢᠷᠠ ᠰᠥᠨ ︵ | ᠰᠢᠷᠬᠤᠰᠤ︶ ᠳᠤ ᠳᠠᠷᠤᠰᠢᠭᠤᠯᠵᠤ᠂ ᠬᠤᠭᠤᠯᠠ ᠪᠤᠳᠠᠭᠠ᠂ ᠠᠷᠢᠬᠢ ᠳᠠᠷᠠᠰᠤᠨ ᠤ ᠵᠠᠭᠤᠰᠢ ᠪᠤᠯᠭᠠᠳᠠᠭ᠃ ᠨᠠᠮᠤᠷ ᠥᠨᠳᠤᠰᠤ ᠲᠠᠢ ᠨᠢ ᠮᠠᠯᠳᠠᠵᠤ ᠠᠪᠤᠭᠠᠳ ᠪᠤᠤᠰᠠ᠂ | ᠪᠠᠩᠰᠢ᠂ ᠱᠥᠯᠥᠨ ᠳᠤ ᠠᠮᠳᠠ ᠤᠷᠤᠭᠤᠯᠬᠤ ᠪᠤᠶᠤ ᠬᠥᠮᠡᠯᠢ ᠲᠠᠢ ᠳᠠᠷᠤᠰᠢᠭᠤᠯᠵᠤ ᠢᠳᠡᠳᠡᠭ᠃ ᠥᠮᠡᠬᠡᠢ ᠰᠤᠩᠬᠢᠨᠠ ᠬᠡᠢ ᠳᠠᠷᠤᠬᠤ᠂ ᠬᠤᠷᠤᠬᠠᠢ ᠳᠠᠭᠤᠬᠤ᠂ ᠪᠠᠮ | ᠡᠪᠡᠳᠴᠢᠨ ᠢ ᠵᠠᠰᠠᠬᠤ᠂ ᠢᠯᠴᠢ ᠰᠡᠯᠪᠢᠬᠦ᠂ ᠨᠦᠢᠷ ᠰᠠᠶᠢᠵᠢᠷᠠᠭᠤᠯᠬᠤ ᠵᠡᠷᠭᠡ ᠡᠮᠴᠢᠯᠡᠭᠡᠨ ᠤ ᠥᠢᠯᠡᠳᠤᠯ ᠲᠠᠢ ᠪᠠᠶᠢᠵᠤ᠂ ᠨᠠᠰᠤᠳᠠᠶᠢᠴᠤᠳ ᠤᠨ ᠪᠡᠶᠠ ᠮᠠᠬᠠᠪᠤᠳ ᠲᠤ | ᠬᠠᠮᠤᠭ ᠳᠤᠬᠢᠷᠠᠮᠵᠢᠳᠡᠢ ᠭᠡᠳᠡᠭ᠃ | |