ᠮᠣᠩᠭᠤᠯ ᠬᠠᠭᠠᠨᠲᠤ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠳᠠᠷᠠᠭᠠ ᠴᠢᠩᠭᠢᠰ ᠬᠠᠭᠠᠨ ᠲᠠᠩᠭᠤᠳ ᠤᠯᠤᠰ ᠢ ᠳᠠᠶᠢᠯᠠᠬᠤ ᠪᠠᠷ ᠮᠣᠷᠳᠠᠬᠤ ᠳᠤ ᠪᠠᠨ ᠲᠡᠮᠦᠷ | ᠬᠠᠭᠠᠯᠭᠠᠨ ᠳᠤ ᠬᠦᠷᠴᠦ ᠬᠢᠶᠤᠤ ᠲᠤᠸᠠᠨ ᠭᠡᠬᠦ ᠠᠮᠢᠲᠠᠨ ᠤ ᠴᠡᠷᠢᠭ ᠮᠣᠷᠳᠠᠭᠰᠠᠨ ᠶᠠᠪᠤᠳᠠᠯ ᠢ ᠬᠤᠷᠢᠭᠯᠠᠭᠰᠠᠨ ᠲᠣᠬᠠᠢ ᠬᠠᠰᠠᠷ ᠪᠣᠯᠤᠨ ᠶᠢᠯᠦᠢ ᠴᠦᠽᠠᠢ ᠶᠡᠭᠡ | ᠮᠠᠷᠭᠤᠭᠠᠨ ᠪᠣᠯᠵᠤ᠂ ᠴᠢᠩᠭᠢᠰ ᠬᠠᠭᠠᠨ ᠶᠢᠯᠦᠢ ᠴᠦᠽᠠᠢ ᠶᠢ《 ᠶᠡᠭᠡ ᠮᠡᠷᠭᠡᠨ》 ᠭᠡᠵᠦ ᠢᠲᠡᠭᠡᠳᠡᠭ ᠲᠤᠯᠠ ᠬᠠᠰᠠᠷ ᠤᠨ ᠣᠪᠤᠷ ᠢ ᠪᠤᠷᠤᠭᠤ ᠭᠡᠵᠦ ᠪᠤᠷᠤᠭᠤᠰᠢᠶᠠᠨ | ᠳᠣᠩᠭᠤᠳᠪᠠ᠃ ᠲᠡᠭᠡᠭᠡᠳ ᠮᠣᠩᠭᠤᠯ ᠤᠨ ᠴᠡᠷᠢᠭ ᠮᠤᠨᠠ ᠶᠢᠨ ᠬᠤᠱᠤᠤ ᠳᠤ ᠪᠠᠭᠤᠭᠰᠠᠨ ᠳᠤ ᠨᠢᠭᠡᠨ ᠤᠭᠤᠯᠢ ᠡᠳᠦᠷ ᠢᠶᠠᠷ ᠪᠠᠷᠬᠢᠷᠠᠵᠤ ᠰᠠᠭᠤᠬᠤ ᠳᠤ᠂ ᠴᠢᠩᠭᠢᠰ | ᠬᠠᠭᠠᠨ ᠰᠠᠵᠢᠭ ᠲᠦᠷᠢᠵᠤ᠂ ᠬᠠᠰᠠᠷ ᠲᠤ ᠵᠠᠷᠯᠢᠭ ᠪᠠᠭᠤᠯᠭᠠᠨ《 ᠬᠠᠷᠪᠤ 》ᠭᠡᠰᠡᠨ ᠳᠤ ᠬᠠᠰᠠᠷ ᠬᠠᠷᠪᠤᠭᠠᠳ ᠣᠨᠤᠭᠰᠠᠨ ᠨᠢ ᠤᠭᠤᠯᠢ ᠪᠢᠰᠢ᠂ ᠬᠠᠷᠢᠨ ᠱᠠᠭᠠᠵᠠᠭᠠᠢ | ᠳᠠᠭᠠᠷᠢᠭᠳᠠᠭᠰᠠᠨ ᠪᠠᠶᠢᠵᠠᠢ᠃ ᠡᠭᠦᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠶᠡᠬᠡᠳᠡ ᠬᠢᠯᠢᠩᠨᠡᠵᠦ᠂ ᠳᠣᠣᠷᠠ ᠨᠢ ᠵᠠᠷᠯᠢᠭ ᠪᠠᠭᠤᠯᠭᠠᠨ ᠭᠢᠨᠵᠢ ᠳᠦᠩᠬᠡ ᠵᠡᠭᠦᠯᠭᠡᠨ᠂ ᠪᠡᠯᠭᠡ | ᠳᠡᠮᠪᠢᠷᠠᠯ ᠤᠨ ᠰᠢᠨᠵᠢ ᠶᠢ ᠡᠪᠳᠡᠯᠡᠭᠴᠢ ᠭᠡᠮᠡᠨ ᠂ ᠣᠳᠣ ᠶᠢᠨ ᠬᠦᠪ ᠤᠨ ᠠᠷᠤ ᠪᠣᠯᠬᠤ ᠬᠤᠶᠠᠷ ᠮᠣᠯᠴᠤᠭ ᠤᠨ ᠬᠤᠭᠤᠷᠤᠨᠳᠤ ᠨᠢᠭᠡᠨ ᠬᠤᠷᠢᠨ ᠬᠡᠳᠦᠨ ᠳᠦᠷᠪᠡᠯᠵᠢᠨ | ᠮᠧᠲᠷ ᠤᠨ ᠬᠠᠭᠤᠷᠠᠢ ᠬᠤᠳᠳᠤᠭ ᠮᠠᠯᠲᠠᠵᠤ ᠬᠤᠷᠢᠵᠤ ᠲᠠᠯᠪᠢᠭᠠᠳ᠂18 ᠬᠦᠮᠦᠨ ᠢᠶᠠᠷ ᠰᠠᠬᠢᠨ ᠮᠠᠨᠠᠭᠤᠯᠵᠤ᠂ ᠡᠳᠦᠷ ᠪᠦᠷᠢ ᠠᠩ ᠭᠦᠷᠦᠭᠡᠨ ᠤ ᠮᠢᠬᠠ ᠶᠢ ᠴᠣᠬᠢᠨ | ᠦᠭᠴᠦ᠂ ᠠᠮᠢ ᠵᠠᠯᠭᠠᠭᠤᠯᠤᠨ ᠪᠠᠶᠢᠵᠤ ᠵᠠᠭᠤᠨ ᠬᠤᠨᠤᠭ ᠪᠣᠯᠵᠠᠢ᠃1225 ᠣᠨ ᠳᠤ ᠴᠢᠩᠭᠢᠰ ᠬᠠᠭᠠᠨ ᠴᠡᠷᠢᠭ ᠳᠠᠶᠢᠴᠢᠯᠠᠨ ᠪᠠᠷᠠᠭᠤᠨᠰᠢ ᠬᠠᠷᠠ ᠬᠢᠲᠠᠨ | ᠰᠠᠷᠲᠠᠭᠤᠯ ᠣᠯᠣᠰ ᠢ ᠳᠠᠶᠢᠴᠢᠯᠠᠬᠤ ᠳᠤ ᠤᠷᠢᠳ ᠡᠮᠦᠨᠡ ᠭᠠᠷᠤᠭᠠ ᠦᠭᠡᠢ ᠶᠡᠭᠡ ᠬᠤᠬᠢᠷᠠᠯ ᠳᠤ ᠤᠴᠠᠷᠠᠵᠤ᠂ ᠶᠠᠭᠠᠬᠢᠭᠰᠠᠨ ᠴᠦ ᠢᠯᠠᠯᠲᠠ ᠣᠯᠵᠤ ᠴᠢᠳᠠᠬᠤ | ᠦᠭᠡᠢ ᠪᠣᠯᠬᠤ ᠳᠤ ᠪᠠᠨ ᠵᠠᠶᠠᠭᠠ ᠪᠣᠳᠤᠭᠴᠢ ᠪᠠᠷ ᠲᠦᠯᠦᠭᠡᠳᠡᠭᠦᠯᠵᠦ ᠦᠵᠡᠭᠦᠯᠦᠭᠰᠡᠨ ᠳᠤ᠂〈 ᠳᠡᠭᠦᠦ ᠬᠠᠰᠠᠷ ᠴᠢᠨᠢ ᠳᠠᠶᠢᠨ ᠤ ᠡᠮᠦᠨᠡ ᠶᠠᠪᠤᠬᠤ ᠦᠭᠡᠢ ᠪᠣᠯ | ᠢᠯᠠᠯᠲᠠ ᠣᠯᠵᠤ ᠳᠡᠶᠢᠯᠬᠦ ᠦᠭᠡᠢ〉 ᠭᠡᠵᠡᠢ᠃ ᠭᠡᠳᠡᠯᠡ ᠲᠠᠩᠭᠤᠳ ᠤᠨ ᠨᠢᠭᠡᠨ ᠬᠠᠷᠢᠶᠠᠯᠴᠢ ᠬᠠᠷᠠ ᠡᠮᠡᠭᠡᠨ ᠭᠡᠭᠴᠢ ᠪᠠᠰᠠ ᠨᠢᠭᠡᠨ ᠪᠣᠷᠬᠠᠨ ᠤ ᠪᠦᠷᠢᠯᠸᠠ ᠲᠠᠢ | ᠬᠦᠮᠦᠨ᠂ ᠣᠳᠣᠬᠢ ᠶᠢᠨ ᠬᠠᠲᠤᠨ ᠭᠤᠣᠯ ᠤᠨ ᠬᠤᠶᠢᠲᠤ ᠬᠦᠪᠡᠭᠡᠨ ᠤ ᠣᠷᠴᠢᠮ᠂ ᠮᠤᠨᠠ ᠬᠤᠱᠤᠤ ᠤᠨ ᠡᠮᠦᠨᠡ ᠪᠡᠶᠡ ᠪᠠᠷ ᠠᠮᠢᠳᠤᠷᠠᠵᠤ ᠪᠠᠶᠢᠭᠰᠠᠨ ᠢᠶᠠᠷ᠂ | ᠮᠣᠩᠭᠤᠯ ᠤᠨ ᠴᠡᠷᠢᠭ ᠲᠤ ᠬᠠᠷᠢᠶᠠᠯ ᠲᠤᠰᠬᠠᠭᠰᠠᠨ ᠠᠴᠠ ᠬᠦᠴᠢᠷᠬᠦ ᠬᠦᠮᠦᠨ ᠦᠭᠡᠢ ᠪᠠᠶᠢᠳᠠᠯ ᠳᠣᠣᠷᠠ ᠲᠦᠯᠡᠭᠴᠢ ᠠᠴᠠ〈 ᠬᠠᠰᠠᠷ ᠯᠠ ᠬᠦᠴᠦᠷᠡᠨᠡ〉 ᠭᠡᠵᠡᠢ᠃ | ᠴᠢᠩᠭᠢᠰ ᠬᠠᠭᠠᠨ ᠡᠨᠡ ᠦᠶᠡ ᠳᠤ ᠳᠣᠣᠷᠠ ᠨᠢ ᠬᠠᠰᠠᠷ ᠢ ᠴᠢᠯᠦᠭᠡᠯᠡᠵᠦ ᠵᠠᠷᠯᠢᠭ ᠪᠣᠯᠪᠠ᠃ ᠬᠠᠰᠠᠷ ᠪᠡᠶᠡ ᠵᠣᠭᠤᠭ ᠲᠠᠢ ᠪᠠᠶᠢᠭᠰᠠᠨ ᠢᠶᠠᠷ ᠢᠶᠠᠨ〈 ᠨᠠᠳᠠ ᠳᠤ | ᠵᠠᠭᠤᠨ ᠬᠠᠷᠠ ᠬᠤᠨᠢ ᠪᠡᠯᠡᠳᠬᠡᠵᠦ᠂ ᠨᠢᠭᠡ ᠡᠳᠦᠷ ᠨᠢᠭᠡ ᠬᠤᠨᠢᠨ ᠤ ᠮᠢᠬᠠᠨ ᠱᠦᠯᠦ ᠢᠳᠡᠵᠦ ᠣᠣᠭᠤᠭᠠᠳ᠂ ᠵᠠᠭᠤᠨ ᠬᠤᠨᠤᠭ ᠪᠡᠶᠡ ᠪᠠᠨ ᠰᠣᠪᠢᠯᠠᠵᠤ ᠲᠠᠮᠢᠷ | ᠲᠡᠩᠬᠡᠭᠡ ᠲᠠᠢ ᠪᠣᠯᠴᠢᠬᠠᠪᠠᠯ ᠠᠷᠭᠠᠴᠠᠭᠠᠶᠠ〉 ᠭᠡᠵᠡᠢ᠃ᠡᠶᠢᠨᠬᠦ ᠬᠠᠰᠠᠷ ᠣᠳᠣ ᠶᠢᠨ ᠮᠢᠩᠭᠠᠨ ᠤ ᠠᠭᠤᠶᠢᠲᠤ ᠶᠢᠨ ᠠᠭᠤᠯᠠᠨ ᠳᠤ ᠰᠠᠭᠤᠵᠤ᠂ ᠡᠳᠦᠷ ᠪᠦᠷᠢ ᠬᠠᠷᠠ | ᠬᠤᠨᠢᠨ ᠤ ᠮᠢᠬᠠᠨ ᠱᠦᠯᠦ ᠢᠳᠡᠵᠦ ᠲᠠᠮᠢᠷ ᠢᠶᠠᠨ ᠪᠣᠯᠪᠠᠰᠤᠷᠠᠬᠤ ᠳᠤ ᠪᠠᠨ ᠣᠳᠣ ᠶᠢᠨ ᠰᠠᠭᠠᠳᠠᠭ ᠰᠤᠮᠤᠨ ᠤ ᠤᠯᠠᠭᠠᠨ ᠤ ᠣᠷᠤᠢ ᠠᠴᠠ ᠵᠦᠩ ᠪᠦᠷᠢ ᠨᠣᠮᠤ ᠰᠤᠮᠤ | ᠬᠠᠷᠪᠤᠵᠤ ᠪᠣᠯᠪᠠᠰᠤᠷᠠᠯ ᠬᠢᠵᠦ ᠪᠠᠶᠢᠵᠠᠢ᠃ ᠨᠣᠮᠤ ᠰᠤᠮᠤᠨ ᠤ ᠬᠠᠷᠪᠤᠭᠰᠠᠨ ᠬᠠᠳᠠ ᠴᠢᠯᠠᠭᠠᠤᠨ ᠤ ᠣᠷᠤ ᠮᠦᠷ ᠬᠤᠶᠠᠷ ᠭᠠᠵᠠᠷ ᠪᠠᠶᠢᠵᠠᠢ᠃ | ᠬᠠᠰᠠᠷ ᠪᠤᠭᠳᠠ᠂ ᠵᠠᠭᠤᠨ ᠬᠤᠨᠤᠭ ᠤᠨ ᠪᠣᠯᠪᠠᠰᠤᠷᠠᠯᠲᠠ ᠪᠠᠷ ᠲᠠᠮᠢᠷ ᠲᠡᠩᠬᠡᠭᠡ ᠲᠠᠢ ᠪᠣᠯᠵᠤ᠂ ᠬᠠᠷᠢᠶᠠᠯᠴᠢ ᠬᠠᠷᠠ ᠡᠮᠡᠭᠡᠨ ᠤ ᠬᠤᠳᠳᠤᠭ ᠳᠡᠭᠡᠷᠡ ᠤᠰᠤ | ᠬᠤᠳᠬᠤᠬᠤ ᠵᠠᠪᠰᠢᠶᠠᠨ ᠢ ᠳᠠᠯᠢᠮᠳᠠᠭᠤᠯᠵᠤ᠂ ᠨᠢᠭᠡ ᠯᠡ ᠬᠠᠷᠪᠤᠭᠠᠳ ᠣᠨᠤᠬᠤ ᠵᠠᠭᠤᠷᠠ ᠬᠠᠷᠠ ᠡᠮᠡᠭᠡᠨ᠄ ᠢᠯᠠᠢ ᠬᠠᠯᠠᠬᠠᠢ︕ ᠭᠡᠵᠦ ᠬᠠᠮᠬᠤᠰ ᠠᠴᠠ ᠰᠢᠭᠦᠷᠳᠡᠨ | ᠠᠪᠬᠤ ᠳᠠᠭᠠᠤ ᠭᠠᠷ ᠨᠢ ᠰᠢᠪᠲᠤᠷᠴᠦ ᠬᠠᠵᠠᠭᠤ ᠲᠡᠰᠢ ᠪᠠᠨ ᠤᠨᠤᠬᠤ ᠳᠤ ᠪᠠᠨ ᠬᠠᠷᠠ ᠬᠠᠷᠢᠶᠠᠯ ᠢᠶᠠᠨ ᠲᠠᠯᠪᠢᠵᠤ ᠬᠠᠮᠬᠤᠰ ᠢ᠄〈 ᠤᠷᠭᠤᠬᠤ ᠪᠠᠷ ᠢᠶᠠᠨ | ᠤᠷᠭᠠ᠂ ᠦᠨᠳᠦᠰᠦ ᠪᠠᠷ ᠢᠶᠠᠨ ᠡᠷᠭᠢ᠂ ᠬᠠᠷᠠ ᠬᠤᠨᠢ ᠬᠤᠲᠤᠨ ᠳᠤ ᠰᠦᠷᠦᠭ ᠪᠣᠯᠬᠤ ᠦᠭᠡᠢ〉 ᠭᠡᠳ ᠠᠮᠢ ᠵᠠᠯᠠᠷᠠᠪᠠ᠃ ᠭᠠᠷ ᠲᠤᠨᠢ ᠪᠠᠶᠢᠭᠰᠠᠨ ᠰᠢᠨᠠᠭᠠ ᠨᠢ | ᠦᠰᠦᠷᠦᠭᠡᠳ ᠣᠳᠤ ᠶᠢᠨ ᠰᠢᠨᠠᠭᠠ ᠶᠢᠨ ᠠᠭᠤᠯᠠ ᠪᠣᠯᠤᠨ ᠪᠦᠷᠢᠳᠦᠵᠦ᠂ ᠳᠣᠲᠤᠷᠠ ᠨᠢ ᠪᠠᠶᠢᠭᠰᠠᠨ ᠤᠰᠤ ᠨᠢ ᠣᠳᠤ ᠶᠢᠨ ᠤᠯᠢᠶᠠᠰᠤ ᠨᠠᠭᠤᠷ ᠪᠤᠯᠤᠨ | ᠬᠤᠪᠢᠷᠠᠵᠤ᠂ ᠬᠠᠰᠠᠷ ᠤᠨ ᠰᠠᠭᠠᠳᠠᠭ ᠨᠢ ᠣᠳᠤ ᠶᠢᠨ ᠤᠷᠠᠳ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠰᠠᠭᠠᠳᠠᠭ ᠭᠡᠬᠦ ᠭᠠᠵᠠᠷ ᠲᠤ ᠬᠦᠷᠦᠭᠰᠡᠨ ᠠᠴᠠ ᠰᠠᠭᠠᠳᠠᠭ ᠭᠡᠮᠡᠨ | ᠨᠡᠷᠡᠯᠡᠭᠳᠡᠪᠡ ᠭᠡᠪᠡ᠃ ᠬᠠᠷᠠ ᠡᠮᠡᠭᠡᠨ ᠵᠠᠯᠠᠷᠠᠭᠰᠠᠨ ᠠᠴᠠ ᠬᠠᠰᠠᠷ ᠴᠡᠷᠢᠭ ᠳᠠᠶᠢᠴᠢᠯᠠᠵᠤ ᠰᠠᠷᠲᠠᠭᠤᠯ ᠤᠯᠤᠰ ᠢ ᠪᠠᠶᠢᠯᠳᠤᠨ ᠳᠡᠶᠢᠯᠦᠭᠡᠳ᠂ ᠮᠣᠩᠭᠤᠯ ᠤᠨ ᠲᠡᠦᠬᠡᠨ ᠢ | ᠪᠠᠰᠠ ᠨᠢᠭᠡᠨ ᠤᠳᠠᠭᠠ ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠪᠠᠶᠢᠭᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡᠬᠦ ᠳᠣᠮᠤᠭ ᠨᠢ ᠠᠷᠠᠳ ᠤᠨ ᠳᠣᠮᠳᠠ ᠤᠯᠠᠮᠵᠢᠯᠠᠭᠳᠠᠨ ᠣᠳᠣ ᠪᠣᠯᠲᠠᠯᠠ | ᠬᠡᠯᠡᠯᠴᠡᠭᠰᠡᠭᠡᠷ ᠪᠦᠭᠡᠳ ᠲᠡᠷᠡᠬᠦ ᠬᠠᠰᠠᠷ ᠢ ᠬᠤᠷᠢᠵᠤ ᠪᠠᠶᠢᠭᠰᠠᠨ ᠬᠠᠭᠤᠷᠠᠢ ᠬᠤᠳᠳᠤᠭ ᠤᠨ ᠣᠷᠤ ᠮᠦᠷ ᠦᠯᠡᠳᠡᠭᠳᠡᠭᠰᠡᠭᠡᠷ ᠪᠦᠭᠡᠳ ᠣᠯᠠᠨ ᠠᠷᠪᠢᠨ ᠨᠣᠲᠤᠭ ᠤᠨ | ᠪᠤᠭᠤᠷᠤᠯᠴᠳᠳ᠂ ᠬᠦᠭᠰᠢᠳ ᠠᠴᠠ ᠳᠡᠭᠡᠳᠦᠰ ᠠᠴᠠ ᠵᠢᠭᠠᠵᠤ ᠢᠷᠡᠯᠡ ᠭᠡᠰᠡᠨ ᠬᠡᠯᠡᠯᠭᠡ ᠪᠠᠶᠢᠬᠤ ᠳᠠᠭᠠᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠲᠤ ᠲᠡᠮᠳᠡᠭᠯᠡᠭᠳᠡᠵᠦ᠂ ᠣᠨ | ᠵᠢᠯ ᠤᠨ ᠤᠳᠠᠭᠠᠨ ᠳᠤ ᠡᠯᠡᠰᠤᠨ ᠳᠤ ᠳᠠᠷᠤᠭᠳᠠᠭᠰᠠᠨ ᠣᠷᠤ ᠮᠦᠷ ᠢ ᠨᠡᠶᠢᠭᠡᠮ ᠳᠤ ᠳᠣᠮᠤᠭ ᠦᠯᠢᠭᠡᠷ ᠤᠨ ᠨᠢᠭᠡᠨ ᠬᠠᠨᠳᠢᠪ ᠪᠣᠯᠬᠤ《 ᠬᠠᠰᠠᠷ ᠨᠤᠲᠤᠭ》 ᠭᠡᠰᠡᠨ | ᠭᠠᠵᠠᠷ ᠨᠣᠲᠤᠭ ᠢ ᠦᠯᠡᠳᠡᠭᠡᠬᠦ ᠶᠢᠨ ᠲᠦᠯᠦᠭᠡ ᠬᠤᠰᠢᠭᠤ ᠵᠠᠰᠠᠭ ᠠᠴᠠ ᠬᠠᠮᠠᠭᠠᠯᠠᠵᠤ ᠬᠦᠷᠢᠶᠡᠯᠡᠵᠦ ᠠᠪᠤᠭᠰᠠᠨ ᠶᠤᠮ᠃《 ᠬᠠᠰᠠᠷ ᠪᠣᠭᠳᠠ ᠶᠢᠨ ᠮᠣᠨᠠ ᠶᠢᠨ | ᠬᠤᠱᠤᠤ ᠳᠤ ᠪᠣᠯᠤᠭᠰᠠᠨ ᠠᠷᠠᠳ ᠤᠨ ᠠᠮᠠᠨ ᠳᠤᠮᠤᠭ》 ᠨᠢ ᠠᠷᠠᠳ ᠤᠨ ᠠᠮᠠᠨ ᠶᠠᠷᠢᠶᠠ ᠪᠠᠷ ᠤᠯᠠᠮᠵᠢᠯᠠᠭᠳᠠᠨ ᠨᠢᠭᠡᠨᠲᠡ ᠳᠣᠯᠤᠭᠠᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ | ᠲᠡᠦᠬᠡ ᠲᠠᠢ ᠪᠣᠯᠵᠠᠢ᠃ ᠲᠣᠬᠠᠢ ᠶᠢᠨ ᠦᠶᠡ ᠳᠤ ᠪᠦᠬᠦᠶᠢᠯᠡ ᠮᠣᠩᠭᠤᠯ ᠣᠷᠤᠨ ᠳᠤ ᠠᠮᠠᠨ ᠶᠠᠷᠢᠶᠠ ᠪᠠᠷ ᠳᠡᠯᠭᠡᠷᠡᠭᠡᠳ᠂ ᠣᠨᠴᠠᠭᠠᠶᠢᠯᠠᠨ ᠬᠠᠰᠠᠷ ᠪᠤᠭᠳᠠ ᠶᠢᠨ | ᠬᠠᠷᠢᠶᠠᠲᠤ ᠨᠤᠲᠤᠭ ᠲᠤ ᠳᠡᠭᠡᠳᠦᠰ ᠬᠠᠰᠠᠷ ᠢᠶᠠᠨ ᠰᠢᠲᠦᠨ ᠲᠠᠬᠢᠬᠤ ᠳᠤ ᠪᠠᠨ ᠲᠡᠭᠦᠨ ᠤ ᠮᠣᠩᠭᠤᠯ ᠬᠠᠭᠠᠨᠲᠦ ᠤᠯᠤᠰ ᠤᠨ ᠦᠷᠨᠢᠨ ᠬᠦᠭᠵᠢᠯ ᠦᠵᠡᠭᠦᠯᠦᠭᠰᠡᠨ | ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠵᠢᠳᠭᠦᠯ᠂ ᠡᠵᠡᠨ ᠲᠦᠷᠦ ᠳᠤ ᠪᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠶᠢᠭᠰᠠᠨ ᠠᠭᠤᠤ ᠶᠡᠭᠡ ᠵᠣᠷᠢᠭ ᠰᠠᠨᠠᠭᠠ ᠶᠢ ᠡᠷᠬᠢᠨ ᠳᠡᠭᠡᠳᠦ《 | ᠣᠪᠢᠳᠠᠰ》 ᠭᠡᠮᠡᠨ ᠰᠢᠳᠡᠴᠢᠯᠡᠳᠡᠭ᠃ ᠬᠠᠰᠠᠷ ᠪᠣᠯ ᠴᠢᠩᠭᠢᠰ ᠬᠠᠭᠠᠨ ᠢ ᠳᠡᠳᠭᠦᠨ ᠳᠡᠮᠵᠢᠵᠦ ᠪᠠᠶᠢᠭᠰᠠᠨ《 ᠶᠡᠷᠦ ᠪᠣᠰᠤ》 ᠶᠢᠨ ᠲᠡᠦᠬᠡᠲᠦ ᠬᠦᠮᠦᠨ ᠪᠣᠯᠤᠨᠠ᠃ | ᠲᠤᠰ ᠳᠣᠮᠤᠭ ᠠᠴᠠ ᠬᠠᠰᠠᠷ ᠤᠨ ᠡᠵᠡᠨ ᠲᠦᠷᠦ ᠳᠤ ᠪᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠶᠢᠭᠰᠠᠨ ᠵᠣᠷᠢᠭ ᠰᠠᠨᠠᠭᠠ ᠶᠢ ᠪᠦᠷᠢᠮᠰᠤᠨ ᠬᠠᠷᠠᠭᠤᠯᠵᠤ ᠪᠣᠯᠤᠨᠠ᠃ |