| ᠣᠷᠣᠴᠠ ᠭᠡᠷ — ᠬᠤᠶᠠᠷ ᠬᠡᠰᠡᠭ ᠬᠠᠨᠠ ᠪᠠᠷ ᠪᠦᠲᠦᠭᠰᠡᠨ ᠭᠡᠷ᠂ ᠡᠭᠦᠨ ᠢ ᠨᠢᠭᠡ ᠬᠡᠰᠡᠭ ᠲᠣᠭᠤᠷᠭᠠ ᠪᠠᠷ ᠪᠦᠷᠢᠶᠡᠰᠦ ᠪᠣᠯᠭᠠᠳᠠᠭ᠃ ᠡᠭᠦᠳᠡ ᠶᠢ ᠢᠰᠡᠭᠡᠢ | ᠪᠤᠶᠤ ᠪᠥᠰ ᠢᠶᠠᠷ ᠬᠢᠳᠡᠭ᠃ ᠡᠨᠡ ᠬᠦ ᠭᠡᠷ ᠨᠢ ᠲᠣᠩ ᠳᠥᠭᠦᠮ ᠲᠤᠯᠠ ᠭᠤᠣᠯᠳᠠᠭᠤ ᠲᠦᠷ ᠴᠠᠭ ᠤᠨ ᠣᠳᠣᠷ ᠨᠡᠭᠦᠳᠡᠯ᠂ ᠠᠩ ᠭᠦᠷᠦᠭᠡ ᠬᠢᠬᠦ᠂ ᠡᠪᠡᠰᠦ ᠬᠠᠳᠤᠯᠠᠩ | ᠳᠤ ᠭᠠᠷᠬᠤ ᠠᠵᠢᠯ ᠳᠤ ᠬᠡᠷᠡᠭᠯᠡᠳᠡᠭ ᠰᠠᠭᠤᠴᠠ ᠪᠣᠯᠣᠨᠠ᠃ | ᠣᠷᠣᠴᠠ ᠭᠡᠷ ᠭᠡᠳᠡᠭ ᠪᠣᠯ ᠮᠣᠩᠭᠤᠯ ᠭᠡᠷ ᠤᠨ ᠬᠤᠶᠠᠷ ᠬᠠᠨᠠ ᠶᠢ ᠲᠣᠯᠣᠭᠠᠢ ᠪᠠᠷ ᠨᠢ ᠨᠡᠶᠢᠯᠡᠭᠦᠯᠦᠭᠰᠡᠨ ᠪᠣᠰᠤᠭᠠ ᠭᠤᠷᠪᠠᠯᠵᠢᠨ ᠭᠡᠯᠪᠡᠷᠢ ᠲᠠᠢ ᠢᠰᠡᠭᠡᠢ | ᠪᠦᠷᠢᠶᠡᠰᠦ ᠲᠠᠢ ᠬᠠᠮᠤᠭ ᠤᠨ ᠳᠥᠭᠦᠮ ᠰᠠᠭᠤᠴᠠ ᠶᠢ ᠵᠢᠭᠠᠵᠤ ᠪᠤᠢ᠃ ᠳᠣᠲᠣᠷᠠ ᠨᠢ ᠬᠤᠶᠠᠷ ᠠᠴᠠ ᠭᠤᠷᠪᠠᠨ ᠬᠥᠮᠥᠨ ᠯᠡ ᠰᠠᠭᠤᠵᠤ ᠪᠠᠭᠳᠠᠳᠠᠭ᠃ ᠡᠶᠢᠮᠦ | ᠰᠠᠭᠤᠴᠠ ᠶᠢ ᠤᠷᠠᠳᠴᠤᠳ ᠣᠬᠤᠷ ᠬᠤᠭᠤᠴᠠᠭᠠ ᠨᠡᠭᠦᠳᠡᠯ ᠬᠢᠬᠦ ᠪᠠ ᠠᠩ ᠭᠦᠷᠦᠭᠡ᠂ ᠠᠴᠢᠶᠠ ᠲᠡᠭᠡᠭᠡᠪᠦᠷᠢ ᠳᠤ ᠶᠠᠪᠤᠬᠤ ᠦᠢᠯᠡ ᠳᠤ ᠨᠡᠶᠢᠳᠡᠮᠵᠠᠷᠤᠵᠤ | ᠪᠠᠶᠢᠭᠰᠠᠨ ᠲᠡᠦᠬᠡ ᠲᠠᠢ ᠪᠢᠯᠡ᠃ | ᠣᠷᠣᠴᠠ ᠭᠡᠷ ᠲᠤ ᠡᠭᠦᠳᠡ᠂ ᠡᠷᠦᠭᠡ ᠭᠡᠵᠦ ᠪᠠᠶᠢᠳᠠᠭ ᠦᠭᠡᠢ᠃ ᠡᠳᠦᠷ ᠪᠣᠯᠪᠠᠯ ᠡᠮᠦᠨᠡ᠂ ᠲᠠᠯᠠ ᠶᠢᠨ ᠪᠦᠷᠢᠶᠡᠰᠦ ᠶᠢ ᠢᠷᠡᠵᠦ ᠰᠥᠨᠢ ᠣᠷᠣᠢ ᠪᠣᠯᠪᠠᠯ ᠢᠰᠡᠭᠡᠢ | ᠪᠦᠷᠢᠶᠡᠰᠦ ᠶᠢᠨ ᠬᠤᠶᠠᠷ ᠦᠵᠦᠭᠦᠷ ᠢ ᠵᠥᠷᠢᠭᠦᠯᠦᠨ ᠪᠢᠳᠡᠭᠦᠯᠡᠳᠡᠭ᠃ | ᠴᠡᠭᠡᠵᠢᠨ ᠭᠡᠷ — ᠮᠣᠩᠭᠤᠯ ᠭᠡᠷ ᠤᠨ ᠴᠡᠭᠡᠵᠢᠨ ᠬᠡᠰᠡᠭ ᠢᠶᠠᠷ ᠬᠢᠭᠰᠡᠨ ᠲᠤᠯᠠ ᠴᠡᠭᠡᠵᠢᠨ ᠭᠡᠷ ᠭᠡᠳᠡᠭ᠃ ᠡᠨᠡ ᠬᠦ ᠭᠡᠷ ᠨᠢ ᠵᠥᠪᠭᠡᠨ ᠮᠣᠩᠭᠤᠯ ᠭᠡᠷ ᠤᠨ | ᠲᠣᠭᠤᠨᠣ ᠪᠠ ᠣᠨᠢ ᠪᠠᠷ ᠪᠥᠲᠦᠭᠡᠭᠰᠡᠨ ᠪᠠᠶᠢᠳᠠᠭ᠃ ᠣᠨᠢ ᠶᠢ ᠨᠢ ᠲᠣᠭᠲᠠᠭᠰᠠᠨ ᠬᠡᠮᠵᠢᠶᠡ ᠪᠠᠷ ᠳᠡᠯᠭᠡᠵᠦ ᠭᠠᠵᠠᠷ ᠳᠡᠭᠡᠷᠡ ᠰᠢᠭᠤᠳ ᠪᠣᠰᠬᠠᠵᠤ ᠳᠠᠷᠤᠭᠤᠯᠭᠠ ᠪᠠᠷ | ᠵᠥᠷᠢᠭᠦᠯᠦᠨ ᠳᠠᠷᠤᠵᠤ ᠲᠣᠭᠲᠠᠭᠠᠳᠠᠭ᠃ ᠭᠠᠳᠠᠭᠤᠷ ᠨᠢ ᠨᠢᠭᠡ ᠪᠤᠶᠤ ᠬᠤᠶᠠᠷ ᠬᠡᠰᠡᠭ ᠳᠡᠭᠡᠪᠦᠷ ᠢᠶᠠᠷ ᠪᠥᠷᠬᠦᠵᠦ ᠬᠢᠯᠭᠠᠰᠤᠨ ᠳᠡᠭᠡᠰᠦ ᠪᠠᠷ ᠳᠠᠷᠤᠵᠤ᠂ ᠲᠣᠭᠤᠨᠣ ᠶᠢᠨ | ᠬᠡᠰᠡᠭ ᠲᠤ ᠡᠷᠦᠭᠡ ᠲᠠᠯᠪᠢᠵᠤ ᠬᠠᠭᠠᠯᠭᠠ ᠶᠢᠨ ᠣᠷᠣᠨ ᠳᠤ ᠲᠣᠮᠣ ᠢᠰᠡᠭᠡᠢ ᠪᠤᠶᠤ ᠪᠥᠰ ᠡᠭᠦᠳᠡ ᠬᠢᠵᠦ ᠡᠯᠭᠦᠳᠡᠭ ᠪᠢᠯᠡ᠃ ᠡᠶᠢᠮᠦ ᠭᠡᠷ ᠨᠢ ᠥᠪᠥᠩ ᠭᠡᠷ ᠠᠴᠠ | ᠨᠡᠯᠢᠶᠡᠳ ᠳᠠᠪᠰᠢᠩᠭᠤᠢ ᠲᠠᠯᠠ ᠲᠠᠢ ᠮᠥᠷᠲᠡᠭᠡᠨ ᠨᠡᠭᠦᠵᠦ ᠪᠠᠭᠤᠯᠭᠠᠬᠤ ᠳᠤ ᠳᠥᠭᠦᠮ ᠬᠢᠯᠪᠠᠷ ᠪᠠᠶᠢᠳᠠᠭ᠃ | ᠴᠡᠭᠡᠵᠢᠨ ᠭᠡᠷ ᠨᠢ ᠲᠣᠭᠤᠨᠣ ᠪᠣᠯᠣᠨ ᠣᠨᠢ᠂ ᠳᠡᠭᠡᠪᠦᠷ ᠪᠦᠷᠢᠶᠡᠰᠣ᠂ ᠶᠦᠳ᠋᠂ ᠡᠷᠦᠬᠡ᠂ ᠡᠬᠦᠳᠡ ᠪᠠᠷ ᠪᠦᠲᠦᠳᠡᠭ᠃ ᠴᠡᠭᠡᠵᠢᠨ ᠭᠡᠷ ᠤ ᠲᠣᠭᠤᠨᠣ ᠶᠢᠨ | ᠪᠦᠲᠦᠴᠡ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠬᠡᠯᠬᠢᠶᠡ ᠲᠣᠭᠤᠨᠣ ᠲᠠᠢ ᠠᠳᠠᠯᠢ᠃ ᠭᠡᠪᠡᠴᠦ ᠲᠡᠭᠦᠨ ᠠᠴᠠ ᠪᠠᠭᠠ ᠪᠠᠶᠢᠳᠠᠭ᠃ ᠣᠨᠢ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠬᠢ ᠠᠴᠠ | ᠪᠦᠳᠦᠭᠦᠨ ᠪᠥᠭᠡᠳ ᠳᠣᠣᠷᠠᠳᠤ ᠲᠠᠯᠠ ᠶᠢᠨ ᠦᠵᠦᠭᠦᠷ ᠨᠢ ᠭᠠᠳᠠᠭᠰᠢ ᠪᠠᠨ ᠡᠷᠲᠡᠭᠡᠷ ᠭᠡᠯᠪᠡᠷᠢ ᠲᠠᠢ᠂᠂ ᠳᠡᠭᠡᠪᠦᠷ ᠪᠥᠷᠢᠶᠡᠰᠦ ᠨᠢ ᠴᠦ ᠮᠣᠩᠭᠤᠯ ᠭᠡᠷ ᠤᠨ ᠬᠢ ᠲᠠᠢ | ᠠᠳᠡᠯᠢᠪᠲᠦᠷ ᠪᠥᠭᠡᠳ ᠡᠭᠦᠳᠡᠨ ᠤ ᠬᠡᠰᠡᠭ ᠨᠢ ᠪᠠᠭᠠ ᠯᠠ ᠵᠥᠷᠢᠶᠡ ᠲᠠᠢ᠂᠂ ᠶᠦᠳ᠋ ᠪᠠ ᠡᠷᠦᠬᠡ ᠨᠢ ᠮᠣᠩᠭᠤᠯ ᠭᠡᠷ ᠤᠨ ᠬᠢ ᠲᠠᠢ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ᠃ ᠡᠭᠦᠳᠡ | ᠨᠢ ᠪᠣᠭᠤᠨᠢ ᠪᠥᠭᠡᠳ ᠪᠠᠭᠠ ᠪᠠᠶᠢᠳᠠᠭ᠃ ᠥᠩᠭᠡᠷᠡᠭᠰᠡᠨ ᠳᠤ ᠮᠠᠨ ᠤ ᠨᠤᠲᠤᠭ ᠤᠨ ᠮᠠᠯᠴᠢᠳ ᠣᠳᠣᠷ ᠨᠡᠭᠦᠳᠡᠯ ᠬᠢᠬᠦ ᠳᠤ ᠴᠡᠭᠡᠵᠢᠨ ᠭᠡᠷ ᠢ ᠨᠡᠶᠢᠳᠡᠮ ᠬᠡᠷᠡᠭᠯᠡᠵᠦ | ᠪᠠᠶᠢᠵᠠᠢ᠃ ᠰᠡᠭᠦᠯᠳᠡᠵᠦ ᠢᠷᠡᠭᠡᠳ ᠵᠢᠩᠭᠢᠨᠢ ᠴᠡᠭᠡᠵᠢᠨ ᠭᠡᠷ ᠨᠢ ᠥᠭᠡᠷᠡᠴᠢᠯᠡᠭᠳᠡᠭᠡᠳ ᠵᠥᠪᠬᠡᠨ ᠮᠣᠩᠭᠤᠯ ᠭᠡᠷ ᠤᠨ ᠴᠡᠭᠡᠵᠢᠨ ᠬᠡᠰᠡᠭ ᠢ ᠬᠡᠷᠡᠭᠯᠡᠬᠦ ᠪᠣᠯᠵᠠᠢ᠃ | ᠮᠣᠩᠭᠤᠯ ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠶᠢᠨ ᠬᠡᠮᠵᠢᠶᠡ ᠶᠢ ᠬᠠᠨᠠ ᠶᠢᠨ ᠬᠡᠰᠡᠭ ᠲᠤᠭᠠ ᠪᠠᠷ ᠨᠢ ᠪᠠᠷᠢᠮᠵᠢᠶᠠ ᠪᠤᠯᠭᠠᠵᠤ ᠪᠠᠭᠠ ᠳᠥᠷᠪᠡ᠂ ᠶᠡᠭᠡ ᠳᠥᠷᠪᠡ᠂ ᠪᠠᠭᠠ | ᠵᠢᠷᠭᠤᠭᠠ᠂ ᠶᠡᠭᠡ ᠵᠢᠷᠭᠤᠭᠠ ᠭᠡᠵᠦ ᠬᠤᠪᠢᠶᠠᠨ ᠢᠯᠭᠠᠵᠤ ᠨᠡᠷᠡᠯᠡᠬᠦ ᠵᠠᠩᠰᠢᠯ ᠲᠠᠢ᠃ | ᠡᠭᠦᠨ ᠳᠤ ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠪᠤᠯᠬᠤ ᠨᠢ ᠭᠤᠣᠯᠳᠠᠭᠤ ᠬᠠᠨᠠ ᠶᠢᠨ ᠮᠣᠳᠣᠨ ᠤ ᠪᠦᠳᠦᠭᠦᠨ ᠨᠠᠷᠢᠨ ᠢ ᠦᠨᠳᠣᠰᠣᠯᠡᠵᠦ᠂ ᠬᠠᠨᠠ ᠶᠢᠨ ᠨᠢᠳᠦᠨ ᠤ ᠶᠡᠭᠡ ᠪᠠᠭᠠ | ᠪᠤᠯᠬᠤ ᠳᠤ ᠬᠢᠵᠠᠭᠠᠷᠯᠠᠭᠳᠠᠨᠠ᠃ ᠬᠠᠨᠠ ᠶᠢᠨ ᠨᠢᠳᠦ ᠲᠣᠮᠣ ᠪᠣᠯᠪᠠᠯ ᠬᠠᠨᠠ ᠶᠢᠨ ᠪᠡᠶᠡ ᠶᠢᠨ ᠬᠡᠰᠡᠭ ᠨᠢ ᠳᠠᠭᠠᠯᠳᠤᠨ ᠶᠡᠬᠡᠰᠳᠡᠭ ᠶᠤᠮ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯ | ᠭᠡᠷ ᠤᠨ ᠶᠡᠭᠡ ᠪᠠᠭᠠ ᠪᠤᠯᠬᠤ ᠨᠢ ᠣᠨᠢ ᠶᠢᠨ ᠲᠤᠬᠠ ᠨᠢ ᠨᠡᠮᠡᠭᠳᠡᠬᠦ ᠲᠠᠢ ᠬᠤᠯᠪᠣᠭᠠᠲᠠᠢ ᠪᠠᠶᠢᠵᠤ᠂ ᠬᠠᠷᠢᠨ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠨᠢ ᠨᠡᠮᠡᠭᠳᠡᠬᠦ ᠶᠠᠪᠤᠳᠠᠯ ᠪᠢᠰᠢ | ᠶᠤᠮ᠃ ᠣᠨᠢ ᠶᠢᠨ ᠲᠤᠭᠠ ᠪᠠ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠨᠢ ᠲᠡᠩᠴᠡᠭᠦᠦ ᠵᠣᠬᠢᠴᠠᠭᠰᠠᠨ ᠲᠤᠭᠠ ᠲᠠᠢ ᠪᠠᠶᠢᠳᠠᠭ᠃ | ᠨᠢᠭᠡ ᠬᠡᠰᠡᠭ ᠬᠠᠨᠠᠨ ᠳᠤ ᠪᠠᠷᠤᠭ 13 —15 ᠲᠣᠯᠣᠭᠠᠢ ᠪᠠᠶᠢᠬᠤ ᠪᠠ ᠨᠢᠭᠡ ᠲᠣᠭᠤᠨᠣ ᠳᠤ ᠪᠠᠷᠤᠭ 58 —128 ᠣᠨᠢ ᠲᠠᠢ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ | ︽ᠪᠠᠭᠠ ᠳᠥᠷᠪᠡ︾ ᠭᠡᠳᠡᠭ ᠪᠣᠯ ᠪᠠᠭᠠ ᠭᠡᠯᠪᠡᠷᠢ ᠶᠢᠨ ᠳᠥᠷᠪᠡᠨ ᠬᠡᠰᠡᠭ ᠬᠠᠨᠠ ᠲᠠᠢ ᠭᠡᠷ ᠢ ᠵᠢᠭᠠᠵᠤ ᠪᠤᠢ᠃ ︽ᠶᠡᠭᠡ ᠳᠥᠷᠪᠡ︾ ᠭᠡᠳᠡᠭ ᠨᠢ ᠮᠥᠨ ᠶᠡᠭᠡ | ᠬᠡᠯᠪᠡᠷᠢ ᠶᠢᠨ ᠳᠥᠷᠪᠡᠨ ᠬᠠᠨᠠ ᠲᠠᠢ ᠭᠡᠷ ᠭᠡᠬᠦ ᠵᠡᠷᠭᠡ ᠪᠠᠷ ᠪᠤᠰᠤᠳ ᠨᠢ ᠴᠤ ᠴᠥᠮ ᠠᠳᠠᠯᠢ ᠤᠳᠬᠠ ᠲᠠᠢ ᠶᠤᠮ᠃ | ᠮᠣᠩᠭᠤᠯ ᠭᠡᠷ ᠤᠨ ᠬᠠᠮᠤᠭ ᠤᠨ ᠶᠡᠭᠡ ᠨᠢ ᠳᠠᠷᠤᠢ ᠲᠤᠯᠭᠠᠭᠤᠷ ᠲᠠᠢ ᠭᠡᠷ ᠪᠣᠯᠣᠨᠠ᠃ ᠡᠭᠦᠨ ᠳᠤ ᠳᠥᠷᠪᠡᠨ ᠲᠤᠯᠭᠠᠭᠤᠷ ᠲᠠᠢ ᠭᠡᠷ᠂ ᠵᠢᠷᠭᠤᠭᠠᠨ | ᠲᠤᠯᠭᠠᠭᠤᠷ ᠲᠠᠢ ᠭᠡᠷ᠂ ᠨᠠᠢᠮᠠᠨ ᠲᠤᠯᠭᠠᠭᠤᠷ ᠲᠠᠢ ᠭᠡᠷ ᠮᠡᠲᠦ ᠶᠢᠨ ᠠᠳᠠᠯᠢ ᠪᠤᠰᠤ ᠲᠣᠮᠣ ᠬᠡᠮᠵᠢᠶᠡᠨ ᠤ ᠭᠡᠷ ᠤᠳ ᠪᠠᠶᠢᠵᠠᠢ᠃ ᠡᠭᠦᠨ ᠠᠴᠠ ᠭᠠᠳᠠᠨᠠ ᠥᠩᠭᠡᠷᠡᠭᠰᠡᠨ | ᠳᠤ ᠤᠷᠠᠳ ᠨᠤᠲᠤᠭ ᠲᠤ ᠠᠷᠪᠠᠨ ᠬᠤᠶᠠᠷ ᠲᠤᠯᠭᠠᠭᠤᠷ ᠲᠠᠢ ᠲᠣᠮᠣ ᠭᠡᠷ ᠪᠠᠶᠢᠯᠠ ᠭᠡᠵᠦ ᠬᠡᠯᠡᠳᠡᠭ᠃ | ᠮᠣᠩᠭᠤᠯ ᠭᠡᠷ ᠤᠨ ᠲᠤᠯᠭᠠᠭᠤᠷ ᠪᠣᠯ ᠮᠣᠩᠭᠤᠯ ᠭᠡᠷ ᠤᠨ ᠲᠣᠭᠤᠨᠣ ᠶᠢᠨ ᠬᠦᠷᠢᠶᠡ ᠶᠢ ᠰᠢᠭᠤᠳ ᠲᠤᠯᠵᠤ ᠪᠠᠶᠢᠳᠠᠭ᠃ ᠭᠡᠪᠡᠴᠦ ᠢᠶᠢᠮᠦᠷᠭᠦᠦ ᠲᠣᠮᠣ ᠭᠡᠷ ᠢ | ᠵᠥᠪᠭᠡᠨ ᠶᠠᠮᠤᠨ ᠣᠷᠳᠣᠨ᠂ ᠰᠦᠮᠡ ᠬᠡᠶᠢᠳ ᠲᠤ ᠬᠡᠷᠡᠭᠯᠡᠬᠦ ᠠᠴᠠ ᠡᠩ ᠤᠨ ᠠᠷᠠᠳ ᠬᠡᠷᠡᠭᠯᠡᠬᠦ ᠦᠭᠡᠢ ᠶᠤᠮ᠃ | |