| ᠲᠣᠭᠤᠨᠣ - ᠭᠡᠷ ᠤᠨ ᠣᠷᠣᠢ ᠳᠡᠭᠡᠷᠡ ᠪᠠᠶᠢᠭᠠ ᠳᠤᠭᠤᠢ ᠲᠣᠭᠤᠷᠢᠭ ᠮᠣᠳᠣᠨ ᠴᠠᠭᠠᠷᠢᠭ᠃ ᠡᠨᠡ ᠨᠢ ᠣᠨᠢ ᠶᠢ ᠲᠣᠯᠵᠤ ᠲᠣᠭᠲᠠᠭᠠᠬᠤ ᠪᠠ ᠭᠡᠷᠡᠯ ᠠᠭᠠᠷ | ᠨᠡᠪᠲᠡᠷᠡᠭᠦᠯᠬᠦ ᠳᠠᠪᠬᠤᠷ ᠬᠡᠷᠡᠭᠴᠡᠭᠡ ᠲᠠᠢ᠂ ᠮᠣᠩᠭᠤᠯ ᠭᠡᠷ ᠤᠨ ᠲᠣᠭᠤᠨᠣ ᠶᠢ ᠬᠡᠯᠬᠢᠶᠡ ᠪᠠ ᠬᠠᠳᠬᠤᠭᠤᠷ ᠲᠣᠭᠤᠨᠣ ᠭᠡᠵᠦ ᠬᠤᠶᠠᠷ ᠵᠦᠢᠯ ᠬᠤᠪᠢᠶᠠᠳᠠᠭ ᠃ | ᠬᠠᠳᠬᠤᠭᠤᠷ ᠲᠣᠭᠤᠨᠣ ᠭᠡᠳᠡᠭ ᠪᠣᠯ ᠭᠡᠷ ᠤᠨ ᠣᠨᠢ ᠲᠠᠢ ᠰᠡᠯᠦᠩᠬᠢᠲᠡ ᠪᠠᠶᠢᠳᠠᠭ ᠬᠦᠷᠢᠶᠡ ᠲᠣᠭᠤᠷᠢᠭ ᠮᠣᠳᠣ ᠪᠣᠯᠣᠨᠠ᠃ ᠬᠠᠳᠬᠤᠭᠤᠷ ᠲᠣᠭᠤᠨᠣ ᠳᠤ | ᠪᠠᠰᠠ ᠬᠤᠶᠠᠷ ᠵᠦᠢᠯ ᠪᠠᠶᠢᠳᠠᠭ ᠃ | ᠬᠡᠯᠬᠢᠶᠡ ᠲᠣᠭᠤᠨᠣ ᠭᠡᠳᠡᠭ ᠪᠣᠯ ᠣᠨᠢ ᠲᠠᠢ ᠨᠢ ᠭᠡᠯᠬᠢᠵᠦ ᠬᠤᠯᠪᠣᠭᠰᠠᠨ ᠳᠡᠯᠭᠡᠵᠦ ᠪᠤᠯᠬᠤ ᠪᠠ ᠬᠤᠮᠢᠵᠤ ᠡᠪᠬᠡᠵᠦ ᠪᠣᠯᠳᠠᠭ ᠠᠮᠢᠳᠤᠯᠢᠭ ᠡᠳ᠋ ᠪᠣᠯᠣᠨᠠ᠃ | ᠬᠠᠳᠬᠤᠭᠤᠷ ᠲᠣᠭᠤᠨᠣ ᠶᠢᠨ ᠪᠦᠲᠦᠴᠡ : ᠭᠠᠳᠠᠷ ᠴᠠᠭᠠᠷᠢᠭ ᠬᠦᠷᠢᠶᠡᠨ ᠳᠡᠭᠡᠨ ᠣᠨᠢ ᠶᠢᠨ ᠲᠣᠯᠣᠭᠠᠢ ᠶᠢ ᠬᠠᠳᠬᠤᠬᠤ ᠨᠢᠳᠣ ᠲᠠᠢ᠂ ᠳᠠᠷᠤᠢ ᠣᠨᠢ | ᠲᠣᠭᠲᠠᠭᠠᠬᠤ ᠤᠬᠠᠯᠠᠭᠤᠷᠭᠠ ᠨᠦᠬᠡ ᠲᠠᠢ᠃ | ᠬᠡᠯᠬᠢᠶᠡ ᠲᠣᠭᠤᠨᠣ ᠶᠢᠨ ᠪᠥᠲᠥᠴᠡ : ᠬᠤᠶᠠᠷ ᠬᠡᠰᠡᠭ ᠲᠠᠯᠠ ᠲᠣᠭᠤᠷᠢᠭ ᠬᠡᠯᠪᠡᠷᠢ ᠲᠠᠢ ᠮᠣᠳᠣᠨ ᠡᠳ᠋᠂᠂ ᠣᠨᠢ ᠨᠢ ᠪᠦᠷ ᠲᠣᠭᠤᠨᠣ ᠲᠠᠢ ᠪᠠᠨ ᠬᠡᠯᠬᠢᠶᠡ ᠲᠠᠢ | ᠪᠠᠶᠢᠳᠠᠭ᠃ ᠲᠡᠭᠦᠨ ᠳᠤ ᠪᠠᠰᠠ ᠲᠣᠭᠤᠨᠣ ᠶᠢᠨ ᠤᠨᠢᠰᠤ᠂ ᠬᠤᠯᠪᠤᠭᠠᠰᠤ᠂ ᠲᠣᠭᠤᠨᠣ ᠶᠢᠨ ᠬᠦᠷᠢᠶᠡ᠂ ᠲᠣᠭᠤᠨᠣ ᠶᠢᠨ ᠬᠤᠷᠤᠭᠤ᠂ ᠲᠣᠭᠤᠨᠣ ᠶᠢᠨ ᠦᠳᠡᠭᠡᠷᠢ᠂ | ᠲᠣᠭᠤᠨᠣ ᠶᠢᠨ ᠳᠠᠭᠠ᠂ ᠲᠣᠭᠤᠨᠣ ᠶᠢᠨ ᠬᠠᠷᠠᠭᠠ ᠵᠡᠷᠭᠡ ᠪᠦᠲᠥᠴᠡ ᠪᠠᠶᠢᠳᠠᠭ᠃ | ᠣᠨᠢ — ᠬᠠᠨᠠ ᠪᠠ ᠲᠣᠭᠤᠨᠣ ᠬᠤᠶᠠᠷ ᠢ ᠬᠤᠯᠪᠤᠵᠤ ᠭᠡᠷ ᠤᠨ ᠳᠡᠭᠡᠪᠦᠷ ᠴᠡᠭᠡᠵᠢᠨ ᠪᠡᠶᠡ ᠶᠢ ᠪᠦᠲᠦᠭᠡᠵᠦ ᠪᠠᠶᠢᠭᠠ ᠣᠯᠠᠨ ᠨᠠᠷᠢᠨ ᠤᠷᠲᠤ ᠮᠣᠳᠤᠳ᠂᠂ ᠲᠡᠭᠦᠨ | ᠳᠤ ᠣᠨᠢ ᠶᠢᠨ ᠲᠣᠯᠣᠭᠠᠢ ︵ᠣᠨᠢ ᠶᠢᠨ ᠲᠣᠭᠤᠨᠤᠨ ᠳᠤ ᠬᠠᠳᠬᠤᠵᠤ ᠪᠠᠶᠢᠬᠤ ᠦᠵᠦᠭᠦᠷ ᠢ ᠵᠢᠭᠠᠵᠤ ᠪᠤᠢ︶᠂ ᠣᠨᠢ ᠶᠢᠨ ᠲᠠᠩᠨᠠᠢ ︵ᠣᠨᠢ ᠶᠢᠨ ᠳᠦᠷᠪᠡᠯᠵᠢᠯᠡᠨ | ᠬᠠᠪᠲᠠᠭᠠᠶᠢᠯᠠᠭᠰᠠᠨ ᠦᠵᠦᠭᠦᠷ ᠲᠣᠯᠣᠭᠠᠢ ︶᠂ ᠣᠨᠢ ᠶᠢᠨ ᠶᠣᠵᠣᠭᠤᠷ ︵ᠣᠨᠢ ᠶᠢᠨ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠲᠠᠢ ᠨᠡᠶᠢᠯᠡᠵᠦ ᠪᠠᠶᠢᠭᠠ ᠰᠡᠭᠡᠯᠳᠦᠷᠭᠡ ᠲᠠᠢ | ᠦᠵᠦᠭᠦᠷ ︶ ᠭᠡᠬᠦ ᠭᠤᠷᠪᠠᠨ ᠬᠡᠰᠡᠭ ᠲᠠᠢ ᠃ | ᠣᠨᠢ ᠶᠢᠨ ᠰᠡᠭᠡᠯᠳᠦᠷᠭᠡ ᠭᠡᠳᠡᠭ ᠨᠢ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠲᠠᠢ ᠬᠤᠯᠪᠣᠨ ᠲᠣᠭᠲᠠᠭᠠᠬᠤ ᠪᠢᠳᠡᠭᠦᠦ ᠣᠭᠤᠰᠣᠷ ᠪᠤᠯᠬᠤ ᠬᠢᠯᠭᠠᠰᠤ ᠪᠠᠷ ᠲᠠᠮᠤᠭᠰᠠᠨ ᠨᠠᠷᠢᠨ | ᠳᠡᠭᠡᠰᠦ ᠶᠢ ᠬᠡᠯᠡᠳᠡᠭ᠃ | ᠬᠠᠨᠠ — ᠭᠡᠷ ᠤᠨ ᠳᠣᠣᠷᠠᠳᠤ ᠪᠡᠶᠡ ᠶᠢᠨ ᠬᠡᠰᠡᠭ ᠢ ᠬᠡᠯᠡᠳᠡᠭ᠃ ᠬᠠᠨᠠ ᠨᠢ ᠬᠠᠨᠠ ᠶᠢᠨ ᠲᠣᠯᠣᠭᠠᠢ᠂ ᠬᠠᠨᠠ ᠶᠢᠨ ᠠᠮᠠ᠂ ᠬᠠᠨᠠ ᠶᠢᠨ ᠨᠢᠳᠦ᠂ ᠬᠠᠨᠠ | ᠶᠢᠨ ᠰᠠᠷᠠᠪᠴᠢ᠂ ᠬᠠᠨᠠ ᠶᠢᠨ ᠪᠡᠶᠡ᠂ ᠬᠠᠨᠠ ᠶᠢᠨ ᠴᠡᠭᠡᠵᠢ᠂ ᠬᠠᠨᠠ ᠶᠢᠨ ᠰᠢᠭᠢᠷᠡ᠂ ᠬᠠᠨᠠ ᠶᠢᠨ ᠦᠳᠡᠭᠡᠷᠢ ᠵᠡᠷᠭᠡ ᠵᠦᠢᠯ ᠢᠶᠠᠷ ᠪᠦᠳᠥᠨᠡ᠃ | ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠪᠣᠯ ᠣᠨᠢ ᠶᠢᠨ ᠳᠣᠣᠷᠠᠳᠤ ᠦᠵᠦᠭᠦᠷ ᠢ ᠲᠣᠭᠲᠠᠭᠠᠵᠤ ᠪᠠᠶᠢᠭᠠ ᠬᠠᠨᠠ ᠶᠢᠨ ᠳᠡᠭᠡᠲᠤ ᠬᠡᠰᠡᠭ᠃ ᠬᠠᠨᠠ ᠶᠢᠨ ᠠᠮᠠ ᠭᠡᠳᠡᠭ ᠪᠣᠯ | ᠬᠤᠶᠠᠷ ᠬᠠᠨᠠ ᠨᠡᠶᠢᠯᠡᠬᠦ ᠠᠭᠤᠯᠵᠠᠭᠤᠢ ᠢ ᠬᠡᠯᠡᠨᠡ᠃ ᠬᠠᠨᠠ ᠶᠢᠨ ᠨᠢᠳᠦ ᠭᠡᠳᠡᠭ ᠪᠣᠯ ᠳᠡᠯᠭᠡᠭᠰᠡᠨ ᠬᠠᠨᠠ ᠶᠢᠨ ᠳᠥᠷᠪᠡᠯᠵᠢᠨ ᠨᠦᠬᠡ᠂ ᠬᠠᠨᠠ ᠶᠢᠨ ᠰᠠᠷᠠᠪᠴᠢ | ᠭᠡᠳᠡᠭ ᠨᠢ ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠶᠢᠨ ᠬᠡᠰᠡᠭ ᠨᠢ ᠭᠠᠳᠠᠭᠰᠢ ᠪᠠᠨ ᠮᠡᠳᠡᠶᠢᠵᠦ ᠪᠠᠶᠢᠭᠠ ᠬᠡᠰᠡᠭ ᠢ ᠵᠢᠭᠠᠵᠤ ᠪᠤᠢ᠃ ᠬᠠᠨᠠ ᠶᠢᠨ ᠴᠡᠭᠡᠵᠢ ᠪᠣᠯ ᠬᠠᠨᠠ ᠶᠢᠨ ᠳᠤᠮᠳᠠ | ᠬᠡᠰᠡᠭ ᠢ ᠬᠡᠯᠡᠨᠡ᠃ ᠬᠠᠨᠠ ᠶᠢᠨ ᠰᠢᠭᠢᠷᠡ ᠪᠣᠯ ᠬᠠᠨᠠ ᠶᠢᠨ ᠭᠠᠵᠠᠷ ᠲᠤ ᠲᠤᠯᠵᠤ ᠪᠠᠶᠢᠭᠠ ᠳᠣᠣᠷᠠᠳᠤ ᠬᠡᠰᠡᠭ ᠢ ᠨᠢ ᠬᠡᠯᠡᠨᠡ᠃ | ᠦᠳᠡᠬᠡᠷᠢ ᠪᠣᠯ ᠬᠠᠨᠠ ᠶᠢ ᠲᠣᠪᠴᠢᠯᠠᠨ ᠦᠳᠡᠬᠦ ᠪᠠᠬᠢᠯᠡᠭᠡᠰᠦ᠂ ᠬᠠᠨᠠ ᠶᠢᠨ ᠭᠦᠯᠢᠭ ᠭᠡᠳᠡᠭ ᠪᠣᠯ ᠬᠤᠶᠠᠷ ᠬᠠᠨᠠ ᠶᠢᠨ ᠵᠥᠷᠢᠯᠳᠦᠭᠰᠡᠨ ᠠᠮᠠ ᠶᠢ ᠪᠠᠬᠢᠯᠡᠨ | ᠣᠶᠠᠬᠤ ᠨᠠᠷᠢᠨ ᠳᠡᠭᠡᠰᠦ ᠶᠢ ᠬᠡᠯᠡᠨᠡ ᠃ | ᠮᠣᠩᠭᠤᠯ ᠭᠡᠷ ᠤᠨ ᠬᠠᠭᠠᠯᠭᠠ ᠳᠤ ᠵᠡᠰᠢᠩ ᠬᠠᠭᠠᠯᠠᠨᠠ᠂ ᠬᠠᠪᠲᠠᠰᠤᠨ ᠬᠠᠭᠠᠯᠠᠨᠠ ᠭᠡᠵᠦ ᠪᠠᠶᠢᠳᠠᠭ᠃ ᠵᠠᠰᠢᠩ ᠬᠠᠭᠠᠯᠭᠠ ᠨᠢ ᠠᠳᠠᠯᠢ ᠬᠤᠶᠠᠷ ᠬᠡᠰᠡᠭ ᠬᠠᠪᠲᠠᠰᠤ | ᠪᠠᠷ ᠬᠢᠭᠰᠡᠨ ᠪᠠᠶᠢᠳᠠᠭ ᠪᠠ ᠬᠠᠪᠲᠠᠰᠤᠨ ᠬᠠᠭᠠᠯᠠᠨᠠ ᠭᠡᠳᠡᠭ ᠨᠢ ᠨᠢᠭᠡ ᠲᠠᠶᠢᠰᠢ ᠨᠡᠭᠡᠭᠡᠬᠦ ᠵᠢᠭᠠᠬᠠᠨ ᠴᠣᠩᠬᠤ ᠲᠠᠢ ᠬᠠᠭᠠᠯᠭᠠ ᠶᠢ ᠬᠡᠯᠡᠳᠡᠭ᠃ ᠭᠡᠷ ᠤᠨ ᠬᠠᠭᠠᠯᠭᠠ ᠶᠢ | ᠪᠦᠷ ᠮᠣᠳᠣ ᠪᠠᠷ ᠬᠢᠳᠡᠭ᠃ | ᠬᠠᠭᠠᠯᠭᠠ ᠶᠢᠨ ᠭᠠᠳᠠᠭᠤᠷ ᠪᠠᠶᠢᠭᠠ ᠬᠦᠷᠢᠶᠡ ᠶᠢ ᠬᠠᠳᠠᠪᠴᠢ ᠭᠡᠳᠡᠭ᠃ ᠡᠨᠡ ᠨᠢ ᠬᠠᠭᠠᠯᠭᠠ ᠶᠢ ᠲᠣᠭᠲᠠᠭᠠᠬᠤ᠂ ᠲᠣᠯᠬᠤ ᠦᠢᠯᠡᠳᠦᠯ ᠲᠠᠢ᠃ | ᠬᠠᠭᠠᠯᠭᠠᠨ ᠤ ᠬᠦᠷᠢᠶᠡᠨ ᠤ ᠭᠠᠳᠠᠨᠠ ᠳᠡᠭᠡᠳᠦ ᠲᠠᠯᠠ ᠠᠴᠠ ᠡᠯᠭᠦᠭᠰᠡᠨ ᠢᠰᠡᠭᠡᠢ ( ᠰᠢᠷᠢᠮᠠᠯ ᠢᠰᠡᠭᠡᠢ ) ᠶᠢ ᠡᠭᠦᠳᠡ ᠭᠡᠳᠡᠭ ᠃ | ᠡᠭᠦᠳᠡ ᠶᠢ ᠰᠡᠭᠦᠵᠦ ᠭᠡᠷ ᠲᠤ ᠣᠷᠣᠬᠤ ᠳᠠᠭᠠᠨ ᠵᠡᠭᠦᠨ ᠲᠠᠯᠠ ᠶᠢ ᠨᠢ ᠰᠡᠭᠦᠨ ᠣᠷᠣᠵᠤ ᠭᠠᠷᠤᠨᠠ᠃ ᠪᠠᠩᠰᠠᠨ ᠬᠠᠭᠠᠯᠭᠠ ᠶᠢᠨ ᠬᠤᠶᠠᠷ ᠬᠠᠪᠲᠠᠰᠤ ᠶᠢ | ᠨᠡᠶᠢᠯᠡᠭᠦᠯᠦᠨ ᠲᠡᠪᠬᠡᠯᠡᠬᠦ ᠨᠢᠮᠭᠡᠨ ᠬᠠᠪᠲᠠᠭᠠᠢ ᠮᠣᠳᠣ ᠶᠢ ᠰᠤᠨᠲᠠᠭᠠᠰᠤ ᠭᠡᠳᠡᠭ᠃ ᠡᠨᠡ ᠨᠢ ᠬᠠᠭᠠᠯᠭᠠ ᠶᠢ ᠪᠠᠬᠢᠯᠡᠨ ᠲᠣᠭᠲᠠᠭᠠᠬᠤ ᠦᠢᠯᠡᠳᠦᠯ ᠲᠠᠢ ᠶᠤᠮ᠃ ᠳᠡᠭᠡᠷᠡ | ᠳᠤᠷᠠᠲᠤᠭᠰᠠᠨ ᠮᠣᠩᠭᠤᠯ ᠭᠡᠷ ᠤᠨ ᠲᠣᠨᠤᠭ ᠵᠦᠢᠯ ᠪᠣᠯ ᠪᠦᠷ ᠮᠣᠳᠣ ᠪᠠᠷ ᠬᠢᠭᠰᠡᠨ ᠪᠠᠶᠢᠳᠠᠭ᠃ | ᠡᠷᠦᠭᠡ ᠭᠡᠳᠡᠭ ᠪᠣᠯ ᠲᠣᠭᠤᠨᠣ ᠶᠢ ᠪᠦᠷᠬᠦᠬᠦ ᠠᠮᠠ ᠳᠥᠷᠪᠡᠯᠵᠢᠨ ᠢᠰᠡᠭᠡᠢ ᠪᠣᠯᠣᠨᠠ᠃ ᠳᠥᠷᠪᠡᠨ ᠦᠨᠴᠦᠭ ᠲᠤᠨᠢ ᠪᠦᠷ ᠤᠭᠤᠰᠤᠷ ᠬᠠᠲᠠᠵᠤ᠂ ᠭᠤᠷᠪᠠᠨ | ᠥᠨᠴᠥᠭ ᠤᠨ ᠣᠭᠤᠰᠤᠷ ᠢ ᠭᠡᠷ ᠤᠨ ᠵᠡᠭᠦᠨ ᠪᠠᠷᠠᠭᠤᠨ ᠬᠤᠶᠢᠨᠠ ᠪᠦᠰᠡᠯᠡᠭᠦᠷ ᠲᠤ ᠪᠠᠬᠢᠯᠡᠨ ᠤᠶᠠᠵᠤ᠂ ᠭᠠᠭᠴᠠ ᠡᠮᠦᠨᠡᠰᠢ ᠬᠤᠰᠢᠭᠤᠯᠠᠭᠰᠠᠨ ᠥᠨᠴᠥᠭ ᠤᠨ | ᠣᠭᠤᠰᠤᠷ ᠲᠤ ᠨᠠᠷᠢᠪᠲᠣᠷ ᠮᠣᠳᠣ ᠤᠶᠠᠵᠤ ᠠᠮᠢᠳᠤᠯᠢᠭ ᠪᠠᠶᠢᠯᠭᠠᠨᠠ᠃ ᠡᠳᠦᠷ ᠪᠣᠯᠪᠠᠯ ᠡᠷᠦᠬᠡ ᠪᠠᠨ ᠰᠡᠭᠦᠨ ᠬᠤᠶᠢᠰᠢ ᠲᠠᠲᠠᠨ ᠭᠤᠷᠪᠠᠯᠵᠢᠨ ᠪᠣᠯᠭᠠᠨᠠ᠃ ᠡᠭᠦᠨ ᠢ | ᠡᠷᠦᠭᠡ ᠲᠠᠲᠠᠬᠤ ᠭᠡᠨᠡ᠃ ᠰᠥᠨᠢ ᠤᠷᠤᠭᠰᠢ ᠲᠠᠲᠠᠵᠤ ᠪᠥᠲᠡᠭᠡᠨᠡ᠃ ᠡᠭᠦᠨ ᠢ ᠡᠷᠦᠭᠡ ᠪᠥᠲᠡᠭᠡᠬᠦ ᠭᠡᠨᠡ ᠃ | ᠭᠡᠷ ᠤᠨ ᠳᠡᠭᠡᠪᠦᠷ ᠤᠨ ᠭᠠᠳᠠᠭᠤᠷ ᠪᠥᠰ ᠵᠡᠷᠭᠡ ᠡᠳ᠋ ᠢᠶᠠᠷ ᠭᠤᠶᠣᠯᠠᠨ ᠤᠶᠤᠳᠠᠭ᠂ ᠲᠣᠭᠤᠨᠣ ᠶᠢ ᠲᠤᠭᠤᠶᠢᠯᠠᠭᠤᠯᠤᠭᠰᠠᠨ ᠪᠥᠭᠡᠳ ᠳᠥᠷᠪᠡᠨ ᠵᠦᠭ ᠲᠤ | ᠬᠠᠨᠠ ᠶᠢᠨ ᠲᠣᠯᠣᠭᠠᠢ ᠭᠦᠷᠲᠡᠯᠡ ᠨᠠᠷᠢᠪᠳᠤᠷ ᠬᠤᠰᠢᠭᠤ ᠭᠠᠷᠭᠠᠨ ᠤᠷᠠᠯᠠᠨ ᠪᠦᠲᠦᠭᠡᠭᠰᠡᠨ ᠴᠢᠮᠡᠭᠯᠡᠯ ᠢ ᠬᠥᠯᠲᠥᠷᠬᠡ ᠭᠡᠨᠡ᠃ | ᠭᠡᠷ ᠤᠨ ᠳᠡᠭᠡᠳᠦ ᠬᠡᠰᠡᠭ ᠤᠨ᠂ ᠣᠨᠢ ᠶᠢ ᠪᠦᠷᠭᠦᠨ ᠪᠥᠲᠡᠭᠡᠭᠰᠡᠨ ᠳᠡᠪᠢᠭᠦᠷ ᠭᠡᠯᠪᠡᠷᠢ ᠲᠠᠢ ᠬᠤᠶᠠᠷ ᠬᠡᠰᠡᠭ ᠢᠰᠡᠭᠡᠢ ᠶᠢ ᠭᠡᠷ ᠤᠨ ᠳᠡᠭᠡᠪᠦᠷ ᠭᠡᠳᠡᠭ᠃ ᠬᠠᠨᠠ | ᠶᠢᠨ ᠪᠦᠷᠢᠶᠡᠰᠦ ᠶᠢ ᠲᠣᠭᠤᠷᠭᠠ ᠭᠡᠳᠡᠭ᠃ ᠲᠣᠭᠤᠷᠭᠠᠨ ᠤ ᠬᠤᠷᠮᠣᠢ ᠶᠢ ᠳᠠᠷᠤᠭᠰᠠᠨ ᠬᠠᠨᠠ ᠶᠢᠨ ᠰᠢᠭᠢᠷᠡ ᠶᠢᠨ ᠪᠦᠷᠢᠶᠡᠰᠦ ᠶᠢ ᠬᠠᠶᠠᠭᠠᠪᠴᠢ ᠭᠡᠨᠡ᠃ ᠭᠡᠷ ᠤᠨ | ᠳᠡᠭᠡᠪᠦᠷ ᠤᠨ ᠲᠣᠲᠣᠭᠤᠷ ᠪᠠᠷᠢᠬᠤ ᠳᠠᠪᠠᠭ᠋ᠤᠷᠯᠢᠭ ᠨᠢᠮᠭᠡᠨ ᠢᠰᠡᠭᠡᠢ ᠶᠢ ᠴᠡᠪᠣᠭ ᠬᠡᠳᠡᠭ᠃ | ᠭᠡᠷ ᠤᠨ ᠳᠡᠭᠡᠪᠦᠷ ᠪᠠ ᠲᠣᠭᠤᠷᠭᠠ ᠵᠡᠷᠭᠡ ᠶᠢ ᠰᠣᠩᠬᠤ ᠠᠴᠠ ᠬᠢᠴᠢᠶᠡᠵᠦ ᠴᠥᠮ ᠭᠦᠪᠡᠭᠡ ᠪᠠᠷ ᠨᠢ ᠬᠢᠯᠭᠠᠰᠣᠨ ᠳᠡᠭᠡᠰᠦ ᠪᠠᠷᠢᠵᠤ ᠪᠠᠬᠢᠯᠡᠨ ᠣᠶᠤᠳᠠᠭ᠃ ᠡᠶᠢᠮᠦ | ᠳᠡᠭᠡᠰᠦ ᠶᠢ ᠵᠡᠬᠡᠭ ᠭᠡᠳᠡᠭ᠃ | ᠨᠢᠴᠦᠭᠦᠨ ᠬᠠᠨᠠ ᠶᠢ ᠬᠠᠪᠴᠢᠵᠤ ᠬᠤᠯᠪᠤᠵᠤ ᠲᠠᠲᠠᠭᠰᠠᠨ ᠳᠡᠭᠡᠰᠦ ᠶᠢ ᠭᠡᠷ ᠤᠨ ᠪᠦᠰᠡᠯᠡᠭᠦᠷ ᠭᠡᠳᠡᠭ᠃ ᠲᠣᠭᠤᠷᠭᠠ ᠶᠢᠨ ᠭᠠᠳᠠᠭᠤᠷ ᠲᠣᠭᠤᠷᠢᠭᠤᠯᠤᠨ | ᠲᠠᠲᠠᠭᠰᠠᠨ ᠣᠶᠤᠮᠠᠯ ᠬᠠᠪᠲᠠᠭᠠᠢ ᠳᠡᠭᠡᠰᠦ ᠶᠢ ᠶᠦᠳ᠋ ᠭᠡᠳᠡᠭ᠃ ᠵᠤᠨ ᠤ ᠴᠠᠭ ᠲᠤ ᠬᠤᠶᠠᠷ ᠵᠦᠳ᠋ ᠲᠠᠲᠠᠵᠤ ᠡᠪᠦᠯ ᠴᠠᠭ ᠭᠤᠷᠪᠠᠨ ᠵᠦᠳ᠋ ᠲᠠᠲᠠᠳᠠᠭ᠃ ᠳᠡᠭᠡᠳᠦ | ᠵᠦᠳ᠋᠂ ᠳᠤᠮᠳᠠ ᠵᠦᠳ᠋᠂ ᠳᠣᠣᠷᠠ ᠶᠦᠳ᠋ ᠭᠡᠵᠦ ᠪᠠᠰᠠ ᠬᠡᠯᠡᠳᠡᠭ᠃ ᠵᠦᠳ᠋ ᠢ ᠬᠠᠷᠠ ᠬᠢᠯᠭᠠᠰᠤᠨ ᠬᠤᠰᠢᠯᠠᠩ ᠢᠶᠠᠷ ᠨᠡᠶᠢᠯᠡᠭᠦᠯᠵᠦ ᠣᠶᠣᠵᠣ ᠬᠢᠳᠡᠭ᠃ ᠬᠤᠰᠢᠯᠠᠩ | ᠭᠡᠳᠡᠭ ᠪᠣᠯ ᠡᠰᠡᠷᠭᠦ ᠲᠡᠰᠡᠷᠭᠦ ᠡᠷᠴᠢᠲᠡᠢ ᠨᠠᠷᠢᠨ ᠳᠡᠭᠡᠰᠦ ᠶᠢ ᠬᠤᠶᠠᠷ ᠪᠤᠶᠤ ᠭᠤᠷᠪᠠ᠂ ᠳᠥᠷᠪᠡ᠂ ᠵᠢᠷᠭᠤᠭᠠ ᠪᠠᠷ ᠵᠡᠷᠭᠡᠴᠡᠭᠦᠯᠦᠨ ᠣᠶᠣᠭᠰᠠᠨ ᠬᠠᠪᠲᠠᠭᠠᠢ | ᠬᠢᠯᠭᠠᠰᠤᠨ ᠳᠡᠭᠡᠰᠦ ᠶᠢ ᠬᠡᠯᠡᠨᠡ ᠃ | ᠲᠣᠭᠤᠷᠭᠠ ᠶᠢᠨ ᠳᠣᠲᠣᠷᠠ ᠲᠠᠯᠠ ᠳᠤ ᠳᠠᠪᠬᠤᠷᠯᠠᠨ ᠪᠦᠷᠬᠦᠭᠰᠡᠨ ᠨᠢᠮᠭᠡᠨ ᠲᠡᠩ ᠢᠰᠡᠭᠡᠢ ᠶᠢ ᠡᠯᠪᠡᠭᠡᠰᠢ ᠭᠡᠳᠡᠭ ᠃ | ᠡᠭᠦᠳᠡᠨ ᠤ ᠳᠡᠭᠡᠳᠦ ᠡᠲᠡᠭᠡᠳ ᠲᠤ ᠰᠠᠷᠠᠪᠴᠢᠯᠠᠵᠤ ᠬᠢᠭᠰᠡᠨ ᠢᠰᠡᠭᠡᠢ ᠶᠢ ᠲᠣᠲᠣᠭᠤ ᠬᠡᠳᠡᠭ᠃ | ᠡᠪᠦᠯ ᠴᠠᠭ ᠭᠡᠷ ᠢᠶᠠᠨ ᠳᠤᠯᠠᠭᠠᠯᠠᠬᠤ ᠶᠢᠨ ᠲᠥᠯᠥᠭᠡ ᠭᠡᠷ ᠦᠨᠲ᠋ᠣᠳᠣᠭᠠᠳᠤ ᠬᠠᠨᠠ ᠶᠢ ᠪᠦᠷᠬᠦᠵᠦ ᠲᠠᠲᠠᠭᠰᠠᠨ ᠲᠣᠭᠤᠷᠭᠠ ᠶᠢ ᠬᠥᠰᠢᠭᠡ ᠭᠡᠳᠡᠭ᠃ ᠡᠨᠡ ᠬᠦ | ᠬᠥᠰᠢᠭᠡ ᠶᠢᠨ ᠭᠦᠪᠡᠭᠡ ᠶᠢ ᠤᠯᠠᠭᠠᠨ᠂ ᠪᠣᠷᠣ᠂ ᠬᠥᠬᠡ ᠪᠥᠰ ᠢᠶᠠᠷ ᠬᠥᠪᠡᠭᠡᠯᠡᠵᠦ᠂ ᠪᠠᠰᠠ ᠥᠨᠴᠥᠭ ᠲᠤᠨᠢ ᠭᠡ ᠤᠭᠠᠯᠵᠠ ᠮᠡᠲᠦ ᠶᠢ ᠭᠠᠷᠭᠠᠵᠤ ᠤᠷᠠᠯᠠᠨ | ᠴᠢᠮᠡᠭᠯᠡᠵᠦ ᠬᠢᠳᠡᠭ ᠪᠢᠯᠡ᠃ | ᠳᠠᠷᠤᠭᠤᠯᠭᠠ ᠭᠡᠳᠡᠭ ᠪᠣᠯ ᠨᠢᠴᠦᠭᠦᠨ ᠣᠨᠢ ᠶᠢ ᠲᠣᠭᠲᠠᠪᠤᠷᠢᠵᠢᠭᠤᠯᠤᠨ ᠪᠠᠬᠢᠯᠡᠵᠦ ᠳᠠᠷᠤᠬᠤ ᠤᠭᠤᠰᠤᠷ ᠢ ᠬᠡᠯᠡᠨᠡ᠃ | ᠵᠠᠪᠠᠭ ᠭᠡᠳᠡᠭ ᠪᠣᠯ ᠭᠡᠷ ᠤᠨ ᠳᠡᠭᠡᠪᠦᠷ ᠪᠣᠯᠣᠨ ᠲᠣᠭᠤᠷᠭᠠ ᠶᠢᠨ ᠵᠥᠷᠢᠭᠰᠡᠨ ᠭᠠᠵᠠᠷ ᠢ ᠵᠢᠭᠠᠵᠤ ᠪᠣᠢ᠃ | ᠴᠢᠭᠳᠠᠭᠠ ᠪᠣᠯ ᠲᠣᠭᠤᠨᠣ ᠶᠢᠨ ᠳᠤᠮᠳᠠᠬᠢ ᠭᠤᠣᠯ ᠮᠣᠳᠣᠨ ᠠᠴᠠ ᠳᠣᠲᠣᠭᠰᠢ ᠨᠢ ᠲᠠᠲᠠᠭᠰᠠᠨ ᠬᠤᠰᠢᠯᠠᠩ ᠢ ᠬᠡᠯᠡᠳᠡᠭ᠃ ᠲᠡᠭᠦᠨ ᠤ ᠦᠢᠯᠡᠳᠦᠯ ᠨᠢ ᠭᠡᠷ ᠢ | ᠰᠠᠯᠬᠢᠨ ᠰᠢᠭᠤᠷᠭᠠᠨ ᠠᠴᠠ ᠬᠠᠮᠠᠭᠠᠯᠠᠨ ᠪᠠᠬᠢᠯᠡᠵᠦ ᠲᠣᠭᠲᠠᠭᠠᠬᠤ ᠦᠢᠯᠡᠳᠦᠯ ᠲᠠᠢ᠂ ᠶᠡᠷᠦ ᠶᠢᠨ ᠴᠠᠭ ᠲᠤ ᠴᠢᠭᠳᠠᠭᠠ ᠶᠢᠨ ᠤᠭᠤᠰᠤᠷ ᠭᠡᠷ ᠤᠨ ᠵᠡᠭᠦᠨ ᠬᠤᠶᠢᠲᠤ | ᠣᠨᠢ ᠶᠢᠨ ᠳᠤᠮᠳᠠᠭᠤᠷ ᠭᠤᠭᠴᠣᠭᠠᠯᠠᠨ ᠤᠶᠠᠵᠤ ᠪᠠᠶᠢᠳᠠᠭ ᠪᠥᠭᠡᠳ ᠴᠢᠭᠳᠠᠭᠠᠨ ᠠᠴᠠ ᠤᠯᠠᠭᠠᠨ᠂ ᠰᠢᠷᠠ ᠭᠬᠢᠪ ᠪᠤᠶᠤ ᠤᠯᠠᠭᠠᠨ ᠨᠣᠭᠤᠭᠠᠨ ᠥᠩᠭᠡ ᠶᠢᠨ ᠲᠣᠷᠭᠠ | ᠳᠤᠷᠳᠤᠩ ᠤᠨ ᠥᠭᠡᠳᠡᠰᠦ ᠤᠶᠠᠵᠤ ᠴᠢᠮᠡᠭᠯᠡᠨ ᠰᠢᠳᠤᠵᠦ ᠪᠠᠶᠢᠬᠤ ᠶᠣᠰᠣᠲᠠᠢ᠃ | ᠬᠡᠷᠪᠡ ᠶᠠᠮᠠᠷ ᠴᠤ ᠶᠠᠭᠤᠮᠠ ᠤᠶᠠᠵᠤ ᠴᠢᠮᠡᠭᠯᠡᠬᠦ ᠦᠭᠡᠢ ᠳᠤ ᠭᠦᠷᠪᠡᠯ᠂ ᠶᠣᠰᠣ ᠮᠡᠳᠡᠭᠦ ᠦᠭᠡᠢ᠂ ᠶᠣᠷᠤᠭ ᠲᠠᠨᠢᠬᠤ ᠦᠭᠡᠢ ᠪᠤᠶᠠᠨ ᠬᠡᠰᠢᠭ ᠢᠶᠠᠨ ᠪᠠᠷᠠᠭᠰᠠᠨ | ᠳᠤ ᠲᠤᠭᠠᠴᠠᠭᠳᠠᠨᠠ᠃ | ᠴᠢᠭᠳᠠᠭᠠ ᠶᠢ ᠵᠠᠰᠠᠨ ᠴᠢᠮᠡᠭᠯᠡᠬᠦ ᠨᠢ ᠬᠢᠳᠡᠳ ᠦᠨᠳᠦᠰᠦᠲᠡᠨ ᠤ ᠪᠠᠶᠢᠰᠢᠩ ᠤᠨ ᠨᠢᠷᠤᠭᠤᠨ ᠳᠤ ᠤᠯᠠᠭᠠᠨ ᠪᠦᠰᠡᠨ ᠳᠡᠭᠡᠷᠡ ᠬᠤᠣᠰ ᠠᠷᠭᠠ ᠪᠢᠯᠢᠭ ᠵᠢᠭᠠᠰᠤ | ᠵᠢᠷᠤᠵᠤ᠂ ᠪᠢᠴᠢᠬᠠᠨ ᠤᠯᠠᠭᠠᠨ ᠪᠥᠰ ᠣᠭᠤᠲᠠᠨ ᠳᠤ ᠲᠠᠪᠣᠨ ᠲᠠᠷᠢᠶᠠᠨ ᠤ ᠦᠷᠡ ᠰᠠᠪᠠᠯᠠᠵᠤ᠂ ᠭᠠᠣᠯᠢᠨ ᠵᠣᠭᠤᠰ ᠭᠤᠷᠪᠠ᠂ ᠨᠢᠭᠡᠨ ᠬᠤᠣᠰ ᠰᠢᠨᠡ ᠰᠠᠪᠬᠠ ᠶᠢ | ᠣᠯᠠᠭᠠᠨ ᠲᠣᠷᠭᠠᠨ ᠤᠲᠠᠰᠤ ᠪᠠᠷ ᠬᠤᠯᠪᠣᠨ ᠨᠢᠷᠤᠭᠤᠨ ᠤ ᠠᠰ ᠭᠤᠣᠯ ᠳᠤ ᠪᠠᠬᠢᠯᠡᠨ ᠲᠠᠯᠪᠢᠬᠤ ᠲᠠᠢ ᠠᠳᠠᠯᠢ ᠪᠠᠶᠢᠵᠤ᠂ ᠠᠶᠢᠯ ᠭᠡᠷ ᠤᠨ ᠪᠤᠶᠠᠨ ᠬᠡᠰᠢᠭ ᠢ | ᠪᠡᠯᠭᠡᠳᠡᠨ ᠰᠢᠳᠤᠵᠦ ᠪᠠᠶᠠᠨ ᠥᠷᠭᠡᠨ ᠥᠭᠡᠳᠡᠷᠬᠡᠭ ᠶᠠᠪᠤᠬᠤ ᠶᠢ ᠵᠣᠷᠢᠭᠰᠠᠨ ᠨᠢᠭᠤᠴᠠ ᠤᠪᠡᠳᠢᠰᠲᠤ ᠤᠬᠠᠭᠠᠨ ᠲᠠᠢ ᠪᠠᠶᠢᠳᠠᠭ᠃ ᠪᠠᠰᠠ ᠭᠠᠵᠠᠷ ᠤᠰᠤ ᠵᠠᠰᠠᠵᠤ | ᠪᠠᠶᠢᠬᠤ ᠤᠴᠢᠷ ᠲᠠᠢ᠃ | | | |