ᠠᠷᠢᠬᠢ ᠨᠡᠷᠡᠬᠦ ᠳᠤ ᠲᠤᠮᠤ ᠰᠢᠷᠡᠮᠦᠨ ᠲᠤᠭᠤᠭᠠ᠂ ᠪᠦᠷᠬᠦᠭᠡᠷ᠂ ᠵᠢᠯᠠᠪᠴᠢ᠂ ᠲᠤᠰᠬᠤᠭᠤᠷ ᠵᠡᠷᠭᠡ ᠶᠢ ᠬᠡᠷᠡᠭᠯᠡᠳᠡᠭ᠃ ᠪᠦᠷᠬᠦᠭᠡᠷ ᠢ ᠪᠤᠷᠭᠠᠰᠤ ᠳᠤ ᠭᠦᠷᠦᠵᠦ | ᠬᠢᠭᠡᠳ ᠰᠢᠪᠠᠭ᠋ᠤ ᠪᠣᠶᠣ ᠵᠦᠰᠦᠮᠡᠯ ᠮᠣᠳᠣ ᠶᠢ ᠰᠢᠭᠠᠵᠤ ᠬᠢᠬᠦ ᠪᠠ ᠪᠦᠳᠦᠭᠦᠨ ᠮᠣᠳᠣ ᠶᠢ ᠮᠠᠯᠳᠠᠵᠤ ᠬᠢᠳᠡᠭ᠃ ᠠᠷᠢᠬᠢ ᠨᠡᠷᠡᠬᠦ ᠳᠤ ᠪᠠᠨ ᠪᠦᠷᠭᠦᠬᠡᠷ ᠤᠨ ᠳᠤᠤᠷᠠᠲᠤ | ᠠᠮᠠᠰᠠᠷ ᠢ ᠲᠤᠭᠤᠭᠠᠨ ᠤ ᠢᠷᠮᠡᠭ ᠲᠠᠢ ᠬᠡᠢ ᠵᠠᠢ ᠦᠭᠡᠢ ᠨᠠᠭᠠᠯᠳᠤᠭᠤᠯᠤᠨ ᠲᠠᠯᠪᠢᠵᠤ᠂ ᠪᠦᠷᠬᠦᠭᠡᠷ ᠳᠤᠲᠤᠷᠠ ᠵᠢᠯᠠᠪᠴᠢ ᠶᠢᠨ ᠬᠦᠢᠰᠦᠨ ᠳᠤᠤᠷᠠ ᠲᠤᠰᠬᠤᠭᠤᠷ | ᠰᠠᠪᠠ ᠪᠠᠨ ᠲᠡᠭᠰᠢᠬᠡᠨ ᠳᠡᠭᠦᠵᠢᠯᠡᠵᠦ᠂ ᠪᠦᠷᠬᠦᠭᠡᠷ ᠤᠨ ᠳᠡᠭᠡᠳᠦ ᠠᠮᠠᠰᠠᠷ ᠲᠤ ᠵᠢᠯᠠᠪᠴᠢ ᠪᠠᠨ ᠲᠠᠭᠠᠷᠠᠭᠤᠯᠤᠨ ᠲᠡᠭᠰᠢᠬᠡᠨ ᠲᠠᠯᠪᠢᠨᠡ᠃ ᠲᠡᠭᠡᠭᠡᠳ ᠵᠢᠭᠲᠡ ᠭᠠᠯ ᠢᠶᠠᠷ | ᠴᠠᠭᠠ ᠪᠠᠨ ᠬᠠᠯᠠᠭᠠᠵᠤ᠂ ᠵᠢᠯᠠᠪᠴᠢᠨ ᠳᠤ ᠬᠦᠢᠲᠡᠨ ᠤᠰᠤ ᠬᠢᠵᠦ ᠰᠠᠮᠤᠷᠤᠨᠠ᠃ ᠵᠢᠯᠠᠪᠴᠢᠨ ᠤ ᠤᠰᠤ ᠬᠠᠯᠠᠪᠠᠯ ᠠᠭᠤᠳᠠᠯᠤᠨ ᠠᠪᠴᠤ ᠳᠠᠬᠢᠨ ᠬᠦᠢᠲᠡᠨ ᠤᠰᠤ ᠪᠠᠷ | ᠰᠣᠯᠢᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠤᠰᠤ ᠶᠢ 4~6 ᠣᠳᠠᠭᠠ ᠰᠣᠯᠢᠨᠠ᠃ ᠡᠨᠡ ᠮᠡᠲᠦ ᠪᠠᠷ ᠨᠡᠷᠡᠵᠦ ᠭᠠᠷᠭᠠᠭᠰᠠᠨ ᠠᠷᠢᠬᠢ ᠪᠠᠨ ᠪᠢᠲᠡᠭᠦᠦ ᠪᠣᠭᠤᠵᠣ ᠲᠠᠯᠪᠢᠭᠠᠳ | ᠬᠦᠷᠦᠭᠡᠪᠡᠯ ᠳᠠᠷᠤᠢ ᠠᠷᠢᠬᠢ ᠨᠡᠷᠡᠬᠦ ᠪᠦᠬᠦ ᠶᠠᠪᠤᠴᠠ ᠳᠠᠭᠤᠰᠳᠠᠭ᠃ ᠠᠷᠢᠬᠢ ᠶᠢ ᠳᠠᠬᠢᠨᠲᠠ ᠨᠡᠷᠡᠵᠦ ᠪᠣᠯᠳᠠᠭ᠃ ᠡᠶᠢᠮᠦ ᠠᠴᠠ ︽ᠠᠷᠪᠠᠨ ᠲᠤᠭᠤᠭᠠᠨ ᠤ ᠠᠷᠠᠵᠠ ᠂ | ᠬᠤᠷᠢᠨ ᠲᠤᠭᠤᠭᠠᠨ ᠤ ᠬᠤᠷᠠᠵᠠ︾ ᠬᠡᠯᠴᠡᠳᠡᠭ᠃ ᠤᠰᠤ ᠶᠢ ᠬᠡᠳᠦ ᠠᠷᠪᠢᠨ ᠰᠣᠯᠢᠪᠠᠯ ᠠᠷᠢᠬᠢᠨ ᠤ ᠬᠦᠴᠦ ᠰᠤᠯᠠᠷᠠᠨ᠂ ᠤᠰᠤ ᠨᠢ ᠬᠡᠳᠦ ᠪᠠᠭᠠᠳᠪᠠᠯ ᠠᠷᠢᠬᠢ | ᠳᠡᠩᠳᠡᠭᠦᠦ ᠬᠦᠴᠦ ᠲᠠᠢ ᠪᠣᠯᠣᠨᠠ᠃ ᠠᠷᠢᠬᠢᠨ ᠤ ᠴᠢᠨᠠᠷ ᠢ ᠰᠢᠯᠭᠠᠬᠤ ᠳᠤ ᠬᠠᠯᠠᠭᠤᠨ ᠠᠷᠢᠬᠢᠨ ᠤ ᠳᠡᠭᠡᠵᠢ ᠶᠢ ᠭᠠᠯ ᠳᠤ ᠡᠷᠭᠦᠬᠦ ᠳᠤ ᠤᠨᠲᠠᠷᠠᠬᠤ ᠰᠢᠨᠵᠢ ᠲᠠᠢ ᠪᠣᠯ | ᠰᠤᠯᠠᠪᠲᠤᠷ᠂ ᠬᠠᠷᠢᠨ ᠲᠦᠷ ᠭᠢᠲᠡᠯᠡ ᠭᠠᠯ ᠮᠠᠨᠳᠤᠪᠠᠯ ᠬᠦᠴᠦᠲᠡᠢ ᠰᠠᠶᠢᠨ ᠠᠷᠢᠬᠢ ᠪᠣᠯᠣᠨᠠ᠃ |