1632-1633ᠣᠨ ᠤ ᠬᠤᠭᠤᠷᠤᠨᠳᠤ᠂ ᠬᠤᠶᠢᠲᠤ ᠠᠯᠲᠠᠨ ᠤᠯᠤᠰ ᠤᠨ ᠲᠡᠭᠷᠢ ᠶᠢᠨ ᠰᠡᠴᠡᠨ ᠤ 6-7 ᠣᠨ ᠳᠤ ᠴᠠᠬᠠᠷ ᠤᠨ ᠯᠢᠭᠳᠡᠨ ᠬᠠᠭᠠᠨ | ᠪᠠᠷᠠᠭᠤᠨᠰᠢ ᠨᠡᠭᠦᠳᠡᠯᠯᠡᠭᠰᠡᠨ ᠤ ᠳᠠᠷᠠᠭᠠ ᠪᠠᠷ ᠬᠤᠸᠠᠩᠲ᠋ᠠᠶᠢᠵᠢ ᠬᠦᠴᠦᠷᠬᠡᠭᠯᠡᠯ ᠪᠠ ᠡᠶᠡᠳᠡᠭᠦᠯᠦᠯ ᠢᠶᠠᠷ ᠵᠠᠯᠭᠠᠯᠳᠤᠭᠠ ᠪᠠᠷ ᠠᠷᠤ ᠮᠣᠩᠭᠤᠯ ᠤᠨ ᠡᠯᠡ ᠠᠶᠢᠮᠠᠭ ᠢ | ᠡᠷᠬᠡᠰᠢᠶᠡᠪᠡ᠃ ᠡᠯᠡ ᠠᠶᠢᠮᠠᠭ ᠡᠷᠬᠡᠰᠢᠶᠡᠭᠳᠡᠭᠰᠡᠨ ᠤ ᠰᠡᠭᠦᠯᠡᠷ ᠬᠤᠶᠢᠲᠤ ᠠᠯᠲᠠᠨ ᠣᠯᠣᠰ ᠤᠨ ᠳᠠᠷᠤᠯᠲᠠ ᠪᠠ ᠰᠢᠬᠠᠮᠳᠤᠯᠭᠠ ᠪᠠᠷ ᠡᠷᠭᠦᠨᠡ ᠭᠤᠣᠯ ᠤᠨ ᠣᠷᠴᠢᠮ | ᠪᠠ ᠰᠢᠷᠠᠮᠦᠷᠡᠨ ᠤ ᠤᠷᠤᠰᠬᠠᠯ ᠳᠠᠭᠠᠤ ᠤᠷᠤᠨ ᠳᠤ ᠬᠦᠷᠴᠦ ᠨᠣᠲᠤᠭᠰᠢᠨ ᠴᠠᠬᠠᠷ ᠢ ᠰᠡᠷᠭᠡᠶᠢᠯᠡᠬᠦ ᠬᠠᠯᠬᠠᠪᠴᠢ ᠪᠣᠯᠪᠠ᠃1633 ᠣᠨ ᠳᠤ ᠤᠷᠠᠳ ᠠᠶᠢᠮᠠᠭ ᠢ | ᠨᠤᠶᠠᠯᠠᠵᠤ ᠪᠠᠶᠢᠭᠰᠠᠨ ᠪᠤᠷᠬᠠᠢ ᠶᠢᠨ ᠬᠤᠶᠢᠴᠢᠰ ᠯᠠᠶᠢᠬᠠ ᠶᠢᠨ ᠠᠴᠢ ᠣᠮᠪᠤᠯᠤ᠂ ᠪᠠᠷᠰᠠᠢ ᠶᠢᠨ ᠠᠴᠢ ᠲᠤᠪᠠ᠂ ᠠᠴᠢ ᠰᠠᠷᠠᠩ ᠨᠠᠷ ᠠᠶᠢᠮᠠᠭ ᠢᠶᠠᠨ ᠳᠠᠭᠠᠭᠤᠯᠵᠤ | ᠬᠤᠶᠢᠲᠤ ᠠᠯᠲᠠᠨ ᠣᠯᠣᠰ ᠤᠨ ᠶᠡᠭᠡ ᠴᠡᠷᠢᠭ ᠢ ᠳᠠᠭᠠᠵᠤ ᠬᠠᠯᠬᠠ᠂ ᠰᠤᠯᠤᠩᠭᠤᠰ᠂ ᠮᠢᠩ ᠤᠯᠤᠰ ᠵᠡᠷᠭᠡ ᠲᠠᠢ ᠪᠠᠶᠢᠯᠳᠤᠭᠠᠳ ᠭᠠᠪᠢᠶᠠ ᠪᠠᠶᠢᠭᠤᠯᠵᠤ᠂ ᠢᠲᠡᠭᠡᠯ | ᠪᠣᠯᠤᠨ ᠰᠠᠶᠢᠰᠢᠶᠠᠯ ᠢ ᠨᠢ ᠣᠯᠪᠠ᠃ | 1648 ᠣᠨ ︵ᠡᠶᠡᠪᠡᠷ ᠵᠠᠰᠠᠭᠴᠢ ᠶᠢᠨ5 ᠣᠨ︶ ᠳᠤ ᠴᠢᠩ ᠣᠯᠣᠰ ᠠᠴᠠ ᠮᠣᠩᠭᠤᠯ ᠤᠨ ᠳᠡᠭᠡᠳᠦ ᠳᠠᠪᠬᠤᠷᠭᠠᠲᠠᠳ ᠲᠤ ᠭᠠᠪᠢᠶᠠ ᠶᠢ ᠨᠢ ᠲᠤᠭᠠᠴᠢᠵᠤ᠂ | ᠹᠦᠩᠯᠦ ᠪᠣᠯᠣᠨ ᠮᠠᠯᠵᠢᠯ ᠤᠨ ᠭᠠᠵᠠᠷ ᠬᠦᠷᠲᠡᠭᠡᠪᠡ᠃ ᠤᠷᠠᠳ ᠠᠶᠢᠮᠠᠭ ᠢ ᠡᠮᠦᠨᠡᠲᠦ᠂ ᠳᠤᠮᠳᠠᠳᠤ᠂ ᠬᠤᠶᠢᠲᠤ ᠬᠡᠮᠡᠨ ᠭᠤᠷᠪᠠᠨ ᠬᠤᠰᠢᠭᠤ ᠪᠤᠯᠭᠠᠨ ᠬᠤᠪᠢᠶᠠᠵᠤ᠂ | ᠣᠮᠪᠤ ᠶᠢᠨ ᠬᠦᠪᠡᠬᠦᠨ ᠦᠪᠡᠨ ᠢ ᠲᠦᠰᠢᠶᠡ ᠭᠦᠩ ᠡᠷᠭᠦᠮᠵᠢᠯᠡᠵᠦ᠂ ᠤᠷᠠᠳ ᠤᠨ ᠳᠤᠮᠳᠠᠳᠤ ᠬᠤᠰᠢᠭᠤ ᠶᠢ ᠵᠡᠬᠢᠷᠠᠭᠤᠯᠪᠠ᠃ ᠡᠷᠬᠡ ᠲᠠᠶᠢᠵᠢ ᠲᠤᠪᠠ ᠶᠢ ᠭᠦᠩ | ᠡᠷᠭᠦᠮᠵᠢᠯᠡᠵᠦ᠂ ᠤᠷᠠᠳ ᠤᠨ ᠬᠤᠶᠢᠲᠤ ᠬᠤᠰᠢᠭᠤ ᠶᠢ ᠵᠠᠬᠢᠷᠠᠭᠤᠯᠪᠠ᠃ ᠲᠡᠳᠡᠨ ᠳᠤ ᠬᠦᠷᠲᠡᠭᠡᠭᠰᠡᠨ ᠨᠣᠲᠤᠭ ᠪᠡᠯᠴᠢᠭᠡᠷ ᠭᠡᠪᠡᠯ ᠳᠠᠷᠤᠢ ᠪᠣᠷᠤᠲᠤᠬᠤᠢ ᠶᠢᠨ ᠬᠤᠶᠢᠲᠤ | ᠬᠡᠰᠡᠭ᠂ ᠮᠣᠨᠠ ᠠᠭᠤᠯᠠ᠂ ᠬᠤᠶᠠᠷ ᠪᠤᠭᠳᠠ ᠠᠭᠤᠯᠠ ᠶᠢᠨ ᠬᠤᠭᠤᠷᠤᠨᠳᠤᠬᠢ ᠦᠷᠭᠡᠨ ᠠᠭᠤᠳᠠᠮ ᠨᠤᠲᠤᠭ ᠳᠡᠪᠢᠰᠭᠡᠷ ᠪᠤᠯᠤᠨᠠ᠃ | ᠤᠷᠠᠳ ᠭᠤᠷᠪᠠᠨ ᠬᠤᠰᠢᠭᠤ ᠨᠤᠲᠤᠭ ᠰᠢᠯᠵᠢᠬᠦ ᠳᠤ ᠪᠠᠨ ᠨᠢᠭᠡᠯᠡ ᠳᠡᠭᠡᠷᠡ ᠨᠡᠭᠦᠳᠡᠯᠯᠡᠨ ᠢᠷᠡᠴᠢᠭᠡᠭᠰᠡᠨ ᠪᠢᠰᠢ᠂ ᠬᠤᠶᠠᠷ ᠵᠢᠯ ᠭᠠᠷᠤᠢ ᠶᠢᠨ ᠬᠤᠭᠤᠴᠠᠭᠠ ᠶᠢ | ᠬᠡᠷᠡᠭᠰᠡᠵᠦ᠂ ᠬᠤᠶᠠᠷ ᠮᠢᠩᠭᠠ ᠭᠠᠷᠤᠢ ᠺᠢᠯᠤᠮᠧᠲᠷ ᠢ ᠲᠤᠭᠤᠯᠤᠨ ᠠᠶᠠᠯᠠᠵᠤ ᠵᠣᠷᠢᠭᠰᠠᠨ ᠭᠠᠵᠠᠷ ᠲᠤ ᠪᠠᠨ ᠬᠦᠷᠴᠦ ᠢᠷᠡᠵᠡᠢ᠃ ᠭᠤᠷᠪᠠᠨ ᠬᠤᠰᠢᠭᠤᠨ ᠤ ᠵᠠᠰᠠᠭ | ᠶᠠᠮᠤᠨ ᠨᠢ ᠠᠩᠬᠠᠨ ᠤ ᠦᠶᠡ ᠳᠤ ᠪᠠᠨ ᠬᠠᠳᠠᠮᠠᠯ ᠤᠨ ᠠᠮᠠ ᠳᠤ ᠴᠤᠭ ᠰᠠᠭᠤᠷᠢᠰᠢᠵᠤ ᠪᠠᠶᠢᠵᠠᠢ᠃ |