| ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠲᠠᠯᠠ ᠶᠢᠨ ᠲᠠᠪᠤᠨ ᠡᠷᠳᠡᠨᠢ ᠬᠡᠮᠡᠨ ᠲᠡᠭᠡᠳᠦᠯᠡᠳᠡᠭ ᠮᠤᠩᠭᠤᠯᠴᠣᠳ ᠲᠤ ᠮᠠᠯ ᠲᠠᠢ ᠬᠤᠯᠪᠤᠭᠳᠠᠭᠰᠠᠨ ᠵᠠᠩ ᠦᠢᠯᠡ᠂ ᠴᠡᠭᠡᠷ ᠶᠣᠰᠤ | ᠤᠯᠠᠨ ᠪᠠᠶᠢᠳᠠᠭ᠃ ᠡᠭᠦᠨ ᠳᠤ ᠬᠡᠳᠦ ᠶᠢ ᠰᠡᠶᠢᠷᠠᠬᠦᠯᠪᠡᠯ᠄ | 1. ᠮᠤᠷᠢᠨ ᠤ ᠲᠤᠯᠤᠭᠠᠢ ᠶᠢ ᠴᠣᠭᠢᠳᠠᠭ ᠦᠬᠡᠢ᠂ ︿︿ᠮᠤᠷᠢᠨ ᠲᠤᠯᠤᠭᠠᠢ ᠮᠤᠯᠤᠷ ᠡᠷᠳᠡᠨᠢ﹀﹀ ᠬᠡᠳᠡᠭ᠃ | 2. ᠤᠩᠭᠤᠨ ᠲᠠᠷᠬᠠᠨ ᠪᠤᠶᠤ ᠶᠡᠭᠡ ᠠᠴᠢ ᠦᠵᠡᠬᠦᠯᠦᠭᠰᠡᠨ ᠮᠠᠯ ᠢᠶᠠᠨ ᠠᠯᠠᠵᠤ ᠬᠤᠳᠠᠯᠳᠤᠳᠠᠭ ᠦᠬᠡᠢ᠃ | 3. ᠮᠠᠯ ᠤᠨᠤᠭᠠ ᠶᠢ ᠬᠠᠷᠠᠳᠠᠵᠤ ᠴᠤᠬᠢᠬᠤ ᠪᠤᠶᠤ ᠬᠠᠯᠠ ᠲᠠᠢ ᠡᠳ᠋ᠯᠡᠵᠦ ᠵᠤᠪᠠᠭᠠᠪᠠᠯ ᠮᠠᠯ ᠤᠨ ᠵᠠᠶᠠᠭᠠ ᠭᠤᠮᠤᠳᠠᠨᠠ ᠬᠡᠳᠡᠭ᠃ | 4. ᠮᠠᠯ ᠢ ᠠᠯᠢ ᠮᠠᠭᠤ ᠪᠠᠷ ᠬᠠᠷᠢᠶᠠᠵᠤ ᠵᠦᠬᠡᠳᠡᠭ ᠦᠬᠡᠢ᠃ | 5. ᠮᠠᠯ ᠤᠨᠤᠭᠠ ᠠᠳᠤᠭᠤᠰᠤ ᠠᠮᠢᠳᠠᠨ ᠢ ᠴᠤᠬᠢᠵᠤ ᠲᠠᠮᠤᠯᠠᠬᠤ ᠪᠤᠶᠤ ᠴᠢᠴᠢᠵᠤ ᠬᠠᠳᠬᠤᠳᠠᠭ ᠦᠬᠡᠢ᠃ | 6. ᠮᠠᠯ ᠢ ᠲᠠᠮᠦᠷ ᠢᠶᠠᠷ ᠴᠤᠬᠢᠳᠠᠭ ᠦᠬᠡᠢ᠃ | 7. ᠮᠠᠯ ᠤᠨ ᠨᠢᠳᠤ ᠰᠠᠨᠴᠢᠭ ᠵᠡᠷᠭᠡ ᠬᠡᠪᠡᠷᠡᠭ ᠭᠠᠵᠠᠷ ᠪᠤᠶᠤ ᠠᠮᠢᠨ ᠭᠠᠵᠠᠷ ᠢ ᠴᠤᠬᠢᠳᠠᠭ ᠦᠬᠡᠢ᠃ | 8. ᠮᠠᠯ ᠢ ᠰᠠᠶᠢᠳᠤᠷ ᠤᠰᠤᠯᠠᠵᠤ ᠡᠪᠡᠰᠦᠯᠡᠬᠦ ᠶᠢ ᠪᠤᠶᠠᠨ ᠤ ᠦᠢᠯᠡ ᠢᠶᠠᠷ ᠦᠵᠡᠳᠡᠭ ᠲᠤᠯᠠ ︿︿ᠮᠠᠨᠢ ᠲᠤᠭᠠᠯᠠᠬᠤ ᠪᠠᠷ ᠮᠠᠯ ᠢᠶᠠᠨ ᠤᠰᠤᠯᠠ﹀﹀ ᠬᠡᠳᠡᠭ᠃ | 9. ᠮᠠᠯ ᠤᠨᠤᠭᠠ ᠶᠢ ᠡᠩ ᠤᠨ ᠦᠶᠡ ᠳᠤ ᠶᠡᠭᠡ ᠪᠠᠷ ᠤᠶᠠᠵᠤ ᠬᠠᠭᠰᠠᠭᠠᠨ ᠦᠯᠦᠰᠬᠡᠳᠡᠭ ᠦᠬᠡᠢ᠂ ︿︿ᠡᠪᠡᠰᠦ ᠤᠰᠤᠨ ᠳᠤ ᠦᠷᠢ ᠲᠠᠢ ᠤᠤ﹀﹀ ᠬᠡᠳᠡᠭ᠃ | 10. ᠮᠠᠯ ᠤᠨ ᠬᠡᠶᠢᠮᠦᠷᠢ ᠡᠳᠦᠷ᠂ ᠵᠤᠰᠠᠭ ᠡᠷᠳᠡᠨᠢ᠂ ᠤᠯᠠᠭᠠᠨ ᠤᠯᠠᠭᠠᠭᠴᠢᠨ ᠡᠳᠦᠷ ᠤᠳ ᠲᠤ ᠮᠠᠯ ᠪᠠᠵᠠᠭᠠᠳᠠᠭ ᠦᠬᠡᠢ᠃ | 11. ᠮᠠᠯ ᠠᠳᠤᠭᠤᠰᠤ ᠶᠢ ᠠᠯᠠᠨᠠ ᠬᠢᠳᠤᠨᠠ ᠬᠡᠬᠦ ᠮᠡᠳᠦ ᠪᠠᠷ ᠬᠡᠯᠡᠳᠡᠭ ᠦᠬᠡᠢ ︿︿ᠪᠠᠵᠠᠭᠠᠨᠠ﹀﹀᠂ ︿︿ᠱᠦᠯᠦ ᠤᠤᠭᠤᠨᠠ﹀﹀᠂ ︿︿ᠭᠠᠷᠭᠠᠨᠠ﹀﹀᠂ ︿︿ | ᠢᠳᠡᠰᠢ ᠠᠪᠤᠨᠠ﹀﹀ ︿︿ᠦᠬᠦᠴᠡ ᠠᠪᠤᠨᠠ﹀﹀…… ᠬᠡᠬᠦ ᠮᠡᠳᠦ ᠪᠠᠷ ᠬᠡᠯᠡᠳᠡᠭ᠃ | 12. ᠮᠠᠯ ᠪᠠᠵᠠᠭᠠᠬᠤ ᠳᠠᠭᠠᠨ ᠵᠠᠪᠠᠯ ᠲᠤᠯᠤᠭᠠᠢ ᠶᠢ ᠨᠢ ᠬᠤᠶᠢᠰᠢ ᠬᠠᠨᠳᠤᠭᠤᠯᠳᠠᠭ᠃ | 13. ᠮᠠᠯ ᠢ ᠲᠤᠳᠠᠭᠤ ᠦᠭᠦᠭᠰᠡᠨ ᠪᠠᠶᠢᠬᠤ ᠳᠤ ᠦᠪᠴᠢᠳᠡᠭ ᠦᠬᠡᠢ᠃ | 14. ᠦᠬᠡᠷ ᠤᠨ ᠡᠪᠡᠷ ᠢ ᠴᠤᠭᠢᠳᠠᠭ ᠦᠬᠡᠢ᠂ ︿︿ᠨᠢᠬᠡ ᠦᠬᠡᠷ ᠤᠨ ᠡᠪᠡᠷ ᠢ ᠴᠤᠬᠢᠪᠠᠯ ᠮᠢᠩᠭᠠᠨ ᠦᠬᠡᠷ ᠤᠨ ᠡᠪᠡᠷ ᠲᠤᠷᠬᠢᠨᠠ﹀﹀ ᠬᠡᠳᠡᠭ᠃ | 15. ᠢᠮᠠᠭᠠᠨ ᠤ ᠰᠠᠬᠠᠯ ᠠᠴᠠ ᠴᠢᠩᠭᠠᠭᠠᠳᠠᠭ ᠦᠬᠡᠢ᠂ ︿︿ᠢᠮᠠᠭᠠ ᠬᠠᠷᠢᠨᠠ﹀﹀ ᠬᠡᠳᠡᠭ᠃ | 16. ᠰᠠᠶᠢᠨ ᠮᠤᠷᠢ ᠡᠵᠡᠨ ᠤ ᠠᠮᠢᠨ ᠳᠤ ᠤᠷᠤᠨᠡ ᠬᠡᠳᠡᠭ᠃ | 17. ᠬᠤᠷᠠᠭᠠᠨ ᠬᠤᠴᠠ ᠢᠰᠢᠬᠢᠨ ᠤᠬᠤᠨᠠ ᠶᠢ ᠰᠤᠩᠭᠤᠵᠤ ᠲᠠᠯᠪᠢᠬᠤ ᠳᠠᠭᠠᠨ ᠦᠷᠦᠮᠡ ᠲᠠᠢ ᠪᠤᠳᠠᠭᠠ ᠪᠠᠷ ᠲᠤᠯᠤᠭᠠᠢ ᠶᠢ ᠨᠢ ᠮᠢᠯᠢᠶᠠᠵᠤ ︿︿ᠮᠢᠩᠭᠠ | ᠲᠦᠮᠡ᠂ ᠮᠢᠩᠭᠠ ᠲᠦᠮᠡ﹀﹀ ᠬᠡᠵᠦ ᠢᠷᠦᠬᠡᠳᠡᠭ᠃ | 18. ᠮᠠᠯ ᠳᠤ ᠢᠮ ᠲᠠᠮᠠᠭᠠ ᠬᠢᠬᠦ ᠳᠡᠭᠡᠨ ᠮᠠᠯ ᠰᠦᠷᠦᠭ ᠢᠶᠠᠨ ᠦᠷᠡᠵᠢᠵᠦ ᠦᠰᠬᠦ ᠶᠢᠨ ᠪᠡᠯᠬᠡᠳᠡᠯ ᠲᠠᠢ ᠵᠦᠢᠯ ᠢ ᠰᠤᠩᠭᠤᠵᠤ ᠬᠢᠳᠡᠭ᠃ | 19 ᠮᠠᠯ ᠤᠨ ᠢᠶᠠᠨ ᠦᠨᠦᠴᠢᠨ ᠦᠷᠦᠬᠡᠰᠦᠨ ᠦᠳᠦ ᠲᠤᠭᠤᠯᠠᠩ ᠢ ᠪᠤᠯᠪᠠᠴᠤ ᠰᠠᠶᠢᠳᠤᠷ ᠠᠷᠠᠴᠢᠯᠠᠳᠠᠭ᠃ ᠲᠠᠶᠢᠮᠤ ᠪᠠᠷ ᠢᠶᠠᠨ ︿︿ᠦᠨᠦᠴᠢᠨ ᠢᠶᠠᠨ ᠦᠰᠬᠡᠪᠡᠯ | ᠬᠦᠮᠦᠨ ᠲᠠᠢ ᠪᠤᠯᠤᠨᠠ᠂ ᠡᠷᠭᠦᠳᠡᠭ ᠢᠶᠠᠨ ᠲᠠᠵᠢᠬᠡᠪᠡᠯ ᠮᠠᠯ ᠪᠤᠯᠤᠨᠠ﹀﹀ ᠬᠡᠳᠡᠭ᠃ | 20. ᠬᠡᠷ ᠤᠨ ᠤᠨᠢ ᠬᠠᠨᠠ ᠶᠢᠨ ᠮᠤᠳᠤ ᠶᠢ ᠮᠠᠯ ᠤᠨᠤᠭᠠᠨ ᠳᠤ ᠪᠠᠷᠢᠳᠠᠭ ᠦᠬᠡᠢ᠂ ︿︿ᠤᠨᠢ ᠶᠢᠨ ᠰᠡᠬᠡᠯᠳᠦᠷᠬᠡ ᠠᠴᠠ ᠨᠢ ᠴᠢᠷᠦᠭᠰᠡᠨ﹀﹀ ᠬᠡᠳᠡᠭ᠃ | | |