ᠤᠷᠠᠳ ᠬᠤᠪᠴᠠᠰᠤ ᠵᠠᠰᠠᠯ ᠨᠢ ᠳᠡᠪᠡᠯ᠂ ᠲᠡᠷᠯᠢᠭ ᠢ ᠵᠢᠭᠠᠳᠠᠭ᠃ ᠬᠤᠪᠴᠠᠰᠤ ᠵᠠᠰᠠᠯ ᠪᠣᠯ ᠬᠦᠮᠦᠨ ᠤ ᠡᠮᠦᠰᠬᠡᠯ ᠵᠡᠭᠦᠳᠡᠯ ᠪᠠ ᠵᠠᠰᠠᠯ ᠴᠢᠮᠡᠯ ᠪᠣᠯᠤᠨᠠ᠃ | ᠬᠤᠪᠴᠠᠰᠤ ᠬᠤᠨᠠᠷ ᠤᠨ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠤ ᠴᠢᠳᠠᠪᠬᠢ ᠪᠣᠯ ᠬᠦᠮᠦᠨ ᠤ ᠪᠡᠶᠡ ᠮᠠᠬᠠᠪᠣᠳ ᠢ ᠬᠠᠮᠠᠭᠠᠯᠠᠨ ᠰᠡᠷᠭᠡᠶᠢᠯᠡᠬᠦ ᠳᠤ ᠪᠣᠢ᠃ ᠲᠡᠷᠡ ᠨᠢ ᠬᠦᠮᠦᠨ ᠤ | ᠦᠷᠲᠡᠭ ᠤᠨ ᠨᠢᠭᠡ ᠵᠦᠢᠯ ᠤᠨ ᠢᠯᠡᠷᠡᠯ ᠪᠣᠯᠬᠤᠷ ᠨᠢᠭᠡ ᠵᠦᠢᠯ ᠤᠨ ᠳᠡᠮᠳᠡᠭ᠂ ᠠᠳᠠᠯᠢ ᠪᠣᠰᠤ ᠬᠦᠢᠰᠦᠲᠡᠨ᠂ ᠠᠳᠠᠯᠢ ᠪᠣᠰᠤ ᠰᠤᠶᠤᠯ ᠤᠨ ᠬᠠᠮᠲᠤᠷᠠᠯ ᠪᠠ ᠠᠳᠠᠯᠢ | ᠪᠣᠰᠤ ᠳᠠᠪᠬᠤᠷᠭᠠ ᠶᠢᠨ ᠬᠦᠮᠦᠨ ᠤ ᠭᠤᠸᠠ ᠰᠠᠶᠢᠬᠠᠨ ᠤ ᠲᠠᠭᠠᠰᠢᠶᠠᠯ ᠢ ᠢᠯᠡᠷᠡᠭᠦᠯᠬᠦ ᠮᠦᠷᠲᠡᠭᠡᠨ ᠠᠳᠠᠯᠢ ᠪᠣᠰᠤ ᠬᠦᠮᠦᠨ ᠨᠡᠶᠢᠭᠡᠮ ᠤᠨ ᠪᠠᠶᠢᠷᠢ ᠰᠠᠭᠤᠷᠢ ᠪᠠ ᠠᠳᠠᠯᠢ | ᠪᠣᠰᠤ ᠦᠨᠳᠦᠰᠦᠲᠡᠨ ᠤ ᠬᠠᠷᠢᠯᠴᠠᠨ ᠢᠯᠭᠠᠭᠳᠠᠬᠤ ᠭᠠᠳᠠᠷ ᠣᠨᠴᠠᠯᠢᠭ ᠪᠣᠯᠤᠨᠠ᠃ ᠤᠷᠠᠳᠴᠣᠳ᠂ ᠤᠷᠠᠳ ᠰᠤᠶᠤᠯ ᠤᠨ ᠬᠠᠮᠲᠤᠷᠠᠯ ᠤᠨ ᠬᠤᠪᠢ ᠳᠤ ᠦᠪᠡᠷ | ᠪᠣᠰᠣᠳ ᠠᠴᠠ ᠢᠯᠭᠠᠭᠳᠠᠬᠤ ᠳᠡᠪᠡᠯ ᠲᠡᠷᠯᠢᠭ ᠲᠠᠢ ᠶᠤᠮ᠃ | ᠤᠷᠠᠳ ᠳᠡᠪᠡᠯ ᠭᠡᠵᠦ ᠡᠯᠳᠡᠵᠦ ᠪᠣᠯᠪᠠᠰᠤᠷᠠᠭᠤᠯᠤᠭᠰᠠᠨ ᠬᠤᠨᠢ ᠢᠮᠠᠭᠠᠨ ᠤ ᠠᠷᠠᠰᠤ ᠪᠠᠷ ᠬᠢᠭᠰᠡᠨ ᠬᠤᠷᠮᠣᠢ᠂ ᠡᠩᠭᠡᠷ ᠲᠠᠢ ᠤᠷᠲᠦ ᠬᠤᠪᠴᠠᠰᠤ ᠶᠢ ᠵᠢᠭᠠᠳᠠᠭ᠃ | ᠳᠡᠪᠡᠯ ᠤᠨ ᠡᠳ᠋ ᠨᠢ ᠨᠡᠬᠡᠢ ᠳᠡᠪᠡᠯ ᠪᠠ ᠬᠤᠷᠠᠭᠠᠨ ᠳᠡᠪᠡᠯ ᠭᠡᠵᠦ ᠬᠤᠪᠢᠶᠠᠳᠠᠭ᠂ ᠳᠡᠪᠡᠯ ᠪᠣᠯ ᠡᠪᠦᠯ ᠤᠨ ᠡᠮᠦᠰᠭᠡᠯ ᠪᠣᠯᠣᠨᠠ᠃ | ᠲᠡᠷᠯᠢᠭ ᠭᠡᠵᠦ ᠪᠦᠰ ᠪᠣᠶᠤ ᠲᠣᠷᠭᠠ᠂ ᠠᠩᠨᠤᠭ ᠢᠶᠠᠷ ᠬᠢᠭᠰᠡᠨ ᠳᠡᠪᠡᠯ ᠲᠠᠢ ᠠᠳᠠᠯᠢ ᠬᠤᠷᠮᠤᠢ ᠲᠠᠢ᠂ ᠡᠩᠭᠡᠷ ᠲᠠᠢ ᠤᠷᠲᠦ ᠬᠤᠪᠴᠠᠰᠤ ᠶᠢ ᠬᠡᠯᠡᠳᠡᠭ᠃ | ᠲᠡᠷᠯᠢᠭ ᠪᠤᠶᠤ ᠳᠡᠪᠡᠯ ᠤᠨ ᠡᠰᠬᠡᠵᠦ ᠣᠶᠤᠬᠤ ᠶᠠᠪᠤᠴᠠ ᠨᠢ ᠦᠨᠳᠦᠰᠦᠨ ᠳᠤ ᠪᠠᠨ ᠠᠳᠠᠯᠢᠬᠠᠨ ᠪᠠᠶᠢᠳᠠᠭ ᠪᠦᠭᠡᠳ ᠪᠦᠷ ᠵᠠᠭᠠᠮᠠ ᠲᠠᠢ᠂ ᠡᠩᠭᠡᠷ ᠲᠠᠯᠠ᠂ ᠠᠷᠤ | ᠲᠠᠯᠠ᠂ ᠳᠣᠲᠤᠭᠠᠳᠤ ᠡᠩᠭᠡᠷ ᠬᠠᠨᠴᠣᠢ᠂ ᠲᠤᠭᠤᠷᠢ᠂ ᠲᠤᠪᠴᠦ᠂ ᠰᠢᠯᠪᠢ᠂ ᠣᠭᠤᠨᠤ᠂ ᠪᠦᠰᠡ ᠵᠡᠷᠭᠡ ᠪᠠᠷ ᠪᠦᠷᠢᠯᠳᠦᠳᠡᠭ᠃ ᠲᠡᠭᠡᠬᠦ ᠳᠤ ᠪᠠᠨ ᠬᠠᠨᠴᠤᠢ ᠨᠢ | ᠨᠢᠳᠤᠷᠭᠠ ᠲᠠᠢ᠂ ᠬᠤᠶᠠᠷ ᠡᠩᠭᠡᠷ ᠲᠠᠢ᠂ ᠳᠣᠲᠤᠭᠠᠳᠤ ᠬᠤᠷᠮᠤᠢ ᠨᠢ ᠭᠠᠳᠠᠭᠠᠳᠤ ᠬᠤᠷᠮᠣᠢ ᠠᠴᠠ ᠨᠢ ᠣᠬᠤᠷ᠂ ᠦᠩᠭᠡ ᠪᠦᠷᠢ ᠶᠢᠨ ᠲᠣᠷᠠᠭᠠ ᠳᠤᠷᠳᠤᠩ ᠳᠡᠭᠡᠷᠡ | ᠭᠤᠷᠪᠠᠨ ᠡᠮᠵᠢᠶᠡᠷᠢ ᠳᠡᠷᠤᠭᠤᠯᠤᠨ ᠣᠶᠤᠳᠠᠭ᠃ ᠲᠡᠷᠯᠢᠭ ᠢ ᠳᠠᠩ ᠲᠡᠷᠯᠢᠭ᠂ ᠬᠦᠪᠦᠩᠲᠡᠢ ᠲᠡᠷᠯᠢᠭ ᠭᠡᠵᠦ ᠬᠤᠪᠢᠶᠠᠳᠠᠭ᠃ | ᠲᠡᠷᠯᠢᠭ ᠢ ᠤᠷᠠᠳᠴᠣᠳ ᠦᠪᠡᠷᠲᠡᠭᠡᠨ ᠤᠶᠤᠵᠤ᠂ ᠡᠷᠡᠭᠲᠡᠢ ᠡᠮᠡᠭᠲᠡᠢ ᠭᠡᠵᠦ ᠢᠯᠭᠠᠯ ᠦᠭᠡᠢ ᠡᠮᠦᠰᠳᠡᠭ᠃ ᠡᠮᠡᠭᠲᠡᠶᠢᠴᠦᠳ ᠤᠨ ᠲᠡᠷᠯᠢᠭ ᠢ ᠪᠠᠰᠠ ᠬᠡᠦᠬᠡᠨ | ᠬᠦᠮᠦᠨ ᠤ ᠲᠡᠷᠯᠢᠭ᠂ ᠪᠦᠰᠡᠭᠦᠶᠢᠴᠦᠳ ᠤᠨ ᠲᠡᠷᠯᠢᠭ᠂ ᠨᠠᠰᠤᠲᠠᠶᠢᠴᠣᠳ ᠤᠨ ᠲᠡᠷᠯᠢᠭ ᠭᠡᠵᠦ ᠨᠠᠷᠢᠨ ᠬᠤᠪᠢᠶᠠᠳᠠᠭ᠃ ᠬᠡᠦᠬᠡᠨ ᠬᠦᠮᠦᠨ ᠤ ᠲᠡᠷᠯᠢᠭ ᠤᠨ ᠵᠠᠭᠠᠮᠠ᠂ | ᠡᠩᠭᠡᠷ᠂ ᠬᠠᠨᠴᠤᠢ ᠶᠢᠨ ᠠᠮᠠ᠂ ᠣᠨᠤᠭᠤ ᠳᠠᠭᠠᠤ ᠦᠷᠭᠡᠨ ᠰᠤᠯᠤᠩᠭᠠ ᠳᠠᠷᠤᠭᠤᠯᠳᠠᠭ ᠵᠠᠩᠰᠢᠯ ᠲᠠᠢ᠂ ᠪᠠᠰᠠ ᠳᠣᠭᠤᠯᠠᠩ ᠡᠩᠭᠡᠷ ᠲᠠᠢ ᠬᠠᠨᠵᠢᠶᠠᠷᠢ ᠡᠮᠦᠰᠳᠡᠭ᠃ | ᠪᠦᠰᠡᠭᠦᠶᠢᠴᠦᠳ ᠨᠢ ᠣᠯᠠᠩᠬᠢ ᠳᠤ ᠪᠠᠨ ᠬᠦᠬᠡ᠂ ᠴᠡᠩᠬᠡᠷ᠂ ᠬᠠᠷᠠ ᠬᠦᠬᠡ ᠦᠩᠭᠡ ᠶᠢᠨ ᠪᠦᠰ ᠪᠠᠷᠠᠭᠠ ᠶᠢ ᠶᠠᠭᠠᠨ ᠪᠤᠶᠤ ᠤᠯᠠᠭᠠᠨ ᠰᠢᠷᠭᠠᠯ ᠳᠤᠷᠳᠤᠩ ᠢᠶᠠᠷ | ᠢᠮᠵᠢᠶᠡᠷᠢᠯᠡᠨ ᠳᠣᠲᠤᠷ ᠲᠠᠢ ᠲᠡᠷᠯᠢᠭ ᠤᠤᠵᠢ ᠡᠮᠦᠰᠳᠡᠭ ᠃ ᠨᠠᠰᠤᠲᠠᠢ ᠬᠦᠮᠦᠨ ᠤ ᠬᠤᠪᠴᠠᠰᠤ ᠵᠠᠰᠠᠯ ᠳᠤ ᠬᠡᠦᠬᠡ ᠪᠤᠶᠤ ᠬᠦᠷᠡᠩ ᠳᠡᠪᠡᠯ ᠲᠡᠷᠯᠢᠭ ᠭᠤᠣᠯ | ᠪᠣᠯᠪᠠᠴᠤ ᠳᠡᠪᠡᠯ ᠲᠡᠷᠯᠢᠭ ᠤᠨ ᠪᠦᠰᠡ ᠪᠠᠷᠠᠭᠠ ᠶᠢ ᠬᠦᠨ ᠦᠩᠭᠡ ᠰᠤᠩᠭᠤᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠬᠤᠪᠴᠠᠰᠤ ᠶᠢ ᠠᠭᠤᠵᠢᠭᠤ ᠰᠢᠭ᠋ ᠡᠰᠬᠡᠵᠦ ᠤᠶᠤᠬᠤ | ᠮᠦᠷᠲᠡᠭᠡᠨ ᠴᠢᠨᠠᠷ ᠰᠠᠶᠢᠲᠠᠢ ᠪᠦᠬᠡᠯᠢᠭ ᠵᠤᠵᠠᠭᠠᠨ ᠡᠳ᠋ ᠪᠠᠷᠠᠭᠠ ᠪᠠᠷ ᠬᠢᠳᠡᠭ᠃ | |