ᠤᠷᠠᠳ ᠮᠣᠩᠭᠤᠯᠴᠤᠳ ᠡᠷᠲᠡᠨ ᠠᠴᠠ ᠪᠠᠨ ᠮᠠᠯ ᠮᠡᠯᠵᠢᠵᠦ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠲᠤᠯᠠ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠨᠥᠬᠦᠴᠡᠯ ᠠᠴᠠ ᠪᠠᠨ ᠪᠣᠯᠵᠤ ᠨᠡᠭᠦᠵᠦ | ᠪᠠᠭᠤᠬᠤ ᠳᠤ ᠬᠢᠯᠪᠠᠷ ᠳᠥᠭᠦᠮ ᠮᠣᠩᠭᠤᠯ ᠭᠡᠷ ᠲᠤ ᠰᠠᠭᠤᠵᠤ ᠪᠠᠶᠢᠵᠠᠢ᠃ | ᠮᠣᠩᠭᠤᠯ ᠭᠡᠷ ᠢ ᠶᠡᠭᠡ ᠡᠷᠲᠡᠨ ᠳᠡᠭᠡᠨ ᠪᠥᠷᠭᠡ ᠭᠡᠷ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠭᠰᠠᠨ ᠪᠠ ᠪᠥᠷᠭᠡ ᠭᠡᠷ ᠢ ᠣᠷᠭᠤᠭᠠ ᠮᠣᠳᠣ ᠪᠠᠷ ᠭᠤᠣᠯ ᠪᠠᠭᠠᠨᠠ ᠪᠤᠯᠭᠠᠵᠤ᠂ | ᠤᠯᠠᠯᠵᠢᠨ ᠡᠪᠡᠰᠦ ᠪᠠᠷ ᠲᠣᠭᠤᠷᠢᠭᠤᠯᠤᠨ ᠪᠦᠷᠬᠦᠵᠦ ᠬᠢᠳᠡᠭ ᠪᠠᠶᠢᠪᠠ ᠃ | ᠴᠢᠯᠦᠭᠡᠯᠡᠭᠳᠡᠬᠦ ᠠᠴᠠ ᠡᠮᠦᠨᠡ ᠤᠷᠠᠳᠴᠤᠳ ᠤᠨ ᠣᠷᠣᠨ ᠰᠠᠭᠤᠴᠠ ᠶᠢ ᠲᠡᠳᠡᠨ ᠤ ᠠᠵᠢᠯ᠂ ᠲᠥᠷᠥᠯ ᠪᠣᠯᠣᠨ ᠪᠠᠶᠠᠨ ᠶᠠᠳᠠᠭᠤ ᠶᠢᠨ ᠵᠥᠷᠢᠶᠡ ᠪᠠᠷ | ᠶᠡᠷᠦᠩᠬᠡᠢ ᠳᠡᠭᠡᠨ ᠳᠥᠷᠪᠡᠨ ᠵᠦᠢᠯ ᠬᠤᠪᠢᠶᠠᠵᠤ ᠪᠠᠶᠢᠯᠠ᠃ ᠡᠭᠦᠨ ᠳᠤ᠂ ᠰᠦᠮᠡ ᠬᠡᠶᠢᠳ᠂ ᠬᠤᠰᠢᠭᠤ ᠶᠠᠮᠤᠨ ᠤ ᠣᠷᠳᠣᠨ᠂ ᠸᠠᠩ ᠭᠦᠩ ᠪᠠᠶᠠᠨ ᠨᠣᠶᠠᠳ ᠤᠨ | ᠰᠠᠭᠤᠳᠠᠭ ᠭᠠᠵᠠᠷ ᠨᠢ ᠪᠦᠷ ᠠᠭᠤᠯᠠ ᠤᠰᠤ ᠲᠠᠢ ᠦᠵᠡᠮᠵᠢ ᠰᠠᠶᠢᠲᠠᠢ ᠭᠠᠵᠠᠷ ᠢ ᠰᠣᠩᠭᠤᠵᠤ᠂ ᠸᠠᠭᠠᠷ ᠲᠣᠭᠤᠰᠭ᠋ᠠ᠂ ᠮᠣᠳᠣ ᠴᠢᠯᠠᠭᠤ ᠪᠠᠷ ᠪᠠᠶᠢᠰᠢᠩ ᠪᠠᠷᠢᠯᠭᠠ | ᠪᠠᠶᠢᠭᠤᠯᠵᠤ ᠪᠠᠶᠢᠵᠠᠢ᠃ ᠮᠣᠩᠭᠤᠯ ᠭᠡᠷ ᠢ ᠴᠦ ᠭᠡᠰᠡᠨ ᠭᠡᠳᠦ ᠭᠡᠳᠦ ᠪᠠᠷ ᠨᠢ ᠵᠢᠭᠳᠡᠷᠡᠭᠦᠯᠦᠨ᠂ ᠲᠣᠩ ᠴᠠᠭᠠᠨ ᠪᠦᠷᠢᠶᠡᠰᠦ ᠲᠠᠢ᠂ ᠬᠥᠯᠲᠥᠷᠭᠡ ᠴᠢᠮᠡᠭ ᠲᠠᠢ ᠬᠡᠭᠡᠨᠴᠢᠷ | ᠭᠤᠸᠠ ᠪᠠᠷᠢᠵᠤ ᠪᠠᠶᠢᠵᠠᠢ᠃ ᠲᠡᠳᠡᠭᠡᠷ ᠪᠠᠶᠢᠰᠢᠩ ᠤᠨ ᠭᠡᠯᠪᠡᠷᠢ ᠮᠠᠶ᠋ᠢᠭ ᠨᠢ ᠴᠢᠩ ᠤᠯᠤᠰ ᠤᠨ ᠦᠶᠡ ᠶᠢᠨ ᠣᠷᠳᠣ ᠬᠠᠷᠰᠢ ᠲᠠᠢ ᠲᠥᠰᠥᠭᠡ ᠲᠠᠢ ᠰᠦᠷᠯᠢᠭ ᠰᠠᠶᠢᠬᠠᠨ | ᠪᠠᠶᠢᠪᠠ᠃ ᠭᠡᠬᠦ ᠳᠤ ᠰᠦᠮᠡ ᠬᠡᠶᠢᠢᠳ ᠪᠠ ᠬᠤᠰᠢᠭᠤ ᠶᠠᠮᠤᠨ ᠤ ᠰᠠᠭᠤᠬᠤ ᠣᠷᠣᠨ ᠰᠠᠭᠤᠴᠠ ᠪᠣᠯ ᠴᠥᠭᠡᠨ ᠲᠣᠭᠠᠨ ᠤ ᠤᠨᠴᠠᠭᠠᠢ ᠳᠠᠪᠬᠤᠷᠭᠠᠲᠠᠨ ᠤ ᠰᠠᠭᠤᠬᠤ | ᠭᠠᠵᠠᠷ ᠪᠣᠯᠬᠤᠷ ᠡᠩ ᠤᠨ ᠠᠷᠠᠳ ᠤᠨ ᠣᠷᠣᠨ ᠰᠠᠭᠤᠴᠠ ᠶᠢ ᠲᠦᠯᠦᠭᠡᠯᠡᠵᠦ ᠴᠢᠳᠠᠬᠤ ᠦᠭᠡᠢ ᠪᠢᠯᠡ᠃ | ᠤᠷᠠᠳᠴᠤᠳ ᠤᠨ ᠰᠠᠭᠤᠳᠠᠭ ᠮᠣᠩᠭᠤᠯ ᠭᠡᠷ ᠪᠣᠯ ᠮᠣᠳᠣ ᠪᠣᠯᠣᠨ ᠢᠰᠡᠭᠡᠢ ᠪᠠᠷ ᠭᠤᠣᠯ ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠨ ᠵᠣᠬᠢᠶᠠᠭᠳᠠᠭᠰᠠᠨ ᠪᠥᠭᠡᠷᠡᠩᠬᠡᠢ ᠭᠡᠯᠪᠡᠷᠢ ᠲᠠᠢ | ᠱᠤᠪᠤᠭᠤᠷ ᠣᠷᠣᠢ ᠲᠠᠢ᠂ ᠨᠢᠭᠡ ᠪᠤᠶᠤ ᠬᠤᠶᠠᠷ ᠳᠠᠪᠬᠤᠷ ᠢᠰᠡᠭᠡᠢ ᠪᠦᠷᠢᠶᠡᠰᠦ ᠲᠠᠢ ᠪᠠᠶᠢᠳᠠᠭ ᠪᠥᠭᠡᠳ ᠮᠣᠩᠭᠤᠯ ᠭᠡᠷ ᠤᠨ ᠬᠠᠨᠠ᠂ ᠣᠨᠢ᠂ ᠬᠠᠭᠠᠯᠭᠠ᠂ ᠲᠣᠭᠤᠨᠣ ᠂ | ᠡᠯᠪᠡᠭᠡᠰᠢ᠂ ᠲᠣᠭᠤᠷᠭᠠ᠂ ᠡᠷᠦᠭᠡ ᠵᠡᠷᠭᠡ ᠵᠦᠢᠯ ᠤᠳ ᠨᠢ ᠬᠤᠭᠤᠷᠣᠨᠳᠤ ᠪᠠᠨ ᠰᠡᠯᠦᠩᠬᠢᠲᠡ ᠬᠢᠭᠰᠡᠨ ᠤᠴᠢᠷ ᠠᠴᠠ ᠲᠡᠳᠡᠨ ᠤ ᠣᠳᠣᠷ ᠨᠡᠭᠦᠳᠡᠯ ᠬᠢᠵᠦ ᠮᠠᠯ | ᠮᠠᠯᠵᠢᠬᠤ ᠳᠤ ᠲᠣᠩ ᠲᠣᠬᠢᠷᠠᠭᠰᠠᠨ ᠰᠠᠭᠤᠴᠠ ᠪᠣᠯᠣᠨᠠ᠃ | ᠮᠣᠩᠭᠤᠯ ᠭᠡᠷ ᠤᠨ ᠪᠦᠲᠥᠴᠡ ᠳᠤ ᠮᠠᠰᠢ ᠣᠯᠠᠨ ᠰᠢᠨᠵᠢᠯᠡᠭᠦᠢ ᠤᠬᠠᠭᠠᠨ ᠤ ᠶᠣᠰᠣ ᠤᠴᠢᠷ ᠪᠠᠶᠢᠬᠤ ᠪᠥᠭᠡᠳ ᠣᠮᠠᠷᠠᠲᠣ ᠣᠷᠣᠨ ᠪ᠊ ᠠᠭᠤᠷ ᠠᠮᠢᠰᠬᠤᠯ ᠳᠤ | ᠲᠣᠬᠢᠷᠠᠵᠣ᠂ ᠵᠤᠨ ᠤ ᠴᠠᠭ ᠲᠤ ᠰᠡᠷᠢᠭᠦᠭᠡᠨ᠂ ᠡᠪᠦᠯ ᠴᠠᠭ ᠲᠤ ᠳᠤᠯᠠᠭᠠᠨ ᠪᠠᠶᠢᠳᠠᠭ᠃ ᠬᠡᠢ ᠠᠭᠠᠷ ᠨᠡᠪᠲᠡᠷᠡᠬᠦ ᠨᠢ ᠰᠠᠶᠢᠨ᠃ ᠨᠡᠭᠦᠵᠦ ᠪᠠᠭᠤᠬᠤ ᠳᠤ ᠳᠥᠭᠦᠮ | ᠠᠪᠰᠠᠷᠬᠠᠨ᠂ ᠪᠠᠷᠢᠵᠤ ᠪᠠᠶᠢᠭᠤᠯᠬᠤ ᠳᠤ ᠭᠢᠯᠪᠠᠷ ᠮᠥᠷᠲᠡᠭᠡᠨ ᠬᠤᠷᠳᠤᠨ᠂ ᠪᠠᠰᠠ ᠰᠠᠯᠬᠢ ᠰᠢᠭᠤᠷᠭᠠᠨ ᠤ ᠦᠯᠢᠶᠡᠬᠦ ᠬᠦᠴᠦᠨ ᠨᠢ ᠪᠠᠭᠠ ᠪᠣᠯᠬᠤᠷ ᠴᠠᠰᠤ ᠬᠤᠷᠠᠬᠤ | ᠦᠭᠡᠢ ᠪᠥᠭᠡᠳ ᠣᠷᠣᠢ ᠶᠢᠨ ᠬᠡᠰᠡᠭ ᠨᠢ ᠨᠠᠯᠠᠤ᠂ ᠪᠣᠷᠣᠭᠠᠨ ᠤ ᠤᠰᠤ ᠣᠷᠣᠢ ᠳᠡᠭᠡᠷᠡ ᠨᠢ ᠲᠣᠭᠲᠠᠬᠤ ᠦᠭᠡᠢ᠂ ᠡᠭᠦᠳᠡ ᠨᠢ ᠪᠠᠭᠠ ᠪᠥᠭᠡᠳ ᠭᠠᠵᠠᠷ ᠲᠠᠢ | ᠵᠠᠯᠭᠠᠯᠳᠤᠵᠤ ᠪᠠᠶᠢᠳᠠᠭ ᠪᠣᠯᠬᠤᠷ ᠬᠦᠢᠲᠡᠨ ᠠᠭᠤᠷ ᠠᠮᠢᠰᠬᠤᠯ ᠭᠢᠯᠪᠠᠷᠬᠠᠨ ᠣᠷᠣᠳᠠᠭ ᠦᠭᠡᠢ᠃ | ᠭᠡᠷ ᠤᠨ ᠬᠠᠨᠠ ᠨᠢ ᠠᠳᠠᠯᠢ ᠵᠢᠭᠳᠡ ᠨᠠᠷᠢᠨ ᠮᠣᠳᠣ ᠨᠤᠭᠤᠳ ᠢᠶᠠᠷ ᠬᠢᠭᠰᠡᠨ ᠪᠥᠭᠡᠳ ᠬᠤᠭᠤᠷᠣᠨᠳᠤ ᠨᠢ ᠦᠳᠡᠭᠡᠷᠢ ᠪᠠᠷ ᠦᠳᠡᠵᠦ ᠬᠡᠯᠭᠢᠭᠰᠡᠨ ( | ᠬᠤᠯᠪᠤᠭᠰᠠᠨ ︶ ᠲᠤᠯᠠ ᠬᠡᠷᠡᠭᠯᠡᠬᠦ ᠦᠶᠡ ᠳᠡᠭᠡᠨ ᠪᠣᠰᠬᠠᠵᠤ ᠳᠡᠯᠭᠡᠭᠡᠳ᠂ ᠬᠡᠷᠡᠭᠯᠡᠬᠦ ᠦᠭᠡᠢ ᠴᠠᠭ ᠲᠠᠭᠠᠨ ᠪᠠᠭᠤᠯᠭᠠᠭᠠᠳ ᠡᠪᠭᠡᠵᠦ ᠪᠤᠯᠬᠤ ᠤᠴᠢᠷ ᠠᠴᠠ ᠨᠡᠭᠦᠯᠭᠡᠵᠦ | ᠪᠠᠷᠢᠬᠤ ᠳᠤ ᠲᠤᠶᠢᠯ ᠤᠨ ᠳᠥᠭᠦᠮ ᠠᠮᠠᠷ ᠪᠠᠶᠢᠳᠠᠭ᠃ | ᠮᠣᠨ᠋ᠨ ᠠᠭᠤᠯᠠ ᠪᠣᠯ ᠴᠢᠨᠠᠷ ᠰᠠᠶᠢᠲᠠᠢ ᠣᠢ ᠮᠣᠳᠣ ᠲᠠᠢ᠂ ᠡᠯᠪᠡᠭ ᠪᠠᠶᠠᠯᠢᠭ ᠡᠪᠡᠰᠦ ᠤᠷᠭᠤᠮᠠᠯ ᠪᠠ ᠠᠷᠢᠶᠠᠲᠠᠨ ᠠᠮᠢᠲᠠᠨ ᠲᠠᠢ ᠭᠡᠵᠦ ᠠᠯᠳᠠᠷᠰᠢᠭᠰᠠᠨ ᠲᠣᠮᠣ | ᠠᠭᠤᠯᠠ ᠶᠤᠮ᠃ ᠲᠡᠶᠢᠮᠦ ᠠᠴᠠ ᠤᠷᠳᠴᠤᠳ ᠥᠩᠭᠡᠷᠡᠭᠰᠡᠨ ᠳᠤ ᠮᠣᠩᠭᠤᠯ ᠭᠡᠷ ᠤᠨ ᠶᠠᠰᠤ ( ᠮᠣᠳᠣ ᠲᠣᠨᠣᠭᠬᠯᠠᠯ︶ ᠶᠢ ᠪᠦᠷ ᠮᠣᠨ᠋ᠨ ᠠᠭᠤᠯᠠ ᠶᠢᠨ ᠮᠣᠳᠣᠨ | ᠲᠠᠷᠬᠠᠨ ᠤ ᠬᠢᠭᠰᠡᠨ ᠭᠡᠷ ᠤᠨ ᠮᠣᠳᠣ ᠶᠢ ᠥᠷᠭᠡᠨ ᠬᠡᠷᠡᠭᠯᠡᠵᠦ ᠪᠠᠶᠢᠵᠠᠢ᠃ | | |